වත්මන් ආණ්ඩුව මඟින් ගෙන ඒමට සුද්රනම් වන යෝජිත ශ්රී ලංකා වෘත්තීය ජනමාධ්යවේදීන්ගේ වරලත් ආයතනය ස්ථාපිත කිරීමේ පනත් කෙටුම්පත ඉවත් කරගෙන ඒ වෙනුවට සියලු පාර්ශ්වකරුවන්ගේ සහභාගීත්වයෙන් සැබෑ සංවාදයක් ආරම්භ කරන ලෙස ශ්රී ලංකා පුවත්පත් ආයතනය රජයෙන් ඉල්ලා ඇත.
ජුලි 20 වන දින ශ්රී ලංකා පුවත්පත් ආයතනය අදාල මාධ්ය නිවේදනය නිකුත් කර ඇති අතර ශ්රී ලංකා පුවත්පත් ප්රකාශකයින්ගේ සංගමය, ශ්රී ලංකා කර්තෘ සංසදය, ශ්රී ලංකා වෘත්තීය ජනමාධ්යවේදීන්ගේ සංගමය සහ නිදහස් මාධ්ය ව්යාපාරය, මුස්ලිම් මාධ්ය සංසදය, දෙමළ මාධ්ය සන්ධානය, මාධ්ය සේවක වෘත්තීය සමිති සම්මේලනය සහ දකුණු ආසියානු මාධ්ය සංගමයේ ශ්රී ලංකා ශාඛාව ඇතුළු මාධ්ය සංවිධාන මෙම පනත් කෙටුම්පතට විරෝධය පළ කර ඇති බව සඳහන් කර ඇත.
මෙම පනත් කෙටුම්පත සම්බන්ධයෙන් තම ප්රධාන කනස්සල්ල වී ඇත්තේ එය රජයේ මැදිහත්වීමක් මත ඉදිරිපත් කර ඇති බැවින් බව නිවේදනයේ සඳහන් සඳහන් කර ඇත.
ශ්රී ලංකා ඉංජිනේරු ආයතනය සහ ශ්රී ලංකා ගෘහ නිර්මාණ ශිල්පීන්ගේ ආයතනය වැනි වෘත්තීය ආයතන අදාළ වෘත්තිකයන් විසින්ම ආරම්භ කර කෙටුම්පත් කර පසුව පාර්ලිමේන්තුවේ සම්මත කර ගත් බව පෙන්වා දී ඇති අතර ජනමාධ්යවේදීන් සඳහා යෝජිත වරලත් ආයතනය පිහිටුවීම සම්බන්ධයෙන් මාධ්ය සංවිධාන සිදු කර ඇති විරෝධය නොතකා රජය විසින් මෙහෙයවන ව්යාපෘතියක් බවට පත් කර ඇති බවත් නිවේදනයේ සඳහන් කර ඇත.
මාධ්ය වෘත්තියේ ප්රමිතීන් ස්වයං-නියාමන මූලධර්ම මත පදනම් විය යුතු අතර ඒවා අමාත්ය අධීක්ෂණය යටතේ නීති පැනවීම සුදුසු නොවන බවද ශ්රී ලංකා පුවත්පත් ආයතනය අවධාරණය කර තිබේ. එමෙන්ම මාධ්ය වෘත්තීයභාවය ප්රවර්ධනය කිරීම රජයේ අරමුණ නම්, දශක දෙකකට අධික කාලයක් ජනමාධ්යවේදීන් පුහුණු කිරීමේ නිරතව සිටින ශ්රී ලංකා ජනමාධ්ය විද්යාලයට රජයේ මූල්ය සහාය ලබාදීමද විකල්ප විසඳුමක් ලෙස දැක්විය හැකි බවත් එම නිවේදනයෙන් පෙන්වා දී ඇත.
ප්රජාතන්ත්රවාදී රාමුව තුළ මාධ්යයේ ස්වාධීනත්වය හා මාධ්ය නිදහස ආරක්ෂා කරමින් යෝජිත පනත් කෙටුම්පත ඉවත් කර, අදාළ සියලු පාර්ශ්වකරුවන් සමඟ අර්ථවත් සංවාදයක් ආරම්භ කරන ලෙස ශ්රී ලංකා පුවත්පත් ආයතනය සහ ඊට අනුබද්ධ සංවිධාන රජයෙන් ඉල්ලා සිටින අතර අමාත්ය අධික්ෂණ වෙනුවට ස්වයං-නියාමනය සහ සම-නියාමනය මත පදනම් වූ ශ්රී ලංකා මාධ්ය කොමිෂන් සභාව නමැති විකල්ප යාන්ත්රණයක් තම ආයතනය මගින් රජයට යෝජනා කර ඇති බවද නිවේදනයේ සඳහන් කර ඇත.
