No menu items!
20.9 C
Sri Lanka
28 March,2024

මහ මැතිවරණය තෙක් මැතිසබය වහන්න යයි

Must read

අත්‍යවශ්‍ය වැඩවලට දින කිහිපයක් අරියි

වාර අවසාන කර ඇති පාර්ලිමේන්තුව ජනවාරි 02 වැනිදා කැඳවීමෙන් පසුව නැවත වතාවක් වාර අවසන් කොට, මහමැතිවරණය දක්වා පාර්ලිමේන්තුවේ ක‍්‍රියාකාරීත්වය අඩපණ කිරීමට ආණ්ඩුවේ සැලසුමක් ඇතැයි වාර්තා වෙයි.

ඒ පිළිබඳව කළ විමසීමකදී අදහස් දක්වමින් ආණ්ඩුවේ සාමාජික පක්ෂයක නායකයෙකු අනිද්දා සමඟ ප‍්‍රකාශ කළේ ජනවාරි 02 වැනිදා පාර්ලිමේන්තුව කැඳවා ජනාධිපති ගෝඨාභය රාජපක්ෂ මහතා ආණ්ඩුවේ ප‍්‍රතිපත්ති ප‍්‍රකාශය ඉදිරිපත් කරන බවත්, ඉන්පසුව අත්‍යවශ්‍ය පනත් සහ සංශෝධන කිහිපයක් සම්මත කරගැනීම සඳහා පාර්ලිමේන්තු රැුස්වීම් දින කිහිපයක් පවත්වා නැවත වතාවක් මාස දෙකක කාලයක් සඳහා පාර්ලිමේන්තුවේ වාර අවසාන කරන්නට සැලසුම් කර තිබෙන බවත්ය.

ආණ්ඩු පක්ෂයට පාර්ලිමේන්තුවේ බහුතර බලයක් නොමැති නිසා, මීළඟ මහමැතිවරණය දක්වා පවත්වන පාර්ලිමේන්තු රැුස්වීම් ප‍්‍රමාණය හැකි තරම් අඩු කිරීම ආණ්ඩුවට දේශපාලනිකව වාසි සහගත බව ඔහු කීය.

ආණ්ඩුක‍්‍රම ව්‍යවස්ථාවේ 70 වැනි ව්‍යවස්ථාවෙන් පාර්ලිමේන්තුවේ වාර අවසාන කිරීමට අදාල ජනාධිපතිවරයාගේ බලතල පෙන්වාදී ඇත. ඒ අනුව පාර්ලිමේන්තුවේ වාර අවසාන කිරීමේ ප‍්‍රකාශනයක නැවත පාර්ලිමේන්තුව කැඳවන දිනය සඳහන් කර තිබිය යුතුය. එම දිනය එම ප‍්‍රකාශනය නිකුත් කොට, මාස දෙකකට නොඅඩු දිනයක් විය යුතුය. පාර්ලිමේන්තුවේ වාර අවසාන කර තිබියදී ව්‍යවස්ථාවෙන් බලය පැවරී ඇත්නම් පාර්ලිමේන්තුව විසුරුවීමේ හැකියාව ජනාධිපතිවරයාට ඇත. පාර්ලිමේන්තුව විසුරුවා හැරීමේ බලය ජනාධිපතිවරයාට පැවරෙන්නේ 2020 මාර්තු මාසයේ සිටය. ඒ අනුව ජනවාරි මාසයේ මැද භාගයේදී පාර්ලිමේන්තුවේ වාර අවසාන කළහොත් මාර්තු මාසයේ මැද දිනයක් දක්වා එය යළිත් නොකැඳවා සිටිය හැකිය.

ජනාධිපතිවරණයට පෙර ශ‍්‍රී ලංකා පොදුජන පෙරමුණ, ශ‍්‍රී ලංකා නිදහස් පක්ෂය සහ තවත් පක්ෂ කිහිපයක් එක්වීමෙන් නව සන්ධානය ඇති කරගැනීමට එකඟ වී තිබුණි. එම සන්ධානය ශ‍්‍රී ලංකා නිදහස් පොදුජන සන්ධානය යන නමින් සහ පුටුව ලකුණින් ලියාපදිංචි කරන බවත්, ඉදිරි මැතිවරණයට එම සන්ධාන නාමයෙන් සහ පුටුව ලකුණෙන් තරග කරන බවත් පොදුජන පෙරමුණ හා ශ‍්‍රීලනිපය අතර ඇති කරගත් පළමු ගිවිසුමේ සඳහන් වී තිබුණි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි