ශ්‍රී ලංකා මහ බැංකුව විසින් සමාගම් සහ ජංගම යෙදුම් ඇතුළු ආයතන 27ක් බැංකු පනත යටතේ තහනම් යෝජනා ක්‍රම ලෙස නම් කර තිබේ.
1988 අංක 30 දරන බැංකු පනතේ සංශෝධිත 83(C) වගන්තිය යටතේ මෙම නම් කිරීම සිදුකර ඇති බව ශ්‍රී ලංකා මහ බැංකුව නිවේදනය කරයි.
මහ බැංකුව සඳහන් කර ඇත්තේ සිදුකළ විමර්ශනවලදී Max App Media Ltd. සමාගම සහ ඊට අනුබද්ධ Max LK (Pvt) Ltd. සහ Max Media Lanka (Pvt) Ltd. යන සමාගම් තහනම් යෝජනා ක්‍රමයක් පවත්වාගෙන යාම, ක්‍රියාත්මක කිරීම සහ ප්‍රවර්ධනය කිරීම සිදුකර ඇති බවට අනාවරණය වූ බවයි.
එම නීතිමය විධිවිධානය යටතේ තහනම් යෝජනා ක්‍රම ලෙස හඳුනාගෙන ඇති අනෙකුත් සමාගම්, යෙදුම් සහ ආයතන පහත පරිදි වේ.
- Tiens Lanka Health Care (Pvt) Ltd.
- Best Life International (Pvt) Ltd.
- Mark-Wo International (Pvt) Ltd.
- VML International (Pvt) Ltd.
- Global Lifestyle Lanka (Pvt) Ltd.
- Fast3Cycle International (Pvt) Ltd.
- Sport Chain යෙදුම සහ Sport Chain ZS Society Sri Lanka.
- OnmaxDT.
- MTFE App, MTFE SL Group, MTFE Success Lanka සහ MTFE DSCC Group.
- Fastwin (Pvt) Ltd.
- Fruugo Oline App සහ Fruugo Oline (Pvt) Ltd.
- Ride to Three Freedom (Pvt) Ltd.
- Qnet/Questnet.
- Era Miracle (Pvt) Ltd. සහ Genesis Business School.
- Ledger Block.
- Isimaga International (Pvt) Ltd.
- Beecoin App සහ Sunbird Foundation.
- Windex Trading.
- The Enrich Life (Pvt) Ltd.
- Smart Win Entrepreneur (Pvt) Ltd.
- Net Fore International (Pvt) Ltd./Netrrix.
- Pro Care (Pvt) Ltd. සහ Shade of Procare (Pvt) Ltd.
- SGO/sgomine.com.
- I.C.A.N. Advertising (Pvt) Ltd. සහ ඊට අනුබද්ධ icanonlineadvertising.com, bannercuts.com, bannercuts.lk, bannercusts.net සහ bannercuts.org යන වෙබ් අඩවි.
- Infinity Rover (Pvt) Ltd.
- TM App.
- Max App Media Ltd. සහ ඊට අනුබද්ධ Max LK (Pvt) Ltd. සහ Max Media Lanka (Pvt) Ltd.
බැංකු පනතේ 83(C) වගන්තිය යටතේ තහනම් යෝජනා ක්‍රමවලට එරෙහිව ක්‍රියාමාර්ග ගැනීම සඳහා නීතිමය ප්‍රතිපාදන සලසා තිබේ.
මෙම නිවේදනය මගින් මහ බැංකුව මහජනතාවට දැනුම් දෙන්නේ ඉහත නම් සඳහන් සමාගම්, යෙදුම් සහ ආයතන සමඟ ගනුදෙනු කිරීමේදී විමසිලිමත් වන ලෙසයි.
විශේෂයෙන්ම, මුදල් ආයෝජනය කිරීමට හෝ එවැනි යෝජනා ක්‍රමවලට සම්බන්ධ වීමට පෙර ඒවායේ නීත්‍යනුකූලභාවය පිළිබඳ සැලකිලිමත් වන ලෙස මහ බැංකුවේ මෙම නිවේදනයෙන් මහජනතාවට අනතුරු ඇඟවීමක් සිදුකර තිබේ.
