මුදල් විශුද්ධිකරණය වැළැක්වීමේ පනත යටතේ යෝෂිත රාජපක්ෂ මහතාට එරෙහිව නීතිපතිවරයා විසින් පවරා ඇති නඩුවේ වැඩිදුර සාක්ෂි විමසීම නොවැම්බර් 12 වැනිදා සිදු කිරීමට කොළඹ මහාධිකරණය නියෝග කර තිබේ.
අද (30) කොළඹ මහාධිකරණ විනිසුරු උදේෂ් රණතුංග මහතා හමුවේ නඩුව කැඳවූ අවස්ථාවේදී මෙම නියෝගය ලබා දී ඇත. එහිදී අද දිනයේ සාක්ෂි සටහන් කර ගැනීම සිදු වූ අතර, වැඩිදුර සාක්ෂි විමසීම නොවැම්බර් 12 වැනිදා දක්වා කල් තැබීමට අධිකරණය නියෝග කර තිබේ.
දෙහිවල සහ රත්මලාන ප්‍රදේශවල පිහිටි ඉඩම් කැබලි පහක් රුපියල් මිලියන 73කට අධික මුදලක් වැය කර මිලදී ගැනීමෙන් මුදල් විශුද්ධිකරණය වැළැක්වීමේ පනත යටතේ වරදක් සිදු කළ බවට චෝදනා කරමින් නීතිපතිවරයා යෝෂිත රාජපක්ෂ මහතාට එරෙහිව මෙම නඩුව පවරා තිබේ.
