No menu items!
21.4 C
Sri Lanka
3 August,2025
Home Blog Page 349

ජාත්‍යන්තර දර්ශකයක ලංකාව ඍණ වේ

ලොව ප‍්‍රමුඛතම මූල්‍ය ශ්‍රේණිගත කිරීම් සමාගම් තුනෙන් එකක් වන ස්ටෑන්ඩර්ඞ් ඇන්ඞ් පුවර්ස් හෙවත් එස් ඇන්ඞ් පී ආයතනය ශ‍්‍රී ලංකාවේ රාජ්‍ය මූල්‍ය පිළිබඳ නිල තක්සේරුව ස්ථාවර තත්වයේ සිට ඍණ තත්වය දක්වා පහළ දමා ඇත.

කෙසේ වෙතත් එම ආයතනය ශ‍්‍රී ලංකාවට ලබාදී ඇති ශ්‍රේණිගත කිරීමෙහි වෙනසක් සිදුවී නැත. ශ‍්‍රී ලංකාවට එම ආයතනයෙන් ලබාදී තිබුණු ශ්‍රේණිගත කිරීම වන්නේ බී ශ්‍රේණිගත කිරීමය. වෙනස් වී ඇත්තේ ශ්‍රේණිගතකිරීම්වලට අදාළව එම ආයතනය නිකුත් කරන නිල තක්සේරුවය. සාමාන්‍යයෙන් එම ආයතනය නිල තක්සේරුව ලෙස ධන, ස්ථාවර හා ඍණ යන තත්වයන් තුනෙන් එකක් වශයෙන් සඳහන් කරනු ලබයි.

එම තක්සේරුව ශ‍්‍රී ලංකාව සමග ගනුදෙනු කරන රජයන් හා ජාත්‍යන්තර මූල්‍ය ආයතන සැලකිල්ලට ගනු ඇත.

ඒ අනුව ඉදිරි මාස 12ක කාලසීමාව ඇතුළත මූල්‍ය විනය ආරක්ෂා කරගැනීමට කටයුතු නොකළහොත් ශ‍්‍රී ලංකාවට අදාළ ශ්‍රේණිගත කිරීම් තවත් පහළ දැමීමේ අවදානමක් ඇත.

ශ‍්‍රී ලංකාවට ණය ලබාදීමේදී ණය පොලි තීරණය කිරීම,  ශ‍්‍රී ලංකාවේ බැඳුම්කර වෙළඳපොළ, ශ‍්‍රී ලංකාවේ ආයෝජනය කළ යුතුද නැද්ද යන්න පිළිබඳ තීන්දු ගැනීම ආදි කටයුතු සඳහා එම ශ්‍රේණිගත කිරීම් බලපායි. ශ‍්‍රී ලංකාව ලබාගන්නා ණය ප‍්‍රමාණය ගෙවිය හැකිද නැද්ද යන්න පිළිබඳව එම ශ්‍රේණිගත කිරීම්වලින් අවබෝධ කරගත හැකිය.

මේ පිළිබඳව කළ විමසීමකදී මහ බැංකුවේ හිටපු නියෝජ්‍ය අධිපති ආචාර්ය ඩබ්ලිව්.ඒ. විජේවර්ධන ප‍්‍රකාශ කළේ ශ‍්‍රී ලංකාව වඩාත් අවධානය යොමු කළ යුත්තේ ශ‍්‍රී ලංකාවට තිබෙන බී වර්ගයේ ශ්‍රේණිගත කිරීම පිළිබඳව බවයි. යම්කිසි රටක ශ්‍රේණිගත කිරීම් බීබීබී ඍණ තත්වයට වඩා පහළින් පවතින්නේ නම්, එවැනි රටක් ණය පැහැරහැරීමේ සම්භාවිතාව ඉතා ඉහළ යැයි ජාත්‍යන්තර වශයෙන් සලකන බවද ඔහු කීය. ශ‍්‍රී ලංකාව දැන් ඉන්නේ එම තත්වයට වඩා පහළින් බව ඔහු කීය. එවැනි රටක මහා භාණ්ඩාගාරයෙන් නිකුත් කරන බැඳුම්කර කසළ බැඳුම්කර ලෙස සාමාන්‍ය වහරේදී හඳුන්වන බවද පෙන්වාදුන්නේය. ශ‍්‍රී ලංකාව එම ශ්‍රේණිගත කිරීම්වලින් තවත් පියවර හතරක් පමණ ඉදිරියට යා යුතු බවත්, රජය ඒ පිළිබඳව අවධානය යොමු කිරීම වැදගත් බවත් ඔහු කීය.

පක්ෂය විවේචනය කළොත් එජාපයෙන් විනය පියවර

0

එක්සත් ජාතික පක්ෂයත් එහි නායකත්වයත් විවේචනය කරන එජාප සාමාජිකයන්ට එරෙහිව විනය පියවර ගැනීමට එජාපයේ රනිල් වික‍්‍රමසිංහ පාර්ශ්වය තීරණය කර ඇතැයි වාර්තා වේ.

මෙම විනය පියවර යටතේ එජාපය හා එහි නායකත්වය විවේචනය කරන අයගේ ආසන සංවිධායක ධුර ඉවත් කිරීමට තීරණය කර ඇතැයි ඒ සම්බන්ධයෙන් අදහස් දක්වමින් එජාප රනිල් පිළේ සාමාජිකයෙක් අනිද්දාට පැවසීය.

ඔහු වැඩිදුරටත් පැවසුවේ ජනවාරි 16 වැනිදායින් පසු එජාපය හා එහි නායකත්වය විවේචනය කරන අයට එරෙහිව විනය පියවර වශයෙන් එම තීරණ ගනු ඇති බවයි.

මෙම විනය පියවර බොහෝ විට එජාපයේ සජිත් පාර්ශ්වයේ සාමාජිකයන්ට එරෙහිව ක‍්‍රියාත්මක වනු ඇතැයි වැඩිදුරටත් වාර්තා වෙයි.

ඉඳුවර බණ්ඩාර

වෝහාරික වාර්තාව පාර්ලිමේන්තුවට

බැඳුම්කර ගනුදෙනු පිළිබඳව නිකුත් කර ඇති වෝහාරික විගණන වාර්තා ඉදිරි පාර්ලිමේන්තු රැුස්වීමේදී සභාගත කරනු ඇතැයි කථානායක කරූ ජයසූරියට සමීප ආරංචි මාර්ග පවසයි.

එක්සත් ජාතික පක්ෂයේ පාර්ලිමේන්තු මන්ත‍්‍රීවරයෙකු ප‍්‍රකාශ කළේ, තම පක්ෂයේ පාර්ලිමේන්තු මන්ත‍්‍රී කණ්ඩායමේ සාමාජිකයන් පිරිසක් එම වාර්තාව සභාගත කරන ලෙස කතානායකවරයාගෙන් ඉල්ලීම් කර ඇති බවයි. පාර්ලිමේන්තුවේ කටයුතු පාලනය කිරීමේ බලයක් නීතිපතිවරයාට නොමැති බවත්, ඒ පිළිබඳව නීතිමය තත්වය කතානායකවරයා සමග සාකච්ඡුා කර ඇති බවත් නිර්නාමිකව අදහස් දැක්වූ එම මන්ත‍්‍රීවරයා කීය.

මේ වනවිට ජනතා විමුක්ති පෙරමුණේ පාර්ලිමේන්තු මන්ත‍්‍රී බිමල් රත්නායක එම වාර්තා සභාගත කරන ලෙස පාර්ලිමේන්තුවේදී ඉල්ලීමක් කර ඇත. ඒ සඳහා නීතිපතිවරයාගේ උපදෙස් පිළිපැදීමට පාර්ලිමේන්තුවට අවශ්‍යතාවක් නොමැති බව ඔහු පෙන්වාදී තිබේ.

ජනවාරි 13 වැනිදා නීතිපති දෙපාර්තමේන්තුවේ නියෝජිතයන්, පොලිස් දෙපාර්තමේන්තුවේ නියෝජිතයන් පිරිසක් හා කතානායකවරයා අතර පාර්ලිමේන්තු මන්ත‍්‍රීවරුන් අත්අඩංගුවට ගැනීම පිළිබඳව පැවති සාකච්ඡුාවකදී වෝහාරික වාර්තාව නිකුත් කිරීම පිළිබඳවද සාකච්ඡුා කර ඇත.

ශ‍්‍රී ලංකාවේ මානව හිමිකම් අවදානමක : හියුමන් රයිට්ස් වොච්

0

ශ‍්‍රී ලංකාවේ ජනාධිපතිධුරයට ගෝඨාභය රාජපක්ෂ මහතා පත්වීමෙන් පසුව ශ‍්‍රී ලංකාව තුළ මානව හිමිකම් පිළිබඳව ඇති ගෞරවය තීරණාත්මක ලෙස අවදානමකට ලක්ව ඇතැයි හියුමන් රයිට්ස් වොච් සංවිධානයේ නවතම වාර්තාවෙහි සඳහන් කර ඇත.

ජනාධිපති ගෝඨාභය රාජපක්ෂ සහ අගමැති මහින්ද රාජපක්ෂ යන දෙදෙනා මීට පෙර ආණ්ඩු සමයේදී මාධ්‍යවේදීන් හා සිවිල් ක‍්‍රියාකාරීන් ඇතුළු පුරවැසියන්ගේ මානව හිමිකම් කඩකිරීමේ සිදුවීම් ගණනාවක් පිළිබඳ චෝදනා ලබා ඇති බව එම වාර්තාවෙන් පෙන්වාදෙයි. ආරක්ෂක අමාත්‍යාංශයේ ලේකම්වරයා ලෙස කටයුතු කළ ගෝඨාභය රාජපක්ෂට යුද අපරාධ පිළිබඳ චෝදනාද ඇති බව එම වාර්තාවේ සඳහන් කර ඇත.

ඊට අමතරව යුද අපරාධ පිළිබඳ චෝදනා ලැබූ ශවේන්ද්‍ර සිල්වා මහතා යුද හමුදාපතිධුරයේ රැුඳී සිටීම මානව හිමිකම් පිළිබඳ අවදානම් සහගත තත්වයක් බවද එහි සඳහන් කර තිබේ.

අපේ‍්‍රල් 21 ත‍්‍රස්ත ප‍්‍රහාරය නිසා ශ‍්‍රී ලංකාවේ 250කට අධික පිරිසක් ඝාතනයට ලක්වූ බවත්, එම සිදුවීමෙන් පසුව නිසි චෝදනා නැතිව ත‍්‍රස්තවාදය වැළැක්වීමේ පනත යටතේ පුද්ගලයන් අත්අඩංගුවට ගෙන රඳවා තබාගැනීම් වාර්තා වූ බවත් එම වාර්තාවෙහි සඳහන් කර ඇත. ඊට අමතරව සංවිධානාත්මක පහරදීම්ද වාර්තා වී ඇතැයි එහි සඳහන්ය. ශ‍්‍රී ලංකාවේ සිටින සරණාගතයන් හා මුස්ලිම් ජනතාව ප‍්‍රධාන ධාරාවේ මාධ්‍යවලින් හා සමාජ මාධ්‍යවලින් සතුරන් ලෙස හඳුන්වා ඇති බවද එහි සඳහන් වෙයි.

මීට අමතරව සුළුතර ලිංගික ප‍්‍රජාවන්ගේ අයිතිවාසිකම් ආරක්ෂා නොකිරීම, මරණ දඬුවම යළි ක‍්‍රියාත්මක කිරීමට උත්සාහ කිරිම, සංක‍්‍රාන්තික යුක්තිය සඳහා වූ ප‍්‍රතිසංස්කරණ ප‍්‍රමාණවත් නොවීම, මානව හිමිකම් ක‍්‍රියාකාරීන්ට සුදුසු පරිසරයක් නොතිබීම ඇතුළු ශ‍්‍රී ලංකාවේ මානව හිමිකම් ක්ෂේත‍්‍රයට අදාළ කරුණු එම වාර්තාවෙහි සඳහන් කර ඇත.

පිටු 652කින් යුතු මෙම වාර්තාව ලොව පුරා රටවල් 100ක මානව හිමිකම් පිළිබඳ තත්වය ඇතුළත් වාර්තාවකි. එය වාර්ෂිකව නිකුත් කරන අතර මෙවර නිකුත් කර ඇත්තේ එහි 30 වැනි වාර්තාවය.

වාර්තාවෙන් ලෝක දේශපාලනයට අදාළව මතු කර තිබුණු ප‍්‍රධානම කාරණාව වන්නේ ලොව පුරා රටවල මානව හිමිකම් ආරක්ෂා කිරීමේ ක‍්‍රියාවලියට චීන රජය තර්ජනයක් වී තිබෙන බවයි. චීනය තමන්ගේ රට අභ්‍යන්තරයෙහි මානව හිමිකම් කඩ කිරිමත්, තම රටෙහි ආර්ථික ශක්තිය පාවිච්චි කරමින් මානව හිමිකම් වෙනුවෙන් පෙනී සිටින ලොව ප‍්‍රමුඛ පෙළේ ආයතන දුර්වල කිරීමත් කරන බව එම වාර්තාවෙන් පෙන්වාදී තිබේ. තමන් සතු මූල්‍යමය ශක්තිය පාවිච්චි කරමින් චීනය මානව හිමිකම් ආරක්ෂාවට එරෙහිව ලෝකය පුරා රටවල් දිරිමත් කරන බවද එහි සඳහන්ය.

අනුරංග ජයසිංහ

චීනයෙන් ඩොලර් මිලියන 1000ක් ණය ගන්න යයි

ණය පොලි ගෙවන්නත් සල්ලි නෑ

රටේ කටයුතු පවත්වාගෙන යෑමට නොහැකි දැඩි මූල්‍ය අර්බුදය හමුවේ චීන සංවර්ධන බැංකුවෙන් ඇමෙරිකානු ඩොලර් මිලියන 1000ක ණය මුදලක් ලබාගැනීමට ආණ්ඩුව තීරණය කර ඇත.

මුදල්, අර්ථික හා ප‍්‍රතිපත්ති සංවර්ධන අමාත්‍යවරයා වශයෙන් අග‍්‍රාමාත්‍ය මහින්ද රාජපක්ෂ චීන සංවර්ධන බැංකුවෙන් ණය ගැනීමට අදාළ කැබිනට් සංදේශය කැබිනට් මණ්ඩලයට යොමුකර ඇත. ඊට ජනවාරි 14 වැනිදා පැවති කැබිනට් මණ්ඩලයේදී අනුමැතිය හිමිවී ඇත.

2020 වර්ෂය සඳහා විදේශ විනිමය කාලීන මූල්‍ය පහසුකමක් ලබාගැනීම යනුවෙන් එම කැබිනට් සංදේශය නම්කර ඇත.

එම ණය ගැනීම සඳහා පසුබිම වශයෙන් දක්වා ඇත්තේ 2020 ජනවාරි සිට අපේ‍්‍රල් දක්වා ණය හා පොලි ආපසු ගෙවීම වෙනුවෙන් ඇමෙරිකානු ඩොලර් මිලියන 1195ක් හා ශ‍්‍රී ලංකා සංවර්ධන බැඳුම්කර ගෙවීමට ඇමෙරිකානු ඩොලර් මිලියන 568ක් අවශ්‍ය වීමත්, රජය විසින් සිදුකරනු ලබන ව්‍යාපෘතිවල ආනයනයන් සඳහා විදේශ මුදල් අවශ්‍යතාවන් පැවතීමත්ය.

මෙම ණය මුදල ගැන සාකච්ඡුා කිරීම සඳහා චීන සංවර්ධන බැංකුවේ ඉහළ පෙළේ නිලධාරී කණ්ඩායමක් ජනවාරි 03 හා 04 දිනවල ශ‍්‍රී ලංකාවේ නිරීක්ෂණ චාරිකාවක නිරතවූ බවද එම නියෝජිත පිරිස ශ‍්‍රී ලංකා රජයේ ඉල්ලීම සලකා බැලීම සඳහා යහපත් ප‍්‍රතිචාර දැක්වූ බවද කැබිනට් සංදේශයේ සඳහන් කර තිබේ.

ශ‍්‍රී ලංකා රජය 2018 වර්ෂයේදී චීන සංවර්ධන බැංකුව සමග ණය ගිවිසුමකට එළැඹී ඇති අතර ඒ යටතේ ඇමෙරිකානු ඩොලර් මිලියන 1000ක ණය පහසුකමක් ලබාගෙන ඇත. කැබිනට් සංදේශයෙන්  යෝජනා කර ඇත්තේ එම ණය ගිවිසුමේ සඳහන් ණය ප‍්‍රමාණය ඇමෙරිකානු ඩොලර් මිලියන 2000 දක්වා වැඩිකිරීමට හෝ චීන සංවර්ධන බැංකුව සමග නව ණය ගිවිසුමකට එළඹීමටය.

ඊට අමතරව චීනය සමග ජාතික ජල සම්පාදන හා ජලප‍්‍රවාහන මණ්ඩල ව්‍යාපෘතියක් සඳහා 2017 වර්ෂයේදී එළැඹුණු ඇමෙරිකානු ඩොලර් 242,644,617ක සහන ණය ගිවිසුම චීන යුආන් රෙන්මින්ඩි (ආර්එම්ඞී* මුදල් ඒකකයට පරිවර්තනය කිරීමටත්, චීනය සමග ඇති අනෙකුත් ණය ගිවිසුම් යුආන් රෙන්මින්ඩි මුදල් ඒකකයට පරිවර්තනය කිරීම සඳහාත් එම කැබිනට් සංදේශයෙන් අවසර ඉල්ලා ඇත.

ණය මුදලේ ප‍්‍රමාණය, ණය ලබාගැනීමේ වාර ගණන, කල් පිරීම, මුදල් වර්ගය, පොලි අනුපාතය හා ණය කොන්දේසි තීරණය කිරීම ඇතුළු චීන ණය ගිවිසුම ඉහළ නැංවීම සාකච්ඡුා කර අවසන් කිරීමට කමිටුවක් ස්ථාපිත කර ඇති අතර එම කමිටුවේ සහභාගිත්වය දරන්නේ භාණ්ඩාගාරයේ නියෝජ්‍ය ලේකම් ආර්.එම්.පී. රත්නායකය. සෙසු සාමාජිකයන් වශයෙන් ශ‍්‍රී ලංකා මහ බැංකුවේ සහකාර අධිපති කේ.එම්.එම්. සිරිවර්ධන, භාණ්ඩාගාර මෙහෙයුම් දෙපාර්තමේන්තුවේ අධ්‍යක්ෂ ජෙනරාල් ආර්.එම්.ඒ. රත්නායක, විදේශ සම්පත් දෙපාර්තමේන්තුවේ අධ්‍යක්ෂ ජෙනරාල් ඞී.ඒ.පී. අබේසේකර, රාජ්‍ය ව්‍යාපාර දෙපාර්තමේන්තුවේ අධ්‍යක්ෂ ජෙනරාල් පී.ඒ.එස්. අතුල කුමාර, මූල්‍ය ප‍්‍රතිපත්ති දෙපාර්තමේන්තුවේ අධ්‍යක්ෂ ජෙනරාල් ආචාර්ය කපිල සේනානායක, ශ‍්‍රී ලංකා මහ බැංකුවේ රාජ්‍ය ණය පිළිබඳ සුපරීක්ෂක ආචාර්ය එම්.ඉසෙඞ්. එම්. අසීස්, විදේශ සම්පත් දෙපාර්තමේන්තුවේ අධ්‍යක්ෂ ( ප‍්‍රාග්ධන වෙළඳපල *, එම්.ටී.අයි.ටී. අමරසේකර හා රාජ්‍ය ව්‍යාපාර දෙපාර්තමේන්තුවේ නියෝජ්‍ය අධ්‍යක්ෂ ආර්.ඒ.එල්. උදයකුමාර පත්කර ඇත.

සජිත්ගේ නායකත්වයෙන් නව සන්ධානයක්

0

රනිල් වික‍්‍රමසිංහ මහතා එජාප නායකත්වය සජිත් පේ‍්‍රමදාස මහතාට නොදෙන්නට තීරණය කර තිබීම නිසා සජිත් පේ‍්‍රමදාස මහතාගේ පාර්ශ්වය එජාපයෙන් ඉවත්ව සජිත් පේ‍්‍රමදාස මහතාගේ නායකත්වයෙන් නව දේශපාලන සන්ධානයක් නිර්මාණය කරන්නට තීරණය කර ඇතැයි වාර්තා වේ.

ජනවාරි 16 වෙනිදා දහවල් සජිත් පේ‍්‍රමදාස මහතාගේ පාර්ශ්වයේ මන්ත‍්‍රී කණ්ඩායම කොළඹදී මුණගැසී පැවැත්වූ සාකච්ඡුාවකදී එම තීරණය ගෙන ඇත.

එහිදී ඔවුන් වැඩිදුරටත් තීරණය කර ඇත්තේ ජනවාරි 16 සවස 5ට එක්සත් ජාතික පක්ෂ මුලස්ථානයේ පැවැත්වීමට නියමිතව තිබුණු එක්සත් ජාතික පක්ෂ මන්ත‍්‍රී කණ්ඩායම් රැුස්වීම තුළදී මෙම නායකත්ව අර්බුදය විසඳන්නට රනිල් වික‍්‍රමසිංහ මහතා පැහැදිලි ක‍්‍රියාමාර්ගයක් නොගන්නේ නම් එම රැුස්වීමෙන් ඉවත්වී පැමිණ ජනවාරි 17දා නව සන්ධානය පිළිබඳව නිල නිවේදනය නිකුත් කරන්නටය.

අනිද්දා පුවත්පත වෙත සම්මුඛ සාකච්ඡුාවකට එක්වෙමින් පාර්ලිමේන්තු මන්ත‍්‍රී රංජිත් මද්දුම බණ්ඩාර ප‍්‍රකාශ කළේ ජනවාරි 16දා හමුවේදී රහස් ඡුන්දයකින් පක්ෂයේ නායකයා තෝරාගන්නට එජාපය තවදුරටත් කටයුතු නොකරන්නේ නම් තම කණ්ඩායම දැඩි තීරණයක් ගන්නා බවයි. සුළු පක්ෂ සමග එකතුවී සජිත් පේ‍්‍රමදාස මහතාගේ නායකත්වයෙන් නව සන්ධානයක් නිර්මාණය කරන්නට කටයුතු කරන බවද ඔහු කීය. ජනවාරි 16 වෙනිදා පැවති සජිත් පාර්ශ්වයේ හමුවෙන් පසු අනිද්දා වෙත අදහස් දැක්වූ පාර්ලිමේන්තු මන්ත‍්‍රී හරීන් ප‍්‍රනාන්දු ප‍්‍රකාශ කළේ එදින සවස රැුස්වීමේදී එජාපය නායකත්වය වෙනස් කිරීම සඳහා පැහැදිලි ක‍්‍රියාමාර්ගයක් නොගතහොත් තම කණ්ඩායම සුළු පක්ෂ සමග එකතුව වෙනත් සන්ධානයක් ගොඩනගන්නට තීන්දු කළ බවය.

ජනවාරි 15 වෙනිදා මාධ්‍යයට ප‍්‍රකාශයක් කරමින් රනිල් වික‍්‍රමසිංහ පාර්ශ්වයේ වජිර අබේවර්ධන මහතා ප‍්‍රකාශ කළේ කිසිසේත්ම එජාපයේ වර්තමාන නායකත්වය වෙනස් නොවන බවය. එජාප ව්‍යවස්ථාවට අනුව පක්ෂ සම්මේලනයකින් සහ කෘත්‍යාධිකාරී මණ්ඩලයේ ඡුන්දයකින් පක්ෂ නායකයා තෝරාගත යුතු බවත් මන්ත‍්‍රී කණ්ඩායම හමුවී සාකච්ඡුාකර එය කළ නොහැකි බවත් ඔහු ප‍්‍රකාශ කර ඇත.

එක්සත් ජාතික පක්ෂය සමග දැනට එකතුවී සිටින සුළු පක්ෂ කිහිපයක් සජිත් පේ‍්‍රමදාස මහතාගේ නායකත්වයෙන් ගොඩනැගෙන නව සන්ධානයට සිය සහාය පළකර ඇති බවද වැඩිදුරටත් වාර්තා වෙයි.

මෝටර්සයිකලයක් මස් කර පහුරක් තනා ගිය උන්මත්තක චාරිකාව

0
ඩිලන් සමරවික‍්‍රම



ඩිලන් සමරවික‍්‍රම සිය හරුබස්ස පොදි බඳිමින් සිටියේය. දිගු ගමනක් නික්මෙන්නට සූදානමින් සිටියද ඔහු සතුවූයේ ට‍්‍රැවලින් බෑග් දෙක තුනක් පුරවන්නට ප‍්‍රමාණවත් බඩු පමණි. ඊට හේතුව දිගු සංචාරයක උපරිම වින්දනයට අල්පේච්ඡු බව තරම් අන් කිසිවක් ඉවහල් නොවන බව ඔහු ඉඳුරාම දැන සිටි නිසාය. මීට කලකට පෙර තමා උපන් ශ‍්‍රී ලංකාවෙන් නික්මී එංගලන්තයට යන්නටත් පසුව එහි සිට ස්විට්සර්ලන්තයට යන්නටත් ඩිලන් මෙලෙස බඩු මුට්ටු පොදිගැසුවේය. ඒත් ඒ හැම ගමනකටම වඩා මේ ගමනේ අපූර්වත්වයක් විය. ඒ මෙවර ඔහු නික්මෙනුයේ රටකින් රටකට නොව රටකින් ලොවකට වූ නිසායි. අසුරා නිම කළ ගමන් මලූ දෙක තමා දෙස බලමින් සිටි බෲස් වෙත තල්ලූ කළ ඔහු ගීතයක් මුමුණමින් නැගීසිටියේය.


ඩිලන් ලංකාවේ සිට ස්විට්සර්ලන්තයට ගිය අයෙකි. පසුව ලෝකය පුරා සංචාරය කළ අයෙකි. ඔහුගේ චාරිකාව ගැන මීට පෙරද පුවත්පත්වල කෙටියෙන් ලියැවී ඇතත්, ලංකාවේදී ඉතාම කලාතුරකින් හමුවෙන පන්නයේ කතාවක් නිසා විස්තර ඇතිව ඒ කතාවේ එක්තරා නිශ්චිත කොටසක් අකුරු කිරීම රසවත් විය හැකිය. ඒ ඩිලන් තමාගේ මෝටර් සයිකලය බෝට්ටුවක් කොට මුහුද තරණය කළ කොටසය. බැලූ බැල්මටම එය උන්මත්තක ගමනකි.


මෙය ගලිවර්ගේ වීර චාරිකාව නොවේ. ප‍්‍රබන්ධමය චාරිකාවකුත් නොවේ. ලාංකිකයෙකු, තමන්ගේ දේපළ විකුණා දමා ගිය සංචාරයකින් කොටසකි. සැබෑ කතාවකි. ලෝකය පුරා සංචාරය විනෝදය කරගත් මිනිස්සු සිටිති. එහෙත් එවැනි ලාංකිකයෝ අඩුය.
ඩිලන්ගේ ගමන් සගයා බවට ජර්මනියේ ඉපිද ස්විට්සර්ලන්තයට පැමිණි බෲස් පත්වුණේ 2005 සිටය. ගහට පොත්ත මෙන් බැඳී සිටි මේ දෙදෙනා සිය ලෝක සංචාරය අරඹමින් ස්විට්සර්ලන්තයෙන් නික්මෙනුයේ රුසියාවටය.


බෲස් ඩිලන් යන නම හිමිවුණේ මනුෂ්‍යයෙකුට හෝ අප දන්නා විදියේ ප‍්‍රාණයක් ඇති වෙනත් ජීවියෙකුට නොවේ. ඩිලන්ගේ ගමන් සගයා වන බෲස් ඩිලන් බී.එම්.ඩබ්ලිව්. වර්ගයේ මෝටර් සයිකලයකි. ඩිලන්ට අනුව බෲස්ටම ආවේණික ජීවිතයක් හිමිය. ඒ නිසා බෲස් හා ඩිලන් අතර මිතුදමක් ඇත.


රුසියාවෙන් නික්මී ස්කැන්ඩිනේවියානු රටවල කරක් ගසන මේ දෙදෙනා ඉන් අනතුරුව ඇතුල් වන්නේ තුර්කියටය. ඉන් පසු සිරියාව, ජෝර්දානය, ඊජිප්තුව ඔස්සේ නැගෙනහිර අප‍්‍රිකාවට පිවිසෙන්නේය. ඉන් අනතුරුව කෙන්යාවට පැමිණෙන ඩිලන් හා බෲස් මුල්වරට එකිනෙකාගෙන් වෙන්වන්නෝය. ඉන්දියාව බලා බෲස් නැව් නගිද්දී ඩිලන් ගුවනින් ඉන්දියාවට ආවේය.
ඉන්දීය සංචාරය බෲස්ට කෙසේ වෙතත් ඩිලන්ට අමතක නොවන්නකි. ඒ සුවිශේෂ හේතුවක් නිසාය. දිනක් ගෝව ප‍්‍රාන්තයේ හම්පි නැමැති ගම්මානයට ගිය ගමනේදී බෲස්ගේ වාහනය කාර්මික දෝෂයකට ලක්විය. එය සාදාගන්නා තුරු අවට ඇවිදිමින් සිටි ඩිලන්ට අපූරු යුවතියක මුණ ගැසුණි. උරමලූ සංචාරයක යෙදෙමින් ආසියාව හරහා යමින් සිටි ඕ නමින් මාටිනා නම් වූවාය. ඇගේ උච්චාරණ ශෛලියෙන් ඈ ස්විස් තරුණියක බව ඩිලන් වටහා ගත්තත් ඈ සිතා තිබුණේ ඔහු ඉන්දියානුවෙකු බවය. එහෙයින් ඈ ඩිලන් සත පහකට ගණන් ගත්තේ නැත. කෙසේ හෝ ඉන්දියාවෙන් ඩිලන් නික්මෙද්දී දෙදෙනා පෙම්වත්හු වූහ.


ඉන්පසුව ඔවුන් ලංකාවටත්, ලා ඕසයටත්, ටිමෝරයටත්, ඕස්ටේ‍්‍රලියාවටත් ගමන් කර තිබුණි. බොහෝ ගමන්වලදී බෲස් දිය මතින්ද, ඩිලන් ගුවනින්ද මුහුදු තරණය කළත්, ඕස්ටේ‍්‍රලියාවට යද්දී දෙදෙනාම ගියේ එකම බෝට්ටුවකින්ය. ඕස්ටේ‍්‍රලියාවෙන් කැනඩාවටත්, කැනඩාවෙන් ඇලස්කාවටත් ගොස් තිබුණි.


ඇලස්කාවේදී දැවැන්ත වලසුන් ගෝනුන් සහ කැරිඹු නම් පිනිමුවන් දකින්නට හැකිවිය. පළිඟු මෙන් සුපැහැදිලි ජලයද, ප‍්‍රාකාර සදිසි ග්ලැසියරද මේ දෙමිතුරන්ගේ ඇලස්කා ගමන ඉක්මන් කළේය. ඩිලන්ට ඇලස්කා ගමන ඉක්මන් කරන්නට තවත් හේතුවක් විය.
ඒ ඇලස්කාව දකින්නට පෙරුම් පුරමින් සිටි තුෂාරි නම් සිය ඥාති සොයුරියගේ සංවේදී කතාවයි. ඇය පිළිකා රෝගයෙන් පීඩා වින්දාය. ඇයට ඇලස්කාවේ අසිරිය ඡුායාරූපයකින් හෝ දැකීමේ ආසාවක් තිබුණි. ඇලස්කා ගමනට එයද හේතුවක්ව තිබුණි.


ඇලස්කා යන අතරේදී ඔහුට සංචාරයේ යෙදෙන වඩු බාස්ලා දෙදෙනෙකුද මුණගැසුණි. ඒ ගේ‍්‍රග් හා ටයිරන්ය. ඒ දෙන්නාද විවේකයේදී යතුරුපැදි සංචාරයේ යෙදෙන්නෝය. වලස් ගොරබෑම හතර අත ඇසුණු රාත‍්‍රියක ඔවුහු කූඩාරමක රාත‍්‍රිය ගතකළෝය. ඒ අතර අලූත් කතාවක් ඇවිලූණි.

‘ඩිලන්, ඔයා දන්නවද ලෝකේ එක දිගට වැඩිම දුරක් යන්නට පුළුවන් පාර මොකක්ද කියලා.’ ගේ‍්‍රග් විමසා තිබුණි. ඩිලන් ඒ ගැන දැන නොසිටියේය.


‘පෑන් ඇමරිකා මාර්ගය කියන්නේ ඒකට. ඔයා වගේ කෙනෙක් ඒ පාර දැනගන්නම ඕන. ඇලස්කාවේ පෘදෝ බොක්කේ ඉඳන් ආජන්ටිනාවෙ උෂුවායා දක්වා තමයි ඒ පාර තියෙන්නේ. එක දිගට කිලෝ මීටර් 48000ක දුරක් යන්න පුළුවන්.’ ගේ‍්‍රග් කීවේය.


‘හැබැයි පැනමාවේ ඉඳන් මෙක්සිකෝවට ඔයාට රුවල් බෝට්ටුවක් ඕන වෙනවා.’ මෙතුවක් නිහඬව සිටි ටයිරන් පැවසුවේය. ඒ දාරියන් කපොල්ල මුහුදෙන් තරණය කරන්නටය.
ඩිලන්ගේ කුතුහලය ඇවිස්සී තිබුණි. එකසිය ගානට නැග්ගේය. ඔහුගේ අවධානය කිලෝමීටර් හතලිස් අටදාහක් දිග පෑන් ඇමරිකන් මාර්ගයෙන් මිදුණේ ය. ඔහුට ආශ්චර්යයක් වූයේ කිලෝමීටර් 160ක් දිගින් යුත් දාරියන් කපොල්ල තරණය කිරීමය. එහෙත් ඔහුට ඕනෑ වුණේ තමාගේම පහුරකින් ඒ කොටස තරණය කරන්නටය. කපොල්ල ගැන තතු දන්නා ගේ‍්‍රග් සහ ටයිරන් තමන්ගේම පහුරකින් තරණය කරනවාට විරෝධය පෑවේ එය අනතුරුදායක නිසාය.
බොහෝ දුරකතර ගෙවාගෙන බෲස් සහ ඩිලන් පැනමාවට පැමිණෙන්නෝය. පැනමාව යනු අමුතුම සංස්කෘතියක මිනිසුන් ජීවත් වන රටකි. එහි සියල්ල වෙනස් ය. ඇමරිකානු ආභාසය සහ පැනමා ඇළ, පැනමාව කණපිට හැරෙව්වා සේය. නිදහස් දිවියක් ගතකරන්නෝ එහි සුලබය. එහි ජීවත්වු ලාස්ලෝ, ඉසබෙලා, ලයනල් සහ ශාක් යන අය අසීරුවෙන් වුව කපොල්ල තරණයට එකඟ කරවාගන්නට ඩිලන් සමත් විය.


තෙල් බැරල් 10ක් එකතු කොට ගැල්වනයිස් බටවලින් ඈඳා ලෑලි අහුරමින් පහුර හදන්නට හැකිව තිබුණි. පැනමාවේ බෝට්ටු කාර්මිකයෙකු වූ අන්තෝනියෝ පහුර තනාදීමට එකඟ වුණත්, ඔහු ළඟ සිටි ගෝලයන් අලසයන් වූ නිසා අන්තිමේදී ලයනල්ගේ වැඩපොළට පහුර තැනීමේ කටයුත්ත බාර විය.


බී.එම්.ඩබ්ලිව්. මෝටර් බයික්වල චේන් එකක් නැත. ඒ වෙනුවට තිබෙන්නේ ඩිෆරන්සල් එකකි. පුංචි කාර්මික කටයුතු කිහිපයකින් පසුව ඩිෆරන්සල් එකට අවර පෙත්තක් සවි කැරුමෙන් මෝටර් බෝට්ටුවක් බවට පත්විය. ලී සුක්කානමක් එයට තිබුණි.


බෘස්ගේ කොටස් ගලවමින්, පහුරට බෝට්ටු එන්ජිමක් සැපයීමේ කටයුත්ත සිදුවිය. බෘස්ගේ කොටස් එකතු වූ පසුව, බෝට්ටුව බිහිවිය. ඩිලන් එය ‘බි‍්‍රජට්ගේ දිරිය’ ලෙස නම් කළේය.
ගමන සාර්ථකව ආරම්භ විය. පිරිස අමදෝර් වරාය අසලට ගියෝය. හැම මොහොතකම බෲස්ගේ කොටස්, පාරුව අසලම තැබුවේ, නැවතත් බෲස්ගේ කොටස් බෝට්ටුවෙන් ගලවා බෲස්ටම ලබාදෙන බව සහතික කිරීමක් මෙන්ය.


ඔහු පැනමාවේ සිට මෙක්සිකෝව දක්වා දාරියන් කපොල්ල තරණය කරන්නට පටන්ගත්තේ 2013 මාර්තු 15 වැනිදාය. මිරිදිය ජලය, ඉන්ධන, ටින් කෑම, විදුලි පන්දමක්, ආරක්ෂක කබායත් වැනි අත්‍යවශ්‍ය උපාංග සහිතව සිටි ඩිලන් ජීපීඑස් උපකරණයකිනද සන්නද්ධව සිටියේය. මේ ගමන සිතන තරම් කෙටි එකක් නොවේ. දීර්ඝ කාලයක් ගතවන එකකි.


ඔහුගේ මුල්ම නැවතුම වුණේ පැසිපික් සාගරයේ පිහිටි කුඩා කොදෙව්වක ඇති ¥පතක් වූ කොන්තදෝරාවයි. ඉන්ධන සහ ජලය ලබා ගෙන යළි පිටත් වීම අරමුණ විය. ඒ වෙද්දී ඩිලන් සමරවික‍්‍රම සතියක පමණ අත්දැකීම් ඇති නැව් කප්පිත්තෙකි.


තවත් කාරණාවක් ඇත. ඩිලන් පැනමාවෙන් පිටත්වී තිබුණේ නිසි අවසරයක් නැතිවය. පහුර මත ඩිලන්ට අමතරව කොටස් ගැලවූ නිසල බෲස්ද, පුංචි හූණු පැටියෙකු වූ හූණු පැංචෙක්ද විය. හූණු පැංචාට ලැබුණු නම විල්සන්ය. ගමනේදී ඩිලන් විල්සන්, බෲස් සහ මුහුදේ මාළුන් සමග කතාකරන්නටත් හුරුවී තිබුණි. ඔහුගේ ඊළඟ ගමනාන්තය වී තිබුණේ ගරචිනේ ¥පතයි.


ගමනේදී එන්ජිමට විවේකයක් දෙමින් සුළං බලයෙන් රුවල්වලින් ගමන් කළ අවස්ථා වැඩි විය. මිනිසුන් නැති හිස් ¥පතකට ගොඩබැස, එහි තිබුණු පලවැල නෙලාගන්නටත් ඔහුට හැකිවිය. එහෙත් එලෙස ¥පතකට ගොඩවූ මොහොතක ඔහුගේ ජංගම ¥රකථනයත් මුහුදට වැටී තිබුණි. ¥රකථනය නැතිවීමෙන් බොහෝ දෙනෙකු සමග ඔහුට තිබුණු සම්බන්ධතාවත් නැතිවිය.
ගරචිනේ ¥පතට ළංවෙද්දී අලූත් අභියෝගයකට මුහුණදෙන්නට සිදුවිය. ඒ බෲස්ගේ එන්ජිම ක‍්‍රියාත්මක නොවීමයි. ඒ වෙද්දී ප‍්‍රමාණවත් සුළඟක් තිබුණේත් නැත. ළඟම ඇති ජනාවාසයකට අනවසරයෙන් ගොඩබැසීම හැර විකල්පයක් නොවීය. අතරමගදී හමුවූ ධීවරයෝ පිරිසක් ඔහු සැන් මිගෙල් ¥පතට ඇදගෙන ගියෝය. කළු පැහැ වෙරළකින් යුත් අපිරිසිදු ධීවර ගම්මානයක් වූ සැන් මිගෙල් වෙත ගොඩබැස ඔහු පොලිස් නිලධාරීන් හමුවුණේය. තමා පත්ව සිටි තත්ත්වය කීවේය. පොලිසියේ ප‍්‍රධානියා වූ රාවුල් ඔහුට බොහෝ කාරුණික වූයේය.

අන්තර්ජාලය හරහා බෲස්ට අවශ්‍ය අමතර කොටස සොයාගන්නට පමණක් නොව කටයුතු නිමා වෙන තුරු පොලිසියේ නවතින්නටද ඔහුට අවසර ලැබුණි. ඔහුගේ අලූත්වැඩියාවට අවශ්‍ය සෙන්සර් කොටස ඊබේ වෙබ් අඩවියෙන් ඩොලර් 100ක් ගෙවා ගෙන්වීමට සිදුවිය. ඒ කොටස එනතුරු නවතින්නට සිදුවිය. එහෙත් ඒ කොටස ආවේ පැනමාවේ ස්විට්සර්ලන්ත කොන්සල් කාර්යාලයටය.


නැවත පැනමාවට යන දුර තරණය කරන්නට ඔහුට උදව් වී තිබුණේ ඒඩි‍්‍රයන් නම් සුරූපී තරුණියකි. සෙන්සරය එවූ ෆෙස්බුක් මිතුරා ඊට වැයවූ මුදල වෙනුවට ස්විස් චොකලට් පාර්සලයක් ප‍්‍රමාණවත් බව ප‍්‍රකාශ කිරීම නිසා ඩිලන්ට මුදල් වැය වූයේ නැත. මේ ගමන එන්නට ඩිලන් පිටත් වූයේ වසර ගණනක් ස්විස් රටේ හම්බකරගත් සබ්බ සකලමනාවම විකුණා දමාය. වසර තුනක් තිස්සේ ලෝකය පුරා කරක් ගැසීමේදී ඒ මුදලින් සෑහෙන කොටසක් අහවර වී තිබුණි. ඊට අමතරව සැන් මිගෙල්හි කාර්මිකයෙකු කබල් බෝට්ටු එන්ජිමක් ඔහුගේ කරේ ගසා ඩොලර් දෙසීයක් කඩාගෙන තිබුණි. ඒ නිසා චොකලට් පාර්සලය ඔහුට සාර්ථක ගනුදෙනුවක් විය. නැවත සැන් මිගෙල් වෙත පැමිණ අලූතින් ගෙනා කොටස සවිකර සැණින් එන්ජිම පණගැන්වීය.


ජලය සහ ආහාර තොගයක් ලබාගත් ඩිලන් සැන් මිගෙල් දිවයිනෙන් නික්මුණේය. මගදී ඔහු දියවැලකට හසුවී මඟ වැරදී තිබුණි. හුම් බෝල්ට් කරන්ට් නම් ප‍්‍රකට දියවැලට ඔහු හසුවී තිබුණි. නාවිකයන්ට ඩොල්පින්ලා උදව් කරන බව ප‍්‍රකට කතාවකි. ඇත්තෙන්ම මේ දියවැලෙන් ඔහු ගලවාගෙන, ප‍්‍රතිවිරුද්ධ දිශාවට යන දියවැලකට පහුර ගෙනයන්නට ඩොල්පින්ලා පිරිසකගේ පිහිනීම ඩිලන්ට උදව් වී තිබුණි. එයිනුදු පසුව වැසිකුණාටු මැද්දේ ඔහු අසීරුවෙන් මෙක්සිකෝවට ළංවිය. ආර්දිතා නම් ගම්මානයෙන් ඔහු මෙක්සිකෝවට පා තැබීය.


ගමන් අවසන් වූ විගස බෲස්ගේ කොටස් නැවත බෲස්ටම සවි කළේය. බි‍්‍රජට් වෙරළේ අත්හැර බෲස් සමග ගමනට පිටත්විය.

https://www.youtube.com/watch?time_continue=17&v=6NWpqGeYKXU&feature=emb_logo

අරුණ ලක්ෂ්මන් ප‍්‍රනාන්දු

කොටස් වෙළඳපාළේ ඊපීඑෆ් පාඩුව වෝහාරික වාර්තාවෙන් තහවුරු වේවිද?


  • අනුමාන කරන පාඩුව බැඳුම්කර හොරකමට වඩා විශාලයි
  • පාඩුව ගැන තොරතුරු දැනටමත් විගණකාධිපති වාර්තාවල
  • කොටස් වෙළඳපොළේ රුපියල් මිලියන 332,657ක් ආයෝජනය කරලා
  • මිලියන 19,127ක් වටිනා සමාගම් 30 කින් කිසිම ලාභයක් නෑ
  • පාඩු ලබන බව පැහැදිලිව පෙනෙන සමාගම්වලත් ආයෝජනය කරලා
  • හෝටල් ක්ෂේත‍්‍රයේ පමණක් මිලියන 3000ක පාඩුවක්



වෝහාරික වාර්තාවලින් බරපතළම ප‍්‍රහාරය එල්ලවී ඇත්තේ යහපාලන ආණ්ඩුවට නොව ඊට පෙර පැවති රාජපක්ෂ ආණ්ඩුවට බව මේ වෙද්දී දේශපාලන සමාජය තුළ පක්ෂ විපක්ෂ භේදයක් නැතිව හුවමාරු වන කතාවක්.


මේ වෙද්දී එම වාර්තාවල පිටපත් පාර්ලිමේන්තුවේ, මුදල් අමාත්‍යවරයා වන අගමැති මහින්ද රාජපක්ෂ සතුව, නීතිපති දෙපාර්තමේන්තුවේ සහ මහ බැංකුවේ තියෙනවා. අගමැති මහින්ද රාජපක්ෂ සතු පිටපත දෑසින් දුටු ආණ්ඩුවේ නායකයන් කිහිපදෙනෙක්ම ඉන්නවා. ඔවුන්ගෙන් පිටවෙලා, ආණ්ඩුවේ නායකයන් අතර මේ වෙද්දී වෝහාරික වාර්තාවෙහි ඇති උවදුර ගැන ආරංචිය පැතිර ගිහින් හමාරයි.


2008 සිට 2015 දක්වා කාල සීමාව තුළ ඍජු ක‍්‍රමයට සිදුකළ බැඳුම්කර ගනුදෙනුවලදී සිදුවුණ වංචා ගැන ඒ වාර්තාවෙහි තිබෙනවාලූ. ඊටත් අමතරව එම කාල සීමාව තුළ ඊපීඑෆ් හෙවත් සේවක අර්ථසාධක අරමුදලේ මුදල් ආයෝජනය කිරීම්වලදීද වංචා සිදුවූ බවත් වෝහාරික වාර්තාවෙන් පෙන්වාදෙන බව ආණ්ඩුවේ ආරංචි මාර්ග කියනවා.


මේ සටහනේදී අප කතා කරන්නේ සේවක අර්ථසාධක අරමුදලේ මුදල් කොටස් වෙළඳපොළෙහි ආයෝජනය කිරීම ගැන ඇති චෝදනාව ගැන. වෝහාරික වාර්තාව පිට නොවුණාට එම ආයෝජන ගැන වසර ගණනක් තිස්සේ විගණකාධිපති දෙපාර්තමේන්තුව පෙන්වූවා. එම දෙපාර්තමේන්තුව නිකුත් කළ 2011 – 2015 වාර්ෂික විගණන වාර්තාවල එම ගනුදෙනු ගැනත්, ගනුදෙනුවලින් සිදුව ඇති පාඩුව ගැනත් පෙන්වා තියෙනවා.


අර්ථසාධක අරමුදල


ශ‍්‍රී ලංකාවේ විශාල අරමුදල වන සේවක අර්ථසාධක අරමුදලට අත තැබීමට බලයට පත්වෙන ඕනෑම ආණ්ඩුවක නායකයන් උත්සාහ කරනවා. මෙය සම්පූර්ණයෙන්ම ශ‍්‍රී ලංකාවේ වැඩ කරන ජනතාව සතු අරමුදලක්. 2017 දෙසැම්බර් 31 වැනිදා වනවිට සේවක අර්ථසාධක අරමුදලේ රුපියල් ටි‍්‍රලියන 2.02ක් තිබුණා. එනම්, රුපියල් බිලියන 2,020ක්. මිලියන 2,020,782ක්. එහි ඇති මුදලි 2017 වසරේදී ශ‍්‍රී ලංකාවේ රජය ලැබූ වාර්ෂික ආදායමට වඩා වැඩියි.


මෙහි ප‍්‍රමාණය ක්ෂණිකව මනසට ග‍්‍රහණය කරගත නොහැකි තරම්. ඒ නිසා ලංකා බැංකු සේවක සංගමයේ පර්යේෂණ අංශය මේ අරමුදලේ ඇති මුදල් ප‍්‍රමාණය හා ලංකාවේ මෑත කාලයේ ක‍්‍රියාත්මක වූ දැවැන්ත ඉදිකිරිම් ව්‍යාපෘති කිහිපයක් සංසන්දනය කර තිබුණා. එයට අනුව මෙහි ඇති මුදලින් හම්බන්තොට වරාය වැනි වරාය 30ක් සෑදිය හැකියි. මත්තල ගුවන්තොටුපොළ වැනි ගුවන් තොටුපොළ 48ක් නිර්මාණය කළ හැකියි. සූරියවැව ජාත්‍යන්තර ක‍්‍රිකට් ක‍්‍රීඩාංගණය වැනි ක‍්‍රිකට් ක‍්‍රීඩාංගණ 449ක් නිර්මාණය කළ හැකියි.


එය එතරම් විශාල වුව, එහි ඇති මුදල්වල හිමිකරුවන් වන්නේ සාමාන්‍ය වැඩ කරන ජනතාව. ඔවුන් කෝටිපතියන් නොවෙයි. එහි සමස්ත ගිණුම් මිලියන 17කට වැඩි ප‍්‍රමාණයක් තිබෙනවා. ඒ අතර අක‍්‍රිය වූ ගිණුම් මිලියන 15ක් පමණ තිබෙනවා. සක‍්‍රිය ගිණුම් මිලියන 2.4කට වැඩි ප‍්‍රමාණයක් තිබෙනවා. ඒ අනුව මේ දැවැන්ත අරමුදලෙහි හිමිකරුවන් සංඛ්‍යාව මිලියන ගණනින් ගණන් කළ හැකියි.


සේවක අර්ථසාධක අරමුදලේ භාරකරු ලෙස ක‍්‍රියාකරන්නේ කම්කරු කොමසාරිස් ජෙනරාල්වරයායි. අරමුදලට මුදල් එකතු කරන්නා ඔහු. එහෙත් එහි ඇති මුදල් ආයෝජනය කිරීමේ බලය ශ‍්‍රී ලංකා මහ බැංකුවේ මූල්‍ය මණ්ඩලයට හිමිවෙනවා. ඒ අනුව කළමනාකාරීත්වය මූල්‍ය මණ්ඩලයට හිමියි. එලෙස මුදල් ආයෝජනය කිරීමේදී මූල්‍ය මණ්ඩලයට විශාල වගකීමක් පැවරෙනවා.


එහි ඇති මුදල් රජයට අයිති නැහැ. සුවහසක් සේවකයන්, තමන්ගේ අනාගතයෙහි සුරක්ෂිතභාවය වෙනුවෙන් එහි මුදල් ආයෝජනය කර තිබෙනවා. ඒ නිසා එහි ඇති මුදල්වලින් හිතුමතේට හෝ අවදානමක් ඇතිව ආයෝජනය කළ නොහැකියි. එහි ඇති මුදල් ආයෝජනය කර, එම ආයෝජනයකින් පාඩුවක් ලැබුණොත් එය මූලිකව බලපාන්නේ අරමුදලෙහි ආයෝජනය කළ සේවක ප‍්‍රජාවටයි. එහෙත් මේ අරමුදලේ පැවැත්ම වැදගත් වෙන්නේ සේවකයන්ට පමණක් නෙවෙයි. රටේ සමස්ත ආර්ථිකයට එම අරමුදල දැවැන්ත බලපෑමක් කරනවා. ආර්ථික තුලනය පවත්වාගෙන යන්නට ඒ අරමුදල වැදගත්.


කොටස් වෙළඳපොළ


මේ කතාවේ අනෙක් පැත්ත නියෝජනය කරන්නේ කොළඹ කොටස් වෙළඳපොළ. කලෙක එය මාෆියාකරුවන්ගේ රජදහනක්ව ඇති බව ව්‍යාපාරික ලෝකයේ ප‍්‍රසිද්ධ රහසක්. කුඩා සමාගම්වල කොටස් අගය වැඩි කර මවා පෙන්වමින්, ලාභ ලබාගත් අය කොටස් වෙළඳපොළේ සිටියා. දේශපාලනඥයන්ගේ කළු සල්ලි සුදු කරන්නටද කොටස් වෙළඳපොළ පාවිච්චි කෙරුණු බව පදනම් සහගතව චෝදනා එල්ලවුණා.


එහෙව් කොටස් වෙළඳපොළෙහි සේවක අර්ථසාධක අරමුදල් ආයෝජනය කරන්නට පටන්ගනිද්දීම වෘත්තීය සමිති ආදි පාර්ශ්වයන් ගණනාවකින් රතු සංඥා දැල්වී තිබුණා. එහෙත් එය ගණනට නොගෙන, රාජපක්ෂ ආණ්ඩුව සමයේ වැඩි වැඩියෙන් සේවක අර්ථසාධක අරමුදලෙහි මුදල් ආයෝජනය කර තිබුණා.


ඇතිවූ සංවාදවලට ප‍්‍රධානම හේතුවක් වී තිබුණේ එම මුදල් සුදුසු තැන්වල ආයෝජනය නොකරනු ඇතැයි එල්ලවූ චෝදනාව. ඇත්තෙන්ම 2011 පමණ කාලයේ සිටම එම සැකය තහවුරු වෙන්නට පටන්ගෙන තිබුණා. විගණකාධිපතිවරයා නිකුත් කළ විගණකාධිපති වාර්තාවලින් එම සැකය තහවුරු වී තිබුණා.


අගය අඩුවීම


මෙතැන් සිට අප උපුටා දක්වන්නේ විගණකාධිපති දෙපාර්තමේන්තුව 2011 සිට 2015 දක්වා සේවක අර්ථසාධක අරමුදලට අදාළව නිකුත් කර ඇති කරුණු. ඇත්තෙන්ම එම වාර්තාවලින් දීර්ඝ ලෙස කතාකරන්නට තරම් කරුණු ඉදිරිපත් කර ඇතත්, අප මෙහි දක්වන්නේ එම කරුණුවල සංක්ෂිප්තයක් පමණයි.


2011 වසරට අදාළව නිකුත් කළ විගණකාධිපති වාර්තාවෙන් පෙන්වාදී තිබුණේ 2013 ජනවාරි වන විට සේවක අර්ථසාධක අරමුදල කොටස් වෙළඳපොළෙහි කර ඇති ආයෝජන වටිනාකමෙන් රුපියල් බිලියන 1100ක් අඩුවී ඇති බව. ඒ අනුව නිසි පරිදි ආයෝජනය නොකිරීම නිසා ආයෝජනය කළ මුදල් අහිමි වී තිබෙනවා.


එලෙස ආයෝජනය කළ සමාගම්වල වටිනාකම අඩුවීම ඊට පසු වසරවල විගණන වාර්තා නිරීක්ෂණය කරද්දීත් පෙනෙනවා.


2013 වසරේ සේවක අර්ථසාධක අරමුදලෙහි මුදල් සමාගම් 93ක ආයෝජනය කර තිබුණා. ඒ අතරින් සමාගම් 57ක කර තිබුණු රුපියල් මිලියන 45,533ක් ආයෝජනවල කොටස් වෙළඳපොළේ අගය 2014 ජුනි 30 වෙද්දී රුපියල් මිලියන 9,679කින් අඩුවෙලා.
2014 වසරේ සමාගම් 46ක කර ඇති රුපියල් මිලියන 35,227ක් වූ අයෝජනවලින් 2015 සැප්තැම්බර් 09 දිනය වෙද්දී කොටස් වෙළඳපොළ අගය අඩුවීම රුපියල් මිලියන 6,924ක් බව කියනවා.


එලෙස අගය අඩුවීම දැවැන්ත පාඩුවක්. අගය අඩුවීමෙන් සිදුව ඇති පාඩුව පමණක් සමස්තයක් ලෙස ගණනය කළොත්, එය බිලියන ගණනක් වේවි.


2015 සහ 2016 වර්ෂවලදී සිදුකළ මහබැංකු බැඳුම්කර වංචාවේදී සිදුවූ පාඩුව තවමත් නිසි පරිදි ගණනය කර නැහැ. එම පාඩුව ගැන තොරතුරු තිබෙන්නේද වෝහාරික විගණන වාර්තාවේ. ඉහත කී විගණකාධිපති වාර්තාවෙන් පෙන්වා දී තිබෙන ආයෝජනවලින් සිදුව ඇති පාඩුව මහබැංකු බැඳුම්කර වංචාවේදී සිදුවුණායැයි කියන පාඩුවට වඩා වැඩි වීමේ ඉඩක් තිබෙනවා.


සමස්ත ආයෝජන ප‍්‍රමාණය


අප කලින් උපුටා දැක්වුවේ කොටස් වෙළඳපොළේ කළ ආයෝජන සියල්ලෙහි එකතුව නොවෙයි. ඒවායින් තෝරාගත් සමාගම් ගණනාවක කොටස්වල අගය අඩුවීමෙහි එකතුව ගැන පමණයි.


සමස්තයක් ලෙස කර ඇති ආයෝජන මෙසේයි. 2008 සිට 2014 වර්ෂය අවසාන වන තුරු සේවක අර්ථසාධක අරමුදලේ සමස්තයක් ලෙස රුපියල් 332,657,367,841ක් ආයෝජනය කර තිබුණා. එනම්, මිලියන 332,657ක්. මේ කියන සමස්ත ආයෝජනයෙන් ලැබී තිබුණු ප‍්‍රතිලාභ සීයට 2.67 සිට සීයට 22 අතර පරාසයක තිබෙනවා. ඒ අනුව සමස්ත ආයෝජනවලින් ලැබී ඇත්තේ අඩු පරාසයක ලාභයක් බව පැහැදිලියි. වැඩිපුර සිදුව ඇත්තේ පාඩු ලැබීමයි. කර ඇති ආයෝජනයෙහි අතිශය දැවැන්ත නිසා සිදුව ඇති පාඩුවෙහි තරම අපට සිතාගත නොහැකියි. එය කළ හැක්කේත් වෝහාරික වාර්තාවකට.


කිසිම ලාභයක් නෑ


කොටස් වෙළඳපොළෙහි ආයෝජනය කිරීම මුදල් විනාශ කිරීමක් බවට පත්වීමට තවත් ක‍්‍රම තිබෙනවා. අඩුවෙන් ලාභ ලැබීම, ලැබෙන ලාභ මුදල් වශයෙන් සේවක අර්ථසාධක අරමුදලට නොලැබීම හා කිසිම ලාභයක් නොලැබීම නිසා පාඩු ලැබීම ඒ ක‍්‍රම අතර තිබෙනවා.


සමාගමෙන් කිසිම ලාභයක් නොලැබීම නිසා ඒ ආයෝජනය සම්පූර්ණයෙන්ම වතුරේ යනවා. 2013 දෙසැම්බර් 31 වෙද්දී සමාගම් 27ක රුපියල් මිලියන 14,093ක් ආයෝජනය කර තිබුණා. ඒවායින් කිසිම ලාභයක් ලැබුවේ නැහැ. 2011 දී සමාගම් 11ක කළ රුපියල් මිලියන 3,555ක අයෝජනවලින් කිසිම ලාභයක් ලැබුණේ නැහැ. 2012 වර්ෂයේදී සමාගම් 14ක කළ රුපියල් 8,793ක ආයෝජනවලින් ලාභයක් ලැබී නැහැ.


සමස්තයක් ලෙස 2008 සිට 2014 දක්වා කොටස් වෙළඳපොළේ ආයෝජනය කර තිබුණු මිලියන 19,127ක් වටිනා සමාගම් 30කින් අරමුදලට කිසිම ලාභයක් ලැබී තිබුණේ නැහැ.


පාඩු සමාගම්


අපේ පෞද්ගලික ධනය යම්කිසි සමාගමක ආයෝජනය කරද්දී, එම සමාගම ගැන විපරම් කර බැලීම සාමාන්‍ය කාරණයක්. එසේ විපරම් කරද්දී, යම් සමාගමක් පාඩු ලබන එකක් බව දුටුවොත් එක රුපියලක්වත් එවැනි සමාගමක අප ආයෝජනය කරන්නේ නැහැ. එහෙත් මහ බැංකුවෙ මූල්‍ය මණ්ඩලය පාඩු ලබන සමාගම් පමණක් සොයමින් ගියාදැයි සිතෙන තරම්.


2013 දෙසැම්බර් 31 වැනිදා වෙද්දී අරමුදලෙන් ආයෝජනය කර තිබුණු සමාගම් අතරින් සමාගම් 08ක් එම වර්ෂයේදී පාඩු ලැබූ සමාගම් බව විගණකාධිපති වාර්තාව කියනවා. එසේ කියන්නේ එම සමාගම්වල වාර්ෂික ගිණුම් වාර්තා ඇසුරින්. ඒ අතරින් රුපියල් මිලියන 711ක් අයෝජනය කළ සමාගම් දෙකක් ඊට පෙර සිටම වසර දෙකතුනක් තිස්සේ අලාභ ලැබූ ඒවා.
2014 විගණන වාර්තාව අනුව 2014 දෙසැම්බර් 31 දිනට කෙටිකාලීනව හා දිගුකාලීනව රුපියල් මිලියන 3001ක් ආයෝජනය කර තිබුණු සමාගම් 13ක් එම වර්ෂයේදී අලාභ ලබා තිබුණා. එලෙස ආයොජනය කළ එක් එක් සමාගම්වල කළ ආයෝජන ගැන විස්තර විගණකාධිපති වාර්තාවල තිබෙනවා. ඒවායින් උදාහරණ කිහිපයක් මෙසේ දැක්විය හැකියි.


එම සමාගම්වල නම් විගණකාධිපති වාර්තාවෙහි සඳහන් කර නැහැ. ඇත්තෙන්ම සේවක අර්ථසාධක අරමුදලෙහි වාර්ෂික වාර්තාවල පවා තමන් ආයෝජනය කළ සමාගම්වල නම් නැහැ. එහෙත් ඒ සමාගම අයත්වන ක්ෂේත‍්‍රය ගැනත්, ආයෝජනය කර ඇති මුදල ගැනත් සඳහන් වෙනවා.


ගුවන් සමාගමක්


පාඩු ලැබූ එක් ගුවන් සමාගමක 2010 ජුලි මාසයේදී මිලියන 500ක් ආයෝජනය කර තිබුණා. 2012 ජුනි 30 දක්වා එම සමාගමෙන් කිසිදු ලාභයක් ලැබී තිබුණේ නැති බව 2011 වසරට අයත් විගණකාධිපති වාර්තාවෙහි සඳහන් වුණා. එම ආයෝජන ගැන විමසද්දී 2012 දී මහ බැංකුව පිළිතුරු දී තිබුණේ අලාභ ක‍්‍රමයෙන් අඩුවෙන නිසා එම සමාගම අනාගතයේදී ලාභ ලැබිය හැකි බව විශ්වාස කරන බව.


මහ බැංකුව අනාගතය යැයි කීවේ ඉන්පසුව එළඹෙන වසර දෙක තුන ගැන බවට සැකයක් නැහැ. එහෙත් ඇත්තෙන්ම 2015 ඔක්තෝබර් 31 වන විටත් එම සමාගමේ ලාභාංශ ලැබී තිබුණේ නැති බව පසුව නිකුත් වූ විගණකාධිපති වාර්තාවක තිබෙනවා.


මූල්‍ය සමාගමක්


2011 පෙබරවාරි සිට 2011 නොවැම්බර් දක්වා කාලසීමාව තුළදී රුපියල් මිලියන 205ක් ගෙවා මූල්‍ය සමාගමක කොටස් මිලදී ගෙන තිබුණා. එවායින්ද කිසිදු ප‍්‍රතිලාභයක් ලැබී තිබුණේ නැහැ. කොටස් මිලදී ගන්නා මොහොත වන විටත් අවසන් වතාවට ප‍්‍රකාශිත මූල්‍ය ප‍්‍රකාශනවලින් එම සමාගම රුපියල් 4,285ක අලාභයක් ලබා තිබුණා. එය සලකන්නේ නැතිවම ආයෝජනය කර තිබුණා. 2013/ 14 මූල්‍ය වර්ෂය අවසන් වෙද්දී එම සමාගමේ සමුච්චිත අලාභය රුපියල් මිලියන 14,340ක්ව තිබුණා. අන්තිමේදී සමාගමේ රුපියල් 40.36ට මිලදී ගත් කොටසක මිල රුපියල් 16.20 දක්වා අඩුවී තිබුණා. එම මූල්‍ය සමාගමෙන් 2015 ඔක්තෝබර් 31 දක්වා කිසිදු ලාභයක් නැති බව පසුව නිකුත් වූ විගණන වාර්තාවක සඳහන් වුණා.


මෙලෙස කොටස් අගය තීරණාත්මක ලෙස කඩාවැටුණු සමාගම් කිහිපයක් ගැනම එම වාර්තාවල සඳහන් වෙනවා.


පරිගණක සමාගමක්


2013 අපේ‍්‍රල් මාසයට ආසන්න කාලසීමාවක් තුළදී සේවක අර්ථසාධක අරමුදල පරිගණක සමාගමක රුපියල් මිලියන 43ක් ආයෝජනය කර තිබුණා. එම කොටස් මිලදී ගැනීමට කලින් සමාගමේ ද්‍රවශීලතාව ගැන හොයාබලා තිබුණේ නැහැ. එම සමාගම ඊට පෙර අවුරුද්දේ රුපියල් මිලියන 478ක් පාඩු ලැබූ සමාගමක්. එම සමාගමේ විගණකයන් පවා කියා තිබුණේ සමාගම පවත්වාගෙන යෑමත් අවිශ්වාස බව. සූදු කෙළිනවාක් මෙන් එතරම් අඩමාන සමාගමක වැඩකරන ජනතාවගේ මුදල් ආයෝජනය කරන්නට මූල්‍ය මණ්ඩලය කටයුතු කර තිබුණා.


2014 වර්ෂයේදී එම සමාගමේ කොටස් මිල සීයට 92කින් පහත වැටී තිබුණා. ඒ නිසා එම සමාගමේ ආයෝජනය කළ මුදල් නැවත ගැනීමත් අසීරු වී තිබුණා.


හෝටල් ක්ෂේත‍්‍රය


හෝටල් ක්ෂේත‍්‍රයේ සමාගම් ගණනාවක දැවැන්ත ආයෝජන සිදුකොට 2010 පමණ කාලයේ සිට සේවක අර්ථසාධක අරමුදලට පාඩු සිදුවී තිබුණා. ඒ පාඩුව ගැන 2012 විගණන වාර්තාවේදී විගණකාධිපති දෙපාර්තමේන්තුව මහබැංකුවෙන් විමසද්දී කියා තිබුණේ, ඉදිරි වසර කිහිපය තුළ සංචාරක කර්මාන්තයේ දැවැන්ත වර්ධනයක් සිදුවීමට නියමිත බවයි. ඒ නිසා හෝටල් ක්ෂේත‍්‍රය ලාභදායක බවත් ඉදිරි වසර කිහිපය තුළ ඒ පාඩුව වෙනුවට ලාභ ලැබෙනු ඇති බවත් කියා තිබුණා. එහෙත් සංචාරක ක්ෂේත‍්‍රයේ නැගීමක් සිදුවුණේ නැහැ. පසු වර්ෂවලදී නිකුත් වූ වාර්තාවලින් හෝටල් ක්ෂේත‍්‍රයේ ආයෝජනවලින් සිදුව ඇති පාඩුව පෙන්වා තිබුණා.


2010 වසරේ සිට 2014 අවසානය දක්වා හෝටල් ක්ෂේත‍්‍රයේ ආයෝජනය කළ අරමුදල් සඳහා ලැබී තිබුණේ සීයට 1.45 සිට 2.86 අතර වූ ඉතාම අඩු මට්ටමේ ආදායමක්. 2013 සහ 2014 වර්ෂවල හෝටල් සමාගම් 8ක යොදවා තිබුණු රුපියල් මිලියන 3000කට අධික දිගුකාලීන හා කෙටිකාලීන ආයෝජන සඳහා අරමුදලට කිසිදු ප‍්‍රතිලාභයක් ලැබී නොතිබුණු බව එම වාර්තාවෙන් කියනවා.


පාඩු ලබන සන්නිවේදන සමාගම්, පරිගණක සමාගම් ආදියෙහි ආයෝජනය කරන්නට හේතු ලෙස දක්වා තිබුණේත්, ඒ ක්ෂේත‍්‍ර අනාගතයේදී දියුණු වන බව. ඒ ක්ෂේත‍්‍ර දියුණුවීම සැබෑවක් වුණත්, සේවක අර්ථසාධක අරමුදලේ මුදල් ආයෝජනය කළ සමාගම් දියුණු වී නැති බව පෙනෙනවා.


පාඩුවක්ද? අපරාධයක්ද?


කොටස් වෙළඳපොළෙහි ආයෝජන සිදුකිරීමෙන් පාඩු සිදුව ඇතැයි විගණකාධිපති දෙපාර්තමේන්තුව පෙන්වාදී ඇතත්, 2008 සිට 2014 දක්වා සිදුව ඇති සමස්ත පාඩුවෙහි ඓක්‍යය ගණනය කර නැහැ. එම කටයුත්ත වෝහාරික විගණන වාර්තාවකින් සිදු කරනු ඇති.
ඊටත් වඩා බරපතළ ප‍්‍රශ්නය වන්නේ මෙය හුදු පාඩුවක් පමණද, නැතිනම් සිතාමතා කර ඇති වංචාවක්ද යන්න. බොහෝ අය චෝදනා කරන්නේ විගණකාධිපති වාර්තාවෙන් වත් නම් හෙළි කර නොමැති ඉහත කී සමාගම්වල සැබෑ හිමිකරුවන් එවකට සිටි ආණ්ඩුවේ හිතවාදීන්ගේ සමාගම් බව. පාඩු ලබද්දී එවැනි සමාගම්වල ආයෝජනය කිරීමෙන්, එම සමාගම්ල හිමිකරුවන් අතට මුදල් ගිය බව. ඒ අනුව මෙය පාඩුවක් පමණක් නොව, සූක්ෂ්ම මූල්‍ය අපරාධයක් බව.
එම චෝදනා සැබෑවක් නම්, ලංකාවේ ලොකුම වංචාව ලෙස වසර ගණනාවකට කලින් අප දැන සිටි වැට් බදු වංචාව ලිලිපුට්ටෙකු මෙන් පෙනී යාවි. මහබැංකු බැඳුම්කර වංචාව අත දරුවෙකු වේවි. එක් එක් සමාගම්වලට සම්බන්ධව සිටි චූදිතයන් සිය ගණනක් බිහිවේවි.


එම චෝදනා නිසාම වෝහාරික වාර්තාව හංගන්නට ආණ්ඩුව උත්සාහ කරනු ඇති බව පැහැදිලියි. ඒ නිසාම ජනතාවට එම වාර්තාව විවෘත විය යුතු බවත් පැහැදිලියි. ආණ්ඩුව හෙළි නොකළොත්, එය හෙළිකිරීම විපක්ෂයේ වගකීමක් බවත් පැහැදිලියි.

රන්ජන්ගේ හඬපට හෙවත් හනුමාගේ වල්ගය

0


සමහරුනට හොරි දද කුෂ්ඨ පවා ආශීර්වාදයකි. ආණ්ඩුවේ වැරදි බැරිකම් වසා ගැනීමට, රන්ජන්ගේ හඬ පට පාවිච්චි කිරීම වාගේය. රන්ජන් යනු ගම්පහ ජනතාව තෝරා පත් කළ නිමල් ලන්සා, සරණ ගුණවර්ධන, පබා, මර්වින් සිල්වා ප‍්‍රසන්න රණවීර ජාතියේ තවත් කෙනෙකු පමණකි. මහාධිකරණ විනිසුරුවරියක උසස් පෙළ අසමත් නළුවෙකුගෙන් උසස්වීමක් ඉල්ලයි. ඒ රටේම විධායක ජනාධිපති දණ ගැස්වීමට ව්‍යවස්ථාදායක සභාව සමත් විය. ඒ සත්‍යය ඒ නෛතික ශක්තිය අදටත් එසේමය.


තවම වැරදිකරු නොවූ රන්ජන්ගේ එජාප සාමාජිකත්වය, වංචනික ගමන් බල පත‍්‍රයක් සහිතව අත්අඩංගුවට පත් වීරවංශ මුදාහැරි අගමැති වික‍්‍රමසිංහ අත්හිටුවා ඇත. අප බත් කන හරකුන්් විය යුතු නැත. රනිල් විදේශික අර්ජුන් මහේන්ද්‍රන්ට මහ බැංකුව භාරදීමත්, ශිරන්ති රාජපක්‍ෂ සහ වීරවංශ බේරා හැරීමත්, සජිත් මධ්‍යම සංස්කෘතික අරමුදලෙන් දහම් පාසල් ගොඩනැගිලි තැනීමත් ගැන ගම්මන්පිලලා මහින්දානන්දලා කුමක් කියත්ද?


2015-2019 යුගයේ තීන්දු කළ හැම නඩුවකදීම වැරදිකරුවන් වී ඇත්තේ දුමින්ද සිල්වා ඇතුළු අන්ත අසරණ අහිංසකයන්ය. ඒ සියලූ දෙනා නිදහස් කළ යුතු වේ. දුමින්ද සිල්වාගේ පින්තූරයට සාර්ජන් සුනිල් රත්නායක යන නම යොදා ඇත්තේ ජය ගත් සැණින් හිරගත කළ රණවිරුවන් නිදහස් කරනවා යයි ජනාධිපති ගෝඨාභය කළ ප‍්‍රකාශය නිසාය. දුමින්ද අධිකරණයෙන් සගවා තැබීමට සිංගප්පූරු යැවීම වරදක් නොවේද? ‘මේ බිඳ වැටෙන්නේ රටේ අධිකරණය පිළිබඳ විශ්වාසය නොවේද? මේ ගැන කතා නොකරන්නේ ඇයි...?’ මහනුවර සේවය කරන ජ්‍යෙෂ්ඨ නීතිඥයෙකු ඇසීය. ඔහු කියන්නේ අධිකරණය යනු දුමින්ද සිල්වාගේ හෝ සිල් රෙදි නඩුව විතරක් ඇසූ අටමගලයක් නොවන බවය. එය මේ රටේ සාමාන්‍ය මිනිසුන්ගේ ඉඩම් නඩු, අසරණ ගැහැනුන්ගේ නඩත්තු නඩු, ¥ෂණ නඩු ඇසෙන තැනය. අධිකරණ තීන්දුව හිස් නවා පිළිගෙන සමහරු ගෙදර යති. සමහරු එල්ලූම් ගස් යති. එහිදී දුමින්ද විශේෂ වන්නේ කෙසේද? රාජපක්‍ෂලාටවත් දුමින්ද බේරාගත නොහැකි විය.

