සංවිධානාත්මක අපරාධකරුවකු ලෙස සැලකෙන ගනේමුල්ල සංජීව ඝාතනයට ආධාර අනුබල දුන් බවට චෝදනා එල්ල වී රැඳවුම් නියෝග මත රඳවාගෙන සිටි ඔස්මන්ඩ් ගුණසේකර හෙවත් ‘ගම්පහ ඔස්මන්’ ලබන නොවැම්බර් 13 වැනිදා දක්වා රක්ෂිත බන්ධනාගාරගත කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම මහතා නොවැම්බර් 09 දින නියෝග කළේය.
කොළඹ අපරාධ කොට්ඨාසයේ නිලධාරීන් විසින් සැකකරු අද අධිකරණයට ඉදිරිපත් කළ අවස්ථාවේදී මෙම නියෝගය නිකුත් කර තිබේ. ගනේමුල්ල සංජීව ඝාතනය සම්බන්ධයෙන් සැකකරු දින 180කට ආසන්න කාලයක් රැඳවුම් නියෝග මත තබාගෙන ප්‍රශ්න කර ඇති බව සඳහන් වේ. එම රැඳවුම් කාලය අවසන් වීමෙන් අනතුරුව ඔහුව නොවැම්බර් 09 දින අධිකරණයට ඉදිරිපත් කර තිබිණි.
සැකකරු සම්බන්ධයෙන් තවදුරටත් විමර්ශන සිදුකරන බැවින් ඔහු රක්ෂිත බන්ධනාගාරගත කරන ලෙස කොළඹ අපරාධ කොට්ඨාසය අධිකරණයෙන් කළ ඉල්ලීමක් සලකා බැලීමෙන් අනතුරුව මහේස්ත්‍රාත්වරයා මෙම නියෝගය ලබා දුන්නේය.
