වතු කම්කරුවන් මුහුණ දී සිටින දෛනික වැටුප් අර්බුදයට විසඳුම් සෙවීම සඳහා නව වැටුප් මණ්ඩලයක් පත් කිරීමටත්, අදාළ පාර්ශ්ව සමඟ සාකච්ඡා පැවැත්වීමටත් රජය අපේක්ෂා කරන බව නීතිපතිවරයා අද (16) ශ්රේෂ්ඨාධිකරණයට දැනුම් දී තිබේ.
වතු කම්කරුවන්ගේ වැටුප් වැඩි කරන ලෙස නියෝගයක් ඉල්ලා ගොනු කර තිබූ පෙත්සමක් අද විභාගයට ගත් අවස්ථාවේදී නීතිපතිවරයා වෙනුවෙන් පෙනී සිටි රජයේ නීතිඥවරයෙකු මේ බව අධිකරණයට දැනුම් දුන්නේය. නව වැටුප් මණ්ඩලයක් පත් කිරීම සහ අදාළ පාර්ශ්ව සමඟ සාකච්ඡා කිරීම මඟින් වතු කම්කරුවන්ගේ දෛනික වැටුප් සම්බන්ධ ගැටලුවට විසඳුම් ලබාදීමට රජය අපේක්ෂා කරන බව එහිදී ප්රකාශ කර තිබේ.


