No menu items!
27.4 C
Sri Lanka
29 March,2024

ජනාධිපති කොමිසම නිසා අගමැති කමිටුව අහෝසි කරයි

Must read

දේශපාලන පළිගැනීම් පිළිබඳව සොයාබලා වාර්තා කිරීම සඳහා අග‍්‍රාමාත්‍ය මහින්ද රාජපක්ෂ පත්කළ කමිටුව ජනාධිපති ගෝඨාභය රාජපක්ෂගේ කැබිනට් මණ්ඩල යෝජනාවක් අනුව අහෝසි කර ඇතැයි වාර්තා වේ.

අග‍්‍රාමාත්‍ය මහින්ද රාජපක්ෂ විසින් දේශපාලන පළිගැනීම් සොයාබැලීමට කමිටුවක් පත්කරන ලද්දේ පසුගිය දෙසැම්බර් 10 දින කැබිනට් මණ්ඩලයට කරන ලද යෝජනාවක් අනුවය. නිල වශයෙන් එම කමිටුවට ලේකම්වරයෙකු පත්කිරීම සඳහා අග‍්‍රාමාත්‍ය මහින්ද රාජපක්ෂ කැබිනට් මණ්ඩල අනුමැතිය ලබාගෙන තිබුණේ ජනවාරි 02 වැනිදා පැවති කැබිනට් මණ්ඩල රැුස්වීමේදීය. ඒ බව එම දිනට අදාළ කැබිනට් මණ්ඩල තීරණ දැනුම්දීමේ නිවේදනයේද සඳහන්ය.

මෙසේ තිබියදී ජනාධිපතිවරයා විසින් ජනවාරි 09 දින සිට දේශපාලන පළිගැනීම් සොයාබැලීම සඳහා කොමිසමක් පත්කරනු ලැබීය. එහි ප‍්‍රතිඵලයක් ලෙස දේශපාලන පළිගැනීම් සොයා බැලීමට අගමැතිවරයා පත්කළ කමිටුව ජනාධිපතිවරයා කරනු ලැබූ යෝජනාවක් අනුව ජනවාරි 27 දින සිට අහෝසි කර තිබේ.

එම කමිටු කාර්යාලයෙන් කළ විමසීමකදී එහි සේවකයෙකු ඒ  බව තහවුරු කළ අතර කමිටුවේ ලේකම් නීතිඥ එස්.කේ. වික‍්‍රමආරච්චිගෙන් කරන ලද විමසීමකදී ඔහු පැවසුවේ එම කමිටුවේ කාලය අවසන් කර ඇති බවයි. එම කමිටුව සති හයක කාලයකට පත්කළ බව ඔහු පැවසු අතර එම කාලය ඉක්මවීමට පෙර අහෝසි කළේ මන්දැයි කළ ප‍්‍රශ්න කිරීමේදී ඔහු පැවසුවේ වාර්තාව සකස් කිරීම සඳහා ගත් කාලයත් සමඟ එහි වැඩි වෙනසක් නැති බවයි. එසේම එම කමිටුව පැමිණිලි බාරගත් කමිටුවක් නොවන බවත් ඒ වනතෙක් තිබූ තත්වයන් වාර්තා කිරීමට ඇතිකළ කමිටුවක් බවත් ඔහු පැවසීය.

මේ අතර  එම කාර්යාලයේ සේවකයෙකු ප‍්‍රකාශ කළේද අහෝසි වූ කමිටුව වෙනුවට නව කමිටුවක් පත්කිරීමට සූදානමක් තිබෙන බවයි.

අගමැති මහින්ද රාජපක්ෂගේ දේශපාලන පළිගැනීම් කමිටුව ස්ථාපිත කිරීමේ යෝජනාව ‘දේශපාලන පළිගැනීමට ලක්වූ රාජ්‍ය හා අර්ධ රාජ්‍ය සේවකයන්ට සහන සැලසීම’ යනුවෙන් නම් කර තිබුණි. ඒ යටතේ කියා තිබුණේ පසුගිය යහපාලන ආණ්ඩු සමයේදී දේශපාලන වශයෙන් පළිගැනීමේ අරමුණින් රාජ්‍ය හා අර්ධ රාජ්‍ය ආයතනවල නිළධාරීන් ඉලක්ක කර ගනිමින් චෝදනා ඉදිරිපත් කර නියමිත නෛතික ක‍්‍රියාමාර්ගවලින් පරිබාහිරව කර ඇති පරීක්ෂණ පිළිබඳව සොයාබැලීම කරන බවයි.

හිටපු ශ්‍රේෂ්ඨාධිකරණ විනිසුරු ජගත් බාලපටබැඳිගේ සභාපතිත්වයෙන් යුත් එම කමිටුවේ සෙසු සාමාජිකයන් වූයේ ආර්.එම්.එස්.කේ. රත්නායක, එස්. ස්වර්ණජෝති, උපාලි ජයවීර, චන්ද්‍රා ප‍්‍රනාන්දු යන එයය. එහි ලේකම් වූයේ නීතිඥ එස්.කේ. වික‍්‍රමආරච්චිය.

ඔවුන්ට පැවරී තිබුණු කාර්යය වී තිබුණේ ත‍්‍රිවිධ හමුදා හා පොලිස් නිලධාරීන් ඇතුළු රජයේ නිලධාරීන් සහ අර්ධ රාජ්‍ය රජයේ නිලධාරින් සම්බන්ධයෙන් අල්ලස් හෝ ¥ෂණ චෝදනා විමර්ශන කොමිසම, මූල්‍ය අපරාධ විමර්ශන ඒකකය හා විශේෂ විමර්ශන ඒකකය 2015 ජනවාරි සිට මේ දක්වා කරනු ලැබූ හා දැනටමත් සිදු කරමින් පවතින විමර්ශන ක‍්‍රියාවලිය පිළිබඳව ඇගයීමක් සිදුකර වාර්තාවක් ලබාදීමය.

ජනාධිපති ගෝඨාභය රාජපක්ෂ විශ‍්‍රාමික අභියාචනාධිකරණ විනිසුරු උපාලි අබේරත්න, විශ‍්‍රාමික අභියාචනාධිකරණ විනිසුරු දයා චන්ද්‍රසිරි ජයතිලක හා විශ‍්‍රාමික පොලිස්පති චන්ද්‍රා ප‍්‍රනාන්දුගෙන් සමන්විතව පත්කරන ලද ජනාධිපති කොමිසමේ විෂය පථයද මීට සමාන වේ.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි