No menu items!
26.2 C
Sri Lanka
28 March,2024

ගෝඨාගේ නඩුව දිනපතා

Must read



පසුගිය රජය සමයේ, මැදමූලන වීරකැටිය ප්‍රදේශයේ ඩී.ඒ. රාජපක්ෂ අනුස්මරණ කෞතුකාගාරය ඉදි කිරීමේදී රුපියල් මිලියන තිස් හතරකට ආසන්න රජයේ මුදලක් සාවද්‍ය ලෙස පරිහරණය කළේ යැයි චෝදනා එල්ල කරමින් නීතිපතිවරයා විසින් ගෝඨාභය රාජපක්ෂ ඇතුළු විත්තිකරුවන් හත් දෙනෙකුට එරෙහිව ගොනු කළ නඩුව ජනවාරි 22වනදා සිට දිනපතා විභාග කිරීමට විශේෂ ත්‍රිපුද්ගල මහාධිකරණය තීරණය කර ඇත.
මෙහිදී විත්තිකාර ගෝඨාභය රාජපක්ෂ මහතා වෙනුවෙන් පෙනීසිටි ජනාධිපති නීතිඥ අලි සබ්රි මහතා අධිකරණයට දන්වා සිටියේ නඩු විභාගය ආරම්භ වීමට පෙර එම නඩුවට අදාළ මූලික විරෝධතාවක් ඉදිරිපත් කිරීමට තම පාර්ශ්වය විසින් අපේක්ෂා කරන බවයි.
රජයේ නියෝජ්‍ය සොලිසිටර් ජෙනරාල් දිලීප පිරිස් මහතා අධිකරණය හමුවේ කරුණු දක්වමින් මෙම නඩුවට අදාළව ඉඩම් ගොඩකිරීමේ හා සංවර්ධනය කිරීමේ සංස්ථාවේ සාක්ෂිකරුවන් 15 දෙනා අතරින් කීප දෙනෙකු නඩු විභාගය ආරම්භ වන කාලසීමාවට පෙර විදේශගත වීමේ සූදානමක් පවතින බව දැනුම් දුන්නේය. එසේ සාක්ෂිකරුවන් විදේශගත වූවොත් නඩු විභාගය පවත්වාගෙන යාමට බාධාවක් එල්ල වන බව සඳහන් කළ නියෝජ්‍ය සොලිස්ටර් ජෙනරාල්වරයා එසේ විදේශගත වන්නේ නම් ඒ පිළිබඳව අධිකරණය දැනුවත් කරන ලෙස සාක්ෂිකරුවන්ට නියෝගයක් නිකුත් කරන්නැයි ඉල්ලා සිටියේය.■

හංසි මානවඩු

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි