ජාතික ගමනාගමන කොමිෂන් සභාවේ හිටපු සභාපතිවරයකු වන වාහල තන්තිගේ රේණුක දුෂ්යන්ත පෙරේරා මහතා දූෂණ චෝදනාවක් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් අද (17) අත්අඩංගුවට ගෙන තිබේ.
1991 අංක 37 දරන ජාතික ගමනාගමන කොමිෂන් සභා පනතේ විධිවිධාන සහ 2014 සැප්තැම්බර් 19 වැනිදා නිකුත් කළ අමාත්ය මණ්ඩල තීරණයේ නිර්දේශවලට පටහැනිව දක්ෂිණ අධිවේගී මාර්ගය සඳහා මගී සේවා අවසරපත් 56ක් නිකුත් කළ බවට ඔහුට චෝදනා එල්ල වී තිබේ.
අදාළ අවසරපත් නීත්යනුකූල ක්රමවේදයෙන් බැහැරව සහ වාර්ෂික ගාස්තු එකවර අයකර ගැනීමකින් තොරව නිකුත් කිරීමෙන් රජයට අයුතු පාඩුවක් සිදු කිරීම සහ බාහිර පාර්ශ්වයකට අයුතු වාසියක් ලබාදීම සම්බන්ධයෙන් මෙම චෝදනා එල්ල වී ඇත.
අල්ලස් කොමිසමේ විමර්ශන නිලධාරීන් විසින් රේණුක දුෂ්යන්ත පෙරේරා මහතා අද පෙරවරු 9.55ට පමණ අත්අඩංගුවට ගෙන ඇති අතර අත්අඩංගුවට ගත් සැකකරු කොළඹ ප්රධාන මහේස්ත්රාත් අධිකරණයට ඉදිරිපත් කිරීමට නියමිත බවත් අල්ලස් කොමිසම සඳහන් කරයි.
