රජයේ මුදල් භාවිතා කරමින් හිටපු ජනාධිපති රනිල් වික්රමසිංහ මහතා ඔහුගේ බිරිඳගේ උපාධි උත්සවයට සහභාගි වීම සම්බන්ධයෙන් සිදු වන විමර්ෂන කටයුතු වල ප්රගතිය ජූලි මස 08 වනදාට අධිකරණයට දැනුම් දෙන ලෙස කොළඹ කොටුව මහේස්ත්රාත් අපරාධ පරීක්ෂණ දෙපාර්තමේන්තුවට නියෝග කර ඇත.
අප්රේල් 29 වන දින කොටුව මහේස්ත්රාත් අධිකරණයේ අදාල නඩුව විභාග වූ අවස්ථාවේදී හිටපු ජනාධිපතිවරයා සහ හිටපු ජනාධිපති ලේකම් සමන් ඒකනායක යන මහත්වරුන්ට අදාළ පැමිණිල්ලේ පරීක්ෂණවල ප්රගතිය අධිකරණයට දැනුම් දෙන ලෙස දැනුම් දී ඇත. එහිදී පැමිණිල්ල වෙනුවෙන් පෙනී සිටි අතිරේක සොලිසිටර් ජනරාල් දිලීප පීරිස් මහතා අධිකරණය හමුවේ කරුණු දක්වමින් පවසා එදිනට පෙර සැකකරුවන්ට එරෙහිව අධි චෝදනා ගොනු කිරීමට පියවර ගන්නා බවත් පැමිණිල්ලේ සැකකාරියක ලෙස නම් කර ඇති හිටපු ජනාධිපති රනිල් වික්රමසිංහ මහතාගේ බිරිඳ වන මෛත්රී වික්රමසිංහ මහත්මිය නම් කරනවාදැයි අධ්යයනය කරමින් සිටින බවත්ය.
