හිටපු නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩ සහ යෝෂිත රාජපක්ෂ මහතාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විසින් පවරා ඇති දූෂණ නඩුව පූර්ව නඩු විභාග සම්මන්ත්රණයක් සඳහා කැඳවීමට කොළඹ මහාධිකරණය අද (17) නියෝග කර ඇත.
අදාළ නඩුව අද කොළඹ මහාධිකරණය හමුවේ කැඳවූ අවස්ථාවේදී ඇප මත සිටින වසන්ත කරන්නාගොඩ සහ යෝෂිත රාජපක්ෂ යන විත්තිකරුවන් දෙදෙනාද අධිකරණය හමුවේ පෙනී සිට ඇති අතර දෙපාර්ශ්වය විසින් ඉදිරිපත් කළ කරුණු සලකා බැලීමෙන් අනතුරුව මහාධිකරණය මෙම නඩුව පූර්ව නඩු විභාග සම්මන්ත්රණයක් සඳහා කැඳවීමට නියෝග කර ඇත.
යෝෂිත රාජපක්ෂ මහතාට අවශ්ය සුදුසුකම් නොතිබියදී ඔහු එක්සත් රාජධානියේ රාජකීය නාවික විද්යාලයේ පුහුණුව සඳහා යොමු කිරීම මගින් දූෂණය නමැති වරද සිදු කළ බවට චෝදනා කරමින් අල්ලස් කොමිසම විසින් මෙම නඩුව පවරා තිබේ.
