පළාත් පාලන ආයතන 339ක් සඳහා පැවැත්වූ ඡන්ද විමසීමේදී ඉන් බහුතරයක් ජයග්‍රහණය කිරීමට ආණ්ඩුව වන ජාතික ජන බලවේගයට හැකිවී තිබේ. එසේ ජාතික ජන බලවේගය පක්ෂයක් ලෙස පළාත් පාලන ආයතන 268 ක වැඩිම ඡන්ද හෝ වැඩිම ආසන දිනාගෙත තිබේ. එසේ වුවද පසුගිය මහා මැතිවරණයට සාපේක්ෂව එය ජයග්‍රහණයක් ද යන පැනය පැනනැඟී තිබේ. ඊට හේතුව පසුගිය මහා මැතිවරණයට සාපේක්ෂව පළාත් පාලන ආයතන ඡන්ද විමසීමේදී ජාතික ජන බලවේගයට ලැබුන ඡන්ද ප්‍රමාණය අඩුවී තිබීමයි.
පළාත් පාලන ඡන්ද විමසීමේ ලියාපදිංචි මුළු ඡන්ද සංඛ්‍යාව 17,156,338 වූ අතර ඡන්දය ප්‍රකාශ කර ඇති සංඛ්‍යාව 10,616,087ක් විය. එය සියයට 61.88 ප්‍රතිශතයකි. ඉන් වලංගු ඡන්ද සංඛ්‍යාව වූයේ 10,410,810 කි. ජාතික ජන බලවේගය විසින් එයින් ලබාගෙන තිබුනේ ඡන්ද 4,503,930ක් පමණී. එය සියයට 43.26 ප්‍රතිශතයකි. 2024 පැවති පාර්ලිමේන්තු මැතිවරණයේදී ජාතික ජන බලවේගය ඡන්ද 6,863,186ක් හෙවත් සියයට 61.56ක් ලබාගෙන තිබුණි. එය ඡන්ද සංඛ්‍යාව සම්බන්ධයෙන් ගත්කළ ඡන්ද 23 ලක්ෂයකට වඩා අඩු වීමකි.
එවන් තත්වයකදී සමගි ජන බලවේගය පසුගිය මහා මැතිවරණයට වඩා ඡන්ද ලක්ෂ 3කට ආසන්න සංඛ්‍යාවක් ලබාගෙන ඇති අතර ශ්‍රී ලංකා පොදුජන පෙරමුණද ඔවුන්ගේ ඡන්ද සංඛ්‍යාව ලක්ෂ 6කින් පමණ ඉහළ දමා ගැනීමට සමත් වී ඇත. එමෙන්ම වෙනත් පක්ෂ හා කණ්ඩායම්ද ඔවුන්ගේ ඡන්ද ප්‍රමාණයන් ඉහළ නංවා ගැනීමට සමත් වී තිබේ.
එවන් ඡන්ද ප්‍රමාණයක් ආණ්ඩුවට මාස කිහිපයක කාලයකදී අඩුවීම ඔවුන්ට මීට පෙර ඡන්දය ලබාදුන් පිරිසේ කළ කිරීමක්ද නැද්ද යන්න විමසා බැලිය යුතු තත්වයකි. කෙසේ වෙතත් මෙම පළාත් පාලන ඡන්දය සම්බන්ධයෙන් ජනතාවට එතරම් උනන්දුවක් නම් තිබුනේ නැති බව පෙණුනි. ඒ කරුණු කිහිපයක් නිසාය. එකක් මෙම ඡන්දය පවතින පාලනයක් බලයෙන් පහකර අලුත් පාලනයක් ඇතිකර ගැනීමේ තීරණාත්මක එකක් නොවීමය. ඒ ණීසාම කොළඹ කේන්ද්‍රීය හෝ වෙනත් ප්‍රදේශ කේන්ද්‍රීයව රැකියා කරන පිරිස් සිය ඡන්ද භාවිත කිරීම සඳහා සිය ගම්බිම් කර යන්නට උත්සාහ කරන අයුරක් දිස්වූයේ නැත. එසෙම් තවත් සමහරුන් ඡන්දය දිමට යෑමට හැකියාව තිබියදීත් රැඛීයාවේ හෝ සිය වෙනත් කටයුතුවල නිරතවීමේ හෝ නිවසට වී සිටීමේ තත්වයන් දක්නට ලැබුණි.
ප්‍රධාන මැතිවරණ දෙකකට පසු එන මෙවන් මැතිවරණයකදී ඡන්දදායකයින්ගේ එවන් හැසිරීමක් සාමාන්‍ය යැයි උපකල්පනය කළද, එය ආණ්ඩුවට පමණක් නොව අනෙකුත් පක්ෂ හා කණ්ඩායම්වලටත් අදාළ විය යුතුය. එහෙත් මෙහිදී කැපී පෙනෙන ඡන්ද අඩුවීමක් සිදුවී ඇත්තේ ආණ්ඩුවටය.
කෙසේ වෙතත් දැන් මාතෘකාව බවට පත්වී ඇත්තේ ආණ්ඩුව වැඩිම ආසන සංඛ්‍යාවක් දිනාගත් පළාත් පාලන ආයතන සියල්ලේම ඔවුන්ට බලය පිහිටුවීමට හැකිද යන්නයි. ආණ්ඩුව පාර්ශවයෙන් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මේ වනවිට ප්‍රවෘත්ති සාකච්ඡාවක් පවත්වමින් ප්‍රකාශ කළේ ජනතාව විසින් ප්‍රතික්ෂේප කරන ලද දූෂිත දේශපාලන පක්ෂ සමඟ සන්ධානගතව ඔවුන් එම ආයතනවල බලය පිහිටුවන්නේ නැති බවයි. ඔවුන්ගේ ප්‍රතිපත්ති පිළිගන්නා ස්වාධීන කණ්ඩායම් සමඟ බලය පිහිටුවීමට සූදානම් බවයි.
ස්වාධීන කණ්ඩායම් සමඟ පමණක් සෑම ආයතනයකම බලය පිහිටුවීමට හැකිද යන ප්‍රශ්නය පවතින අතර ඒ සමහර ආයතනවල ස්වාධීන කණ්ඩායම් සැලකිය යුතු සභික සංඛ්‍යාවක් දිනගෙන නැති බැවිනි. එසේම මෙම ස්වාධීන කණ්ඩායම් ලෙස තරග වැදි අති බහුතරයක පිරිස් ටිල්වින් සිල්වා ප්‍රකාශ කරන දූෂිත දේශපාලන පක්ෂවල නියෝජිතයින් හෝ ආධාරකරුවන් වී සිටි නාම යෝජනා නොලැබීම හෝ වෙනත් හේතුවක් නිසා ස්වාධීන කණ්ඩායම් ලෙස ඉදිරිපත් වූ පිරිස් බවද අමතක කළ යුතු නැත.
අපගේ ගණනය කිරීම අනුව ජාතික ජන බලවේගය ලෙස වැඩිම ආසන ගණනක් ජයග්‍රහණය කළ පළාත් පාලන ආයතන අතරින් ඔවුන්ට තනි බලයෙන් පාලන බලය පිහිටුවිය හැකි පළාත් පාලන ආයතන ඇත්තේ 151ක් පමණය. (එම ලැයිස්තුව වෙනම දක්වා ඇත) ඒ එම පළාත් පාලන ආයතනවල සියයට 50ක් හෝ ඊට වැඩියෙන් සභික ධුර ඔවුන් දිනාගෙන ඇති නිසාය. මැතිවරණ කොමිසම නිවේදනය කර ඇති ආකාරයට එසේ සියයට 50 හෝ ඊට වැඩියෙන් පළාත් පාලන ආයතනවල සභික ධුර දිනාගෙන ඇති පක්ෂවලට ඔවුන් දැනුම් දෙන්නේ නගරාධිපති/සභාපති හා උප නගරාධිපති/උප සභාපතිවරු නම්කරන ලෙස දැනුම් දෙන නිසාය.
යම් පක්ෂයක් හෝ කණ්ඩායමක් පළාත් පාලන ආයතනයක සියයට 50ක් හෝ ඊට වැඩියෙන් සභික ධුර දිනාගෙන නැත්නම් සිදුකරනු ලබන්නේ පලාත් පාලන කොමසාරිස් විසින් එක් එක් පළාත් පාලන ආයතනයට තේරී පත්වී ඇති සභිකයින් ඒවායේ සභාව සඳහා කැඳවා එම ධුරවලට වැඩිම ඡන්දයෙන් පුද්ගලයන් තෝරා පත්කර ගැනීමය.
ජවිපෙ ලේකම්වරයා බලය පිහිටුවීම සම්න්ධයෙන් එසේ කියද්දී විරුද්ධ දේශපාලන පක්ෂ කොළඹ මහ නගර සභාව ඇතුළු ජාජබට බහුතර බලයක් නැති සභාවල ඒකාබද්ධවී බලය පිහිටුවීමට සාකච්ඡා කරන්නේ මෙවන් තත්වයකදීය. අපගේ ගණනය කිරීමට අනුව ජාතික ජන බලයට තනිව බලය පිහිටුවීමට බැරි පළාත් පාලන ආයතන 117ක් ඇත. (එම ආයතන වෙනම දක්වා ඇත)
ජයග්‍රහණය කළද මෙම තත්වය ජාතික ජන බලවේගයට පමණක් සීමාවූ එකක් නොවේ. සමගි ජන බලවේගය වැඩිම ඡන්දයෙන් හෝ ආසන ගණනින් ජයග්‍රහනය කළ අගලවත්ත ප්‍රාදේශීය සභාව, ගම්පොල නගර සභාව, අකුරණ ප්‍රාදේශීය සභාව, පන්විල ප්‍රාදේශීය සභාව, උඩුදුම්බර ප්‍රාදේශීය සභාව, අඹන්ගඟකෝරලේ ප්‍රාදේශීය සභාව, ලග්ගල පල්ලේගම ප්‍රාදේශීය සභාව, කල්පිටිය ප්‍රාදේශීය සභාව ආදියේද දක්නට ලැබෙන තත්වයකි. එමෙන්ම ඉලංකෙයි තමිල් අරසු පක්ෂය හා ලංකා කම්කරු කොංග්‍රසය හා වෙනත් පක්ෂ හා ස්වාාධීන කණ්ඩායම් වැඩිම ඡන්ද හෝ වැඩිම ආසන දිනාගෙන ඇති පළාත් පාලන ආයතන කිහිපයකම මෙම තත්වය තිබේ.
ඒ නිසා මෙම තත්වය වූ කලී ජාතික ජනබලවේගයට පමණක් ඇති තත්වයක් නොවේ. පොදුවේ සෑම දේහපාලන පක්ෂයකටම හා කණ්ඩායමකටම ඇති තත්වයක් වේ. එම තත්වය හැඳින්විය හැක්කේ ඇතුලෙත් ගැට, පිටත් ගැට හෙවත් අන්තෝ ජටා බහි ජටා ලෙසය.
ජාතික ජන බලවේගයට තනි බලයක් නැති පළාත් පාලන ආයතන 117
කොළඹ දිස්ත්‍රික්කය – කොළඹ, කොළොන්නාව නගර සභාව, සීතාවක ප්‍රාදේශීය සභාව, සීතාවක ප්‍රාදේශීය සභාව, ගම්පහ දිස්ත්‍රික්කය -වත්තල මාබෝල නගර සභාව, පෑලියගොඩ නගර සභාව,
කළුතර දිස්ත්‍රික්කය – හොරණ නගර සභාව, කළුතර මහ නගර සභාව, පානදුර ප්‍රාදේශීය සභාව, බණ්ඩාරගම ප්‍රාදේශීය සභාව, මදුරාවල ප්‍රාදේශීය සභාව, බුලත්සිංහල ප්‍රාදේශීය සභාව, මතුගම ප්‍රාදේශීය සභාව, දොඩන්ගොඩ ප්‍රාදේශීය සභාව, කළුතර ප්‍රාදේශීය සභාව, බේරුවල ප්‍රාදේශීය සභාව, පාලින්දනුවර ප්‍රාදේශීය සභාව, මිල්ලනිය ප්‍රාදේශීය සභාව, වලල්ලාවිට ප්‍රාදේශීය සභාව, මහනුවර දිස්ත්‍රික්කය
කඩුගන්නාව නගර සභාව, නාවලපිටිය නගර සභාව, මිනිපේ ප්‍රාදේශීය සභාව, මැදදුම්බර ප්‍රාදේශීය සභාව, පාතහේවාහැට ප්‍රාදේශීය සභාව, උඩුනුවර ප්‍රාදේශීය සභාව, උඩපළාත ප්‍රාදේශීය සභාව, මාතලේ දිස්ත්‍රික්කය
මාතලේ මහ නගර සභාව, ගලේවෙල ප්‍රාදේශීය සභාව, දඹුල්ල ප්‍රාදේශීය සභාව, උකුවෙල ප්‍රාදේශීය සභාව, රත්තොට ප්‍රාදේශීය සභාව, නුවරඑළිය දිස්ත්‍රික්කය
නුවරඑළිය මහ නගර සභාව, හැටන් දික්ඔය නගර සභාව, තලවාකැලේ ලිඳුල නගර සභාව, මස්කෙලිය ප්‍රාදේශීය සභාව, අඹගමුව ප්‍රාදේශීය සභාව, ආගරපතන ප්‍රාදේශීය සභාව, නුවරඑළිය ප්‍රාදේශීය සභාව, කොත්මලේ ප්‍රාදේශීය සභාව, හඟුරන්කෙත ප්‍රාදේශීය සභාව, වලපනේ ප්‍රාදේශීය සභාව,
ගාල්ල දිස්ත්‍රික්කය
ගාල්ල මහ නගර සභාව, හික්කඩුව නගර සභාව, බලපිටිය ප්‍රාදේශීය සභාව, වැලිවිටිය දිවිතුරේ ප්‍රාදේශීය සභාව, බෙන්තොට ප්‍රාදේශීය සභාව, නෙළුව ප්‍රාදේශීය සභාව, නාගොඩ ප්‍රාදේශීය සභාව, බද්දේගම ප්‍රාදේශීය සභාව, රජ්ගම ප්‍රාදේශීය සභාව,
මාතර දිස්ත්‍රික්කය
වැලිගම නගර සභාව, මුලටියන ප්‍රාදේශීය සභාව, වැලිගම ප්‍රාදේශීය සභාව,
හම්බන්තොට දිස්ත්‍රික්කය
හම්බන්තොට මහ නගර සභාව, තංගල්ල නගර සභාව, කටුවන ප්‍රාදේශීය සභාව,
කුරුණෑගල දිස්ත්‍රික්කය
කුරුණෑගල මහ නගර සභාව, කුලියාපිටිය නගර සභාව, ගිරිබාව ප්‍රාදේශීය සභාව, කොබෙයිගනේ ප්‍රාදේශීය සභාව, පඬුවස්නුවර ප්‍රාදේශීය සභාව, බිංගිරිය ප්‍රාදේශීය සභාව, උඩුබද්දාව ප්‍රාදේශීය සභාව, පන්නල ප්‍රාදේශීය සභාව, කුලියාපිටිය ප්‍රාදේශීය සභාව, මාවතගම ප්‍රාදේශීය සභාව,
පුත්තලම දිස්ත්‍රික්කය
පුත්තලම මහ නගර සභාව, හලාවත නගර සභාව, පුත්තලම ප්‍රාදේශීය සභාව, වනාතවිල්ලුව ප්‍රාදේශීය සභාව, කරුවලගස්වැව ප්‍රාදේශීය සභාව, නවගත්තේගම ප්‍රාදේශීය සභාව, ආණමඩුව ප්‍රාදේශීය සභාව, ආරච්චිකට්ටුව ප්‍රාදේශීය සභාව,
අනුරාධපුර දිස්ත්‍රික්කය
මැදවච්චිය ප්‍රාදේශීය සභාව, කැබිතිගොල්ලෑව ප්‍රාදේශීය සභාව, හොරොව්පතාන ප්‍රාදේශීය සභාව,
පොළොන්නරුව දිස්ත්‍රික්කය
වැලිකන්ද ප්‍රාදේශීය සභාව,
බදුල්ල දිස්ත්‍රික්කය
බණ්ඩාරවෙල මහ නගර සභාව, සොරණතොට ප්‍රාදේශීය සභාව, මීගහකිවුල ප්‍රාදේශීය සභාව, කන්දකැටිය ප්‍රාදේශීය සභාව, ලුණුගල ප්‍රාදේශීය සභාව, ඌව පරණගම ප්‍රාදේශීය සභාව, හපුතලේ ප්‍රාදේශීය සභාව, හල්දුම්මුල්ල ප්‍රාදේශීය සභාව,
මොණරාගල දිස්ත්‍රික්කය
මැදගම ප්‍රාදේශීය සභාව, බුත්තල ප්‍රාදේශීය සභාව, තණමල්විල ප්‍රාදේහීය සභාව,
රත්නපුර දිස්ත්‍රික්කය
රත්නපුර මහ නගර සභාව, බලංගොඩ නගර සභාව, රත්නපුර ප්‍රාදේශීය සභාව, කුරුවිට ප්‍රාදේශීය සභාව, පැල්මඩුල්ල ප්‍රාදේශීය සභාව, ගොඩකවෙල ප්‍රාදේශීය සභාව, කහවත්ත ප්‍රාදේශීය සභාව, වැලිගෙපොල ප්‍රාදේශීය සභාව, නිවිතිගල ප්‍රාදේශීය සභාව, අයගම ප්‍රාදේශීය සභාව, කොලොන්න ප්‍රාදේශීය සභාව,
කෑගල්ල දිස්ත්‍රික්කය
මාවනැල්ල ප්‍රාදේශීය සභාව, අරණායක ප්‍රාදේශීය සභාව, යටියන්තොට ප්‍රාදේශීය සභාව, බුලත්කොහුපිටිය ප්‍රාදේශීය සභාව, දැරණියගල ප්‍රාදේශීය සභාව, දෙහිඕවිට ප්‍රාදේශීය සභාව,
ත්‍රිකුණාමලය දිස්ත්‍රික්කය
සේරුවිල ප්‍රාදේශීය සභාව, කන්තලේ ප්‍රදේශීය සභාව,
අම්පාර දිස්ත්‍රික්කය
දෙහිඅත්තකණ්ඩිය ප්‍රාදේශීය සභාව, මහඔය ප්‍රාදේශීය සභාව, පදියතලාව ප්‍රාදේශීය සභාව, ලාහුගල ප්‍රාදේශීය සභාව,
වව්නියා දිස්ත්‍රික්කය
වව්නියාව උතුර ප්‍රාදේශීය සභාව, වව්නියාව දකුණ දෙමළ ප්‍රාදේශීය සභාව , වව්නියාව දකුණ සිංහල ප්‍රාදේශීය සභාව,
මන්නාරම දිස්ත්‍රික්කය
නානත්තන් ප්‍රාදේශීය සභාව,
යාපනය දිස්ත්‍රික්කය
කරෙයිනගර් ප්‍රාදේශීය සභාව
ජාතික ජන බලවේගයට තනි බලයක් ඇති පළාත් පාලන ආයතන 151
කොළඹ දිස්ත්‍රික්කය
දෙහිවල ගල්කිස්ස මහ නගර සභාව, ශ්‍රි ජයවර්ධනපුර මහ නගර සභාව, මොරටුව මහ නගර සභාව, කඩුවෙල මහ නගර සභාව, මහරගම නගර සභාව, කැස්බෑව නගර සභාව, බොරලැස්ගමුව නගර සභාව, කොටිකාවත්ත මුල්ලේරියාව ප්‍රාදේශීය සභාව, හෝමාගම ප්‍රාදේශීය සභාව
ගම්පහ දිස්ත්‍රික්කය
මීගමුව මහ නගර සභාව, ගම්පහ මහ නගර සභාව, කටුනායක සීදූව නගර සභාව, මිනුවන්ගොඩ නගර සභාව, ජා ඇල නගර සභාව, වත්තල ප්‍රාදේශීය සභාව, කටාන ප්‍රාදේශීය සභාව, දිවුලපිටිය ප්‍රාදේශීය සභාව, මීරිගම ප්‍රාදේශීය සභාව, මිනුවන්ගොඩ ප්‍රාදේශීය සභාව, අත්තනගල්ල ප්‍රාදේශීය සභාව, ගම්පහ ප්‍රාදේශීය සභාව, ජා ඇල ප්‍රාදේශීය සභාව, මහර ප්‍රාදේශීය සභාව, දොම්පේ ප්‍රාදේශීය සභාව, බියගම ප්‍රාදේශීය සභාව, කැලණිය ප්‍රාදේශීය සභාව,
කළුතර දිස්ත්‍රික්කය
පානදුර නගර සභාව, හොරණ ප්‍රාදේශීය සභාව,
මහනුවර දිස්ත්‍රික්කය
මහනුවර මහ නගර සභාව, වත්තේගම නගර සභාව, තුම්පනේ ප්‍රාදේශීය සභාව, හාරිස්පත්තුව ප්‍රාදේශීය සභාව, පූජාපිටිය ප්‍රාදේශීය සභාව, පාතදුම්බර ප්‍රාදේශීය සභාව, කුණ්ඩසාලේ ප්‍රාදේශීය සභාව, ගඟවට කෝරලේ ප්‍රාදේශීය සභාව, යටිනුවර ප්‍රාදේශීය සභාව, ගඟ ඉහළ කෝරලේ ප්‍රාදේශීය සභාව, පස්බබාගේ කෝරලේ ප්‍රාදේශීය සභාව,
මාතලේ දිස්ත්‍රික්කය
දඹුල්ල මහ නගර සභාව, පල්ලේපොාල ප්‍රාදේශීය සභාව, නාවුල ප්‍රාදේශීය සභාව, විල්ගමුව ප්‍රාදේශීය සභාව, මාතලේ ප්‍රාදේශීය සභාව, යටවත්ත ප්‍රාදේශීය සභාව,
ගාල්ල දිස්ත්‍රික්කය
අම්බලන්ගොඩ නගර සභාව, අම්බලන්ගොඩ ප්‍රාදේශීය සභාව, කරන්දෙනිය ප්‍රාදේශීය සභාව, තවලම ප්‍රාදේශීය සභාව, නියගම ප්‍රාදේශීය සභාව, යක්කලමුල්ල ප්‍රාදේශීය සභාව, අක්මීමන ප්‍රාදේශීය සභාව, බෝපේ පොද්දල ප්‍රාාදේශීය සභාව, ඉමදූව ප්‍රාදේශීය සභාව, හබරාදුව ප්‍රාදේශීය සභාව,
මාතර දිස්ත්‍රික්කය
මාතර මහ නගර සභාව, පිටබැද්දර ප්‍රාදේශීය සභාව, කොටපොල ප්‍රාදේශීය සභාව, කිරින්ද පුහුල්වැල්ල ප්‍රාදේශීය සභාව, පස්ගොඩ ප්‍රාදේශීය සභාව, අතුරලිය ප්‍රාදේශීය සභාව, අකුරැස්ස ප්‍රාදේශීය සභාව, මාලිම්බඩ ප්‍රාදේශීය සභාව, හක්මන ප්‍රාදේශීය සභාව, කඹුරුපිටිය ප්‍රාදේශීය සභාව, තිහගොඩ ප්‍රාදේශීය සභාව, දෙවිනුවර ප්‍රාදේශීය සභාව, දික්වැල්ල ප්‍රාදේශීය සභාව, මාතර ප්‍රාදේශීය සභාව,
හම්බන්තොට දිස්ත්‍රික්කය
වීරකැටිය ප්‍රාදේශීය සභාව, බෙලිඅත්ත ප්‍රාදේශීය සභාව, තංගල්ල ප්‍රාදේශීය සභාව, අඟුණකොලපැලැස්ස ප්‍රාදේශීය සභාව, අම්බලන්තොට ප්‍රාදේශීය සභාව, තිස්සමහරාම ප්‍රාදේශීය සභාව, සූරියවැව ප්‍රාදේශීය සභාව, හම්බන්තොට ප්‍රාදේශීය සභාව, ලුණුගම්වෙහෙර ප්‍රාදේශීය සභාව,
කුරුණෑගල දිස්ත්‍රික්කය
ගල්ගමුව ප්‍රාදේශීය සභාව, පොල්පිතිගම ප්‍රාදේශීය සභාව, නිකවැරටිය ප්‍රාදේශීය සභාව, මහව ප්‍රාදේශීය සභාව, ඉබ්බාගමුව ප්‍රාදේශීය සභාව, වාරියපොල ප්‍රාදේශීය සභාව, අලව්ව ප්‍රාදේශීය සභාව, නාරම්මල ප්‍රාදේශීය සභාව, පොල්ගහවෙල ප්‍රාදේශීය සභාව, කුරුණෑගල ප්‍රාදේශීය සභාව, රිදීගම ප්‍රාදේශීය සභාව,
පුත්තලම දිස්ත්‍රික්කය
