No menu items!
21.8 C
Sri Lanka
28 March,2024

පුළුල් සන්ධානයකට ශ්‍රීලනිප සැරසේ

Must read

■ ඉඳුවර බණ්ඩාර


පුළුල් සන්ධානයක් සමගින් ඉදිරියට එන ඕනෑම මැතිවරණයකට තරග කිරීම සඳහා එක්සත් ජනතා නිදහස් සන්ධානය හා පොදුජන එක්සත් පෙරමුණ යළි සක්‍රිය කිරීම සඳහා අවශ්‍ය ලියාපදිංචිය අලුත් කිරීම් වැනි කටයුතු සිදු කිරීමට දෙසැම්බර් 02 වැනිදා පැවති ශ්‍රී ලංකා නිදහස් පක්ෂ මධ්‍යම කාරක සභවේදී තීරණය කර ඇත.


මීට පෙර පැවති එම පක්ෂයේ මධ්‍යම කාරක සභාවකදීද එම තීරණය ගෙන තිබුණි.
ඊට අමතරව පක්ෂයේ මධ්‍යම කාරක සභාව තීරණය කරන ඕනෑම අවස්ථාවක ආණ්ඩුව තුළ දරන අමාත්‍ය ධුර අත්හැරීමට සූදානම් බව ශ්‍රී ලංකා නිදහස් පක්ෂයේ කැබිනට් හා රාජ්‍ය ඇමතිවරුන් ප්‍රකාශ කර ඇත.


පවතින දේශපාලන තත්වය තුළ ආණ්ඩුව තුළ තවදුරටත් කටයුතු කළ යුතු නැති බවට එම පක්ෂයේ දිස්ත්‍රික් හා ප්‍රාදේශීය සංවිධාන පසුගිය සමයේ මතුකර ඇති යෝජනාව සම්බන්ධයෙන් සාකච්ඡා කිරීමේදී ඇමති ධුර පක්ෂයේ තීන්දුව මත අත්හැරීමේ අදහස් ප්‍රකාශ වී ඇත.


ලසන්ත අලගියවන්න, මහින්ද අමරවීර හා දුමින්ද දිසානායක යන රාජ්‍ය හා කැබිනට් ඇමතිවරුන් මෙම අදහස් පළකිරීම් සිදුකර ඇති අතර ආණ්ඩුවේ ඇමති ධුර දරන අනෙකුත් ඇමතිවරුන් ඒ සම්බන්ධයෙන් විරුද්ධව අදහස් දක්වා නැත. එම පක්ෂයේ නායක හිටපු ජනාධිපති මෛත්‍රීපාල සිරිසේන ඒ සම්බන්ධයෙන් අදහස් දැක්වීමක් නොකළද එම අදහස් අනුමත කර ඇත.


එහිදී අවධාරණය කර ඇති කරුණ වන්නේ ආණ්ඩුවෙන් එළියට යෑම සඳහා පක්ෂයට වැඩපිළිවෙළක් තිබිය යුතුය යන්නය.


ඒ අනුව පක්ෂයේ දිස්ත්‍රික් හා ප්‍රාදේශීය සංවිධාන ශක්තිමත් කිරීමටත් ඒවාට අදාළ සංවිධායකයින් පත්කිරීමටත් තීරණය කර ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි