ශ්‍රී ලංකා මානව හිමිකම් කොමිෂන් සභාවේ නව සභාපතිවරයා ලෙස විශ්‍රාමික ශ්‍රේෂ්ඨාධිකරණ විනිසුරු විජිත් මලල්ගොඩ මහතා ජනාධිපති අනුර කුමාර දිසානායක මහතා විසින් පත් කර ඇත.
කොමිෂන් සභාවේ සෙසු සාමාජිකයන් ලෙස එස්.වයි.එම්. ගෝමස්, හිටපු රාජ්‍ය තාන්ත්‍රික නිලධාරී ඒ.එල්.ඒ. අසීස්, ආචාර්ය එස්.එස්.එස්.බී.ඩී.එච්. ජයවර්ධන සහ මහාචාර්ය ටී. ජයසිංගම් යන මහත්වරුන් පත් කර ඇත.
ඔවුන්ට අදාළ පත්වීම් ලිපි අද (30) පස්වරුවේ ජනාධිපති ලේකම් කාර්යාලයේදී ජනාධිපති ලේකම් ආචාර්ය නන්දික සනත් කුමානායක මහතා විසින් පිරිනමනු ලැබූ බව ජනාධිපති මාධ්‍ය අංශය සඳහන් කරයි.
ශ්‍රී ලංකා මානව හිමිකම් කොමිෂන් සභාවේ මීට පෙර සිටි සාමාජිකයන්ගේ ධුර කාල අවසන් වීමෙන් ඇති වූ පුරප්පාඩු පිරවීම සඳහා මෙම පත්වීම් සිදු කර තිබේ.
