පාර්ලිමේන්තු මන්ත්රී නාමල් රාජපක්ෂ මහතා අද (16) කොළඹ කොටුව මහේස්ත්රාත් අධිකරණය හමුවට ඉදිරිපත් කිරීමට නියමිතව ඇති බැවින් අධිකරණ පරිශ්රය සහ ඒ අවට ප්රදේශයේ ආරක්ෂාව තර කිරීමට පොලිසිය පියවර ගෙන ඇති බව වාර්තා වේ.
ශ්රී ලංකන් ගුවන් සේවයේ ගුවන් යානා මිලදී ගැනීමේ ගනුදෙනුවට අදාළ බව කියන මූල්ය අක්රමිකතා සම්බන්ධ මුදල් විශුද්ධිකරණ නඩුවකට අදාළව නාමල් රාජපක්ෂ මහතා සැකකරුවකු ලෙස නම් කර තිබුණු අතර අදාළ නඩුව අද කොළඹ කොටුව මහේස්ත්රාත් අධිකරණය හමුවේ කැඳවීමට නියමිත අතර නාමල් රාජපක්ෂ මහතා මේ වනවිට රක්ෂිත බන්ධනාගාර ගත කර ඇත.
ඔහු සැප්තැම්බර් 4 වැනිදා අල්ලස් හෝ දූෂණ විමර්ශන කොමිෂන් සභාව විසින් අත්අඩංගුවට ගැනීමෙන් අනතුරුව සැප්තැම්බර් 18 වැනිදා දක්වා රක්ෂිත බන්ධනාගාරගත කර තිබිණි. අල්ලස් කොමිසම සිදුකරන විමර්ශනය ගුවන් යානා මිලදී ගැනීමේ ගනුදෙනුවකට අදාළව රුපියල් මිලියන 100ක අල්ලසක් ලබාගත් බවට නාමල් රාජපක්ෂ මහතාට චෝදනා එල්ල වී ඇත.
