■ අමන්දිකා කුරේ
හිටපු අමාත්‍යවරියක වන නිරූපමා රාජපක්ෂ හා ඇගේ සැමියා වන තිරුකුමාර් නඩේසන්ට එරෙහිව අල්ලස් හෝ දූෂණ විමර්ශන විමර්ශන කොමිසම කරන පරීක්ෂණය තවමත් පවතින්නේ මූලික අදියරේ බව එහි ලේකම් අප්සරා කල්දේරා මහත්මිය නොවැම්බර් 03 වන දින කළ විමසීමක දී ප්‍රකාශ කළා ය.
ඒ සම්බන්ධයෙන් අප ඔක්තෝබර් 21 වන දිනද විමසීමක් සිදු කළ අතර ඒ වන විටත් දේශීය බැංකු මූලාශ්‍ර අධ්‍යනය කරමින් පැවති අතර තවමත් එම පරීක්ෂණ කණ්ඩායම නියැළී සිටින්නේ එම කාර්යයේ ම ය.
නිරූපමා රාජපක්ෂ මහත්මියට හා ඇගේ සැමියාට විරුද්ධව මෙම පරීක්ෂණය සිදු කරනු ලබන්නේ ගවේෂණාත්මක මාධ්‍යවේදීන්ගේ ජාත්‍යන්තර එකතුව විසින් ඔක්තෝබර් 03 වන දින ඉදිරිපත් කළ පැන්ඩෝරා පත්‍රිකාවල සඳහන් අන්දමට වත්කම් සඟවාගෙන සිටීම සම්බන්ධවයි.■
