No menu items!
28.9 C
Sri Lanka
14 June,2024

අර්ජුන් මහේන්ද්‍රන් මුදා හැරීම අත්හිටුවයි

Must read

හිටපු මහ බැංකු අධිපති අර්ජුන් මහේන්ද්‍රන් ඇතුළු විත්තිකරුවන් දස දෙනෙකු මහ බැංකු බැඳුම්කර සම්බන්ධ නඩුවෙන් මුදා හැරීමට එරෙහිව ශ්‍රේෂ්ඨාධිකරණය අතුරු නියෝගයක් නිකුත් කර ඇත.

ඒ මහ බැංකු බැඳුම්කර වංචාව සම්බන්ධයෙන් විභාග වූ නඩුවේදී අර්ජුන් මහේන්ද්‍රන් ඇතුළු විත්තිකරුවන් මුදාහැරීම සම්බන්ධයෙන් කොළඹ ස්ථීර ත්‍රිපුද්ගල මහාධිකරණය ලබාදුන් නියෝගය අත්හිටුවමින්ය.

එමෙන්ම එම වංචාව සම්බන්ධයෙන් කොළඹ ස්ථීර ත්‍රිපුද්ගල මහාධිකරණය හමුවේ විභාග වන නඩුවද අත්හිටුවමින් තවත් අතුරු නියෝගයක්ද ශ්‍රේෂ්ඨාධිකරණය ලබාදී ඇත. නීතිපතිවරයා ගොනුකොට තිබූ විශේෂ අභියාචනා පෙත්සමක් විභාගයට ගැනීමෙන් අනතුරුව මෙම නියෝග ලබා දී ඇත්තේ මුර්දු ප්‍රනාන්දු, ප්‍රීති පද්මන් සූරසේන, දිලිප් නවාස්, ශිරාන් ගුණරත්න හා අර්ජුන ඔබේසේකර යන ශ්‍රේෂ්ඨාධිකරණ විනිසුරු මඬුල්ල විසිනි.

අර්ජුන් මහේන්ද්‍රන් ඇතුළු විත්තිකරුවන්ට එම නඩුව පවරා තිබුණේ පොදු දේපල පනත යටතේ වන අතර එහි සෙසු විත්තිකරුවන් වූයේ මහ බැංකුවේ හිටපු නියෝජ්‍ය අධිපති පී සමරසිරි, පර්පෙචුවල් ටෙෂරීස් සමාගම, අර්ජුන් ඇලෝසියස්, කසුන් පලිසේන, ජෙෆ්රි ඇලෝසියස්, පුෂ්ප චන්ද්‍රා ගුණවර්ධන, රන්ජන් හුලුගල්ලේ, මුතුරාජා සුරේන්ද්‍රන් හා අජාන් ගාර්දිය පුංචිහේවාය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි