No menu items!
26.2 C
Sri Lanka
18 May,2024

චීන සහතිකය ගැන ඉන්දියාව අසතුටෙන්

Must read

ණය ප්‍රතිව්‍යුහගත කිරීමට අදාළ චීන සහතිකය ලැබී ඇතැයිද එය ලංකාවේ ආණ්ඩුව විසින් ලසාඩ් සහ පැරිස් ක්ලබ් යන ආයතන හරහා ඉන්දියාවට සහ ජාත්‍යන්තර මූල්‍ය අරමුදල වෙත දන්වා යවා ඇතැයිද එහෙත් එම වාර්තාව පිළිබඳව ඉන්දියාව සිය නොසතුට ලංකා ආණ්ඩුවට පළකර ඇතැයිද කරුණු වාර්තා වෙයි.

මෙහිදී චීනය ලංකාව වෙත මෙම ණය ප්‍රතිව්‍යුහගත කිරීමට අදාළව ලබාදී තිබෙන සහතිකයේ සම්පූර්ණ තොරතුරු ඉන්දියාවට සහ ජාත්‍යන්තර මූල්‍ය අරමුදල වෙත ලබානොදී සිටින්නට ලංකාව කටයුතු කර ඇතැයිද ඒ අනුව ඉන්දියාව විසින් එහි සම්පූර්ණ තොරතුරු ඉල්ලා ඇතැයිද වාර්තා වෙයි.

මෙහිදී ණය අය කරගැනීමේ කාලය දීර්ඝ කිරීම පිළිබඳව චීනය යම් එකඟතා සහ සහතිකවීම් සිදුකර ඇතැයිද එයට ඉන්දියාවේ හෝ ජාත්‍යන්තර මූල්‍ය අරමුදලේ එතරම් කැමැත්තක් නැති බවද වාර්තා වෙයි.

මෙම චීන එකඟතා ලියවිල්ල පිළිබඳව සහ ණය ප්‍රතිව්‍යුහගතකරණයට අදාළ වැඩසටහන පිළිබඳ සාකච්ඡාවන් එළඹෙන දෙසැම්බර් 6,7,8 යන තෙදින තුළ ජාත්‍යන්තර මූල්‍ය අරමුදලේ සිදුවන්නට නියමිත බවද ඒ අනුව බොහෝදුරට ලබන ජනවාරි මාසය තුළ ඩොලර් මිලියන 333ක ජාත්‍යන්තර මුල්‍ය අරමුදලේ මීළඟ ණය වාරිකය හිමිවෙනු ඇති බවද වාර්තා වෙයි.

මෙම ජාත්‍යන්තර මූල්‍ය අරමුදලේ ණය වාරිකය ලැබුණහොත් එම ණය මුදලට සමගාමීව ලෝක බැංකුව සහ ආසියානු සංවර්ධන බැංකුවෙන් තවත් ඇමරිකානු ඩොලර් මිලියන 500ක ණය ප්‍රදානයක් හිමිවෙනු ඇති බවද වාර්තා වෙයි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි