No menu items!
23 C
Sri Lanka
26 May,2024

විධායකය අහෝසියට බැසිල් – රනිල් සාකච්ඡා

Must read

ආර්ථික වැඩපිළිවෙළ සාර්ථක කරගනිමින් ඒ හරහා රනිල් වික්‍රමසිංහ ජනාධිපතිවරයා කෙරෙහි ජන ප්‍රසාදය ඉහළ නංවාගෙන ජනාධිපතිවරණයකට යාමට නොහැකි තත්ත්වයක් උදා වන්නේ නම් විධායක ජනාධිපති ක්‍රමය අහෝසි කිරීම වෙනුවෙන් ජනමත විචාරණයක් කැඳවීමට බැසිල් රාජපක්ෂ පාර්ශ්වය විසින් රනිල් වික්‍රමසිංහ ජනාධිපතිවරයාට යෝජනාවක් කර ඇතැයි පොදුජන පෙරමුණු ආරංචි මාර්ගවලින් දැනගන්නට ලැබේ.

පසුගිය දිනෙක රනිල් වික්‍රමසිංහ ජනාධිපතිවරයා සහ බැසිල් රාජපක්ෂ අතර හමුවක් පැවතී ඇතැයි ද එහිදී ජනාධිපති වික්‍රමසිංහට සහාය නොදෙන පොහොට්ටු මන්ත්‍රීවරුන්ගේ සහාය ලබාගන්නා ආකාරය පිළිබඳව මෙන්ම අමාත්‍ය ධුරයන් පිළිබඳව සාකච්ඡා වී ඇතැයිද දැනගන්නට ලැබෙන අතර මෙහිදී එළඹෙන ජනාධිපතිවරණය පිළිබඳව ද සාකච්ඡා සිදුවී ඇත.

පොහොට්ටුව ඇතුළුව පුළුල් සන්ධානයකින් සහ ජනාධිපතිවරයාට වාසි සහගත වාතාවරණයක් යටතේ ජනාධිපතිවරණයට යා නොහැකි නම් විධායක ජනාධිපති ධුරය අහෝසි කිරීම සඳහා ජනමත විචාරණයක් කැඳවා ඊළඟට මහා මැතිවරණයකට යාම පිළිබඳව මෙහිදී සාකච්ඡා සිදුව ඇත. එහිදී උතුරු නැගෙනහිර දේශපාලන පක්ෂ එකතුකර ගන්නේ කෙසේද යන්න ගැන සිතිය යුතු බව ජනාධිපති වික්‍රමසිංහගේ පාර්ශ්වයෙන් අදහස් ඉදිරිපත්වී ඇත.

මේ අනුව මුලින්ම විධායක ජනාධිපති ක්‍රමය අහෝසි කිරීම සඳහා කැමතිද අකමැතිද යන්න ජනමත විචාරණයක් පවත්වා එය ජයග්‍රහණය කර පසුව පාර්ලිමේන්තු මැතිවරණය කැඳවා නව ව්‍යවස්ථාවක් සම්මත කරගැනීම සඳහා කටයුතු කළ යුතු බව ද, එහිදී නව ව්‍යවස්ථාවට ඇතුළත් කරනු ලබන වගන්තියක් හරහා වර්තමාන ජනාධිපති රනිල් වික්‍රමසිංහ තව යම් කාලයකට රටේ රාජ්‍ය නායකයා ලෙස තවදුරටත් කටයුතු කළ යුතු බවද අදහස් පළවී ඇත.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි