19.3 C
Sri Lanka
27 September,2022

ඔව්, ඇත්ත.

Must read

පාස්කු ඉරුදින එල්ලවූ මරාගෙන මැරෙන බෝම්බ ප්‍රහාරයට ජනාධිපතිවරයාගේ හෝ රජයේ සම්බන්ධයක් නැත්නම් එහි ඇත්ත හෙළිදරව් නොකරන්නේ ඇයි යනුවෙන් කතෝලික සභාවේ මාධ්‍ය ප්‍රකාශක සිරිල් ගාමිණී ප්‍රනාන්දු පියතුමා ප්‍රශ්න කර ඇත.
එසේම පාස්කු ඉරුදින ප්‍රහාරය සම්බන්ධයෙන් සොයා බැලීමට පත්කළ ජනාධිපති කොමිෂන් සභා වාර්තාවේ නිර්දේශ ක්‍රියාත්මක නොකරන්නේ පාස්කු ප්‍රහාරයේ සත්‍යය වැසීමට අවශ්‍ය නිසාද යන සැකය ඔවුන්ට තිබෙන බවද ඔහු ප්‍රකාශ කර ඇත.
අගරදගුරු නිල නිවසේදී දෙසැම්බර් 21 දින පැවති මාධ්‍ය හමුවකදී මේ බව ප්‍රකාශ කර ඇති සිරිල් ගාමිණී පියතුමා පාස්කු ඉරිදා ප්‍රහාරය සම්බන්ධයෙන් මෙන්ම රටේ සිදුවන බොහෝ සිදුවීම් සම්බන්ධයෙන් සත්‍යය හෙළිදරව් නොවීමේ වාතාවරණයක් පවතින බව කියා ඇත.


එහිදී සිරිල් ගාමිණී පියතුමා අවධාරණය කර ඇත්තේ වත්මන් ජනාධිපති ගෝඨාභය රාජපක්ෂ හා හිටපු ජනාධිපති මෛත්‍රීපාල සිරිසේන ඝාතන කුමන්ත්‍රණ පරීක්ෂණවලට සිදුවුණේ කුමක්ද යන්නයි. එම ඝාතන කුමන්ත්‍රණ සිද්ධිය නිසා සහරාන් අත්අඩංගුවට ගැනීම පසෙකට තල්ලු වු බවද, සහරාන් අත්අඩංගුවට ගැනීමට සිටි නියෝජ්‍ය පොලිස්පති නාලක සිල්වා අත්අඩංගුවට පත්වූ බවද ඔහු කියා ඇත.


සිරිල් ගාමිණී පියතුමා කියා ඇති එම කතා ඇත්තය. පාස්කු ඉරුදින ප්‍රහාරයේ වින්දිතයන්ට සාධාරණය ඉටුකරනවා යැයි කියා බලයට පත් පාලකයකුට එම ප්‍රහාරයේ සත්‍යය වසන් කරන්නකු බවට පත්වීම සඳහා ප්‍රබල හේතුවක් තිබිය යුතුය. එවැනි ප්‍රබල හේතුවක් නැත්නම් මේ වනවිටත් පාස්කු ඉරුදින ප්‍රහාරය සොයා බැලීමට පත්කළ ජනාධිපති කොමිසමේ නිර්දේශ ක්‍රියාත්මක වී තිබිය යුතුය. එම කොමිෂන් වාර්තාවේ කොටස් සඟවාගෙන සිටිය යුතු නැත. එම ප්‍රහාරය සම්බන්ධයෙන් පසුගිය යහපාලන ආණ්ඩු කාලයේ කළ පරීක්ෂණ එම පරීක්ෂකයන් ලවාම ඉදිරියට ගෙනයා යුතුය. එසේ නොවන්නේ සැඟවීමට හේතුවක් තිබෙන නිසා බව පැහැදිලිය.


දැනට පාස්කු ඉරුදින ප්‍රහාරය සම්බන්ධයෙන් ගොනුකර ඇති නඩුව වූ කලි එම ප්‍රහාරය සැලසුම් කළ හෝ මෙහෙයවූ පුද්ගලයන්ට එරෙහිව පැවරූවක් නොවන අතර එම ප්‍රහාරයේ තොරතුරු සම්බන්ධයෙන් අවශ්‍ය පියවර නොගැනීමේ රාජකාරිමය වගකීම් පැහැර හැරීමට එරෙහිව පවරන ලද්දක්ය.


ඒ මගින් පමණක් පාස්කු ඉරුදින ප්‍රහාරයේ වින්දිතයන්ට සාධාරණය ඉටුනොවන අතර අනිවාර්යෙන්ම එම ප්‍රහාරය සැලසුම් කළ හා මෙහෙයවූ පුද්ගලයන්ට එරෙහිව නීතිය ක්‍රිියාත්මක විය යුතුය. එසේ නොවීම යන්නේ තේරුම වන්නේ එම ප්‍රහාරයේ සත්‍යය වසන් කිරීම බවය. එම නිසාම එම ප්‍රහාරයේ සත්‍යය වසන් කරන්නන්ට එරෙහිව ඇඟිල්ල දිගු වීමද වැළැක්විය නොහැකිය.


පාස්කු ඉරුදින ප්‍රහාරය සම්බන්ධයෙන් ජනාධිපති පරීක්ෂණ කොමිෂන් සභාවක් පත්කරනු ලැබුයේ හිටපු ජනාධිපති මෛත්‍රීපාල සිරිසේනය. එම ප්‍රහාරය සම්බන්ධයෙන් වර්තමානයේ සිදුවෙතැයි කියන පරීක්ෂණ සම්බන්ධයෙන් අවධානය යොමු කිරීමේදී වැටහෙන කාරණය වන්නේ හිටපු ජනාධිපතිවරයා එවැනි කොමිසමක් පත් නොකරන්නට වත්මන් ජනාධිපතිවරයා එවැන්නක් පත් නොකරන බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි