ගුරුනගර් අපවිත‍්‍ර වෙරළ සහ යාපනයේ කුල ප‍්‍රශ්නය
පසුගිය දිනෙක මම කට්ට කාෂ්ඨක අව්වක නැහැවෙමින් යාපනයේ ලන්දේසි කොටුපවුර දෙස සිට වෙරළ අස පාරේ ගුරුනගර් නම් පැරණි ධීවර ගම්මානය දෙසට ඇවිද ගියෙමි. ඉන්පසු එතැනින් ගුරුනගර් ධීවරයන්ගේ බෝට්ටු මුහුදට දමන ගුරුනගර් ජැටියට ද ගියෙමි. යාපනය කවදත් මට ප‍්‍රියය. එය වචනයෙන් විස්තර කරන්නට බැරි හැඟීමක් මසිතට රැුගෙන එයි. එහෙත් මේ ගමන එතරම් තදින් සිතට දැනුණ ගමනක් නොවේ! මුහුදු වෙරළට සමාන්තරව මා ඇවිද ගිය මඟ පොලිතින් ප්ලාස්ටික් මාරයා ගිලගෙන හමාරය. මේ තත්ත්වයම මම කල්පිටියේ බත්තලංගුණ්ඩුව ¥පත් ජැටිය ආසන්න මුහුදු වෙරළේදීද අත්විඳ ඇත්තෙමි. අහෝ කෙතරම් විනාශයක් දැයි සිතෙයි.
ගුරුනගර් ඉතිහාසය
ගුරුනගර් යන වදන කුරු-නගර් යන වදනින් නිපන් බව දැනගන්නට ඇත. කුරු යනු දකුණේ කුරුකුලසූරිය යන්නෙන් බිඳී ආවකි. කරෙයියාවරුන් නැතිනම් කවුරවයන් භාවිත කරන වාසගමකි කුරුකුලම්. කරෙයි යනු මුහුදු වෙරළයි. මුහුදු වෙරළ අසලම දිවි ගෙවන ප‍්‍රජාව කරාව වංශිකයෝ ය. ඒ අනුව ගුරුනගර් බහුතරය කරාව වංශිකයෝ නැතිනම් කරෙයියාවරුන් විය යුතුය. එය නිවැරදිය.
ගුරුනගර් බහුතරය යාපනය කුල ධුරාවලියේ වාටියේම සිටින කරෙයියාවරුන් ය. ඔවුන්ට ඉහළ කුල විඳින බොහෝ දේ ළඟා කර ගනු බැරිය. පසුගිය යුද්ධ කාලයේ රබර් බෝලයක් සේ මෙම කුල සාධකය යාපනය ජනසමාජය පතුලට ගොස් සිටියද දැන් එය නැවත සමාජය මතුපිටට පැමිණ ඇත. දෙවියන් ඇදහීමට කෝවිල් යෑමේ සිට එදිනෙදා ජීවිතයේ බොහෝ දේවල් මේ කුල සාධකය මතම බැඳී ඇත. එනිසාම අද මේ මිනිසුන් විඳින දුක අපමණය. ඔවුහු මුහුදට විසිකර දමන ප්ලාස්ටික් පොලිතීන් මෙන්ම ඔහේ පාවි පාවී සිටිති. දැන් අපට කුරු වචනය වගේම නගර් යන වචනයේ තේරුමද සොයා ගත හැකිය. නගර් යනු නගරය යන්නයි. යාපනය රාජධානිය නල්ලූර් වෙත යන්නට ප‍්‍රථම එය මෙහි පැවති බව සමහර ඉතිහාසකරුවන්ගේ අදහසයි.
යාපනයේ මුල්ම පදිංචිකරුවන් මුලින්ම පදිංචි වූ ස්ථානය ගුරුනගර් සහ කොලොම්බතුරෙයි අවට ප‍්‍රදේශවල පිහිටා ඇත.
කොලොම්බතුරායිහි පිහිටි කොලොම්බතුරෙයි වාණිජ වරාය සහ මීට පෙර ගුරුනගර් ප‍්‍රදේශයේ පිහිටි වරාය එහි සාක්ෂි ය. ආර්යචක‍්‍රවර්ති රාජවංශයේ නාවික හමුදාව මෙහෙයවනු ලැබුවේ ගුරුනගර් වැසියන් විසින් බව ඉතිහාසය කියයි. ගුරුනගර්හි පට්ටිනතුරෙයි විදේශීය යාත‍්‍රා සඳහාද වරායක් තිබී ඇත. යාපනය රාජධානියේ බටහිර කොටස ගුරුනගර් කරෙයාර්වරුන්ට ලබා දෙන ලද බව ඉතිහාසය කියයි. කොලොම්බතුරෙයිහි කුඩා බලකොටුවක් ද ගුරුනගර් අසල පන්නයිතුරෙයි බලකොටුවක් ද තිබී ඇත. 1560 දී පෘතුගීසි හමුදා නැව් 77 ක් ගුරුනගර් වෙත පැමිණ නල්ලූර් බලා පිටත් වීමට පෙර එහි පාලනය කළ දෙමළ හමුදාව පරාජය කළ බව දැනගන්නට ඇත!. ගුරුනගර්හි යාපනය ආසන දෙව්මැදුර පැරණි කුඩා දේවස්ථානයක් මත ඉදිකර ඇති බව දැනගන්නට ලැබේ. 1920 දශකයේ මුල් භාගයේ සිට ගුරුනගර් ඉඩම් ගොඩකිරීමේ යෝජනා ක‍්‍රමය නූතන බීච් පාරේ සිට ගොඩකිරීමේ මාර්ගය දක්වා ආරම්භ වී ඇත.
මේ ඉතිහාසයට අනුව මීගමුව, අම්බලන්ගොඩ ආදි දකුණේ වෙරළ ආශ‍්‍රිතව ජීවත්වන කරාව ජනතාවට සමරූපී ජනතාවක් ලෙස මෙම ජනතාව හඳුනාගත හැකිය. ඔවුන් අතීතයේදී යුද්ධ කාලයට යුද්ධ කරන්නට ඇත. යුද්ධ නැති කාලයට මුහුදු රස්සාව කරන්නට ඇත. පසුගිය කාලයේ පැවති සිවිල් යුධ තත්ත්වයේදී ද ගුරුනගර් වාසීන්ට එයින් පැනයන්නට බැරිවිය. යුද්ධය ඔවුන් කබලෙන් ළිපට දැමීය.
ගුරුනගර් ප්ලාස්ටික් වැස්ම
ගුරුනගර් ධීවර ප‍්‍රජාවට තමන් පහත් කුලයේ වීම නිසා සහ ධීවරයන් වීම නිසා ප‍්‍රශ්න කෝටියක් ය. ඊට අමතරව ඔවුන් දැන් අලූත් ප‍්‍රශ්නයක් සදාගෙන ඇත. සමහර විටෙක මෙය උසස් කුල ප‍්‍රභූන් සෑදුවා වන්නටත් බැරි නැත.
එම ප‍්‍රශ්නය වනාහි අන් යමක් නොව ඔවුන්ට ජීවිතය සරි කරගන්නට මාළු ලබාදෙන මුහුද ඔවුන් විසින්ම ප්ලාස්ටික් පොලිතීන් කඳු මතින් ¥ෂණය කිරීමය. ගුරුනගර් නොව යාපනය නගරයෙන් පවා කාණු පද්ධතියට බැහැර කරන මේ අපද්‍රව්‍ය අවසානයට ගසාගෙන එන්නේ මේ මුහුදටය. දැන් මේ ප‍්‍රශ්නය කොතරම් උග‍්‍රදැයි කියන්නේ නම්, ප්ලාස්ටික් සහ පොලිතීන් අපද්‍රව්‍ය වෙරළ තීරය සේලයකින් වෙළාගෙන අවසන් ය. ගුරුනගර් වෙරළට යන ඕනෑම කෙනෙකුට එහෙට මෙහෙට හෙළවෙමින් පාවෙන සමහර විටෙක වෙරළට ගොඩගසා පැතිරී තිබෙන මේ කුණු කන්ද දකින්නට පුළුවන් ය.
මාගේ නිරීක්ෂණයට අනුව මෙම ධීවර ප‍්‍රජාව තුළ ප්ලාස්ටික් පරිභෝජනය ඉතා ඉහළ ය. ගුරුනගර්හි පමණක් නොව වෙනත් ස්ථානවල ද එවැනිම තත්ත්වයක් පවතී. ප්ලාස්ටික් පොලිතීන් ප‍්‍රතිචක‍්‍රීකරණය කිරීමේ ක‍්‍රියාවලියකින් තොරව බැහැර කිරීම භයානක ය. එහෙත් ප‍්‍රතිචක‍්‍රීකරණය යන වදන පවා මේ මිනිසුන් අසා ඇත්දැයි සැකසහිතය. කසළ එකතු කිරීම හෝ ප‍්‍රතිචක‍්‍රීකරණය කිරීම සඳහා ගුරුනගර්වලට මෙන්ම මා දන්නා තරමින් යාපනයට ද නිසි ක‍්‍රමවේදයක් නැත. ඔවුන් කරන එකම දෙය සියලූ කුණු හා ප්ලාස්ටික් අපද්‍රව්‍ය මුහුදට විසි කිරීමය. මේ තත්ත්වය පිළිබඳව යාපනය ප‍්‍රදේශයේ පාලකයෝ මෙන්ම මධ්‍යම ආණ්ඩුවද සැලකිලිමත් විය යුතුය. කසල කළමනාකරණයට නිසි වැඩපිළිවෙළක් යොදා වෙරළ සහ මේ මිනිස් ජීවිත ආරක්ෂා කරගන්නට ඔවුන් කටයුතු කළ යුතුය. අනෙක් පැත්තෙන් මේ ගුරුනගර් ප‍්‍රජාව පමණක් නොව මුළු රටම ආවරණය වන පරිදි වෙරළ ආශ‍්‍රිතව ජීවත්වෙන ප‍්‍රජාව සුන්දර, ප්ලාස්ටික් පොලිතීන්වලින් තොර, වෙරළ කලාපයක් පවත්වාගැනීම පිළිබඳව දැනුවත් කළ යුතුය.
මෙය ලෝක ප‍්‍රශ්නයක්
ලෝකයේ උණුසුම එන්න එන්නම ඉහළ යනවා සේ සහ එය ලෝකයේම ජීවිතයට දැඩිව බලපාන්නා සේ මේ පොලිතීන් මාරයාගේ කතාවද ලෝකයට බලපෑම් එල්ල කරමින් තිබෙයි. සමහර සාගර කලාපවල දැන් කොළඹ භූමිය තරම් විශාල ප්ලාස්ටික් පොලිතීන් අපද්‍රව්‍යවලින් සුසැදි ¥පත් ය. මෙය මත්ස්‍ය කර්මාන්තයටද කෙළින්ම බලපෑම් එල්ල කරයි. අනෙක් පසෙකින් දේශගුණික විපර්යාස කෙරෙහි ද මෙය වැඩි බලපෑමක් ඇති කරයි. සාගර විද්‍යාඥයන් ඇස්තමේන්තු කර ඇත්තේ සාගරයේ ජීවී විශේෂ 700ක් සිටින බවය. සාගරයේ අපද්‍රව්‍ය ප්ලාස්ටික් මගින් අවම වශයෙන් මෙම ජීවී විශේෂ 600ක් වත් තර්ජනයට ලක්ව ඇත. ශ‍්‍රී ලංකාව වාර්ෂිකව ඉන්දියානු සාගරයට ප්ලාස්ටික් මෙටි‍්‍රක් ටොන් මිලියන 1.5ක ප‍්‍රමාණයක් බැහැර කරන බව දැනගන්නට ලැබේ. මෙය ලෝක පරිමාණව ගත්විට කොපමණ ද? සිතා බලන්න.
දැන් අප ගුරුනගර් ධීවරයන්ට අදාළ මේ ප්ලාස්ටික් ප‍්‍රශ්නය වෙත නැවත ගියහොත් මේ කුණු කසළ වෙරළින් සහ මුහුදින් අයින්කරන්නට යාපනයේ බලධාරීන් ඉක්මන් පියවර නොගන්නේ ඇයි යන්න විමසිය යුතුය. එයට මට පෙනෙන එකම හේතුව, මෙම ප‍්‍රජාව අඩුකුල පීඩිතයන් වීමය. යාපනයේ දේශපාලන බලය ඇත්තේ කුලවතුන්ට ය. වංශවතුන්ටය. ඔවුන්ට අනුව මෙම කුල පීඩිතයන් සැමදාම කුණු ගොඬේම සිටිය යුතුය. එතැනින් අඩියක් උඩට තබා සුන්දර පෙදෙසක සුන්දර ආර්ථික තත්ත්වයක් මතින් සුන්දර ජීවිතයකට යෑම ඔවුන්ට තහනම් ය. ඒ ඔවුන් කුලයෙන් පහත් නිසා ය. එනිසා වහාම මධ්‍යම ආණ්ඩුවද පළාත් ආණ්ඩුවද යාපනයේ මෙම කැළිකසල ගැටලූවට ද ගුරුනගර් මේ වෙරළ ප්ලාස්ටික්කරණය වීමේ ගැටලූවටද පිළිතුරු සෙවිය යුතුය.
ශානි කවුද ?
අලූත් ආණ්ඩුව විසින් පළමුව දංගෙඩියට යැවුණේ, ඥානේන්ද්‍ර ශානි අබේසේකරය. ඔහු ‘ලංකාවේ ෂර්ලොක් හෝම්ස්’ හැටියට හැඳින්වුණු පොලිස් සේවයේ සිටින අග‍්‍රගණ්‍ය අපරාධ විමර්ශකයෙකි. පොලිස් නිලධාරීන් 700කගෙන් පමණ සමන්විත අපරාධ පරීක්ෂණ දෙපාර්තමේන්තුවේ (සීඅයිඞී* අධ්යක්ෂ ලෙස සිටි ජේ්‍යෂ්ඨ පොලිස් අධිකාරි ශානි අබේසේකර හැකි ඉහළම අවමානයට පත්කිරීම සඳහා, ගාල්ල භාර නියෝජ්‍ය පොලිස්පතිගේ පෞද්ගලික සහකාර බවට පත්කර ස්ථානමාරුවක් ලබාදි තිබිණ. පොලිසියේ සම්ප‍්‍රදාය අනුව පෞද්ගලික සහකාර තනතුරක් දරන්නේ ප‍්‍රධාන පොලිස් පඍීක්‍ෂඛවරයෙකි. ඒ අතර, ෂීඅයිඞීයේ සිටින තවත් දක්‍ෂ අපරාධ විමර්ශකයකු වන නිහාන්ත ද සිල්වො සිය පවුල පිටින්ම රට හැර යන තත්ත්වයට පත්කර තිබිණ. මේ දෙොනාටම තිබුනු විවිදාකාර ජීවිත තර්ජන නිසා, පසුගිය කාලයේ සපයා තිබුණු පොලිස් ආරක්‍ෂාවද පසුගිය දිනවල ඉවත්කර තිබිණි.
දැන් ශානි අබේසේකර ‘රටින් පැනීමට’ සුදානම්ව සිටින බැවින් අත්අඩංගුවට ගත යුතුයැයි කියමින් විවිධාකාර අය මාධ්‍ය සාකච්ඡුා පවත්වති. ඒ අතර, ශානිත් නිශාන්තත්, සීඅයිඞීයේ තවත් දක්‍ෂයකු වන තිසේරාත් ද්‍රෝහීන් බවට පත්කිරීමේ මානසිකත්වය, දෙරණ හා හිරු මාධ්‍ය ජාල, මව්බිම හා දිවයින පුවත්පත් හරිහරියට සමාජය තුළ වගාකරමින් යයි. මෙය පසුගිය කාලයේ, විශේෂයෙන් 2015ට පෙර වගාදිගා කරන ලද දඩයම් ක‍්‍රමයකි. එනම්. එක පැත්තකින් ද්‍රෝහියකු බවට නම් කොට, අනෙක් පැත්තකින් දඬුවම් දීමේ ක‍්‍රමයයි.
මේ තරම් අවමානයට පාත‍්‍රවන්නට ශානි අබේසේකර කළ වරද නම්, පසුගිය ආණ්ඩුවේ විවිධ තරාතිරම්වල බලවතුන්ට හා හමුදාවල සාමාජිකයන්ට එරෙහිව ලැබුණු අපරාධ පැමිණිලි විමර්ශනය කිරීමයි. උදාහරණ හැටියට, ලසන්ත වික‍්‍රමතුංග ඝාතනය, ප‍්‍රගීත් එක්නැලිගොඩ පැහැරගෙන ගොස් අතුරුදහන් කිරීම, කීත් නොයර් පැහැරගෙන යෑම, උපාලි තෙන්නකෝන් පැහැරගෙන යන්නට තැත්කිරීම. වසීම් තාජුදීන් ඝාතනය වැනි අපරාධ දැක්විය හැකිය. මේ අපරාධ සම්බන්ධයෙන් පැවැති විමර්ශන 2014 අවසන්වන විට අතරමග නවතා දමා තිබිණ. සමහර අපරාධවල (උදාහරණ: වසීම් තාජුදීන්* ලිපිගොනු වසා දමා තිබිණ. 2015 දී මෛත‍්‍රීපාල සිරිසේන මහතා ජනාධිපති වීමෙන් පසුව, මේ අපරාධ ගැන අඩාලව තිබුණු විමර්ශන යළි ආරම්භ විය. ඒ සඳහා අවශය අනුමැතියක් 2015දී ජනාධිපතිවරණයෙන් මෙන්ම මහමැතිවරණයෙන්ද ආණ්ඩුවට ලැබිණ.
නැවත පටන්ගත් ඒ විමර්ශනවල සෑහෙන දුරක් ගොස්, ඒවාට වගකිව යුතුයැයි කියන සැකකරුවන්ද අත්අඩංගුවට ගන්නටත්, ඔවුන්ට එරෙහිව නඩු පවරන්නටත් හැකිවිය. තවත් සමහර අපරාධ සම්බන්ධයෙන් සීඅයිඞී විමර්ශන අවසන්කොට නඩු පැවරීමට අදාළ ලිපිගොනු නීතිපති දෙපාර්තමේන්තුවට යවා තිබේ. එහෙත්, විවිදාකාර හේතු නිසා ඒ නඩු හා විමර්ශන තීරනාත්මක අවසානයකට ගෙනයටන්නට තවමත් නොහැකි න්‍ී ඇත. ඒ නිසා, ඒ අපරාධවල සැකකරුවන් තවමත් නිදැල්ලේ සිටින අතර. ඔවුන්ට ලැබෙන බලය අනුව දැන් ඔවුන්ගේ බලපෑම හා පීඩනය, ශානි අබෙසේකර වැනි දක්‍ෂ අපරාධ විමර්ශකයන් වෙත එල්ලවි තිබේ.
ශානි අබේසේකර යනු අතිශය දක්‍ෂ අපරාධ විමර්ශකයකු බවට ඒ ගැන කිසියම් හෝ දැනුමක් ඇති ඒනෑම කෙනෙක් දන්නා දෙයකි. ඔහු අපරාධ විමර්ශනවලට එලැඹෙන්නේ, 1998 ජුනි 8වැනිදා සිදුවු සහකාර පොලිස් අදිකාරි හාන්ති කුමාර් ඝාතන පරීක්‍ෂණයෙනි. එවකට ශානි ග‍්‍රෑන්ඩාපාස් පොලිසියේ අපරාධ විමර්ශන අංශයේ ස්තාන බාර නිලදාරිය. මෝටර් බයිසිකලයකින් යන ගමන් පුද්ගලයකු ශාන්ති කුමාර් මහතාගේ වාහනයට එල්ල කරනන ලද බෙපා්ම්බයක් පුපුරායෑම නිසා ඔහු මරණයට පත්වුනු අතර, ඒ ගාතනයට වගකිව යත්තේ, ගුවන් හමුදා සාජන්ට්වරයකුු ඝාතනය කිරිම නිසා ගුවන් හමුදා සේවයෙන් ඉවත් කොට සිටි නමගිය අපරාධකරුවකු බවට පත්ව සිටි බර්නාඞ් ක‍්‍රිස්ටෝපර් බැරි නමැති අය බවට තොරතරු සොයාගන්නේ ශානි අබේසේකර විසිනි. බැරිගේ සහාය මත්ද්‍රව්‍ය ජාවාරම්කරුවකු හාන්ති කුමාර් විසින් අ්තඅඩංගුවට ගැනිමට එකට එක කිරිමක් හැටියටය ඔහු ඝාතනය කැරුනේ. හානි මේ අපරාධ විමර්ශනය ස\හා සාමාන්‍ය රාජකාරියෙන් මුදවා, සීඅයිඞීයට පළමුවෙන්ම යොදවන්නේ එවකට සීඅයිඩිය භාර නියෝජ්‍ය පොලිස්පතිව සිටි පුණ්‍ය ද සිල්වා විසිනි. ක5ිස්ටෝපර්බැරී සොයා මාසයක් පමණ කළ විමර්ශනවල ප5තිඵලයක් ලෙස ඔහු සැඟවී සිටින රාගම පිහිටි නිවෙසක් සොයාගන්නා ලද අතර. 1998 සැප්තැම්බර් 8වැනිදා, ඒ නිවෙස වැටලීමේදී ඇතිවුණු ඉතාමත් බිහිසුනු වෙඩිහුවමාරුවකින් පසු. ක‍්‍රිස්ටෝපර් බැරි සහ ඔහුගේ සහකාරියක මියගියෝය. ඒ හානිගේ අපරාධ විමර්ශන දිවියේ ආරම්භයයි. එයින් පටන්ගන්නා ඔහුගේ විමර්ශන භූමිකාව කුට ප5ාප්තියට පත්වන්නේ 2017දී ඔහු සීඅයිඩියේ අධ්යක්ෂ දුරයට පත්කරනු ලැබීමෙනි.
ඇතත් වශයෙන්ම සීඅයිඞීයේ අධ්යක්ෂ ධුරයට එවකට සිටි පොලිස්පති පූජිත් ජයසුන්දර නම් කෙළේ ජ්‍යෙෂ්ඨ පොලිස් අධිකාරි මෙවන් සිල්වාගේ නමයි. එහෙත්, ජාතික පොලිස් කොමිෂන් සබාව, සීඅයිඞීය තුළ ශානි අබෙසේකර කළ අග‍්‍රගණ්‍ය සුදුසුමකම් හා ඔහුගේ අද්විතීය කාර්ය සාධන වාර්තාත් සලකා මෙවන් සිල්වා වෙනුවට ශානි අබේසේකර පත්කළ යුතුයැයි නියම කෙළේය.
ඒ වන විට හානි කළ අපරාධ විමර්ශන ලංකාවේ අපරාධ විමර්ශන ඉතිහාසයේ නොමැකෙන සටහන් බවට පත්ව තිබිණ. පසුගිය මාසයේ හිටපු ජනාදිපති මෛත‍්‍රීපාල සිරිසේන විසින් ජනාදිපති සමාව ලබා දී නිදහස් කළ රාජගිරියේ රෝයල් පාර්ක් ඝාතනයේ වරදකරු නීතිය ඉදිරියට පැමිණවීමට හානි අබෙසේකර කළ දායකත්වය ඒ ගැන දන්නා සියලූදෙනාගේ සම්භාවනාවට පාත‍්‍රවී තිබේ. ඉවොන් ජොන්සන් නමැති මරණකාරියගේ මළසිරුර රෝයල් පාර්ක් නිවාස සංකීර්ණයේ 19වැනි මහලේ පඩිපෙලක් මත වැටී තිබියදී සොයාගත් නමුත්, අපරාධකරු කවුදැයි කිසිදු තොරතුරක් නොවීය. එහෙත්, හානි අබේසේකර, පඩිපෙළේ අත්වැලක සටහන්වී තිබුනු අත්ල සටහනක් ගැන අවදානය යොමුකල අතර, එය සටහන්වි තිබුනේ ලේ වැනි දෙයක්ද සමගිනි. හානිගෙි්මෙහෙයවීම මත, එම ලේ පැල්ලම හා මරනකාරියගේ ලේ සමග සස\න ලද අතර, පසුව සැකකරුගෙන් ලබාගත් අත්ල සටහන් සමග අත්වැලේ සටහන්වි තිබුණු අත්ල සටහන සසඳන ලදි. ඒ සැසඳීම් දෙකම සාර්ථක වුණු අතර, තමාගේ අත්ල සටහනට ලේ එකතුවුනේ කොහොමදැයි පැහැදිලි කරන්නට සැකකරුට සිදුවිය. එහෙත්, වැදගත් කාරණය වුණේ, ඒ වන විටත් සැකකරු හෙවත් ජූඞ් ශර්මන්ත ජයමහ, පොලිසිය විසින් හා අධිකරණ වෛi නිලධාරියා විසින් ශාඍීරිකව පවා පරීක්‍ෂණයට භාජනය කරනු ලැබ, ඝාතනයට ඔහුගේ කිසිම සම්බන්ධයක් නැති බවට නිගමනයකටද පැමිණ සිටීමයි. ඒ වන විටත් පොලිසිය අකල ප‍්‍රශ්න කිරීම්වලට කිසිම සැකයක් ඇති නොවන පරිදි ශර්මන්ත පිළිතුරු දී තිබුණු අතර, අත්ල සටහන හා ලේ සලකුණු සැසඳීම නොවේ නම් ඔහු සැකකරුවා ලෙස හ\ුනාගන්නටද නොහැකිවන්නට ඉඩ තිබුනි. අනෙක් වැදගත්කාරණය නම්. ජූඞ් ශර්මන්ත මහාදිකරණය විසින් වරදකරු කරන ලද්දේ, කිසිම ඇසුදුටු සාක්‍ෂියක් නැතිව, පරිවේෂණීය සාක්ෂි සහ විශේෂඥ සාක්ෂි මත පමණක් වීමයි. එවැනි නඩුවකදී අපරාධ විමර්ශන නිලදාරියකුගේ දායකත්වය කෙතරම් වැදගත්දැයි දන්නෝ දනිති.
මහාධිකරන විනිසුරුවරයා විසින් මිනීමරුමක් නොවන සාවදය මනුෂ්‍ය ඝාතනයක් හෙවත් අනියම් මිනීමරුමක් ලස සලකා, ශර්මන්ත ජයමහටෙ අවුරුදු 12ක සිරදඬුවමක් පමණක් නියම කරතිබියදී, අභියාචනාදිකරණය ඉදිරියට ගොස්, ලංකා අධිකරණ ඉතිහාසයේ පළමුවරට අබියචනාධිකරණය විසින් මරණ දඬුවම නියම කරන තත්ත්වයට යුක්තිය ඉටුවුණේ හානි අබේසේකරගේ මැදිහත්වීම නිසා බව නිසැකය. එම නඩුවේ පැමිනිල්ල හා අබියාචනය එවකට නීතිපිති දෙපාර්තමේන්තුව වෙනුවෙන් මෙහෙයවු ත්මන් අගවිනිසුරු ජයන්ත ජයසූරිය ඇතුළු ණීතිපති දෙපාර්තමේන්තුවේ ජ්‍යෙෂ්ඨ කනිස්ඨ සියලූ නිලධාරිහු හානි අබෙසේකරගේ විශිෂ්ට මතකය හා දැනුමත්, පළපුරුද්ද හා සුපිලිපන්බාවයත් ගැන සාක්‍සි දරනු ඇත.
නඩුවේ විමර්ශකයන්ට විවිදාකාර බලපම් කිරීම නිසා. ශර්මන්තගේ මව පසුව විවාහ කරගත් සුප‍්‍රකට කි‍්‍රකට් කී‍්‍රඩක ටෝනි ඒපාත හා ශර්මන්තගේ මවට එරෙහිව අදිකරණයට කරුනු ඉදිරිපත් කර සාක්‍ෂිවලයට බලපෑම ගැන ඔවුන් වැරදිකරුවන් බවට පත්කිරීමද සිදුවිය.
රෝයල් පාර්ක් ඝාතනයට අමතරව, ලංකා අපරාධ ඉතිහාසයේ බරපතළ අපරාධ බෙපාහොමයක් ැගන විමර්ශන කෙරුණේ හානි අබේසේකරගේ මෙහෙයවීමෙනි. රගර් කී‍්‍රඩක ටෝනි මාටින් ඝාතනය, අඟුලාන පොලිසියේ නිලධාරීන් හතර දෙනකු විසින් කරන ලද ද්වි පුද්ගල ඝාතනය, (නියෝජ්‍ය පොලිස්පති වාස් ගුණවර්ධන හා ඔහුගේ පුත‍්‍රයා වරදකරුවන් බවට පත්වූ* කප්පම් ලබාගැනීම සඳහා කරන ලද මොහොමඞ් සියාම් ඝාතනය, විත්තිකරුවන් 9 දෙනකුට මරණ දඬුවම හිමිවූ යාපනයේ සිවලෝගනාදන් විද්‍යා සිසුදැරිය දූෂණය කොට මරාදැමීම වැනි සුවිශේෂ විමර්ශන කෙරුණේ හානි අබේසේකරගේ මුලිකත්වයෙනි. ෂියාම් ඝාතනයට වරදකරු කරනු ලැබු හිටපු නියෝජ්‍ය පොලිස්පති වාස් ගුණවර්ධන, ශානි ෙසේාකරහා ඔහුගේ පවුලේ අය මරාදමන බවට කළ තර්ජනය ප5කටය. ඒ තර්ජනය ගැන වාස් ගුනවර්ධනට එරෙහිව වෙනම චෝදනා ගොනුකරන ලදි.
ජනාධිපති ගෝඨාභය රාජපක්ෂ ඝාතනයට කිරීම සඳහා බම්බලපිටිය පිත්තල හන්දියේදී 2006 දෙසැම්බර් මාසයේදී කරන ලද බෝම්බ පිපිරවීම සම්බ්නදයෙන් විමර්ශන කෙරුණේද ඔහුගේ මූලිකත්වයෙනි. හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මියට 1999 දෙසැම්බරයේදී කොළම පුරහල පරිශ‍්‍රයේදී එල්ල වුනු මරාගෙන මැරෙන බෝම්බ ප5හාරය පිළිබඳ විමර්ශනය කොට ඊට වගකිවයුත්තන් සොයාැනීම සඳහා ඔහුගේ මෙහෙයවීමෙන් කරන ලද අපරාධ විමර්ශනය කෙතරම් සංකීර්ණ, නිර්භය මෙන්ම දුෂ්කරවූවක්දැයි ඒ ගැන අවබෝධයක් ඇත්තෝ දනිති.
කොළඹ මහනගර සභික එම්එන්එම් බමිටියාස් ගාතනය සම්බන්ධයෙන් නාවල නිහාල් හෙවත් කොස්වත්තේ නිහාල් ඩොනල්ඞ් වික‍්‍රමසිංහ, බම්බලපිටිය ක්වින්ස් පාරේ ඔහුගේ නිවසේදී අත්අඩංගුවට ගැනිම ඒ නිර්භායකම පෙන්වන සංකතේයකි. ඒ වන විට නාවල නිහාල යනු මුලූ පොලිසියම බයකරගෙන, බලවත් දේශපාලන බලයක් පත-ුරුවාගෙන සිටි පාතාල නායකයෙකි. ඔහු ගැන විමර්ශනයක් කිරිම යාපනයට මාරුවිමක් ැලබෙන කාරණයක් බව පොලිසියේ පිළිගැනිම විය. නාවල නිහාල් සහ ඔහුගේ රියැදුරා ගිනි අවිත් සමග අත්අඩංගුවට ගත් නමුත්, පැය කිහිපයක් තුළ ඔහුට ඇප දෙනු ලැබිණ. පසුව අත-ුරුදහන් වූ ඔහු මරාදමන ලදැයි සැලකෙයි. 1999දී පසුභාගයේදී එයිට්කන් ස්පෙන්ස් සමාගමේ සබාපති ජීසී වික‍්‍රමසිංහ පැහැරගෙන රුපියල් මිලියන 20ක කප්පමක් ලබාගැනිම සඳහා පරණ ගබඩා ගොඩනැගිල්ලක රඳවාගෙන තබාගෙන සිටි අපරාධකරුවෝ පිිසක් එම කප්පම ලැබිමෙන් පසු ඔහු මුදාහැරියහ. ශානිගේ මෙහෙයමු වුණේ, එම මුදල් නෝට්ටුවලින් ගනුදෙනු කිරිම පිණිස එන විට ඔවුන් හරහා තොරතුරු හඹායෑමයි. අවසානයේ පාතාල නායකයන්, හමුදාව හැරගියවුන් මෙන්ම සේවයේ යෙදීසිටි පොලිස් උපපරීක්‍ෂකවරයටකුද අත්අඩංගුවට ගැනිණ. නඩු විභාගයේදී විත්තකරුවන් තිදෙනකුට අවුරුදු 36 බැගින් සිරදඬුවම් ලැබිණ.
ඒ සේවයේ නියුු ඉහළ පොලිස් නිලදාරියකුට ඓරහිව හානි බෙසේකරගේ විමර්ශන ක‍්‍රියාත්මක වී එය සා්ථක වුණු පළමු ැඅවස්ථාවයි. 200 පෙබරවාරියේදී එවකට ජනාධිපති චන්ද5ිකා බන්ඩාරනායකගේ ජනාධිපති ආරක්ෂක ඩිවිෂනයේ ප‍්‍රධානී ජ්‍යේෂ්ඨ පොලිස් අදිකාරී නිහාල් සෙනෙවිරත්න පොලිස් පරීක්‍ෂකවරයකුගේ රාජකාරියට බාදා කිරිම සම්බ්නදයෙන් වරදකරු කිරිමට හානිගේ විමර්ශන හේතුවිය. 2009දි තරුණයන් දෙදෙනකු මරාදැමීම ගැන අගූලාන පොලිසියේ නිලදාරින් සිව්දෙනකු මරණ දඬුවමට යටත් කෙරෙන්නේද හානිගේ විමර්ශන හේතුවෙනි. මොහොමඞ් සියාම් ගාතනය සම්බන්දයෙන් වාස් ගුණවර්ධනට, වසීම් තාජුදින් ඝ?ාතනයේ සාක්ෂි වසං කිරිම සම්බන්දයෙන් අනුර සේනානායකයට එරෙහිව මහාධිකරණ ඉදිරියේ අධිචෝදනා ගොනුකෙරෙන්නේ ශානි බෙසේකරගේ විමර්ශන හේතුවෙනි. 2015දී සිවටෙඩලා්ගනාදන් විi ාදැරිය ගාතනය කල සැකකරුවකුට නිතියෙන් ගැලවි යන්නට සැලසිම ගැන නියෝජ්‍ය පොලිස්පති ලලිත් ජයසිංහට එරෙහිව නීතිමය පියවර ගන්නේද හානිගේ විමර්ශන මතය.
මේ කාර්යසාධන වාර්තාව මත අමෙරිකාවේ එෆ්බීඅයි ජාතික ඇකඩමියේ පාඨමාලාවක් හැඣීරීමට 2007දි ශානි බෙසේකර සුදුසුකම් ලබන්නේය.
හානිගේ අපරාධ විමර්ශන කාර්යබාරය කිසිසේත් ආණ්ඩුවල දේශපාලන වුවමනාවන් අනව ආරම්භ කළ එකක්වත්, වෙනස් කල එකක්වත්, නවත්වන ලද එකක්වත් නොවේ. සිය රාජකාරියට ඇති අද්විතිීය කැපවීම මෙන්ම කිසිම බාහිර බලපෑමකට යටත් නොවී රාජකාරිය ඉටුකිඍීමට ශානි දැක්වු වුවමනාවද ඔහු ගරුකටයුතු විමර්ශනයකු බවට ඔසොවා තබන ලද්දේය. තමන්ට අනිසි බලපෑම් හෝ මගපෙන්වීම් ලැබෙන සෑම විටකම ඊට එරෙහිව ප5තිචාර දැක්වීමත්. කිසිම බලවතකුගේ අයුතු බලපෑම් ඉවසා නොසිටීමත් ශානි අබේසේකරගේ දෛනික භාවිතයට හුරුපුරුදු දේය. මේ බොහෝ අපරාධ විමර්ශනවලදී, ඒවා සම්බන්ධයෙන් වෙනස්කම් කිරීමට ඔහු වෙත කොයිතරම් මුදල් විවිධ පුද්ගලයන්ගෙන් පිළිගන්වන ලද්දේද යන්න ඔහුගේ සමීපතමයෝ දනිති. එහෙත්, ශානි අබෙසේකර ඒ කිසිවක් සම්බන්දයෙන් තමන්ගේ ස්වාධීනත්වය හා වෘත්තිකභාවය පාවාදෙන්නට සූදානම් වුණේ නැත. සිය වෘත්තිය තුළ පවා අනිසි බලපෑම්වලට ලක්විය හැකිය යන කල්පනාවෙන් පොලිස් නිල නිවාසවත් ඔහු ජීවත්වීම සඳහා ලබා නොගත්තේය. ඔහුගේ විමර්ශන මත පදනම්වූ නඩුවලදී දුන් තීන්දුවල, ශානිගේ කාර්යභාරය ලිකිතවම මෙන්ම වාචිකවද බොහෝ අවස්ථාවෙලදි ඇලය කිරිමට ලක්වි තිබුනි.
ශානි අබෙසේකර සිඅයිඩියේ අධ්යක්ෂ තනතුරට පත්වු අවස්තාවේදී ඔහුගේ වෘත්තීය භූමිකාව ගැන විහේෂාංග ලිපියක් පළ කළ සන්ඬේ ඔබ්සර්වර් පුවත්පතට. එවකට නීතිපති (වර්තමාන අගවිනිසුරු* ජයන්ත ජයසූරිය කිව්වේ, ඒ දක්වාම ඔහු විසින් කරන ලද විමර්ශනවල ප‍්‍රමිතිය හැමවිටම එක්සෙප්ෂනල් බවය. ජයන්ත ජයසුරිය මහතා, රෝයල් පාර්ක් ගාතනය ඇතුළු හානි විසින් කරන ලදඅපරාධ විමර්ශන පදනම් කරගත් නඩු කිහිපයකම පැමිනිල්ල මෙහෙයවු නිරජයේ අධිනීතිඥවරයෙකි. ජයසුරිය මසහතා එම පුවත්පතට තවදුරටත් කියා තිබුනේ. සීඅයිඞීයේ කනිස්ඨ නිලදාරීන් හානිගේ පියවර අනුගමනය කළ යුතු බවය. ශානිගේ විමර්ශනවල ඇති තම්පූර්ණ හා විශිෂ්ට බව නිසා නඩුවකදි පැමිණිල්ලේ නීතිඥවරයාගේ බර සැහැල්ලූ වන බවය. එම පුවත්පලතට, එවකට ආරක්ෂක අමාත්‍යාංශයේ ලේකම් කපිල වෛදයරත්න කියා තිබුණේ, ශානි යනඅ ඉතා මහන්සිවී වැඩ කරන, තමන්ගේ දක්‍ෂතාව නිසා පමණක් ඉහළට ගිය නිලදාරියකු බවය. එවකට ජනාධිපති සිරිසේනගේ අපදේශකයකු හැටියට වැඩකළ ආචාර්ය වික‍්‍රම වීරසුරිය පුවත්පතට කියා තිබුනේ, යහපාලන ආණ්ඩුව කළ වැදත්ම පත්කිරිම්වලින් එකක් වන්නේ හිනා අබේසේකර සීඅයිඞීයේ අධ්යක්ෂ බවට පත්කිරිම බවය. හිටපු විහේෂ කාර්ය බලකා කමඩාන්ට් නිමල් ලෙව්කේ කියා තිබුණේ, ශානි යනු අවංක හා ධෛර්යවන්ත පුද්ගලයකු බවය.
අප්‍රේල් 21 වැනිදා පාස්කු ඉරිදා බෝම්බ ප5හාරය සිදුවී පැය ගනනක් ඇතුළත අපරාධකරුවන්ගේ ප‍්‍රධාන එක්රැුස්වීමේ මූලස්තානය සොයා දෙමටගොඩ මහවිල පටුමගේ කළ වැටලීම මෙන්ම දින අටක් වැනි කාලයක් තුළ බොම්බ ප5හාර සියල්ලටම සම්බ්න්ධ වුනු සියලූ ආකාරයේ සැකකරුවන් අත්අඩංගුවට ගැනීමට කළ මෙහෙයුමත් ඔහු සීඅයිඞීයේ අධ්යක්ෂ ලෙස හි\ිමින් කල කාර්යබාරයට උදාහරණය. බෝම්බ සිද්ධිය සම්බන්දයෙන් ප5සිද්ධියේ කතාකල හිටපු ජනාධිපති මෛත‍්‍රීපාල සිරිසේන, බෝම්බ ප‍්‍රහාර සම්බ්නධයෙන් සියලූම විමර්ශන සාර්ථකව අවසන් කිරීම සහ ඉදිරියට එවැනි අනතුරක් සිදු නොවන බවට සහතික වීමට හැකි තරම් විමර්ශන ශක්තිමත්ව කිරීම ගැන සීඅයිඞීයේ නිලධාරීන්ට විශේෂ ස්තුතියක් කළ බවද අප අමතක නොකළ යුතුය.
මාකඳුරේ මධුෂ් ඩුබායිහි සිට ලංකාවට ගෙන එනතුරු කිසිවකුට හෙළිදරව් නොවුණු සූක්‍ෂ්ම මෙහෙයුමක් කරන ලද්දේද ශානි අබේසේකරගේ මෙහෙයවීමෙනි. මදුෂ් ලංකාවට ගෙනෙන තුරු ඒ බව දැනසිටියේ සීඅයිඞීය භාර (ශානි වැනිම විශිෂ්ටයකු වන* ජ්‍යෙෂ්ඨ නියෝජ්‍ය පොලිස්පතිවරයාත්, සීඅයිඞීයේ අධ්‍යක්‍ෂවරයාත් පමණකි.
භාරත ලක්‍ෂ්මන් ඝාතනය සම්බන්ධයෙන් දුමින්ද සිල්වා ඇතුළු පස් දෙනකු වරදකරු බවට පත්කර මරණ දඬුවම නියම කිරීම දක්වා අවශ්‍ය වන සියලූ විමර්ශන කෙරුණේ ශානි අබේසේකරගේ මැදිහත්වීමෙනි. භාරත ලක්‍ෂ්මන් ඝාතනය වුණේ දුමින්ද සිල්වා විසින් ඍජුව ඔහුට වෙඩි තැබීමෙන් නොවේ. එහෙත්, එදින සිදුවුණු සමස්ත අපරාධකාරී ක‍්‍රියාදාමය සැලකිල්ලට ගත්විට, නීති විරෝධී රැුස්වීමක සාමාජිකයකු වශයෙන් දුමින්ද සිල්වාද එකී මිනීමැරුමට වගකිවයුතුයැයි ත‍්‍රිපුද්ගල මහාධිකරණ විනිසුරු මඬුල්ල 2:1 ලෙස තීරණය කර ඔහුට මරණ දඬුවම නියම කළේය. මෙවැනි තීන්දුවකට ඒමට අවශ්‍ය වන, අපරාධය පිළිබඳ සියලූ පැතිවලින් ගත් තොරතුරු හා සාක්ෂි ගොනුකිරීම සිදුවුණේ ශානි අබේසේකරගේ මෙහෙයවීමෙනි. එම අපරාධ විමර්ශන කාර්යයේත් නඩු කටයුත්තේත් ඇති සංකීර්ණබව නීතිය ගැන උනන්දුවක් ඇති අයට හොඳින්ම පැහැදිලිය. දුමින්ද සිල්වා මහාධිකරණ නඩු තීන්දුවට එරෙහිව අභියාචනයක් ශ්‍රේෂ්ඨාධිකරණයට ඉදිරිපත් කළ අවස්ථාවේ, එය ඉවත දා ඔහුගේ මරණ දඬුවම ස්ථිර කිරීමට තරම් සාක්ෂි සහ විමර්ශන ශානි අබේසේකරගේ දායකත්වයෙන් ශක්තිමත්ව ඉටුකොට තිබුණේය.
උඩතලවින්න ඝාතනය, කෝටි දෙකේ මංකොල්ලය, රේගු නිලධාරී සුජිත් පෙරේරා ඝාතනය, දෙල්කඳ හයදෙනා ඝාතනය, 2001 කටුනායක ගුවන්තොටුපොළට එල්ටීටීඊ සාමාජිකයන් එල්ල කළ ප‍්‍රහාරය, 2006 අපේ‍්‍රල් ජෙනරාල් සරත් ෆොන්සේකා ඉලක්ක කර ගත් යුද හමුදා මූලස්ථානයේ මරාගෙන මැරෙන බෝම්බ ප‍්‍රහාරය ඇතුළු සුප‍්‍රකට මෙන්ම අසීරු අපරාධ විමර්ශන ගණනාවක් කළේද ශානි අබේසේකරගේ මෙහෙයවීමෙනි.
රතුපස්වල පිරිසිදු පානීය ජලය ඉල්ලූ ප‍්‍රදේශවාසීන්ට වෙඩි තබා තිදෙනකු ඝාතනය කිරීම, වැලිකඩ බන්ධනාගාර රැුඳවියන් 27 දෙනකු ඝාතනය කිරීම වැනි අපරාධ විමර්ශනය කැරුණේද ශානි අබේසේකරගේ මෙහෙයවීමෙනි. අද වන විට, ඒ අපරාධවල සැකකරුවන්ට විශේෂ ත‍්‍රිපුද්ගල මහාධිකරණ ඉදිරියේ නඩු පවරා තිබේ.
පසුගිය කාලයේ කුරුණෑගල රෝහලේ වෛi සොහොමඞ් සාෆිට එරෙහිව ඉතාමත්ම සංවිදානාත්මකව එල්ල කරන ලද බලහත්කාර වඳසැත්කම් චෝදනාව අමූලික මුසාවක් බව පැහැදිලි කරගන්නට හානි අබෙසේකරගේ මුලිකත්වයෙන් කල අපරාධ විමර්ශනය හේතුවිය. දොස්තර සාෆිට එරෙහිව චෝදනා එල්ල කළේ, පොදුජන පෙරමුණේ වුවමනාවට බව ජනාධිපති නීතිඥ අලි සබ්රිම පිලිගත් බවද අමතක නොකල යුතුය. එම චෝදනා එල්ල කළ, දොස්තර සාෆිට එරෙහිව කාන්තාවන් මෙහෙයවා විශාල කලබැගෑනියක් කළ කුරුණෑගල ණීතිඥවරුන් දෙදෙනා ගෝඨාබය රාජපක්ෂ මහතා දිනවීමේ ව්‍යාපෘතියේ, අතුරලියේ රතන හිමියන් සමග එකට නිරතවීම ඒ චෝදනාවල දේශපාලන පෙළඹවීම ගැන ඇති හොඳම උදාහරණයයි. විමර්ශන කටයුතුවලට අනිසි ලෙස මැදිහත් වෙමින්, කටයුතු කළ කුරුණෑගල රොා්හලේ අධ්යක්ෂ වෛද්‍ය සරත්වීර බණ්ඩාර. ගෝටාභය රාජපක්ෂ මහතා ජයගැනීමෙන් අනතුරුව. රෝහලේ කාර්ය මණ්ඩලය එක්කොට රෝහල් පරිශ‍්‍රය තුළ කිරිබත් කා ප‍්‍රීති ගෙෘ්ෂා පවත්වා, සතුටු කතා පවත්වා කල මෙහෙයුම විසින් පෙන්වනේද සාෆි වෛදයවරයාට එරෙහිව ඉදිරිපත් කල දේශපාලන මඩ වයාපරෙයේ තරමයි.
හානිගෙන් පළිගැනීමට හේතු බවට පෙනෙන්නේ, 2015ට පෙර පැවති ආණ්ඩු කාලයේ සිදුවුණ බරපතළ අපරාධ සම්බන්ධයෙන් ඔහු පවත්වාගෙන ගිය අපරාධ විමර්ශනයි. එම අපරාධවලින් සැලකිය යුතු කොටසක් ජනමාධ්‍යවේදීන් කෙරෙහි එල්ලවුණු ප‍්‍රහාර වෙයි. ලසන්ත වික‍්‍රමතුංග ඝාතනය, මාධ්‍යවේදී ප‍්‍රගීත් එක්නැලිගොඩ පැහැරගෙන ගොස් අතුරුදහන් කිරීම, නේෂන් පුවත්පතේ නියෝජ්‍ය කර්තෘ කීත් නොයර් පැහැරගෙන ගොස් වධහිංසා කිරීම, රිවිර ප‍්‍රධාන කර්තෘ උපාලි තෙන්නකෝන් පැහැරගෙන යෑමට තැත්කිරීම වැනි එම අපරාධ සම්බන්ධයෙන් ශිනා අබෙසේකරගේ මෙහෙයවීමෙන් පැවැත්වුණු අපරාධ විමර්ශන ඉතා අපහසුකම් මධයයේ ඉදිරියට ගියත්, විවිධ තැන්වලදී තීරනාත්මක ලෙස නැවතී තිබේ. මේ අපරාද සම්බන්දයෙන් අත්‍යවශ්‍ය වන, එවක හමුදා කඳවුරුවල පවත්වාගෙන ගිය විවිධ ලේඛන සීඅයිඞීය විසින් ඉල්ලා සිටිනු ලැබුවත් මේ වනතුරු ඒවා ලැබී නැත. හිටපු ජනාධිපති සිරිසේන ඒවා සීඅයිඞීයට ලබානොදෙන ලෙස හමුදා ප‍්‍රධානීන්ට නියම කල බවද වාර්තා විය.
අද ශානි අබේසේකරට එරෙහිව අවි අමෝරාගෙන, ඔහු ද්‍රෝහියකු බවට පත්කර තිබෙන ජනමාධ්‍ය, ජනමාධ්‍යවේදීන්, පළමුව කළ යුතුව තිබුණේ ඝාතනය වූ, අතුරුදහන් කරන ලද, පහර කෑ තම සහෝදර ජනමාධ්‍යවේදීන් වෙනුවෙන් යුක්තිය ඉල්ලා කෑගැසීමය. එහෙත් පුදුමයකට මෙන්, ඔවුන් අද හඬදෙන්නේ එම අපරාධ සම්බන්ධයෙන් විමර්ශන මෙහෙයවූ ප‍්‍රධාන විමර්ශන නිලධාරියා තනතුරෙන් ඉවත්කර ඔහුගෙන් දේශපාලන වශයෙන් පළිගැනීමේ ක‍්‍රියාන්විතයට පක්‍ෂවය. මේ පළිගැනීමෙන් පසුව, එම අපරාධ සම්බන්ධයෙන් පවත්වාගෙන ගිය විමර්ශන ස්ථිරවම අඩාල වෙයි. එවිට ඒ අපරාධවල වින්දිතයන්ට යුක්තිය ඉටුවන්නේ නැත. ජනමාධ්‍ය සමාජයට යුක්තිය ඉටුවන්නේද නැත.
ලසන්ත වික‍්‍රමතුග ඝාතනය ගැන විමර්ශන 2015න් පසු යලිත් පටන් ගැනිණ. ඊට පෙර එම විමර්ශන තිබුණේ, ‘ෆයිල්එක වසා තබන ලද ආකාරයෙනි. එක්නැලිගොඩ අතුරුදහන් කිරීම සම්බන්ධ විමර්ශනද තිබුණේ එසේ ෆයිල් වසාදමා ඇති තත්ත්වයේය. රගර් ක‍්‍රීඩක වසීම් තාජුදීන් ඝාතනය ගැන විමර්ශන තිබුණේ, එය ‘හදිසි අනතුරක්’ හැටියට තීරණය කොට ෆයිල් එක වසා දමලාය. කප්පම් ලබාගැනීම සඳහා තරුණයන් පස්දෙනකු ඇතුළු එකොළොස් දෙනකු පැහැරගෙන ගොස් අතුරුදන් කිරීම වැනි අනෙකුත් අපරාධද එසේය.
ඒවා පිළිබඳ විමර්ශන යළිත් 2015න් පසු ඇරඹුණේ, ඒවා පිටුපස ඉන්නේ කවුරුදැයි දැනගෙන නොවේ. හුදෙක් නීතියට පිටින් දඬුවම් පමුණුවා ඝාතනය, අතුරුදහන්, කරන ලද පුද්ගලයන්ට යුක්තිය ඉටුකිරීම සඳහාය. ඔවුන්ගේ වියෝව නිසා සදාකාලිකව තැවෙන අහිම්සා වික‍්‍රමතුංග, සන්ධ්‍යා එක්නැලිගොඩ, සරෝජිනී නාගනාදන්, ජෙනිෆර් වීරසිංහ වැනි දරුවන්ට, බිරින්දන්ට, මව්වරුන්ට යුක්තිය ඉටුකිරීම සඳහාය. ශිෂ්ට සමාජයක් හැටියට මේ අපරාධ සම්බන්ධයෙන් යුක්තිය ඉටුනොකොට ඉදිරියට යා නොහැකිය. එහෙත්, වසා දමන ලද ෆයිල්වලින් යළිත් විමර්ශන පටන්ගැනීම සරල දෙයක් නොවේ. සමහර වුවමනා තොරතුරු විනාශ කොට හෝ එකතු කර නොතිබුණු අතර, විමර්ශන නොමග යවන තොරතුරු ගොනුකොට තිබුණි. අලූතෙන්ම විමර්ශන ඇරඹිය යුතුව තිබුණි. එවැනි සංකීර්ණ තත්වයන් යටතේ එම අපරාධ විමර්ශන ආරම්භකොට පවත්වාගෙන යන විට, එම අපරාධ කිරීමේ එකම හැඩයක් තිබෙන බව පෙනිණ. සැකකරුවන් බොහෝ විට එකම හෝ එකම ආයතනයකට අයත් හෝ පිරිසක් බවද පෙනිණ. ඒ අපරාධවලට ඉහළ හමුදා නිලධාරීන්ද විවිධාකාරයෙන් සම්බන්ධ බවට තොරතුරු ලැබිණ. රණවිරුවන්ගෙන් පළිගන්නවා කියන ප‍්‍රවාදය නිර්මාණය කරන්නේ එතැනදීය. විමර්ශනවලට අත්‍යවශ්‍ය ඉහළ හමුදා නිලදාරින්ගේන ප‍්‍රශ්න කිරීමට හෝ සමහර විට ඔවුන් අත්අඩංගුවට ගැනීමට ජනාධිපති සිරිසේනගේ බලපෑම්වලින් දිගින් දිගටම බාධා ඇතිවිය. සමහර නිලධාරීන් ප‍්‍රශ්න කිරිමට කැඳවූ විට, ජනාධිපති සිරිසේනගේ අනුදැනුම මත ඔවුන් රටින් පිටව ගිය අවස්ථාද තිබිණ.
මෙවැනි විශිෂ්ට ගණයේ අපරාධ විමර්ශකයකු, අවංක, ගෞරවනීය හා අපක්‍ෂපාතී, නිර්භය, තමන්ගේ සගයන් අතරඑ සම්බාවනාවට පාත‍්‍රවු ශානි අබේසේකර මේ වන විට සිටින්නේ පොලිස් අධිකාරිවරයකුගේ පෞද්ගලික සහකාර හැටියටය. ඔහඅ අත්අඩංගුවට ගන්නැ’යි දසතින් ඝෝෂා නැගේ.
දැන් බලයට පත්ව සිටින්නේ, ශානි අබේසේකර විසින් මෙහෙයවන ලද අපරාධ විමර්ශන ගැන දිගින් දිගටම විරෝධය පෑ, ඔහුට ජම්පර් අන්දවනවායැයි කී නීතිඥවරුන්ද ඇතුළත් පාර්ශ්වයයි. හානි අබෙසේකරට එරෙහිව වහාම ඔවුන් පියවර ගැනිම ස්වාභාවික කාරණයකි. එමෙන්ම දේහපාලන කාරණයකි.
එවැනි ආන්තික දේහපාලන තීන්දු තීරණවලින් රජයේ නිලධාරීන් ආරක්ෂා කිරීමටය ස්වාධීන කොමිෂන් සභා පිහිටුවා ඇත්තේ. දේශපාලන පළිගැනීමක් හැටියට පොලිස් නිලධාරියකු දඬුවමට ලක්කරන විට, ඊට එරෙහිව යුක්තිය සාධාරණය ඉටුකිරීම පොලිස් කොමිෂන් සභාවේ කාර්යභාරය වෙයි. එය ඉටුනොවන විට එවැනි ආයතන අපට පෙනෙන්නේ රබර් සීල් හැටියටය.
ජාතික පොලිස් කොමිසම ස්වාධීනත්වය පාවාදෙයි
ජාතික පොලිස් කොමිසම පිහිටුවන ලද්දේ 19වැනි ආණ්ඩුක‍්‍රම වයවස්තා සංශෝධනය යටතේ පොලිස් සේවය නිර්දේශපාලනය කිරිමේ අරමුණෙනි. එහෙත් ශානි අබේසේකරගේ ස්ථාන මාරුව සම්බන්දයෙන් ඔවුන් කටයුතු කල ආකාරය සලකා බලන විට, ඒනෑම ‘ස්වාධීන’ ලේබලයක් ගසාගත් ආයතනයක් පවා, දේශපාලන වශයෙන් දීන තත්වයට පත්විය හැකි බව පැහැදිලි වෙයි.
ශ‍්‍රී ලංකා තරුණ ජනමාiධ්‍යවේදීන්ගේ සංගමය පවසන පරිදි, ජාතික පොලිස් කොමිෂන් සභාව නොවැම්බර් 21 වැනිදා, වැඩබලන පොලිස්පතිවරයාගේ ඉල්ලීම අනුව ශානි අබේසේකරගේ ස්ථාන මාරුව අනුමත කිරීමට තීරණය කර තිබේ. එදිනම, එම තීරණයට අදාල ආවරණ ලිපිය පොලිස් කොමිෂන් සභාවේ ලේකම්වරයා අත්සන් කර වැඩබලන පොලිස්පති වෙත යොමු කර තිබේ. වැඩබලන පොලිස්පතිවරයා ද ඒ දිනයේම එම ස්ථාන මාරු නිවේදනය නිකුත් කළේය. එහි සඳහන් වන්නේ, රාජකිරා අවශ්‍යතා මත මේ ස්තාන මාරු සිදුවන බවයි. රහස් සිඅයිඞීයේ අධ්‍යක්‍ෂවරයා, ගාල්ල නියෝජ්‍ය පොලිස්පතිගේ පෞද්ගලික සහකාර බවට පත්කිරිම රාජකාරි අවශයතාවක් වන්නේ කෙසේදැයි යන ප‍්‍රශ්නයට පොලිස්පතිවරයා දෙන පිළිතුර විහිළුවක්ම වන ඇත. වැඩබලන පොලිස්පතිවරයා, පවතින ආණ්ඩුවේ රූකඩයක් වීම තේරුම් ගත හැකිය. එහෙත් පොලිස් කොමිෂන් සබාවක් පත්කර ඇත්තේ එවැනි දීන ආකාරයකින් හැසිරිමට, තීරන ගැනීමට නොවේ. දේශපාලන බලපෑම්වලදී කෙලින් හිටගෙන සාධාරණය යුක්තිය වෙනුවෙන් පෙනීසිටීමටය.
ජනාධිපති ගෝටාභය රාජපක්ෂ දිවුරුම් දී දිනහතරකින්, එම ආණ්ඩු වෙනසත් සමඟ අබේසේකර සීඅයිඞීයේ අධ්යක්ෂ තනතුරින් ඉවත් කිරීමට ගත් තීරණය ඉතා කඩිමුඩියේ ක‍්‍රියාත්මක කිරීමෙන් කොමිෂන් සභාවේ දේහපාලන පක්‍ෂපාතබාවය පැහැදිලිව ප‍්‍රකාශ කර තිබේ.
වැදගත් කාරණය නම්, 2017දී සීඅයිඞීයේ අධ්යක්ෂ ලෙස සිටි සුදත් නාගහමුල්ල මහතාට උසස්වීමක් ලැබීමෙන් ඇතිවූ පුරප්පාඩුවට එවකට පොලිස් විශේෂ විමර්ශන ඒකකය භාරව සිටි පොලිස් අධිකාරී මෙවන් සිල්වා පත් කරන ලෙස හිටපු පොලිස්පති පූජිත් ජයසුන්දර නිර්දේශ කළ අවස්ථාවේ, ජාතික පොලිස් කොමිෂන් සභාව එම තනතුරට සුදුස්සා ශානි අබේසේකර බව පවසමින් ඔහු එම තනතුරට පත් කිරීමයි. ඒ අවස්ථාවේ ගත්තීරණයට පටහැනි තීරණයක් පසුගිය නොවැම්බර් 21වැනිදා ගත්තේ කොහොමද?
2018 ඔක්තෝබර් 26වැනිදා ව්‍යවස්ථා කුමන්ත‍්‍රණයෙන් පසුව, නීති විරෝධී අගමැති මහින්ද රාජපක්ෂගේ ආණ්ඩුව යටතේද මෙවැනිම දේශපාලන පළිගැනීමක් කළේය. ඒ සමූහ මංකොල්ල අංශයේ ස්ථානාධිපති, නිශාන්ත එස් සිල්වා, එතැනින්, මීගමු පොලිස් කොට්ඨාසයට මාරුකර දැමීමයි. එය හිටපු ජනාධිපති මෛත‍්‍රීපාල සිරිසේනගේ අනුදැනුම මත සිදුවූවකි. එහි ඇති දේශපාලන මැදිහත්වීම සම්බන්ධයෙන් විවිධ පාර්ශ්වයන් කරුණු දැක්වීමෙන් හා විරෝධය පළකිරීමෙන් පසුව පොලිස් කොමිෂන් සභාව, වහාම ක‍්‍රියාත්මක වන පරිදි නිශාන්ත එස් සිල්වාගේ ස්ථාන මාරුව අවලංගු කළේය. එදා ඔවුන් එම තීරණය ගත්තේ එවක ජනාධිපති සිරිසේනගේ වුවමනාවට එරෙහිව යමිනි. එහෙත් එදා සහ අද අතර වෙනසක් තිබේ. එදා ජනාධිපතිගේ නියමයට පවා එරෙහිව ගිය පොලිස් කොමිෂන් සභාව අද වැඩබලන පොලිස්පතිවරයා කියූ පමණින් එදාම තීරණය ගෙන එදාම දන්වා යවා කාර්යක්ෂමව තමන්ගෙ ්ස්වාධීනත්වය දේහපාලන වුවමනාවන්ට පාවාදී තිබේ.
ටෙමයින් පෙනෙන්නේ කුමක්ද? ස්වාදිනත්වය සාපේක්‍ෂ දෙයක් බවයි. ස්වාධීනත්වය පැවතිය හැක්කේ ආයතනවල ස්වාධීනත්වය, නිර්දේශපාලනය ගරුකරන රාජ්‍ය ව්‍යුහයක් තුළ පමණි. ඊට එරෙහි රාජ්‍ය ක‍්‍රියාකාරිත්වයක් තුළ ස්වාධීනයැයි කියන ආයතනවලට, පුද්ගලයන්ට පවා ඇත්තේ පරාධීන පැවැත්මකි.
අරුණ ජයවර්ධන
ප‍්‍රජාතන්ත‍්‍රවාදය පිළිබඳ දේශපාලන සාකච්ඡුාව සහ ‘පරෙස්සමෙන් ලිවීම’
මීට සති එකහමාරකට පෙර අප රටේ සිදුවුයේ අර්ධ-ආණ්ඩු වෙනසකි. එය සම්පූර්ණ ආණ්ඩු වෙනසක් බවට පත්වන්නට නම්, එක්කෝ අලූත් අගමැතිතුමාට සහ කැබිනට් මණ්ඩලයට පාර්ලිමේන්තුවේ බහුතරයේ අනුමැතිය ලැබිය යුතුය. නැතිනම්, පාර්ලිමේන්තු මැතිවරණයක් තුළින් අලූත් ජනාධිපතිතුමා නියෝජනය කරන දේශපාලන සන්ධානයට පාර්ලිමේන්තුවේ බහුතරයක් හිමිවිය යුතුය. දැනට ලංකාවේ තිබෙන්නේ මහජනතාවගේ බහුතරය විසින් තෝරා පත්කරගන්නා ලද ජනාධිපතිවරයකු සහ පාර්ලිමේන්තු බහුතරය තමන්ට හිමි බව තවමත් තහවුරු කර නොගත් අග‍්‍රාමාත්‍යවරයකු සහ කැබිනට් මණ්ඩලයක්ද සහිත ආණ්ඩුවකි.
මෙය වනාහි 19වැනි ආණ්ඩුක‍්‍රම ව්‍යවස්ථා සංශෝධනය විසින් නිර්මාණය කරන ලද අලූත් තත්ත්වයකි. එහි එක් වක‍්‍ර ප‍්‍රතිඵලයක් වී තිබෙන්නේ, ආණ්ඩුක‍්‍රම ව්‍යවස්ථා සංශෝධනය පිළිබඳ අලූත් සාකච්ඡුාවක් ගොඩනැගීමයි. අවකාශ විවෘත වීමයි.
‘පරෙස්සමෙන් ලිවීම’
මෙම තේමාව ගැන සාකච්ඡුා කිරීමට පෙර, මගේ සිතේ වධ දෙන පුද්ගලික කාරණයක් ගැන කෙටියෙන් හෝ සඳහන් කළ යුතුව තිබේ. ‘ඔයා ඔය ලියන දේවල් ලියන්නෙ පරෙස්සමෙන් නේද?’ යනු, උදෙන්ම නැගිට කියවීමේ ලිවීමේ කටයුතුවල යෙදෙන මට මගේ භාර්යාව දැන් සතියක පමණ කාලයක සිට දවසට දෙතුන් වරක්වත් දෙන අවවාදයකි.
‘පරෙස්සමෙන් ලිවීම’ අභියෝගාත්මක අවවාදයක් වන්නේ සෑම ලේඛකයකුටම නොවේ. මගේ භාර්යාවද දන්නා පරිදි එය අදාළ වන්නේ දේශපාලන විචාරකයන්ට සහ දේශපාලන වාර්තාකරණයේ යෙදෙන මාධ්‍යවේදීන්ටය. ලිවීමේදී පරෙස්සම් නොවීම අභියෝගයක් වන්නේ සෑම අවස්ථාවකම නොවේ. නිශ්චිත දේශපාලන පසුබිම් සහ සන්දර්භයන් තුළය. අප දැනට සම්ප‍්‍රාප්තවී සිටින්නේ එවැනි දේශපාලන පසුබිමකට සහ සන්දර්භයකටද?
පුවත්පත් ලිපි මගින් දේශපාලන විග‍්‍රහයේ සහ විචාරයේ අවුරුදු ගණනාවක්ම යෙදී සිටි මගේ අත්දැකීම වන්නේ, දේශපාලන විචාරකයකුට හෝ වාර්තාකරුවකුට ‘පරෙස්සමෙන් ලියන දෙයක් ලියන්න’ යන අවවාදය පවුලේ ඥාතීන්ගෙන් හෝ හිතමිතුරන්ගෙන් ලැබෙන්නේද නැද්ද යන කාරණය, රටක දේශපාලන ප‍්‍රජාතන්ත‍්‍රවාදය, සිවිල් හා දේශපාලන අයිතිවාසිකම් සහ අදහස් ප‍්‍රකාශකිරීමේ නිදහස යන මේවා නිර්ණය කරන දේශපාලන වාතාවරණය පිළිබඳ මිනුම් දණ්ඩක්ද වන බවයි.
ලංකාවේ අප දැනට සිටින්නේ, අදහස් ප‍්‍රකාශ කිරීමේ අයිතිය නිර්බාධිතව භාවිත කිරීමේ නිදහස පුරවැසියන්ටත්, දේශපාලන විචාරකයන්ටත්, මාධ්‍යවේදීන්ටත් තිබි දේශපාලන වාතාවරණයක් අවසානයට පත්වෙමින් තිබෙන, අවිනිශ්චිත කාල පරිච්ඡෙදයක ආරම්භයේද? මෙම ප‍්‍රශ්නයට පැහැදිලි පිළිතුරක් තවම නැත. සමහර විට ඒ සඳහා සති හෝ මාස ගණනක් ගතවිය හැකිය. බොහෝ විට පාර්ලිමේන්තු මැතිවරණයෙන් පසුව ඇතිවන තත්ත්වය විසින් පැහැදිලි පිළිතුරක් අපට ලබාදෙනු ඇත. එතෙක් කල් මගේ හිසේ පිටිපස පැළපදියම් වී තිබෙන මගේ භාර්යාවගේ පරෙස්සමෙන් ලිවීමේ උපදේශයට අනුව ක‍්‍රියාකළ යුතුද නැද්ද යන විවාදය තුළ සිරවී සිටීම මගේ දෛනික යථාර්ථයක් වනු ඇත.
ස්වයං-වාරණය
රටේ සිදුවන දේශපාලන දේ ගැන ‘පරෙස්සමෙන් ලිවීමේ’ අත්දැකීම් මට නැතුවාද නොවේ. විශේෂයෙන් 2015ට පෙර කාලයේ වසර ගණනාවක් තුළම මා ලියූ පුවත්පත් දේශපාලන විවරණ එසේ ‘ඉතා පරෙස්සමෙන්’ ලියූ ඒවාය. ඒ කාලයේදී අනතුරු ඇඟවීම් කිහිපයක්ම ලැබීමෙන් පසු ‘ස්වයං-වාරණය’ යන පුරුද්ද ඇතිකර ගැනීමට මට බල කෙරිණ. මගේ ස්වයං-වාරණ භාවිතයේ අංග දෙකක් ගොඩනැගුණි.
ඉන් පළමුවැන්න නම්, දේශපාලන බලයේ සිටින අයගේ කෝපයට හෝ රාජ්‍ය යන්ත‍්‍රයේ නිලධාරීන්ගේ උකුසු ඇස යොමුවීමට හෝ තුඩු දෙන දේවල් ලිවීමෙන් වැළකී සිටීමයි. දෙවැන්න, දේශපාලන විවේචනය, දේශපාලනය කරන පුද්ගලයන් පිළිබඳව කරන පුද්ගලික මට්ටමේ විවේචනයක් බවට ලඝු නොකිරීමයි. මගේ, දේශපාලන විවේචනයට ලක්වන දේශපාලනඥයන්ට පවා ඔවුන්ගේ සිත නොරිදෙන පරිදි ගෞරව දක්වමින්, ඔවුන්ගේ දේශපාලනය ගැන පමණක් විවේචනය කිරීමේ ලේඛන ශෛලියක් ගොඩනගා ගැනීම සිදුවූයේ ඒ නිසාය.
පසුගිය ආණ්ඩුවේ මැද කාලයේ පටන් ජනාධිපති මෛත‍්‍රීපාල සිරිසේන සහ අග‍්‍රාමාත්‍ය රනිල් වික‍්‍රමසිංහ යන දෙපළගේ දේශපාලන වැරදි, අඩුපාඩු සහ පැහැර හැරීම් ගැන තියුණු විවේචන කරන ගමන්ම, එම විවේචන පුද්ගලික ගැරහීම්වල තත්ත්වයට ලඝුු නොකිරීමට මම හැකිතාක් උත්සාහ ගත්තෙමි.
ඒ සියල්ල තිබියදීත්, දේශපාලන විචාරකයකුට ‘ස්වයං-වාරණයේ’ යෙදීමට සිදුවීම සෑමවිටම මිහිරි අත්දැකීමක් නොවේ. ‘මගේ බුද්ධිමය විශ්වාසය මත මා මේ ලියන්නට යන දෙයින් මට හිරේ විලංගුවේ වැටෙන්නට සිදු වේවිද?, පැහැර ගනු ලැබීමට හෝ අතුරුදහන් වීමට හෝ මා ලක්විය හැකිද? පොලිසියට කටඋත්තරයක් දෙන්නට සිදුවේවිද?, ගෙදර වටේ නාඳුනන මෝටර් සයිකල්කරුවන් කැරකෙන තත්ත්වයක් ඇතිවේවිද? යනාදි විවිධාකාර බියක්, සංශයක්, විචිකිච්ඡුාවක් නොමැතිව දේශපාලන විවරණයේ යෙදී සිටි කාලය දැන් අවසානයකට පැමිණ තිබේද? යන අවිනිශ්චිතතාව මගේ පමණක් නොව, අප රටේ තවත් ලේඛකයන්ගේද සිත්වල මේ දිනවල හොල්මන් කරනු නැතැයි සිතිය නොහැකිය.
බලයේ සිටින අයගේත්, රාජ්‍ය යන්ත‍්‍රයේත් උදහසට ලක් නොවීම සඳහා ස්වයං-වාරණයේ යෙදෙමින් දේශපාලන විවරණයේ යෙදීම අමිහිරි කාර්යයක් පමණක් නොව අපහසු කාර්යයක්ද වෙයි. එය වනාහි කෙනෙකුගේ ආත්මයේ අභ්‍යන්තරයටම දැනෙන දෙයකි.
දැනට අප රටේ දේශපාලනය පවතින්නේ අවිනිශ්චිත සන්ධිස්ථානයකය. ලිබරල් ප‍්‍රජාතන්ත‍්‍රවාදය මෙන්ම සිවිල් හා දේශපාලන අයිතිවාසිකම්ද රටේ සංවර්ධනයට සහ ඉදිරි ගමනට බාධාවක්ය යන මතය අප රටේ නාගරික මධ්‍යම පන්තිය, උගත් වෘත්තික ස්තර, වෘත්තීය දේශපාලනඥයන් සහ ආගමික පූජ්‍ය තන්ත‍්‍රය අතර අලූතෙන්ම ගොඩනැගී තිබෙන, මතවාදී සම්මතිය සහ දේශපාලන සාමානය්‍ය දැනුම බවටද පත්වී තිබීම මේ සන්ධිස්ථානයේ ඇති නිර්ණයක ලක්‍ෂණයකි.
මෙම පසුබිම තුළ, අප රටේ ප‍්‍රජාතන්ත‍්‍රවාදය පිළිබඳ දේශපාලන සාකච්ඡුාව ශක්තිමත් කර ඉදිරියට ගෙනයාමේ අවශ්‍යතාව දැඩි ලෙස ඉදිරි කාලයේදී මතුවනු ඇත. අප ඉහතදී සඳහන් කළ ආණ්ඩුක‍්‍රම ව්‍යවස්ථා සංශෝධනය පිළිිබඳ සාකච්ඡුාව අලූත්වීම, මෙම ප‍්‍රජාතන්ත‍්‍රවාදය පිළිබඳ මහජන සාකච්ඡුාව අලූත් කිරීම සඳහාද විවර වන නව ආරම්භයකි.
ආණ්ඩුක‍්‍රම විවාදය
ඉදිරි කාලයේදී දිග හැරෙන ආණ්ඩුක‍්‍රම ප‍්‍රතිසංස්කරණ විවාදය පිළිබඳ මූලික කතාන්දරය, නැතහොත් නැරටිව් එක, ඉදිරිපත් වනු ඇත්තේ අලූත් ජනාධිපතිතුමා ලබාගත් ජනවරම ක‍්‍රියාවට නැගීමට ඇති ප‍්‍රධාන බාධාව 19වැනි සංශෝධනය වන්නේය යන තර්කය මතයි. ඒ වෙතින්, යෝජනා වනු ඇත්තේ ‘විධායක ජනාධිපති ක‍්‍රමය’ නැවත ගෙනඒම විය හැකිය. එහෙත්, ඒ සඳහා අලූත් ජනාධිපතිතුමා සහ අගමැතිතුමා අතර එකඟතාවක් ඇතිවිය හැකිද?
ජනාධිපතිවරයා සහ අග‍්‍රාමාත්‍යවරයා එකම පවුලේ සහෝදරයන් වුවත්, ආණ්ඩුක‍්‍රම ව්‍යවස්ථානුකූලව බලන විට, රාජ්‍ය ව්‍යුහය තුළ ඒ දෙදෙනා නියෝජනය කරන්නේ බල මධ්‍යස්ථාන දෙකකි. මහජනතාව වෙතින්ම තමන්ට ජනවරමක් ලැබුණිය යන තර්කය මත සිටියද, මෛත‍්‍රී ජනාධිපතිතුමාද අවබෝධ කරගත් පරිදි, ජනාධිපතිවරයා සාපේක්‍ෂ වශයෙන් බලය අඩු බල මධ්‍යස්ථානයකි. අග‍්‍රාමාත්‍යවරයා, සාපේක්‍ෂ වශයෙන් බලය වැඩි බල මධ්‍යස්ථානයකි. ආරක්ෂක ඇමතිධුරය තමා වෙත තබා ගැනීම නව ජනාධිපතිවරයාගේ අභිලාෂය වුවද, ඒ සඳහා ඔහුට ආණ්ඩුක‍්‍රම ව්‍යවස්ථාමය බලයක් නැත. ඒ අතර අමාත්‍ය මණ්ඩලය පත්කරනු ලැබ ඇත්තේත්, ඉදිරියේදී පත්කෙරෙනු ඇත්තේත් අග‍්‍රාමාත්‍යවරයාගේ කැමැත්ත සහ තේරීම මතය. අග‍්‍රාමාත්‍යවරයා නියෝජනය කරන පක්ෂයේ සාමාන්‍ය සාමාජිකයකු වන ජනාධිපතිවරයාට, මන්ත‍්‍රීවරුන්ගේ හා කැබිනට් ඇමතිවරුන්ගේ දේශපාලන ළැදියාව සහ භක්තිය පාලනය කිරීමේ කිසිදු හැකියාවක් නැත. ඒ ඇරත්, අලූත් ජනාධිපතිවරයා නායකත්වය දරන කැබිනට් මණ්ඩලයේ ඇමතිවරුන්, ඔහු කියා සිටි ආකාරයේ කුසලතාධාරී වෘත්තිකයන් නම් නොවේ, ඊට වෙනස් අයයි.
මෙම ප‍්‍රතිවිරෝධය ජයගැනීමට අලූත් ජනාධිපතිවරයාට කළ හැකි ආණ්ඩුක‍්‍රම ව්‍යවස්ථාමය තේරීම කුමක්ද? ඔහුට ලැබෙන්නට ඉඩ තිබෙන එක උපදෙසක් නම්, ඇමෙරිකානු හෝ ප‍්‍රංශ ආකාරයේ කැබිනට් ක‍්‍රමයක් නිර්මාණය කරන ව්‍යවස්ථා ප‍්‍රතිසංස්කරණයක් ගැන සොයාබැලිය හැකිය යන්නයි. ඇමෙරිකාවේ කැබිනට් ඇමතිවරුන් ජනාධිපතිවරයා විසින් තෝරාගනු ලබන්නේ කොංග‍්‍රස් සාමාජිකයන්ගෙන් නොවේ. ලංකාවේ ‘වියත් මඟ’ වැනි සංවිධාන තුළින් ජනාධිපතිවරයාට ජයගැනීමට ආධාර කළ සහ අරමුදල් පරිත්‍යාග කළ පුද්ගලික මිතුරන් අතුරෙනි. ප‍්‍රංශයේ පවත්නා ක‍්‍රමය අනුව ඇමතිවරුන්, ව්‍යවස්ථාදායකයේ සාමාජිකයන් විය යුතුම නොවේ.
අලූත් කැබිනට් ක‍්‍රමයක්
අලූත් ආකාරයක කැබිනට් ක‍්‍රමයක් ගැන සාකච්ඡුා දැනටමත් පටන්ගෙන තිබේ.
එනම්, පාර්ලිමේන්තු මන්ත‍්‍රීවරුන් නොවන, වෘත්තිකයන්, ව්‍යාපාරිකයන් වැනි ජනාධිපතිවරයාට පුද්ගලිකව ළැදි දේශපාලනඥයන් නොවන පුද්ගලයන්ද ඇමතිවරුන් බවට පත්කළ හැකි වන ලෙස ආණ්ඩුක‍්‍රම සංශෝධනයක් ගෙනඒමයි. ‘කුසලතාධාරීන්ගේ පාලනතන්ත‍්‍රයක්’ (ඵැරසඑදජර්ජහ* පිළිබඳව ‘වියත් මඟ’ සංවිධානය යෝජනා කළ ගෝඨාභය රාජපක්ෂ මහතා සිය ජනාධිපතිවරණ ව්‍යාපාරයේදී අවධාරණය කළ අදහසින් යෝජනා වන්නේ මෙවැන්නකි.
දැනට පවතින තත්ත්වය තුළ, දහනවවැනි සංශෝධනය යටතේ තිබෙන ජනාධිපතිවරයා සහ අගමැතිවරයා අතර ඇති බල සම්බන්ධය මූලික වෙනසකට භාජනය කිරීමේ තත්ත්වයක් කරා ආණ්ඩුක‍්‍රම ප‍්‍රතිසංස්කරණ සාකච්ඡුාව යළි දිසාගත වීමට හොඳටම ඉඩ තිබේ. මෙය වනාහි ප‍්‍රජාතන්ත‍්‍රවාදය පිළිබඳ දේශපාලන සාකච්ඡුාවද යළි ශක්තිමත් කිරීමේ විවෘතවීමක් වනු ඇත.
නීති කැඩූ ආගමික නායකයන්ට නඩු
පසුගිය ජනාධිපතිවරණ සමයේදී මැතිවරණ නීති උල්ලංඝනය කරමින්, සිය ආගමික ස්ථානවලදී මැතිවරණයට බලපෑමක් වන අන්දමේ ප‍්‍රචාරණ කටයුතු සිදුකළ ආගමික නායකයන් සම්බන්ධයෙන් පරීක්ෂණ කොට ඉදිරියේදී නඩු පැවරීමට බලාපොරොත්තු වන බව මැතිවරණ කොමිෂන් සභාවේ ප‍්‍රකාශකයෙක් අනිද්දා සමඟ පැවසීය.
එම සිදුවීම් අතර කැලණිය විහාරස්ථානයේදී ධාතු ප‍්‍රදර්ශනයක් පවත්වන බව කියමින්, පැමිණෙන පුද්ගලයන්ට නෙළුම් පොහොට්ටු ලබාදී ශ‍්‍රී ලංකා පොදුජන පෙරමුණ ප‍්‍රවර්ධනය කිරීමේ සිදුවීමද ඇතැයි එම ප‍්‍රකාශකයා කීය.
ඊට අමතරව බෞද්ධ හිමිවරුන් සහ කතෝලික ආගමික නායකයන් සිය ආගමික කටයුතු අතරතුරදී දේශපාලන පක්ෂ ප‍්‍රවර්ධනය කිරීමේ කටයුතු සිදුකර ඇති බවත්, එවැනි සිදුවීම්වලට අදාල වීඩියෝපට පවා මැතිවරණ කොමිෂන් සභාව ලබාගෙන ඇති බවත් ඔහු කීය. මේ වනවිට එම වීඩියෝ පරීක්ෂා කරමින් සිටින අතර, ඉදිරියේදී ඒවා සම්බන්ධයෙන් පියවර ගන්නා බව ඔහු කීය.
ආගමික නායකයන්ට සාමාන්‍ය දේශපාලන වේදිකාවලදී හෝ මාධ්‍යවල දේශපාලන කටයුතු කිරීමේ අයිතියක් තිබෙන නමුත් ආගමික කටයුතු වන ධර්ම දේශනා, ආගමික උත්සව ආදි අවස්ථාවලදී දේශපාලන නායකයන් ප‍්‍රවර්ධනය කිරීම පැහැදිළිවම මැතිවරණ නීති උල්ලංඝනය කිරීමත් බව ඔහු පැවසීය. එවැනි සිදුවීම් සම්බන්ධයෙන් නීතිය ක‍්‍රියාත්මක කළ හැකි බවත් එම ප‍්‍රකාශකයා පැවසීය.
වගකීම් දුන්නොත් ගන්න කරු ලෑස්තියි
එළැඹෙන වසරේ පැවැත්වීමට නියමිත මහමැතිවරණයට පෙර එක්සත් ජාතික පක්ෂයේ නායකත්වය හෝ ඉහළ තනතුරක් තමාට බාරදීමට තීන්දු කළහොත් ඉදිරියේදී කථානායක ධුරයෙන් ඉල්ලා අස්වී ක‍්‍රියාකාරී පක්ෂ දේශපාලනයට පැමිණීමට කථානායක කරූ ජයසූරිය සූදානමින් සිටින බව වාර්තා වෙයි.
ඒ අනුව හදිසියේ කථානායක ධුරයෙන් ඉල්ලා අස් නොවී එක්සත් ජාතික පක්ෂයේ අභ්‍යන්තර සාකච්ඡුාවලින් පසුව තීන්දුවක් ගැනීමට කථානායකවරයා තීන්දු කර තිබේ.
වෙනත් කථානායකවරයෙකු පත් කරගැනීම සඳහා ඉවත්වන්නැයි ඉල්ලීමක් කළහොත් ඒ පිළිබඳව සලකා බැලීමටද කථානායකවරයා සූදානම් බව වාර්තා වෙයි.
කෙසේවෙතත් කථානායකවරයාගේ සමීපතමයන් කළ විමසීම්වලදී ඔහු පවසා ඇත්තේ තමන් මීළඟ තීරණය ගන්නේ දේශපාලන තත්වයන් සලකා බැලීමෙන් පසුව බවයි. තමන් යම් තීන්දුවක් ගන්නේ සියලූ තත්වයන් ගැන සලකා බැලීමෙන් පසුව බවත්, තමන් ඒ ගැන වැඩිදුර කතාකරන්නට දැන් කැමැත්තක් නොදක්වන බවත් ඔහු කියා තිබුණි.
කථානායක කරූ ජයසූරිය ඒක පාර්ශ්වීය කථානායකවරයෙකු බවත්, ඔහු පාර්ලිමේන්තුව එක්සත් ජාතික පක්ෂයේ අවශ්‍යතා සඳහා මෙහෙයවන බවත් මීට පෙර ශ‍්‍රී ලංකා පොදුජන පෙරමුණෙන් චෝදනා කර තිබුණි. එම චෝදනාවලට ප‍්‍රධානම හේතුවක් වී තිබුණේ 2018 ඔක්තෝබර් 26 කුමන්ත‍්‍රණය අවස්ථාවේ කථානායකවරයා කටයුතු කළ ආකාරයය. මේ අතර ආණ්ඩුවේ ආරංචි මාර්ග පවසන්නේ හිටපු ජනාධිපති මෛත‍්‍රීපාල සිරිසේන කථානායකධුරය බලාපොරොත්තු වන බවය. මේ අතර ආණ්ඩුවේ ප‍්‍රකාශකයෙකු අනිද්දා සමග ප‍්‍රකාශ කළේ කථානායකවරයා මාරු කිරීම ඉදිරියේදී සිදුවනු ඇති බවයි.
මුක්තියෙන් ජනාධිපති නිදහස් වේ
ආණ්ඩුක‍්‍රම ව්‍යවස්ථාවේ ඇති ජනාධිපතිවරයෙකුට එරෙහිව නඩු පැවරිය නොහැකිය යන ප‍්‍රතිපාදනය යටතේ මැදමුලන ඞී.ඒ. රාජපක්ෂ කෞතුකාගාර නඩුවෙන් ජනාධිපති ගෝඨාභය රාජපක්ෂ නිදහස් කර ඇත.
නොවැම්බර් 21 දින කොළඹ විශේෂ ත‍්‍රිපුද්ගල මහාධිකරණය මෙම මුදාහැරීම සිදුකර ඇති අතර එදින මෙම නඩුව කැඳවා ඇත්තේ ජනාධිපති ගෝඨාභය රාජපක්ෂගේ නීතිඥවරුන් ඉදිරිපත් කළ මෝසමක් අනුවය.
එහිදී නීතිපති වෙනුවෙන් නියෝජ්‍ය සොලිසිටර් ජෙනරාල් දිලීප පීරිස් එකී ආණ්ඩුක‍්‍රම ව්‍යස්ථා ප‍්‍රතිපාදන අනුව ජනාධිපති ගෝඨාභය රාජපක්ෂ එම නඩුවෙන් මුදාහරින ලෙස ඉල්ලීම කර ඇත.
ඒ අනුව ජනාධිපති ගෝඨාභය රාජපක්ෂට එරෙහිව පනවා තිබූ විදේශ ගමන් තහනමද ඉවත් කරමින් ජනාධිපතිවරයාගේ විදේශ ගමන් බලපත‍්‍රයද මුදාහැර ඇත.
එමෙන්ම එම නඩුවේ සෙසු සැකකරුවන් සම්බන්ධ නඩුව ඉදිරියට පවත්වාගෙන යෑමට තීරණය කර ඇති අතර ඒ සඳහා එම නඩුව ජනවාරි 9 වැනිදා කැඳවීමට නියමිතය.
මැදමුලන ඞී.ඒ. රාජපක්ෂ කෞතුකාගාරය ඉදිකිරීමේදී රාජ්‍ය මුදල් රුපියල් මිලියන 33.9 ක් අවභාවිත කිරීම සම්බන්ධයෙන් ජනාධිපති ගෝඨාභය රාජපක්ෂට චෝදනා එල්ලවී තිබුණි.
ජනාධිපතිවරයා ආරක්ෂක හා නාගරික සංවර්ධන අමාත්‍යාංශයේ ලේකම්වරයා ලෙස කටයුතු කරන සමයේදී ඉඩම් ගොඩකිරීමේ හා සංවර්ධනය කිරීමේ සංස්ථාවේ මුදල් භාවිත කරමින් ඞී.ඒ. රාජපක්ෂ කෞතුකාගාරය හා ස්මාරකය ගොඩනඟා තිබුණි.
ඒ සම්බන්ධව හෙළිදරව් වීමෙන් පසු එම මුදලින් කොටසක්ද ඔහු ගෙවනු ලැබූ අතර මෙම මූල්‍ය අවභාවිතය සම්බන්ධයෙන් විගණකාධිපති දෙපාර්තමේන්තුව විසින් විගණන වාර්තාවක්ද ඉදිරිපත් කරනු ලැබීය.
මෛත‍්‍රී පාර්ලිමේන්තුවට
හිටපු ජනාධිපති මෛත‍්‍රීපාල සිරිසේන මහතා නුදුරේදීම එජනිස ජාතික ලැයිස්තු පාර්ලිමේන්තු මන්ත‍්‍රීවරයෙකු ලෙස දිවුරුම් දීමට බලාපොරොත්තු වන බව වාර්තා වෙයි.
වාර්තාවන ආකාරයට ජාතික ලැයිස්තු පාර්ලිමේන්තු මන්ත‍්‍රී මලිත් ජයතිලක මෛත‍්‍රීපාල සිරිසේන මහතාට පාර්ලිමේන්තු මන්ත‍්‍රීධුරය ලබාදෙමින් ඉල්ලා අස්වීමට නියමිතය. ඒ වෙනුවෙන් මලිත් ජයතිලක මහතාට රාජ්‍ය ආයතනයක ඉහළ තනතුරක් ලබාදීමටද නියමිත බව වාර්තා වෙයි.
නොවැම්බර් 21 වැනිදා රාත‍්‍රියේ පැවැත්වීමට නියමිත ශ‍්‍රීලනිප මධ්‍යම කාරක සභා රැුස්වීමේදී මෛත‍්‍රීපාල සිරිසේන මහතාගේ පාර්ලිමේන්තු මන්ත‍්‍රීධුරය පිළිබඳව සාකච්ඡුා කිරීමට බලාපොරොත්තුවෙන් සිටි බව අනිද්දා සමඟ අදහස් දැක්වූ ශ‍්‍රීලනිප ප‍්‍රබලයෙක් පැවසීය. පුවත්පත මුද්‍රණයට යනවිට එම සාකච්ඡුාව අවසන් වී තිබුණේ නැත. දැනට වාර්තාවන ආකාරයට ශ‍්‍රී ලංකා නිදහස් පක්ෂයට ඉදිරියේ පිහිටුවන ආණ්ඩුවෙහි අමාත්‍යධුර 2ක් ලබාදීමට නියමිතය.
එම අමාත්‍යධුර ලබාගන්නේ කවුද යන්න පිළිබඳවත්, මෛත‍්‍රීපාල සිරිසේන මහතා අමාත්‍යධුරයක් ලබාගන්නවාද නැතිනම් කථානායක ධුරය ලබාගන්නවාද යන කාරණය පිළිබඳවත්, ඉදිරි මැතිවරණවලදී ශ‍්‍රීලනිපය ඉදිරිපත් විය යුතු ආකාරය පිළිබඳවත් එම මධ්‍යම කාරක සභා රැුස්වීමේදී සාකච්ඡුා කිරීමට නියමිතව තිබුණු බව වාර්තා වෙයි. ඒ අතර හිටපු ජනාධිපතිනි චන්ද්‍රිකා බණ්ඩාරනායක ඇතුළුව සජිත් පේ‍්‍රමදාස මහතාට ජනාධිපතිවරණයේදී සහයෝගය ලබාදුන් පුද්ගලයන් පිළිබඳව ගන්නා පියවර ගැනද එම මධ්‍යම කාරක සභාවේදී සාකච්ඡුා කිරීමට නියමිතව තිබුණි.
විපක්ෂ නායකකමට රනිල් සජිත් ගැටේ
තීන්දුව පාර්ලිමේන්තුවෙන් බව කථානායක කියයි
නව ජනාධිපති ගෝඨාභය රාජපක්ෂට ආණ්ඩුවක් පිහිටුවීම සඳහා හිටපු අග‍්‍රාමාත්‍ය රනිල් වික‍්‍රමසිංහ ඇතුළු ආණ්ඩුව ඉල්ලා අස්වීමෙන් පසු පාර්ලිමේන්තුවේ නව විපක්ෂ නායක ධුරය සඳහා රනිල් වික‍්‍රමසිංහ මහතාත් සජිත් පේ‍්‍රමදාස මහතාත් අතර ගැටුමක් ඇතිවී තිබේ.
එම දෙදෙනාම විපක්ෂ නායක ධුරයට පත් කිරීම සඳහා වෙන වෙනම කථානායකවරයාට ලිපි බාරදී ඇත. රනිල් වික‍්‍රමසිංහ මහතා විපක්ෂ නායක ලෙස පත්කරන ලෙස එජාප මහලේකම් අකිල විරාජ් කාරියවසම් කථානායකවරයාට ලිපියක් බාරදී ඇත. සජිත් පේ‍්‍රමදාස මහතා විපක්ෂ නායක ධුරයට පත්කරන ලෙස මන්ත‍්‍රීවරු 45ක පමණ සංඛ්‍යාවකගේ අත්සන්වලින් යුත් ලිපියක් සජිත් පාර්ශ්වයේ මන්ත‍්‍රීවරුන් කථානායකවරයාට බාරදී ඇත.
මේ පිළිබද කළ විමසීමකදී කථානායක කරූ ජයසූරිය පැවසුවේ පාර්ශ්ව දෙකකින් මන්ත‍්‍රීවරුන්ගේ අත්සන් සහිත ලිපි දෙකක් ලැබී තිබෙන බවයි. එම ලිපි අතරින් බාරගන්නේ කුමන ලිපියදැයි විමසීමේදී ඔහු ප‍්‍රකාශ කළේ එම ලිපිය පක්ෂ නායක රැුස්වීමට ඉදිරිපත් කරන බවත්, ඉන්පසුව පාර්ලිමේන්තුවට ඉදිරිපත් කරන බවත්ය. තීන්දුව ගන්නේ පාර්ලිමේන්තුව බව ඔහු කීය.
මේ අතර එක්සත් ජාතික පෙරමුණ නියෝජනය කළ හිටපු ප‍්‍රබල අමාත්‍යවරයෙකු ප‍්‍රකාශ කළේ සජිත් පේ‍්‍රමදාස මහතා විපක්ෂ නායක ලෙස නම් කිරීමේ යෝජනාවට එක්සත් ජාතික පෙරමුණේ අනෙකුත් පක්ෂ සහයෝගය ලබාදෙනු ඇති බවය. එම නිසා එක්සත් ජාතික පක්ෂයේ ප‍්‍රබලයන් එජාපයේ නායකත්වයට සජිත් පේ‍්‍රමදාස මහතා පත්කරගැනීමට කටයුතු කළ යුතු බවත් ඔහු වැඩිදුරටත් ප‍්‍රකාශ කළේය.
නොවැම්බර් 18වැනි දින උදෑසන කොළඹ ගෝල්ෆේස් හෝටලයේ සජිත් පේ‍්‍රමදාස මහතා සහ එක්සත් ජාතික පෙරමුණේ මන්ත‍්‍රීවරුන් හමුවක් පවත්වා ඇත. එහිදී සජිත් පේ‍්‍රමදාස මහතා මුලින් ප‍්‍රකාශ කර ඇත්තේ තමන්ට පක්ෂයේ නායකත්වය ගැනීම සඳහා කා සමග හෝ ගැටුම් ඇති කරගැනීමට අවශ්‍යතාවක් නැති බවය. ඒ නිසා තමන් දේශපාලනයෙන් සමුගෙන මිනිසුන්ට සේවය කිරීමට තීරණය කර ඇති බවද ඔහු එහිදී ප‍්‍රකාශ කර ඇත. මැතිවරණ ව්‍යාපාරය අඩපණ කරන්නට රනිල් වික‍්‍රමසිංහ පාර්ශ්වය කටයුතු කර ඇති බව එහිදී ප‍්‍රකාශ කළ බවද දැනගන්නට ලැබේ. එහිදී සුජීව සේනසිංහ, අජිත් පී පෙරේරා ඇතුළු මන්ත‍්‍රීවරුන් පිරිසක් යෝජනා කර ඇත්තේ ඔහුට පක්ෂ නායකත්වය භාර ගන්නා ලෙසයි. එයට එම අවස්ථාවේ සජිත් පේ‍්‍රමදාස මහතා කිසිවක් කියා නැතත් පසුව ප‍්‍රකාශ කර ඇත්තේ පක්ෂයේ නායකත්වය ලබා නොදෙන්නේ නම් තමන් දේශපාලනයෙන් සම්පූර්ණයෙන්ම සමුගන්නා බවය. මෙම හමුවට මන්ත‍්‍රීවරුන් 50කට ආසන්න පිරිසක් සහභාගිවී සිට ඇති අතර ඔවුන් සජිත් පේ‍්‍රමදාස මහතාට පක්ෂයේ නායකත්වය ලබා දෙන්නේ කෙසේදැයි පසුව සාකච්ඡුා කර ඇත. ඒ අනුව සජිත් පේ‍්‍රමදාස මහතා නොවැම්බර් 21 දා සිරිකොතට පැමිණ පාක්ෂිකයන් ඇමතීමට එකඟවී ඇත. එහෙත් එජාපයේ මෙම අභ්‍යන්තර අර්බුදය නිසා මෙම හමුව කොළඹ වොක්ෂෝල් වීදියේ සජිත් පේ‍්‍රමදාස මහතාගේ මැතිවරණ මෙහෙයුම් කාර්යාලයේදී පැවැත්විය.
නොවැම්බර් 20 දින උදෑසන අරලියගහ මන්දිරයේදී අග‍්‍රාමාත්‍ය රනිල් වික‍්‍රමසිංහ මහතාද ඔහුට හිතවත් අකිල විරාජ් කාරියවසම්, සරත් ෆොන්සේකා, නවීන් දිසානායක ඇතුළු මන්ත‍්‍රීවරුන් පිරිසක් ද සාකච්ඡුා කර ඇත. එහිදී පක්ෂයේ කෘත්‍යාධිකාරී මණ්ඩලය තීන්දු කළහොත් නායකත්වයෙන් ඉවත්වීමට තමන් සූදානම් බව රනිල් වික‍්‍රමසිංහ මහතා ප‍්‍රකාශ කළ බව දැනගන්නට ලැබේ.
සජිත් පේ‍්‍රමදාස මහතාගේ සහභාගිත්වයෙන් නොවැම්බර් 21 වැනිදා පැවැත්වීමට නියමිතව තිබු රැුස්වීම පිළිබඳව නොවැම්බර් 20 වන දින රාත‍්‍රියේදී නිවේදනයක් නිකුත් කරමින් එක්සත් ජාතික පක්ෂයේ මාධ්‍ය ඒකකය දන්වා තිබුණේ එවැනි රැුස්වීමක් නොපැවැත්වෙන බවය. නොවැම්බර් 21 වන දින අදාල රැුස්වීමට සහභාගි වීමට පැමිණි පාක්ෂිකයන් විශාල පිරිසක් සිරිකොත පක්ෂ මූලස්ථානයෙන් හරවා යවා ඇත. එම රැුස්වීම වොක්ෂෝල් වීදීයේ පවත්වා තිබුණේ එහි ප‍්‍රතිඵලයක් ලෙසය.
රේඛා නිලූක්ෂි හේරත් / කේ. සංජීව / තරිඳු උඩුවරගෙදර
චන්ද්‍රිකා පිල ආණ්ඩුවට එරෙහිව
ජනාධිපතිවරණ ප‍්‍රචාරක ව්‍යාපාරයේදී සජිත් පේ‍්‍රමදාස මහතාට සහයෝගය ලබාදුන් චන්ද්‍රිකා බණ්ඩාරනායකගේ නායකත්වය යටතේ සිටි ශ‍්‍රීලනිප කණ්ඩායම ඉදිරියේදී වත්මන් රජයට එරෙහි සන්ධානයකට එක්වීමට බලාපොරොත්තු වන බව එම කණ්ඩායමේ ප‍්‍රකාශකයෙක් පැවසීය.
එජාපය සහ ඒ ආශ‍්‍රිතව සිටින කණ්ඩායම් ඉදිරියේදී ගන්නා තීන්දු පිළිබඳවත් සලකා බලා වඩා ශක්තිමත් විපක්ෂ සන්ධානයකට සහයෝගය පළ කරන බව එම ප‍්‍රකාශකයා කීය.
ජනාධිපතිවරණයෙන් සජිත් පේ‍්‍රමදාස මහතා ජයගතහොත් ශ‍්‍රීලනිප සභාපතිධුරය චන්ද්‍රිකා බණ්ඩාරනායකට ලබාගැනීම සඳහා ප‍්‍රචාරක ව්‍යාපෘතියක් දියත් කිරීමට සැලසුම් කොට තිබූ නමුත්, ජනාධිපතිවරණයෙන් ගෝඨාභය රාජපක්ෂ මහතා ජයගත් පසුබිමක එවැනි ව්‍යාපෘතියකට ශ‍්‍රීලනිපය අභ්‍යන්තරයෙන් සහයෝගයක් නොලැබෙන නිසා එවැනි ව්‍යාපෘතියක් ක‍්‍රියාත්මක නොකරන බව ඔහු කීය.
ඒ වෙනුවට තම කණ්ඩායම පෙරමුණක් ලෙස එකතු වී වත්මන් ආණ්ඩුවට එරෙහි සාපේක්ෂව වැඩි ශක්තියක් තිබෙන සන්ධානයක කොටසක් ලෙස පාර්ලිමේන්තු මැතිවරණයට ඉදිරිපත් වීමට බලාපොරොත්තු වන බව ඔහු කීය.