ජනතාව මහින්ද ගෙදර ඇරියේ ඒ අවකල් කි‍්‍රයා නිසාය. නීතියක් ඇති නිසාය. නැවත එතැනට තල්ලූ වෙන්නේ මහින්ද නොවේ. ගෝඨාභය රාජපක්ෂ ය. ගෝඨා ඊට කැමතිද? වියත් මග ඊට කැමතිද? එළිය ඊට කැමතිද? සිංහල බෞද්ධයන් ඊට කැමතිද? මල්වත්ත අස්ගිරිය ඊට කැමතිද? කාදිනල් මැල්කම් රන්ජිත් ඊට කැමතිද? මේ කී සියලූ පාර්ශ්ව නොවැම්බරයේ බලය දුන්නේ ගෝඨාභය රාජපක්‍ෂටය.
- නීතිඥ චන්ද්‍රසිරි සෙනෙවිරත්න
රාජපක්‍ෂලා නිරාවරණය වෙමින් පවතී. රාජපක්‍ෂවරු රාජ්‍ය පාලනය සඳහා තුනෙන් දෙක ලබා ගැනීමට කඩිමුඩියේ පාර්ලිමේන්තුව විසුරුවා හැරියාහ. රාජපක්‍ෂලා රාජ්‍ය සේවක පුහුණුව ආරම්භ නො කර ඡුන්දයක් දිනන්න බැරි තැනට පත්ව ඇත. එය බෙහෙවින් ඛේදජනකය. පුහුණුව නතර කළ පසුව ජනාධිපති ගෝඨාභය රාජපක්ෂ මැතිවරණ කොමිෂන් සභාවට ටිකක් සැරෙන් කතා කළේ ය. ඊටත් වඩා සැර කතාවක් හෙතෙම නිදහස් දවසේ ජාතිය අමතමින් කීය. එහි අර්ථය රටේ ජනතා අවශ්‍යතා ඉටු කිරිමේදී රාජ්‍ය සේවය ව්‍යවස්ථාදායකය හෝ අධිකරණය බාධාවක් නොකළ යුතු බවය. එසේම ශී‍්‍ර ලංකා නීතිඥ සංගමය අමතා පසුගිය පෙබරවාරි 14 වෙනිදා මීගමුවේදී සංවර්ධනය සඳහා විධායකය ගනු ලබන ප‍්‍රයත්නවලදී අධිකරණය බාධා නොකළ යුතු ය යන බරපතළ පණිවිඩය නිකුත් කළේය.
මැතිිවරණ කොමිසම පාලකයන්ගෙන් අපූරු ප‍්‍රශ්නයක් ඇසීය. ඔය වැඬේ ඉවර කර පාර්ලිමේන්තුුව විසුරුවා නො හැරියේ ඇයි? එයින් කියැවෙන්නේ අතපය හයියෙන් සහ ඔ`ථවෙන් කළ හැකි දේ පටලවා නොගත යුතු බවය. හෝ වෙනම තේරුම් ගත යුතු බව ය. රටේ නීතියක් පවත්නා බව සහ ඊට ඉහළින් කිසිවෙකුට යා නොහැකි බව ගෝඨාභය රාජපක්ෂ නොදන්නවා නොවේ. වීරකැටිය සොහොනට වැය කළ රාජ්‍ය මුදල් පරීක්‍ෂණ ආරම්භ කළ වහාම ආපසු ගෙවන ලද්දේ ඒ නිසාය. එය විනයකි. වරද තේරුම් ගැනීමකි. පරම්පරා නාමය රාජපක්ෂ වුණාට මහින්ද කළ දේ ගෝඨාභයගෙන් මේ රටේ මිනිස්සු අපේක්‍ෂා නොකරති. එසේම කරන්නත් බැරිය. රටේ ජනාධිපති මහින්ද නොවන බව රටම දනිති. ගෝඨාභය රාජපක්‍ෂත් ඒ ටික දැනටම යම් ප‍්‍රමාණයකට තේරුම් ගත යුතුවේ. නීතිය අතට ගත් මහින්දට වැරදුණේ ඒ ටික නොදැන සිටි නිසාය. පාලකයන් ලෙස රාජපක්‍ෂලාගේ කැරැුට්ටුව යහපත් නැත. රනිල් වික‍්‍රමසිංහට පින් සිද්ධ වෙන්න එකදු රාජපක්ෂ කෙනෙකු හෝ හිරේ විලංගුවේ වැටුණේ නැත. ඒත් නඩු කෝටියකි. මේ කතා කරන්නේ දේශපාලනය නොවේ.
තෝමස් හොබ්ස්ට අනුව ලෝකයේ ආණ්ඩු ක‍්‍රම තුනකි. ඒ රාජාණ්ඩු, රදළ ආණ්ඩු සහ ප‍්‍රජාතන්ත‍්‍රවාදී ආණ්ඩු යනුවෙනි. හොබ්ස් මේ න්‍යාය දක්වා සිය ලෙවියානන් කෘතියෙන් වඩාත් යහපත් යයි වර්ණනා කළේ රාජාණ්ඩු ක‍්‍රමයයි. හොබ්ස් අගය කළ රාජාණ්ඩු ක‍්‍රමයේ ලාංකේය අත්දැකීම කුමක්ද? ශී‍්‍ර වික‍්‍රම රාජසිංහ කුදලා එංගලන්තයේ රජුට භාරදී, රටේ අයිතිවාසිකම් ගිවිසුමකින් තහවුරු කර ගැනීමය. විනිසුරුවරුන් එළවා, විවේචකයන් මරා පවත්වා ගෙන ගිය මහින්ද රාජපක්‍ෂගේ රදළ ආණ්ඩුව 2015දී ජනතාව විසින් පළවා හැරියයේය. අද රටේ ඇත්තේ ව්‍යවස්ථාදායකය, අධිකරණය, විධායකය වෙන්ව පවත්නා ප‍්‍රජාතන්ත‍්‍රවාදී ආණ්ඩු ක‍්‍රමයකි. කුඹුරක් වපුරා අස්වැන්න ගෙට ගැනීමේ කි‍්‍රයාවලිය ගොවියාට භාරය. එහෙත් මීයාටත් වවුලාටත් ගැඩවිලාටත් පැවරුණ කුඹුරේ කිසිදු රාජකාරියක් ගොවියා පවරා නොගත යුතු බව තුන් සිංහලයම දනිති.
පසුගිය නොවැම්බර් මැතිවරණය ප‍්‍රතිඵලය සාධාරණ මෙන්ම නිදහස් නිවහල් එකකි. හේතුව රටේ මැතිවරණ නීතිය හරියටම කි‍්‍රයාත්මක වීමය. ඒ ගෞරවය එළඹෙන මහ මැතිවරණය ප‍්‍රතිඵලයට නො ලැබෙන බවට කරුණු පෙළ ගැසෙනු පෙනේ. බත් දන්සැල් විවෘත වේද? සිල් රෙදි බෙදයිද? ජනාධිපති මැතිවරණය දිනුවේ රටේ නීතියක් පැවති නිසාය. ඒ නෛතික රාමුව තුළ මහ මැතිවරණය ජයගත යුතුව ඇත. රටේ නීතිය එයයි.
2010දී මහින්දට තුනෙන් දෙක නොලැබිණ. අල්ලස් දී රනිල්ගේ ගෝලයන් බාගෙන තුනෙන් දෙක හදා ගත්හ. 18 වෙනි සංශෝධනය හරහා රාජපක්‍ෂවරු ස්වාධීන කොමිෂන් සභා අහෝසි කළහ. 19 වෙනි සංශෝධනය හරහා යළි ස්වාධින කොමිෂන් සභා නැවත ස්ථාපිත විය. ඒ කොමිෂන් සභා කි‍්‍රයාත්මක රටේ ඡුන්ද නීතියට අත තැබීමට 2015 බැංකු කඩා අසුවූ රනිල්ලාට නොහැකි විය. ඒ හපන්කම 2020 කර පෙන්විිමට 2015ට පෙර බැංකු කැඩූ රාජපක්‍ෂලා සැලසුම් කරමින් සිටිති.
17 වෙනි සංශෝධනයේ ගෙළ මිරිකීමට පෙර මහින්ද රාජපක්ෂ කීවේ වීරකැටියේ පොලිසියේ ඕඅයිසී මාරු කිරීමට මට බැරි නම් ඒ නීතියෙන් පලක් නැති බවය. ශිරානි බණ්ඩාරනායක සිද්ධියේදී කීවේ අපේ මිනිහෙක් නම් මම ෂේප් කරලා දානවා කියාය. නීතිය යනු පාලකයා කැමති දේ කිරීමට නොහැකිකමය. පාලකයාට නීතිය යටත් විය යුතුද? අකුරැුස්සේ සාරුව සුනිල්ලා හිච්චි කෙල්ලන් විනාස කර පාටි දැමුවේ මහින්ද රාජපක්‍ෂගේ ඕඅයිසී මාරු කරන ක‍්‍රමය යටතේය. එය නැවත මේ රටේ ඇති නොවිය යුතු බව ගෝඨාභය රාජපක්ෂ තේරුම් ගත යුතුව ඇත. නිදහස් දින ප‍්‍රකාශ කළ පරිදි ජන වරමක් ලැබී ඇති බව සැබෑය. ජන වරම යනු ගම් දනව් විනාස කරන ළැව් ගින්නක් නොවේ. ජනාධිපති පත් වුණේ රටේ නීතියට අනුවය. නීතියට අනුව පත්වූ ජනාධිපති රටේ නීතියට යටත් ය. හෙතෙම රටේ නිතිරිති ගණන් ගත යුතු නැතැයි කොහේවත් ලියා නැත.
ගෝඨාභයගේ ලොකු අයියා මාව විදුලි පුටුවට ගෙනියන්න හදනවෝ කියා කෑගැසුවා මතකද? ඒ රටේ නීතිය කඩා සෙල්ලම් පෙන්නූ මහින්ද ලෝක නීතියක් පවත්නා බව පිළිගත් හෙයිනි. ප‍්‍රංශ ජනතාව කැරලිි ගසා රජු සහ පවුල මරා දැමීය. හිට්ලර් සිය පවුලට වස කවා වෙඩි තබා දිවි නසා ගත්තේය. ඉතිහාසය යනු නැවත නැවත නොවෙනස්ව සිද්ධවන කි‍්‍රයාදාමයකි. ව්‍යවහාර වසර පනහක් යනු ඉතිහාසයේ සමහර විට එක දවසකි. ඒ අර්ථයෙන් විධායක ජනාධිපතිගේ සිව් අවුරුදු කාලය ඉතිහාසය අනුව නම් තත්පර ගණනකි.
යම් නීතියකින් බැරි නම්…? එහි අර්ථය කුමක්ද? අර්ථය කුමක් වුණත් සිරිසේන වැනි කඩමාල්ලක් වනවා, ජනතාව මහින්ද ගෙදර ඇරියේ ඒ අවකල් කි‍්‍රයා නිසාය. නීතියක් ඇති නිසාය. නැවත එතැනට තල්ලූ වෙන්නේ මහින්ද නොවේ. ගෝඨාභය රාජපක්ෂ ය. ගෝඨා ඊට කැමතිද? වියත් මග ඊට කැමතිද? එළිය ඊට කැමතිද? සිංහල බෞද්ධයන් ඊට කැමතිද? මල්වත්ත අස්ගිරිය ඊට කැමතිද? කාදිනල් මැල්කම් රන්ජිත් ඊට කැමතිද? මේ කී සියලූ පාර්ශ්ව නොවැම්බරයේ පොහොට්ටුවට කතිරය ගසා බලය දුන්නේ ගෝඨාභය රාජපක්‍ෂටය.
ස්වාධීන කොමිෂන් සභා හරහා කොණ්ඬේ දිග ගැහැනු ශ්‍රේෂ්ඨාධිකරණයට පත් කළ නොහැකි විය. විධායක ජනාධිපති සිරිසේනට අගමැති මාරු කිරීමට තබා පොලිස්කාරයෙකු මාරු කිරීමට ඉඩ නොලැබිණ. එය නරකද? මේ අවස්ථාවේ ඉල්ලා සිටින තුනෙන් දෙක ගැනද යමක් කිව යුතුවේ. පාර්ලිමේන්තුව ඒකමතිකව බල ගැන්වූ 17 වෙනි සංශෝධනය අහෝසි කොට 18 සංශෝධනය පාස් කර ගත්තේ කුලියට ගත් එජාප මන්තී‍්‍ර කට්ටන් ලවාය. 19 වෙනි සංශෝධනයට තුනෙන් දෙක ගෙනාවේ පාර්ලිමේන්තුවේ එකෙක් පමණක් විරුද්ධ වූ අතිබහුතරයක් විසිනි. ඒ ටික නැවත සිද්ධ වෙනවාට රටේ ජනතාව කැමති නැත.
මහින්ද චින්තනය යනු බණ්ඩාරනායක චෙල්වනායගම් ගිවිසුම මෙන් ඉතිහාසය ඉරා විසි කළ කොළ කිහිපයකි. යහපාලනයත් වචන හරඹයක් පමණක් බව රනිල් වික‍්‍රමසිංහ තහවුරු කළේය. රනිල් වික‍්‍රමසිංහලා සජිත්ලා පරදවා ගෝඨාභය රාජපක්ෂ පත්වුණේ යහ පාලනය අහවර කිරීමට නොවේ. දේශපාලනඥයන්ගේ අවකල්කි‍්‍රයා නතර කිරීමටය. අවකල් කි‍්‍රයා යනු කුමක්ද? දුලාංජලී පේ‍්‍රමදාස අත පැවති හොර සල්ලි කොළ සිද්ධියෙන් ඇය බේරුණේ මහින්දගේ අවකල් කි‍්‍රයා හෙවත් නීතිය යටපත් කිරීම නිසාය. අද සජිත් පේ‍්‍රමදාසලා මහින්දට ණය ය. රනිල්ට එරෙහිව පිටකෝට්ටේ පාර බ්ලොක් කිරීමට යූඇන්පිකාරයන් ආ දවසේ පිටකෝට්ටේ පාරට තාර දැමීමට පාර වසා රනිල් බේරුවේ මහින්ද විසිනි. ඒ උදව්වට රාජපක්‍ෂලාගේ සියලූ දූෂණ රනිල් වික‍්‍රමසිංහ විසින් යටපත් කළේය.
වීරවංශ බේරුවේත් රනිල්මය. අර්ජුන් මහේන්ද්‍රන් රට පටවා නීතියෙන් බේරුවේද රනිල්මය. මේවා අවකල් කි‍්‍රයා වෙයි. ඔවුන් බලය එකිනෙකාගේ වාසියට හුවමාරු කර ගනිමින් සිටිති. ගෝඨාභය දිනූ දවසේම 19 වෙනස් කිරීමට එජාපය කැමති බව ලක්‍ෂ්0මන් කිරිඇල්ල කීවේ ඒ නිසාය. එහි තේරුම් සජිත් ආවත් රනිල් ආවත් 19ට එරෙහිව තුනෙන් දෙක දෙන බවය. ඒ නිසා එන මහ මැතිවරණයේදී එජාපයේ ලක්‍ෂ ගණනක් ජනතා විමුක්ති පෙරමුණට කතිර ගසනවාය. ජවිපෙය ආසන 10ක් ලැබුණත් ඔවුන් ආසන සීයක හයියෙන් විරුද්ධ වෙනවාය. ඒ රටට නීතිය යහ පාලනය උවමනා නිසාය. රනිල් සජිත් සමග ආසන සියක් දිනුවත් ඒ සියලූ දෙනාම රාජපක්‍ෂලාට අත ඔසවනවාය. රනිල් ආවත් සජිත් ආවත් දෙන්නාම මැදමුලනට හීලෑ අපතයන් බව රහසක් නොවේ. පෝ්ලිං ගස්වා හිරකාරයන් මැරූ කාලය නැවත අවශ්‍ය නැත. X
