ඉස්ලාම් ආගමට අපහාස කළ බවට චෝදනා කරමින් බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියන්ට එරෙහිව නීතිපතිවරයා විසින් පවරා ඇති නඩුව ලබන සැප්තැම්බර් 30 වැනිදා යළි කැඳවීමට කොළඹ මහාධිකරණය අද (16) නියෝග කළේය.
කොළඹ මහාධිකරණ විනිසුරු බුද්ධික සී. රාගල මහතා ඉදිරියේ මෙම නඩුව අද කැඳවා තිබුණු අතර එම අවස්ථාවේදී විත්තිකාර ගලගොඩඅත්තේ ඥානසාර හිමියන් අධිකරණය හමුවේ පෙනී සිට ඇත.
නීතිපතිවරයා විසින් ඥානසාර හිමියන්ට එරෙහිව මෙම නඩුව පවරා ඇත්තේ ඉස්ලාම් ආගමට අපහාස වන ආකාරයේ ප්රකාශ සිදුකළ බවට චෝදනා කරමින් වන අතර අදාළ නඩුවේ ඉදිරි කටයුතු සඳහා එය සැප්තැම්බර් 30 වැනිදා යළි කැඳවීමට මහාධිකරණය නියෝග කර ඇත.
එහිදි මාධ්ය වෙත අදහස් දක්වමින් ඥාණසාර හිමි පවසන්නේ තමන් නීතියට හිස නවන බවත්, තමන් පලාගොස් ඇති බව සමාජ මාධ්ය වල සංසරණය වූවද තමන් පලාගොස් නොමැති බවත් පලා යන්නේ දූර්වලයන් බවත්ය
