ජාතියක් ලෙස ගොඩ නැගෙන්න අවශ්ය නම් අපට තිස් අවුරුදු යුද්ධයම ප්රමාණවත්ය. එහෙත් වංචාව බොරුව මත යැපෙන නායකයෝ රට ගිනි තබති. බණ්ඩාරනායක පැය 24ක් තුළ සිංහලය රාජ්ය භාෂාව කරනවා කියා අගමැති විය. අදටත් සිංහලය රටේ රාජ්ය භාෂාව නොවේ. පැය 24රේ බොරුව, මහ දවල් දමිළ කඩසාප්පු ගෙවල් බිඳ බඩු කර තබාගෙන යාමට අවශ්ය උත්තේජනය ලබා දුන්නේය. එයින් රත්වූ උතුර දකුණ එක්ව ඇති කරගත් බණ්ඩාරනායක-චෙල්වනායගම් සම්මුතිය බෞද්ධ භික්ෂූහු ඉරා දැමූහ. ඊට ලැබුණ ඓතිහාසික දඬුවම පළාත් සභා ක්රමය කුඩුකාරයනගේ, මාලකාරයන්ගේ, වඬේකාරයන්ගේ සැණකෙළියක් වී ඇත.
56 බොරුවේ ¥ පුතුන් වූ මහින්දලා අටවාගත් දේශපේ්රමය රැුකීමට විල්පත්තුවේ කැලේ කපා ජනාවාස ඇති කිරීම, මිනීමරුවන් කුඩුකාරයන් යුද්ධයේ නාමයෙන් බේරාගැනීම ආදි ඕනෑම අලූකුත්තේරු වැඩක් ඔට්ටු බව මහින්ද චින්තනයේ දැක්වේ.
‘අරූ මරලා හරි බලේ ගත්තේ නැත්තේ ඇයි සර්’ කිියා කි්රස්තු ලබ්ධික නීලා වික්රමසිංහ නම් ගායිකාව අභයාරාමය නම් බෞද්ධ සිද්ධස්ථානයේදී මහින්දගෙන් බය සැක නැතිව ඇසීමෙන් තහවුරු වන්නේ පල්ලිය, පන්සල දෙකම මහින්දගේ වාසියට මිනී මැරීමට එකග බවය. පාස්කු ඝාතනද රාජපක්ෂලාගේ වාසියට පෙරළා ගනිමින් සිටියි. 1994 පටන් එජාප ශ්රීලනිප ආණ්ඩු දෙකම මේ ආගමික ව්යාප්තවාදීන්ට යට වී සිටියහ. එය කළු ජූලි ප්රහාරය එජාප පාලකයන් ද, හිරගෙදර ඝාතන ආරක්ෂක ලේකම් ද, රතුපස්වල ප්රහාරය මහින්ද රාජපක්ෂ ද, දැන සිටියා වාගේය. පාස්කු ප්රහාරය ගැන දැන සිටි සිරිසේන, රනිල්. මහින්ද තිදෙනා කළේ ප්රභූ ආරක්ෂාව තරකර ගැනීම පමණකි. බල තණ්හාවෙන් වියරු වැටුණ සිරිසේන, රනිල්, මහින්ද ආදින්ගේ මුග්ධ දේශපාලනයෙන් රට මුදා ගන්නවා හැර වෙනත් විකල්පයක් අපට නැත. ජනාධිපති අගමැති තනතුරු දැරීමෙන් පෘථුල අත්දැකීම් ලැබූ මේ මහලූ දේශපාලනඥයා සිරිසේනටත් රනිල්ටත් වඩා මේ විනාශයට වගකිව යුතුවේ. වසර 10ක් පුරා රටේ ජනාධිපති ලෙස ජාතික ආරක්ෂක කවුන්සිලයේ මුලසුන දැරූ මහින්ද රාජපක්ෂ හත් මසක් පුරා ජාතික ආරක්ෂක කවුසිලය රැුස් නොවූ බව විපක්ෂ නායක ලෙස දැන සිටියද කළ ලබ්බක් නැත. රට අනාරක්ෂිතව මෙවැනි විනාසයකට ගොදුරුවනු දැකීම මහින්දගේ අරමුණ විය හැකිය.
1962 හමුදා කුමන්ත්රණයේ තොරතුරු මැතිනියට දන්වා සිටියේ අම්බලන්ගොඩ එජාප මන්ත්රී පීදඇස් කුලරත්න විසිනි. රාජපක්ෂ යුගයේ කළ සාහසික අපරාධ නිසා බුද්ධි අංශයේ අතලොස්සක් නීතියට කොටුවී සිටිති. හැම සිද්ධියකටම පැටලී සිටින්නේ එකම හාදයන් පිරිසකි. පාස්කු ඛේදවාචකයේදී මහින්ද කතා කළේ මේ අය වෙනුවෙනි.
කෝට් බෑය සහ ඉංගි්රසියත් නොවේ නම් රනිල් කෙනෙක් නැත. නෝංජල් එජාපයට මිස, ගමක සමිතියකටවත් රනිල් වැද්දගන්නේ නැත. කෝස්තාපල්කමට හෝ නොවටින පූජිත් ගෙදර යැවිය යුතුය. ඒ සිරිසේනගේ බේරීමට නම් නොවේ. ප්රහාර ගැන ජනාධිපති දැනුවත් කර තිබුණා නම් හේමසිරිලා පූජිත්ලා සමග සිරිසේන සහ රනිල්ද යා යුතුවේ. නීතිඥයන් වන මහින්ද, රනිල් දෙදෙනා සහ දෙකට නැවී දෙපැරන්ද අස්සෙන් රුවිතෙට ලෝකය දකින සිරිසේන අතර ඇති වෙනස කුමක්ද? පාස්කු ප්රහාරය මැඬ රට සංසුන් කළේ ආරක්ෂක අංශ මිස මේ මොංගල් නායකයන් නොවේ. ඒ ඇත්ත රටට කියන්නට ජාතික මාධ්යයක් නැත. රටේ පාසල් වාරය ආරම්භ කළ හැකි බවට ආරක්ෂක ප්රධානීන් සහතික කරද්දී රට අනාරක්ෂිත බව පෙන්වමින් අදටත් බාධා කරන්නේ කවුද? රත්නපුරේ අයගම කච්චිකන්දේ පොලිසිය වැටලූ බූරු පොලේ සිට රුපියල් ලක්ෂයක් ඉණේ ගසා ගෙන පැනයද්දී ඇළක වැටී මියගිය 58 හැවිරිදි රණවීර ආරච්චිගේ දයාරත්න අයගම ප්රාදේශීය සභාවේ හිටපු පොහොට්ටු මන්තී්ර කෙනෙකි. මේ සිද්ධිය කියන්නේ හොරෙන් බූරු ගහන තරමට රට සංසුන් බවට පොහොට්ටුකාරයන්ද විශ්වාස කළ බවය.
රට අනාරක්ෂිත හෙයින් සිසුන් නොඑවන බවට පැල්මඩුල්ල පැත්තේ පාසල් සංවර්ධන සමිතියක තීරණයද, කතෝලික පාසල් විවෘත නොකරන බවට කාදිනල් මැල්කම් නිවේදනයද දෙරණ වාර්තා කළේය. අම්බලන්ගොඩ ආඳාදොල මහා විද්යාලයේ විදුහල්පති සහ ශිෂ්යාවක බිය නොවී පාසල් එන්න කියා පාසල් භූමියේ සිට කළ ඉල්ලීම මාධ්යයට වැදගත් වුණේ නැත. අනුරාධපුර මැදි විදුහලෙන්ද ලැබුණේ එවැනි ධනාත්මක පණිවිඩයකි. මැයි 06 වෙනි සඳුදා මල්වතු අස්ගිරි මහ නාහිමිවරුන්ද මේ කුමන්ත්රණයට හසුවිය. පාසල් වැසී යාමෙන් බොහෝ දෙනා රට ආරක්ෂිත බව පෙන්වා සමහරු ජය ගත්හ. මේ වැට්ටුවේ සිසු පරපුර මිස ආණ්ඩුව නොවේ. මේ සංසිද්ධිවලදී රනිල් වික්රමසිංහ වෙලේ සිටුවූ පඹයෙක් විය. තැන තැන රට ගිනිගෙන යළි ඇඳිරි නීතිය පැනවෙද්දී ගැන්සියක් සමග සිරිත් පරිදි සිරිසේන විදේශගත විය.
තිස් අවුරුදු යුද්ධයෙන් උතුරු නැගෙනහිර බාල පරම්පරා තුනක් විනාසය. නවසිය අසූ ගණන් වන තෙක් යාපනේ හපන්නු භාෂා තුනම මැනවින් හසුරුවමින් රාජ්ය සේවයට ශක්තියක් වූහ. අද තත්වය කුමක්ද? යාපනේ දරුදැරියන්ට ඉංග්රීසි සිංහල තබා ඔවුන්ගේ උරුමය වූ සම්භාව්ය දෙමළ දැනුමත් නැත. අද යාපනේ ගැටව් කතාකරන්නේ තමිල්නාඩු චිත්රපටවලින් ඉගෙනගත් කසඩ දෙමළ ය. මේ හදන්නේ දකුණේ දරුවන්ද අමාරුවේ දමන්නටය. ජාතිය ගැන සිතුවා නම් කිසිවෙකු පාසල් නොයන්නැයි දරුවන් දෙමාපියන් බය කරන්නේ නැත. අපේ සමහර හාමුදුරුවරු ’56 සිට මේ කොන්ත්රාත් කරති.
කාගේදෝ කීමකට කාදිනල් මැල්කම්ද ඊට මැදි ව සිටී. පාස්කු ප්රහාරයෙන් පසුව ඇත්තටම සිද්ධ වුණේ කුමක්ද? ආසන්න දින 6-7ක් ඇතුළත මහමග තැන තැන තිබුණ යතුරුපැදි කාගේද? කෑලි ගලවාගෙන විසිකර දැමූ ඒ අබෙලි සුංබුං පාරට ගෙනත් දැම්මේ කවුද? ඒ බව කිසිවෙකු නිරීක්ෂණය කර තිබුුණේද? හෝ එකී යතුරුපැදි හිමිකරුවන් සොයා ප්රශ්න කළේද? මේවා හෙළි කළ යුතුව තිබේ. රටේ ගවේෂණාත්මක මාධ්යවේදීන් නැත. ගඩොල් කැට එතූ පාර්සල්, රාති්රයේ ගම්වල පිපිරුණ රතිඤ්ඤා ආදි රට බියවැද්දීමේ සෙල්ලම කාගේද? අහඹු මීගමු සිද්ධිය කෙළවර ගෙවල් කඩ මංකොල්ල කෑහ. වලියක් ඇද කොල්ලකෑම වයඹටත් බස්නාහිරටත් පැතිරෙද්දී මහින්ද මුස්ලිම් අන්තවාදය වැළැක්වීම ලෙබ්බේලාට බාර දී සිය ගෝලයන් ලවා මුසල්මානු කඩ ගිනි තබති. මහ පක්ෂ දෙකේ ලබ්බෝ ලෙබ්බේලා සමග ආණ්ඩු කරමින් දුන් වරදාන රටටම හූනියමක් වී ඇත. තැන තැන ගිනි අවුළුවන්නේ සිරිසේනද? මහින්දද?
අමෙරිකාව හදිසියේ ගෝඨාභයට දුන් වටිනාකමත් පෙළගස්වා තත්වය නිරීක්ෂණය කළ යුතු වේ. පිපිරුම සමගම ලෙඬේ කාගේ හෝ කරේ ගැසීමේ උවමනාව දෙපැත්තටම තිබිණ. එහෙත් ප්රහාරවල හැඩය අනුව එය ලෝකල් එකක් නොවන බව කාටත් වැටහිණ. ඒ අනුමානය දැන් බිඳ වැටෙමින් පවතී. ප්රහාරයේ සැලැස්ම, වැය කළ මුදල්, තාක්ෂණය ඥානය සහ මිනිස් බලය අයිඑස්අයිඑස් බව තහවුරු විය. එහෙත් ප්රහාරය කරන දිනය, ස්ථානය, ගොදුර හෙවත් විනාසවන බහුතර ජන වර්ගයා කාගේ තීරණයක්ද? තෝරාගත් පල්ලි තුනම ද්රවිඩ බැතිමතුන් ගැවසෙන ස්ථාන වෙයි. හෝටල්.? ධනවත් විදේශිකයන් ආ ගිය නවතැන් වෙයි. අයිඑස්අයිඑස්ලාට ආණ්ඩුව සමග කොන්තරයක් තිබුණාද? ප්රහාරයේ ආසන්න වාසිය අපේ්රල්වල සිදුවෙතැයි අනුමාන කළ හදිසි දේශපාලන පෙරළි නතර වීම බව ලඝු කොට සැලකිය යුතු නැත. අයිඑස්අයිඑස්ලාට සිරිසේන සමග කොන්තරයක් තිබුණාද? හදිසි ජනාධිපති මැතිවරණයක් ගැසට් කළා නම් දකුණේ එජාප විරෝධී පිළේ අපේක්ෂකයා ලෙස සිරිසේන පිළිගැනීමට රාජපක්ෂලාට සිදුවේ.
ගෝඨාගේ සිහිනය බොඳවේ. පාස්කු ප්රහාරයේ දිනවකවානු ස්ථාන සහ ඉලක්කවල වාසිය ලැබුණේ කාටද? සිංහල බෞද්ධයන් නොගැවසෙන ස්ථාන තේරීම යම් කිසි එකගතාවක්ද? මේ අනුමාන ගැන ආරක්ෂක අංශ නොදන්නවා විය නොහැකිය. 56 දේශපේ්රමී දරු මුණුපුරන් අද ඉන්නේ නිම වූ යුද්ධයේ රුධිර තටාකය මත්තේ පා වෙමිනි. එහි පිටාර මට්ටම පහත වැටීම වළක්වා නොගතහොත් ඔවුන් ඉතිහාසයේ පතුලට ඇදී යනවාමය. බුද්ධි අංශ කතා ආවේත් පාසල් විවෘත කිරිමට පොල්ල දැම්මේත් උක්ත මානසිකත්වය විය නොහැකිද? රටම අනුමාන කරන මේ තොරතුරු බුද්ධි අංශ හරහා ආණ්ඩුවට නොයන්නේ ඇයි?
මේ දේශපාලනය කරන වෙලාවක් නොවේ. අකිල විරාජ් සුරක්ෂා රක්ෂණය උස්සා ගොම තලියක් හිසේ හලා ගත්තේය. මහින්දගේ බුද්ධි අංශ කතාවත්, ගෝඨාගේ මං එනවා කතාවත්, අස්ගිරි ප්රකාශයත් ඊට දෙවෙනි නැත. සිරිසේන රටේත් නැත. හමුදාවත් පොලිසියත් නොසලකන රනිල් මේ රටේ අගමැතිද? රටට අවශ්ය ජාතික දැක්මකි.
‘‘මං කී පරිදි ප්රදේශය හරියට පරීක්ෂා කළා නම් මේ සිද්ධිය වෙන්නේ නෑ’’ කාදිනල් මැල්කම් මීගමුවේදී කීය. කුණු වෙන්න බීලා පාරේ යාමේ අහඹු සිද්ධියකට ආරක්ෂක අංශ පළිද? ආරක්ෂක අංශ දෙන තහවුරුවට අත්දුටුයි ප්රත්යක්ෂයි කිව හැක්කේ කාටද? එය විකාරයකි. පොන්සේකාලා ගෝඨාලා බෝම්බ කෑවේ කාදිනල් මැල්කම් කී පරිදි පරීක්ෂා නොකළ නිසාද? පාලකයන් දෙන්නාම බොරුකාරයන් බව කියන තරමට කිසිදු කතෝලික පූජකවරයකු මෙතෙක් මෙසේ ඉක්මන් වී නැත.
ජනාධිපති පේ්රමදාස 1988 දෙසැම්බර් 18 දින 15 සංශෝධනය හරහා ආණ්ඩුක්රම ව්යවස්ථාවේ 99.6 අනු ෙඡ්දයේ ‘අදාළ ඡුන්ද සංඛ්යාව’ 12-5% සිට 5% තෙක් අඩුකිරීම ඒ.එච්.එම්.අශ්රොෆ්්ට 2008 ජනාධිපති ඡුන්දයේදී දුන් පොරොන්දුවකි. එදා සිට බලයට පත් හැම ආණ්ඩුවක්ම සිටියේ මුස්ලිම් අත්අඩංගුවේය. ආසන්න වසර 14 තුළ ආණ්ඩුව මැදිහත්ව ඉදිකළ මුස්ලිම් පල්ලි තුන්සිය ගණනකි. අනවසර ජනාවාසයක් විල්පත්තුවේ ඉදි කළේද, මන්නාරම් අධීකරණයට පැන යකා නැටූ ඇමතියා ආරක්ෂා කළේද, ෂරියා විශ්වවිද්යාලය ඉදි කළේද රාජපක්ෂ ආණ්ඩුව විසිනි. මාවනැල්ලේ පිළිම කැඩූ එවුන් බේරා හැරියේද වනාතවිල්ලූ අවි කඳවුර රැුක්කේද රනිල් සිරිසේන ආණ්ඩුව විසිනි.
පාස්කු ප්රහාරය යනු අයිඑස්අයිඑස් අපේ භූමිය පාවිච්චි කිරීම පමණකි. ඒ ඉඩ සැලසුණේ පාලකයන් ශී්ර ලංකාවේ නීතියේ ආධිපත්යය බිඳදැමූ නිසා ය. වනාන්තරයේ ඉඩ වනාන්තරයට හිමිකළ නීතිය කැඩුවේ රිෂාඞ් බදියුදින් නොවේ. විල්පත්තු ජනාවාසයට කට්ටිකරුවන් තේරුවේ ඉඩම් කොමසාරිස් නොවේ. ‘මං දුන්නේ සංසුන් රටක්’ යයි පංපෝරි ගසන, මහින්ද රාජපක්ෂ මේවාට දෙන පිළිතුර කුමක්ද? ඕවා කළේ මම නොවේයයි ප්රසිද්ධියේ කියන තරමට මහින්ද මහලූය. දුර්වලය. වැලිකඩ සිරගෙදරදී 2012 නොවැම්බරයේ පෝලිම්ගස්වා කළ මිනිස් ඝාතනද, විල්පත්තු වන සංහාරය මෙන් නීතියට එරෙහිව කළ අපරාධ වෙයි.
නඩත්තු නඩුවලදී වගඋත්තරකාර අවිවාහක අප්පලාගෙන් උසාවිය අසන්නේ පිතෘත්වය බාර පිළිගන්නවාද කියාය. උත්තරය ඔව් හෝ නෑ යන්න පමණකි. එසේම අරක මේක නිසා නීතිය කැඩුවා කියන්න දේශපාලනඥයන්ට නොහැකිය. දිගාමඬුල්ලේ පී.එච්.පී. පියසේන පාර්ලිමේන්තු මන්තී්රව සිටියදී පාවිච්චියට දුන් රජයේ වාහනයක් මන්තී්රකම අහිමි වී එක් වසරකුත් දින 17ක් පාවිච්චි කොට පොදු දේපළ නීතිය කඩා ඇත. ඒ වරදට ලක්ෂ 54ක දඩයකට සහ 4 අවුරුදු සිරදඬුවමකට පියසේන යටත් විය. වීරකැටියේ සොහොන ඉදිකළ රජයේ මුදල් ගෝඨාභය රාජපක්ෂ ආපසු ගෙවීමෙන් කළ වරද පිළිගෙන හමාරය. හිරේ යාමට නියමිත ගෝඨාභය රාජපක්ෂ රටේ පාලකයා කරන්න අමෙරිකාව කැමති විය හැකිය. ලංකාවේ බහුතරය කැමති නැත.
පාස්කු ඛේදවාචකයෙන් ඉස්සෙන්න ද`ගලන රාජපක්ෂවරු බල තණ්හාවෙන් වියරුව සිටිති. අස්ගිරිය සහ කාදිනල් මැල්කම් රාජපක්ෂලා වෙනුවෙන් පෙනී සිටීම මිනිස් ශිෂ්ටාචාරයට කරන නිග්රහයකි. අමෙරිකා එක්සත් ජනපදය ගොඩ නැගී වසර දෙසිය පනහක් නැත. සිංගප්පූරුවත් ලංකාවත් සම වයස්ය. අමෙරිකාවත්, සිංගප්පූරුවත් තමන්ට අනන්ය ජාතිකත්වය මත ශක්තිමත්ව සිටියි. වසර දෙදහස් පන්සියක අඛණ්ඩ ලිඛිත ඉතිහාසයක් හිමි ශී්ර ලංකා වාසි අප..? බලය හමුවේ ‘බැල්ලියකට කා කොටා ගන්නා බලූ රැුළක් තරම්’ හෝ සදාචාර සම්පන්න නැත. මේ තක්සේරුව ලංකාවාසි පූජ්ය පූජක ස්ත්රී පුරුෂ කවුරුත් විඳ දරාගත යුතුවේ. x
x නීතිඥ චන්ද්රසිරි සෙනෙවිරත්න
