No menu items!
26.2 C
Sri Lanka
28 March,2024

චන්ද්‍රිකාගේ සහාය සජිත්ට

Must read

එක්සත් ජාතික පෙරමුණේ සාමාජික පක්ෂ අතර නව සන්ධානයක් පිහිටුවීම සඳහා නොවැම්බර් 1 වැනිදා ටාජ් සමුද්‍රා හෝටලයේදී ගිවිසුමක් අත්සන් කිරීමට නියමිත අතර එම ගිවිසුමට ශ‍්‍රී ලංකා නිදහස් පක්ෂයේ අනුශාසිකා චන්ද්‍රිකා කුමාරතුංග මහත්මිය අත්සන් තැබීමට නියමිත බව වාර්තා වෙයි.

ප‍්‍රජාතන්ත‍්‍රවාදී ජාතික පෙරමුණ යන නමින්, මීට පෙර පිහිටුවීමට සැලසුම් කර තිබුණු එම සන්ධානයට එක්සත් ජාතික පෙරමුණ සමඟ සිටින අනෙකුත් පක්ෂවල නායකයන්ද, සිවිල් සංවිධානද අත්සන් තැබීමට නියමිතය.

ඒ අනුව චන්ද්‍රිකා කුමාරතුංග ඇතුළු ශ‍්‍රී ලංකා නිදහස් පක්ෂය සුරැුකීමේ සංවිධානය ලෙස ගොනුවී සිටින ශ‍්‍රීලනිප ආසන සංවිධායකයන් 25 දෙනෙකු පමණ සජිත් පේ‍්‍රමදාස මහතාගේ ජනාධිපතිවරණ ව්‍යාපාරයට සහයෝගය පළ කිරීමට තීරණය කර ඇත.

චන්ද්‍රිකා පාර්ශ්වයට අමතරව ජාතික හෙළ උරුමය වෙනුවෙන් චම්පික රණවක, ශ‍්‍රී ලංකා මුස්ලිම් කොංග‍්‍රසය වෙනුවෙන් රවුෆ් හකීම්, සමස්ත ලංකා මක්කල් කොංග‍්‍රසය වෙනුවෙන් රිෂාද් බදියුදීන්, දෙමළ ප‍්‍රගතිශීලී පෙරමුණ වෙනුවෙන් මනෝ ගනේෂන් සහ පී දිගම්බරම් යන දේශපාලන පක්ෂ අත්සන් කිරීමට නියමිතය. ඊට අමතරව අමාත්‍ය රාජිත සේනාරත්න, අමාත්‍ය අර්ජුන රණතුංග ඇතුළු දේශපාලනඥයන් කිහිපදෙනෙක්ද, සිවිල් සංවිධාන නියෝජිතයන් කිහිපදෙනෙකුද අත්සන් තැබීමට නියමිතය.

ශ‍්‍රීලනිපය පොදුජන පෙරමුණ සමඟ සන්ධානගත වීමට විරෝධය පළ කරමින් ශ‍්‍රීලනිප සාමාජිකයන්ගේ සහභාගිත්වයෙන් නොවැම්බර් 5 වැනිදා සුගතදාස ගෘහස්ථ ක‍්‍රීඩාංගණයේදී සමුළුවක් පැවැත්වීමට නියමිතය. ඒ පිළිබඳ අදහස් දක්වමින් පාර්ලිමේන්තු මන්ත‍්‍රී කුමාර වෙල්ගම ප‍්‍රකාශ කළේ මෙම සමුළුව පවත්වන්නේ කිසිම අපේක්ෂකයෙකුට පක්ෂව හෝ විපක්ෂව නොවන බවත්, ශ‍්‍රීලනිපය පොදුජන පෙරමුණ සමඟ එක්වීමට ගත් තීන්දුවට විරෝධය පළකිරීමේ අරමුණින් බවත්ය. හිටපු ජනාධිපතිනි චන්ද්‍රිකා බණ්ඩාරනායක ඇතුළු විශාල පිරිසක් එයට සහභාගි වීමට නියමිත බවත්, ශ‍්‍රීලනිපයේ ප‍්‍රබල දේශපාලනඥයන් ගණනාවක් එම සමුළුවේදී සහ ඉන් පසුව ශ‍්‍රීලනිපය ගත් තීන්දුවට ප‍්‍රසිද්ධියේ විරෝධය පළ කරනු ඇති බවත් ඔහු පැවසීය.

කේ. සංජීව / තරිඳු උඩුවරගෙදර

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි