No menu items!
22.6 C
Sri Lanka
19 May,2024

මෛත්‍රී සමග සජිත් සන්ධාන නෑ

Must read

හිටපු ජනාධිපති මෛත්‍රීපාල සිරිසේන ශ්‍රී ලංකා නිදහස් පක්ෂයේ නායකයා ලෙස කටයුතු කරන තාක් එම පක්ෂය සමග සන්ධානගත නොවන බව සමගි ජන බලවේගයේ නායක සජිත් ප්‍රේමදාස ශ්‍රී ලංකා නිදහස් පක්ෂයේ මන්ත්‍රීවරුන් පිරිසකට ප්‍රකාශ කර ඇතැයි වාර්තාවේ.

ඒ සඳහා හේතුව වශයෙන් සජිත් ප්‍රේමදාස මහතා කියා ඇත්තේ පාස්කු ඉරුදින මරාගෙන මැරෙන ප්‍රහාරයට හිටපු ජනාධිපති මෛත්‍රීපාල සිරිසේන වගකිව යුතු බැවින් ලක්ෂ දහයක පමණ ඡන්ද ප්‍රමාණයක් ඔහු සමග එක්වීමෙන් තමාට අහිමි විය හැකි බවය.

ශ්‍රී ලංකා නිදහස් පක්ෂය නියෝජනය කරමින් පාර්ලිමේන්තුවට තේරී පත්වූ මන්ත්‍රීවරුන් 15 දෙනාගෙන් ශාන් විජයලාල් ද සිල්වා පමණක් මේ වනවිට සමගි ජන බලවේගයට එක්වී ඇති අතර බහුතරය තනතුරු ලබා ගනිමින් හා එසේ නොමැතිව ආණ්ඩුවට එක්වී තිබේ.

දැනට ආණ්ඩුවට එක්නොවී එම පක්ෂයේ තීරණ සමග සිටින්නේ පක්ෂ නායක මෛත්‍රීපාල සිරිසේන, පක්ෂයේ හිටපු මහ ලේකම් දයාසිරි ජයසේකර හා වත්මන් වැඩ බලන ලේකම් සාරතී දුෂ්මන්ත පමණය. ආණ්ඩුවේ තනතුරු ලබා නොගත්තද දුමින්ද දිසානායක හා අංගජන් රාමනාදන් පසුගිය කාලයේ ආණ්ඩුවට සහාය දක්වා තිබුණි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි