No menu items!
27.4 C
Sri Lanka
29 March,2024

ඇමතිවරුන්ට තහනම් පැනවූ නාහිමි ළමා අපයෝජකයෙක්

Must read

මංගල සමරවීර, රාජිත සේනාරත්න හා චතුර සේනාරත්න යන දේශපාලනඥයන්ට ගම්පහ දිස්ත‍්‍රික්කයේ විහාරස්ථානයවලට ඇතුලූ වීමට ඉඩ නොදෙන බව තීරණය කළ ගම්පහ ආසනයේ විහාරාධිපතිවරුන්ගේ රැුස්වීමෙහි මුලසුන හෙබවූ පහළගම සෝමරතන හිමි එංගලන්තයේදී ළමා අපයෝජන චෝදනා ඔප්පු වීමෙන් ලන්ඩනයේදී දඬුවම් ලැබූ අයෙකු බව වාර්තා වෙයි.

ජුනි 04 වැනිදා රාත‍්‍රියෙහි ගම්පහ දිස්ත‍්‍රික් ශාසනාරක්ෂක බල මණ්ඩලය පහළගම සෝමරතන හිමියන්ගේ ප‍්‍රධානත්වයෙන් රැුස්ව තිබුණු අතර එහිදී ඉදිරිපත් වූ යෝජනාවක් අනුව ඉහත කී ඇමතිවරුන් ඉදිරියේදී ගම්පහ දිස්ත‍්‍රික්කයේ විහාරස්ථානවල ආගමික කටයුතුවලට සහභාගිි කර නොගන්නා බව තීරණය කර තිබුණි.

පහළගම සෝමරතන හිමියන් ලන්ඩන්හි තේම්ස් විහාරස්ථානයේ නායක හිමියන් ලෙස කටයුතු කර ඇත. ලන්ඩන්හි අධිකරණයේදී 2012 ජුනි 01 වැනිදා සෝමරතන හිමියන් බාලවයස්කාර දැරියන් අපයෝජනයට ලක්කිරීමේ චෝදනා හතරක් පිළිබඳව වරදකරු වී සිර දඬුවමවක් නියම වී ඇතැයි කලම්බු ටෙලිග‍්‍රාෆ් වෙබ් අඩවිය ලන්ඩන් අධිකරණයෙහි මාධ්‍ය ප‍්‍රකාශකවරයා උපුටා දක්වමින් වාර්තා කර තිබේ.

එම හිමිනමට සිර දඬුවමට අමතරව ජීවිත කාලයටම ලන්ඩන්හි බාල වයස්කරුවන් සිටින වැඩසටහන්වලට සහභාගි වීම තහනම් කිරීමටත්, ලිංගික අපයෝජන චෝදනා ඇති පුද්ගලයන්ගේ නිල ලැයිස්තුවට එම හිමියන්ගේ නම ඇතුළත් කිරීමටත් අධිකරණය තීරණය කර ඇතැයි එම වාර්තාවෙහි සඳහන්ය. 1977 සිට 1986 දක්වා වරින් වර ළමා අපයෝජනවලට සම්බන්ධ වී ඇතැයි චෝදනා මත එහිමියන්ට එරෙහිව නඩු පවරා තිබේ.  තමන්ට පන්සල්වලට ඇතුළු වීමට ඉඩ නොදීමේ තීරණ සම්බන්ධයෙන් ට්විටර් පණිවුඩයකින් ප‍්‍රතිචාර දැක්වූ අමාත්‍ය මංගල සමරවීර සඳහන් කර තිබුණේ ‘බුදුන් වහන්සේ යනු තමන් ඝාතනය කරන්නට ආ දේවදත්තට පවා විහාරස්ථානය තහනම් නොකළ උත්තම පුරුෂයෙකි. ඒ උතුම් භාවිතාව තේරුම් නොගත් මෝඩ වහන්සේලා නිදුක් වෙත්වා. නීරෝගි වෙත්වා. සුවපත් වෙත්වා. දුකින් මිදෙත්වා’ යනුවෙනි. x

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි