No menu items!
21.8 C
Sri Lanka
28 March,2024

පොහොට්ටුවේ නාමයෝජනා සන්ධානයට ඉල්ලති

Must read

ආණ්ඩුවේ සාමාජික පක්ෂ ඉදිරි මහමැතිවරණයට ශ‍්‍රී ලංකා පොදුජන පෙරමුණ යටතේ නාමයෝජනා බාරදුන්නත්, නාමයෝජනා සකස් කිරීම ශ‍්‍රී ලංකා නිදහස් පොදුජන සන්ධානය යටතේ සිදුකළ යුතුයැයි සන්ධානයේ සාමාජික පක්ෂවල නායකයන් දැඩි මතයක සිටින බව සන්ධානයේ පක්ෂ නායකයෙක් පැවසීය.

ඔහු කීවේ දැනට ශ‍්‍රී ලංකා පොදුජන පෙරමුණේ පක්ෂ නායකයන් සන්ධානයෙන් නාමයෝජනා සකස් කිරීමට පොරොන්දු වී ඇතත් ඒ ගැන විශ්වාසය තැබිය නොහැකි බවය. සියලූ පක්ෂවල නායකයන්ගෙන් සමන්විත කමිටුවක් මගින් නාමයෝජනා සකස් කිරීමට දැනට එක`ග වී තිබෙන බවය.

කෙසේ වෙතත් ප‍්‍රායෝගික හේතු නිසා නාමයෝජනා ඉදිරිපත් කිරීම පොහොට්ටුව ලකුණින් කරන්නට සිදුවෙන බව ඔහු කීය.

පසුගිය පළාත් පාලන මැතිවරණයේදී ශ‍්‍රී ලංකා පොදුජන පෙරමුණ නාමයෝජනා සකස් කළ බවත්, අනෙකුත් පක්ෂවලට සාධාරණ අවස්ථාවක් එහිදී ලබා නොදුන් බවත් කී ඔහු ශ‍්‍රී ලංකාවේ කොමියුනිස්ට් පක්ෂය, ලංකා සම සමාජ පක්ෂය, ජාතික නිදහස් පෙරමුණ, මහජන එක්සත් පෙරමුණ වැනි පක්ෂවලට එහිදී අසාධාරණයක් සිදුවූ බවද කීය. එම පක්ෂවලට වැඩි ජනප‍්‍රියත්වයක් ඇති ප‍්‍රදේශවලට සාධාරණ ලෙස නාමයෝජනා ලබා නොදුන් බවත් පළාත් පාලන මැතිවරණයටත් වඩා මහ මැතිවරණයට නාමයෝජනා සකස් කිරීම අසීරු කටයුත්තත් බවත් එය පොදුවේ කළ යුතු බවත් ඔහු වැඩිදුරටත් කීය.

මේ ගැන අදහස් දැක්වූ ශ‍්‍රීලනිප ප‍්‍රබල තනතුරක් දරන රාජ්‍ය අමාත්‍යවරයෙකු ප‍්‍රකාශ කළේ ශ‍්‍රී ලංකා නිදහස් පොදුජන සන්ධානය ලියාපදිංචි කිරීම ස`දහා අයැදුම්පත් බාරදීමට ප‍්‍රමාද වූ නිසා, පොදුජන පෙරමුණෙන් හා පොහොට්ටුව ලකුණින් මැතිවරණයට ඉදිරිපත් වීම ස`දහා එක`ග වීමට තම පක්ෂය තීන්දු කළ බවය.

දැන් පවතින තත්වය යටතේ නව සන්ධානයට පොහොට්ටුව ලකුණ ලබාගැනීම අවදානම් සහගත තත්වයක් බව ඔහු කීය. එසේ කිරීමට නම් පොදුජන පෙරමුණ පොහොට්ටුව ලකුණ අත්හරින බව මැතිවරණ කොමිෂන් සභාවට ප‍්‍රකාශ කළ යුතු බවත්, ඉන්පසුව වෙනත්  ඕනෑම දේශපාලන පක්ෂයකට එම ලකුණ ඉල්ලා සිටිය හැකි බවත් ඔහු පැවසීය. පක්ෂ කිහිපයක් ලකුණ ඉල්ලා සිටියහොත් කුසපත් ඇද වාසනාවන්ත පක්ෂයට එය ලබාදෙන බවත් ඔහු කීය. ඒ අනුව, පොහොට්ටුව ලකුණ අහිමි වීමේ අවදානමක් ඇති බවත් වඩා ජනප‍්‍රිය ලකුණ වන පොහොට්ටුව ලකුණින් මැතිවරණයට ඉදිරිපත් වීමට නම් පොදුජන පෙරමුණ යටතේ නාමයෝජනා ලබාදීමට සිදුවන බවත් ඔහු කීය. පසුගිය සතියේ මහින්ද රාජපක්ෂ, බැසිල් රාජපක්ෂ, මෛත‍්‍රීපාල සිරිසේන හා දයාසිරි ජයසේකර යන නායකයන් සහභාගි වූ රැුස්වීමේදී ඒ ස`දහා එක`ග වූ බවද ඔහු වැඩිදුරටත් කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි