20.4 C
Sri Lanka
25 September,2022

ඇමති පුතා පෙබ. 07 දක්වා රිමාන්ඩ්

Must read

■ අමන්දිකා කුරේ


රාගම වෛද්‍ය පීඨයේ පිරිමි නේවාසිකාගාරයට පැමිණ සිසුන්ට පහර දීමේ සිදුවීමට අදාළව රාගම පොලිසියට භාර වූ අරුන්දික ප්‍රනාන්දු ඇමතිවරයාගේ 23 හැවිරිදි පුත්‍රයා ඇතුළු 7 දෙනෙකු වැලිසර මහේස්ත්‍රාත් අධිකරණයට ඉදිරිපත් කිරීමෙන් පසුව පෙබරවාරි 07 දක්වා රිමාන්ඩ් බන්ධනාගාරගත කර තිබේ.


රාගම වෛද්‍ය පීඨයේ තෙවන වසරේ සිසුවෙකු හා සිවුවන වසරේ සිසුන් කිහිපදෙනෙකු අතර තිබූ පෞද්ගලික ආරවුලක ප්‍රතිඵලයක් වශයෙන් අරුන්දික ප්‍රනාන්දු ඇමතිවරයාගේ පුත්‍රයා, ඇමතිවරයාගේ පෞද්ගලික කාර්ය මණ්ඩලයේ අය ඇතුළු පිරිසක් පෙබරවාරි 02 වන දින අලුයම සිසුන්ට පහර දීමට පැමිණ තිබුණේ පොල් සංවර්ධන අධිකාරියේ නිල රථයක් ද යොදාගනිමිනි.


පොල්, කිතුල්, තල් හා රබර් වගා ප්‍රවර්ධනය හා ආශ්‍රිත කාර්මික භාණ්ඩ නිෂ්පාදන හා අපනයන විවිධාංගීකරණ රාජ්‍ය අමාත්‍යාංශ ලේකම් තිස්ස හේවාවිතාරණ විසින් පහර දීමට පිරිස පැමිණ ඇති මෝටර් රථය පොල් සංවර්ධන අධිකාරියේ ලියාපදිංචි වූවක් බවට සනාථ කර ඇත.


රථය රැගෙන ගොස් තිබෙන රියැදුරු පොල් සංවර්ධන අධිකාරියේ සේවකයෙකු නොවන බවත් ඔහු ඇමතිවරයාගේ පෞද්ගලික ලේකම්වරයෙකු බවත් අමාත්‍යංශ කාර්ය මණ්ඩල සමාජිකයෙකු බවත් වැඩි දුරටත් ප්‍රකාශ කළේ ය.


ගැටුමේ දී පහර කෑ බව කියමින් තෙවන වසරේ සිසුවා මේ වන විට රෝහල්ගත වී සිටින අතර ඔහුගේ මව වන විශේෂඥ වෛද්‍ය කේ.ඩී.සී. පරණවිතාන සිදු කළ පැමිණිල්ලකට අනුව සිවුවන වසරේ සිසුන් දෙදෙනෙකු අත්අඩංගුවට ගනු ලැබූ බව පොලිස් මාධ්‍ය ප්‍රකාශක නිහාල් තල්දූව පැවසුවේ ය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි