ශ‍්‍රී ලංකා පොදුජන පෙරමුණ පල කර ඇති පුවත්පත් දැන්වීමේ ඇති ශවේන්ද්‍ර සිල්වාගේ ප‍්‍රකාශය සම්බන්ධයෙන් ඔහුට ප‍්‍රකාශයක් නිකුත් කරන ලෙස මැතිවරණ කොමිසමේ සභාපතිවරයා ප‍්‍රකාශයක් කර ඇති නමුත් යුධ හමුදාපතිවරයා අදාල ප‍්‍රකාශය සම්බන්ධයෙන් කිසිදු නිල ප‍්‍රකාශයක් නිකුත් නොකරන බව හමුදා මාධ්‍ය ප්රකාශක බි‍්‍රගේඩියර් සුමිත් අතපත්තු මහතා අනිද්දාට පැවසීය.
අදාල ප‍්‍රකාශය 2009 වර්ෂයේදී සිවිල් නිලධාරින් පිරිසක් සහභාගි වූ පැවැත්වු නායකත්ව වැඩමුළුවකදි වත්මන් යුධහමුදාපති ශවේන්ද්‍ර සිල්වා ගෝඨාභය රාජපක්ෂ මහතා සම්බන්ධයෙන් සිදු කළ ප‍්‍රකාශයක් බවත් එම දැන්වීමේ ඇති ඔහුගේ ප‍්‍රකාශය ඔහුගේ අනුදැනුම ඇතිව ලබාගත් ප‍්‍රකාශයක් නොවන බැවින් නිවේදනයක් නිකුත් නොකරන බවත් හමුදා මාධ්‍ය ප‍්‍රකාශවරයා පැවසීය.
යුද හමුදාපති ලූ‍තිනන් ජනරාල් ශවේන්ද්‍ර සිල්වා මහතාගේ නම, ඡුායාරූපයක් සහ ප‍්‍රකාශයක් යොදා ගනිමින් ශ‍්‍රී ලංකා පොදුජන පෙරමුණ පුවත්පතත් කිහිපයක දැන්වීමක් පළ කර තිබුණු අතර එය මැතිවරණ නීති බරපතළ ලෙස උල්ලංඝනය කිරීමක් බව පවසමින් අජිත් පි පෙරේරා අමාත්‍යවරයා පසුගිය 14 වැනිදා මැතිවරණ කොමිසමට පැමිණිල්ලක් කර තිබුණි.
අදාල දැන්වීම සම්බන්ධයෙන් මැතිවරණ කොමිසම විමර්ශණයක් ආරම්භ කර තිබුණු අතර ඔක්තෝබර් 15 වන දින අදාල දැන්වීම සම්බන්ධයෙන් කරුණු දක්වන ලෙස ශ‍්‍රී ලංකා පොදුජන පෙරමුණට මැතිවරණ කොමිසම ලිපියක්ද යවා තිබුණි.
ඔක්තෝබර් 16 වන දින කොළඔදී පැවැත්වු මාධ්‍ය හමුවකදී මැතිවරණ කොමිසමේ සභාපති මහින්ද දේශප‍්‍රිය මහතා පවසා සිටියේ අදාල දැන්වීමේ වත්මන් හමුදාපතිවරයාගේ ප‍්‍රකාශයක් පල විම සම්බන්ධයෙන් ජනාධිපති ලේකම්වරයාටත් ආරක්ෂක අමාත්‍යාංශයේ ලේකම්වරයාටත් මේ ගැන කරුණු දක්වන ලෙස ඉල්ලමින් ලිපි යවා ඇති බවය.