හලාවත ප්‍රාදේශීය සභාව, නාත්තන්ඩිය ප්‍රාදේශීය සභාව, වෙන්නප්පුව ප්‍රාදේශීය සභාව,
අනුරාධපුර දිස්ත්‍රික්කය
අනුරාධපුර මහ නගර සභාව, රඹෑව ප්‍රාදේශීය සභාව, පදවිය ප්‍රාදේශීය සභාව, කහටගස්දිලිය ප්‍රාදේශීය සභාව, ගලෙන්බිඳුනවැව ප්‍රාදේශීය සභාව, තලාව ප්‍රාදේශීය සභාව, නුවරගම්පළාත නැගෙහිර ප්‍රාදේශීය සභාව, නුවරගම්පළාත මැද ප්‍රාදේශීය සභාව, නොච්චියාගම ප්‍රාදේශීය සභාව, රාජාංගනය ප්‍රාදේශීය සභාව, ගල්නෑව ප්‍රාදේශීය සභාව, ඉපොලෝගම ප්‍රාදේශීය සභාව, මිහින්තලේ ප්‍රාදේශීය සභාව, තිරප්පනේ ප්‍රාදේශීය සභාව, කැකිරාව ප්‍රාදේශීය සභාාව, පලාගල ප්‍රාදේශීය සභාව,
පොළොන්නරුව දිස්ත්‍රික්කය
පොළොන්නරුව මහ නගර සභාව, ඇලහැර ප්‍රාදේශීය සභාව, හිඟුරක්ගොඩ ප්‍රාදේශීය සභාව, මැදිරිගිරිය ප්‍රාදේශීය සභාව, ලංකාපුර ප්‍රාදේශීය සභාව, දිඹුලාගල ප්‍රාදේශීය සභාව, පොළොන්නරුව ප්‍රාදේශීය සභාව,
බදුල්ල දිස්ත්‍රික්කය
බදුල්ල මහ නගර සභාව, මහියංගනය ප්‍රාදේශීය සභාව, රිදීමාලියද්ද ප්‍රාදේශීය සභාව, පස්සර ප්‍රාදේශීය සභාව, බදුල්ල ප්‍රාදේශීය සභාව, හාලිඇල ප්‍රාදේශීය සභාව, වැලිමඩ ප්‍රාදේශීය සභාව, බණ්ඩාාරවෙල ප්‍රාදේශීය සභාව, ඇල්ල ප්‍රාදේශීය සභාව,
මොණරාගල දිස්ත්‍රික්කය
බිබිල ප්‍රාදේශීය සභාව, මඩුල්ල ප්‍රාදේශීය සභාව, සියඹලාන්ඩුව ප්‍රාදේශීය සභාව, මොනරාගල ප්‍රාදේශීය සභාව, බඩල්කුඹුර ප්‍රාදේශීය සභාව, කතරගම ප්‍රාදේශීය සභාව, වැල්ලවාය ප්‍රාදේශීය සභාව,
රත්නපුර දිස්ත්‍රික්කය
ඇඹිලිපිටිය නගර සභාව, ඇහැලියගොඩ ප්‍රාදේශීය සභාව, බලන්ගොඩ ප්‍රාදේශීය සභාව, ඉඹුල්පේ ප්‍රාදේශීය සභාව, කලවාන ප්‍රාදේශීය සභාව, ඇඹිලිපිටිය ප්‍රාදේශීය සභාව,
කෑගල්ල දිස්ත්‍රික්කය
කෑගල්ල මහ නගර සභාව, වරකාපොල ප්‍රාදේශීය සභාව, ගලිගමුව ප්‍රාදේශීය සභාව, කෑගල්ල ප්‍රාදේශීය සභාව, රඹුක්කන ප්‍රාදේශීය සභාව, රුවන්වැල්ල ප්‍රාදේශීය සභාව,
ත්‍රිකුණාමලය දිස්ත්‍රික්කය
මොරවැව ප්‍රාදේශීය සභාව, ගෝමරන්කඩවල ප්‍රාදේශීය සභාව, පදවි ශ්‍රීපුර ප්‍රාදේශීය සභාව, තඹලගමුව ප්‍රාදේශීය සභාව,
අම්පාර දිස්ත්‍රික්කය
අම්පාර නගර සභාව, දමන ප්‍රාදේශීය සභාව, උහන ප්‍රාදේශීය සභාව, නාමල්ඔය ප්‍රාාදේශීය සභාව,
