No menu items!
24.4 C
Sri Lanka
20 May,2024

අධිකරණ නියෝගය යුද හමුදාපති ඉටුකර නෑ – අධිකරණයට අපහාස කිරීමේ චෝදනාවකට ආසන්නයි

Must read

ශ්‍රී ලංකා යුද හමුදාව සඳහා මාණ්ඩලික ප්‍රධානියෙක් පත් කිරීම සඳහා යුද හමුදාපතිවරයා විසින් ජනාධිපතිවරයාට නම් යෝජනා ඇතත්, අභියාචනාධිකරණයේ නියෝගය අනුව ජනාධිපතිවරයාට යැවිය යුතු නිර්දේශයක් සිදුකර නැතැයි වාර්තාවේ.

මේ තත්වය මත ඉදිරියේදී අධිකරණයට අපහාස කිරීම සම්බන්ධයෙන් යුද හමුදාපතිවරයාට පැමිණිල්ලක් ඉඩක්ද මතුවී තිබේ. මාස කිහිපයක් පුරප්පාඩුව පැවති ශ්‍රී ලංකා යුද හමුදාවේ දෙවන තනතුර වන මාණ්ඩලික ප්‍රධානී තනතුරට මේජර් ජෙනරාල් ඩබ්ලිව්එච්කේඑස් පීරිස් ජනාධිපතිවරයා විසින් දෙසැම්බර් 15 දින සිට පත්කර ඇත්තේ යුද හමුදාපතිවරයා විසින් කර ඇති නිර්දේශයක් අනුව වන අතර එහෙත් අභියාචනාධිකරණ තීන්දුව අනුව බි්‍රගේඩියර් චන්දන ජයවීර මේජර් ජෙනරාල් ධුරයට උසස් කිරීම සඳහා ජනාධිපතිවරයාට නිර්දේශ කිරීම ඔහු කර නැත.

අංක 242/2023 රිට් පෙත්සම සම්බන්ධයෙන් නොවැම්බර් 24 වැනිදා ලබාදුන් අභියාචනාධිකරණ තීන්දුව අනුව යුද හමුදාපතිවරයා බි්‍රගේඩියර් චන්දන ජයවීර 2022 වර්ෂයේ සිට මේජර් ජෙනරාල් ධුරයට උසස් කිරීම සඳහා ජනාධිපතිවරයා නිර්දේශ කළ යුතු අතර ඔහුට හිමි හිග වැටුප් හා දීමනාද, ජ්‍යෙෂ්ඨත්වයේ පිහිටුවීමද කළ යුතුය.

අභියාචනාධිකරණ තීන්දුව සම්බන්ධයෙන් කිසිදු නිර්දේශයක් ජනාධිපතිවරයාට කර නැති යුද හමුදාපතිවරයා යුද හමුදා මාණ්ඩලික නිලධාරි තනතුරට පත් කිරීම සඳහා මේජර් ජෙනරාල් එම්කේ ජයවර්ධනගේ සහ මේජර් ජෙනරාල් ඩබ්ලිව්එච්කේඑස් පීරිස්ගේ නම් ජනාධිපතිවරයා වෙත යවා තිබේ. මේ අතරින් මේජර් ජෙනරාල් පීරිස් යුද හමුදාපතිවරයාද අයත් ගජබා රෙජිමේන්තුවේ සාමාජිකයෙක් වේ. බි්‍රගේඩියර් රණවීර 2021 වර්ෂයේ මේජර් ජෙනරාල් ධුරයට උසස් කර නැත්තේ මීලග යුද හමුදාපතිවරු ගජබා රෙජිමේන්තුවෙන් පත්කර ගැනීමේ සැළසුමකට බව මීට පෙර අනිද්දා පෙන්වා දුන්නේය.

බි්‍රගේඩියර් චන්දන ජයවීර අභියාචනාධිකරණ නියෝගය අනුව මේජර් ජෙනරාල් ධුරයට උසස් කර ජ්‍යෙෂ්ඨත්වයේ පිහිටුවූවා නම් ඔහු යුද හමුදාපතිවරයාට පසු ජ්‍යෙෂ්ඨත්වයෙන් ඉහළම නිලධාරියා බවට පත්වන අතර ඒ අනුව යුද හමුදා මාණ්ඩලික ප්‍රධානී ධුරයට සුදුසුකම් ලබයි. එමෙන්ම මීලග හමුදාපතිවරයා බවටද සුදුසුකම් ලබයි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි