බස්නාහිර පළාත් මාර්ගස්ථ මගී ප්රවාහන අධිකාරියේ හිටපු සභාපතිවරයකු වන ඕපාත විතානගේ ප්රසන්න සංජීව මහතා දූෂණ චෝදනාවක් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් අද (15) අත්අඩංගුවට ගෙන තිබේ.
බස්නාහිර පළාත් මාර්ගස්ථ මගී ප්රවාහන අධිකාරි ප්රඥප්තිය උල්ලංඝනය කරමින් ටෙන්ඩර් ක්රමවේදයෙන් බැහැරව මගී ප්රවාහන අවසරපත් නිකුත් කිරීමෙන් රජයට රුපියල් 4,160,000ක පාඩුවක් සිදු කිරීම සහ බාහිර පාර්ශ්වයන්ට වාසියක් සැලසීම සම්බන්ධයෙන් ඔහුට එරෙහිව චෝදනා එල්ල වී තිබේ.
අදාළ චෝදනාව මත ප්රසන්න සංජීව මහතා අද පෙරවරු 9.50ට පමණ අල්ලස් කොමිසමේ විමර්ශන නිලධාරීන් විසින් අත්අඩංගුවට ගත් බව එම කොමිෂන් සභාව නිකුත් කළ මාධ්ය නිවේදනයේ සඳහන් වේ.
අත්අඩංගුවට ගත් සැකකරු කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමට නියමිත බවද අල්ලස් කොමිසම සඳහන් කරයි.
