නීතිවිරෝධී ලෙස සුඛෝපභෝගී මෝටර් රථයක් සන්තකයේ තබාගෙන සිටි බවට චෝදනා කරමින් හිටපු අමාත්ය ජොන්ස්ටන් ප්රනාන්දු මහතාට එරෙහිව පවරා ඇති නඩුව ලබන ඔක්තෝබර් 28 වැනිදා යළි කැඳවීමට කොළඹ කොටුව මහේස්ත්රාත් අධිකරණය අද (16) නියෝග කර ඇත.
කොළඹ කොටුව මහේස්ත්රාත් පසන් අමරසේන මහතා හමුවේ මෙම නඩුව කැඳවූ අවස්ථාවේදී අදාල නඩු විභාගයට අදාළව ඇප මත සිටින ජොන්ස්ටන් ප්රනාන්දු මහතාද අද අධිකරණය හමුවේ පෙනී සිට ඇති අතැ විත්තිකරු වෙනුවෙන් පෙනී සිටි ජනාධිපති නීතිඥ සම්පත් මෙන්ඩිස් මහතා අධිකරණයට දැනුම් දී ඇත්තේ අදාළ නඩුව මෝටර් රථ ප්රවාහන පනත යටතේ ගැනෙන නඩුවක් බවය.
එහිදී කරුණු සලකා බැලූ මහේස්ත්රාත්වරයා නඩුව ලබන ඔක්තෝබර් 28 වැනිදා යළි කැඳවීමට නියෝග කර තිබුණු අතර අදාළ නඩුවට පසුබිම් වී ඇත්තේ ලියාපදිංචි නොකළ සුඛෝපභෝගී මෝටර් රථයක් සම්බන්ධයෙන් 2024 වසරේදී ආරම්භ වූ විමර්ශනයකි. එම මෝටර් රථය කොළඹ ප්රදේශයේ තරු පන්තියේ හෝටලයක තිබියදී සොයාගෙන තිබිණි.