දැන් සකල අධිකරණයටම ගිනි තැබීමට රන්ජන් පාවිච්චි කරයි. මේ කොන්ත‍්‍රාත් එකකි. එජාපය රන්ජන්ට නොමිනේෂන් දෙන්නේ නැත නොකීවා නම් මේ වලිගය පත්තු වෙන්නේ නැත. මම ස්වාධීන හරි එනවා කී වහාම රන්ජන් කාගේදෝ සාක්කුවට වැටිණ. දැන් රන්ජන් බිංකුංඩෙක් නොවේ. රට ගිනි තියන හනුමෙකි. ඞී.ඇම්. රාජපක්‍ෂ (1896-1945* වයස 49දී නොකල්හි මියෑදිණ. එවිට ජ්‍යෙෂ්ඨ පුත‍්‍ර ලක්‍ෂමන් රාජපක්‍ෂ (1924-1981*ට ඡුන්දය අයිතිය නොතිබිණ. 1945දී ඞී.ඒ. රාජපක්‍ෂ එසේ නිර්මාණය විය. කුරහන් සාටකයෙන් නිරූපිත රුහුණේ ආඩම්බරය ඞී.ඒ. රාජපක්‍ෂ තුන්හිතින්ම ආරක්‍ෂා කළේය. 2015 වන විට කුරහන් සාටකය අමුඩ ලේන්සුවකටත් වඩා හෑල්ලූ වී තිබිණ. කුරහන් සාටකය කසයක් කරගත් මහින්ද සාමාන්‍ය මිනිසුන් බියගැන්වීය. පත්තිනි සළඹ හොරෙන් ගත්තාට ගජමන් නෝනාට පත්තිනි අම්මා ආවේස නොවේ. කොන්දගල වලව්වේ කුරහන් සාටකය, මැදමුලන ගෝඨාභය ඉවත් කර හමාරය. මහින්ද තම වාසියට රණවිරු ගී ගැයීය. මිරිසුවිල් ඝාතන නඩුවේ විත්තිකාර සාර්ජන් රත්නායකට සහ පලා යාමට තැත් කළ එල්ටීටීඊ සැකකරුවෙකුට වෙඩි තබා මැරූ බවට චෝදනා ලැබූ මේජර් විමල් වික‍්‍රමගේ වැනි සැබෑ යුදවීරයන් රැුක්කේ නැත.

රාජපක්‍ෂලා රැුක්කේ යුද්දෙට නොගිය දුමින්ද සිල්වාලා, චන්දන කති‍්‍රආරච්චිලා, නිමල් ලන්සාලා වැනි කොළඹ චණ්ඩින්ය. දැරියන් 200ක් ¥ෂණය කළ අකුරැුස්ස ප‍්‍රාදේශීය සභා සභාපති සාරුව සුනිල්, විදේශීය සංචාරකයෙකු මරා ඔහු සමග සිටි තරුණියක සමූහ ¥ෂණයට ලක්කළ තංගල්ල ප‍්‍රාදේශීය සභා සභාපති ෂේප් කිරීම රාජපක්‍ෂලා පිළිබඳ කතාය. පනාමුරේදී පොලිස් නිලධාරින්ට පහර දුන් ඇඹිලිපිටියේ ප‍්‍රාදේශීය සභා සභාපති ඇම්.කේ. අමිල අල්ලන්ට පොලිසිය බිය විය. මේවා බලපෑම් නොවේද? ඒ අතීතය රටේ අනාගතය නොවිය යුතු යයි සිතූ ගෝඨා සාටකයෙන් ඈත් විය. එහෙත් සාටකය තවමත් රටේ නීතියේ බෙල්ල සිර කරගෙන වෛරක්කාරයන් සොයා පාවෙමින් පවතී. එය ගෝ්ඨාගේ බෙල්ල හිර කරන දවසද වැඩි ඈතක නොවිය හැකිය. ගරු පි‍්‍රයසාද් ඩෙප් 45 වෙනි අගවිනිසුරු ලෙස පත්වී ජාඇල වැලිගම්පිටියේ සාන්ත ආනා දෙව් මැදුරේදී, තමන්ට රටේ නීතිපති වීමට පැවති අවස්ථාව අහිමි කළ බව සිහිපත් කළේය. එදා සමහරුන් මට අරයාගේ මෙයාගේ පස්සේ යන්න කී බවට කළ ප‍්‍රකාශය සමග විනිසුරු පද්මිණි රණවක සැසඳිය යුතුවේ. හැමදාම රන්ජන් කෙනෙකු සිටි බව පෙනේ.

මහින්ද රාජපක්‍ෂ, තවත් ජ්‍යෙෂ්ඨයන් දෙදෙනෙකු සිටියදී උපාලි අබේරත්න ශ්‍රේෂ්ඨාධිකරණයට පත් කරන්නේ ජනාධිපති මැතිවරණය අතර 2014 දෙසැම්බර් 17 වෙනිදාය. ඒ පත්වීම නිසා විනිසුරු සංඛ්‍යාව 11සිට 12 තෙක් වැඩි විය. එය නීති විරෝධි පත්වීමකි. දුමින්ද සිල්වාට එරෙහි නඩුව ඇසුවේ ති‍්‍රපුද්ගල විනිසුරු මඬුල්ලකි. එහි සභාපති විනිසුරු ශිරාන් ගුණරත්න, දුමින්ද නිදොස් කොට නිදහස් කළේය. ඒ තීන්දුව එදා තැන තැන විවේචනය විය. දුමින්ද සිල්වා වැරදිකරු කරමින් එකී විනිසුරු මඬුල්ලේ සේවය කළ පද්මිණී රණවක සහ එම්.සී.බී.එස්. මොරායස් දෙදෙනා දුන් තීන්දුව ශ්‍රේෂ්ඨාධිකරණයේ පංච පුද්ගල පූර්ණ විනිශ්චය මණ්ඩලය අනුමත කළේය. එහෙත් උපරිමාධිකරණය ප‍්‍රතික්‍ෂේප කළ විසම්මුතික තීන්දුව දුන් විනිසුරු ශිරාන් ගුණරත්නට උසස්වීම් ලැබිණ. විනිසුරු පද්මිණි රණවකට උසස්වීම් නොලැබිණ. එහි තේරුම යහපාලනය තුළ දුමින්ද සිල්වාගේ බලය පැවති බවද? ශිරන්ති රාජපක්‍ෂට පක්‍ෂව පොලිසියට බලපෑම් කළ, වීරවංශ බේරා හැරිය රනිල් වික‍්‍රමසිංහ හෝ ගන් සයිඞ් ඝාතකයන් රැුක්ක ජනාධිපති සිරිසේන මෙහිදී සිහිපත් නොකරති. පද්මිණි රණවක විනිසුුරුතුමිය පැටලවූ රන්ජන්ගේ සාකච්ඡුාව යනු ඩෙප් නොගිය පාරේ ගිය ඇයට ලැබුණ දේය. මේ පරණ සිද්ධි එකිනෙකට ගැළපීම තලගොයා කබරගොයා කිරීමක් නොවේ.

අසාධාරණය රජවූ රටක නීතියත් අසරණය. එවිට, ඩෙප්ලා පද්මිණී රණවකලා නිර්මාණය වේ. මේ අපරාධය කරන්නේ කවුද? දුමින්ද නඩුවේ හරි දේ කළේ පද්මිණිි රණවකද? ශිරාන් ගුණරත්නද? මෙයින් තහවුරු වන්නේ වැඩකාරයන් මහින්දලා, රනිල්ලා මිස රන්ජන් නොවන බවය. රන්ජන්ගේ හඬපට නම් සොකරි නාඩගමේ සොකරි බවට පද්මිණී රණවක පත් කළ යුතු නැත. මේ සෙල්ලම පටන් ගත්තේ විධායක ක‍්‍රමයේ ප‍්‍රතිපලයකි. අගවිනිසුරුවරයෙකුට ඇමතියෙකු තර්ජනය කළ කතාවක් ඇසෙයි. ඒකා අගවිනිසුරුවරයෙක්ද කියා කෙනෙකු අසා තිබිණ. රිෂාඞ් බදුර්දීන් රාජපක්‍ෂ යුගයේ මන්නාරම් පොලිසියට මහ දවාලේ ගල් ගසා විනිසුරුට ¥රකථනයෙන් බැන වැදී අධිකරණ කොමිෂන් සභාවට පැමිණ ඒ විනිසුරු මාරු කරන ලෙස යකා නැටීය.

රිෂාඞ් උසාවි ගෙනාවාද? නැත. හත් මසකට පසුව කැමැත්තෙන් පැමිණෙන තෙක් නීතිය පොලිසිය නිහඬ විය. පනාමුරේදී පොලිසියට පහර දුන් ඇඹිලිපිටියේ ප‍්‍රාදේශීය සභා සභාපති ඇම්.කේ. අමිල උසාවි ගෙනාවාද? නැත. හත් මසකට පසුව කැමැත්තෙන් පැමිණෙන තෙක් නීතිය පොලිසිය නිහඬ විය. රන්ජන්ගේ කයිවාරු සමග මේ අතීත කතා ගැළපිය යුතුවේ. ගරු පි‍්‍රයසාද් ඩෙප් වැලිගම්පිටියේ සාන්ත ආනා දෙව් මැදුරේදී මෙසේ ද, කීය. ‘මම අවුරුදු තිස් ගණනක් නීති ක්‍ෂේත‍්‍රයේ කටයුතු කළා. 2008දී වැඩ බලන නීතිපති ලෙස සේවය කළා. නීතිපති දෙපාර්තමේන්තුවේ 125 සංවත්සරය උදාවන විට නීතිපතිකමට සුදුස්සා වී සිටියේ මමයි. එහෙත් අවස්ථාව මගෙන් පැහැර ගත්තා. පිටස්තර කෙනෙකු ඒ තනතුරට පත් කළා. ඒක මා ලද පසුබෑමක්.’ ඒ අසාධාරණය ගරු පි‍්‍රයසාද් ඩෙප්ට කළේ මහින්ද මිස රන්ජන් නොවේ. කවුරු කළත් මේවා නැහැදිච්චකම්ය. වංචනික ගමන් බලපත‍්‍රයක් සහිතව අත්අඩංගුවට පත් වීරවංශ මුදා හැරියේ අගමැති වික‍්‍රමසිංහ මිස රන්ජන් නොවේ. ඒ ඉල්ලීම කළේ දිනේෂ් බව ගම්මන්පිල කීය. රන්ජන්ගේ හඬපටෙන් පිට කිසිවෙකු කතා නොකරති. ඉතිහාසය අනුව, 2008දී ඩෙප්ට කපා නීතිපති වුණේ බුලත් අතක් ගෙන අලූත් අවුරුද්දට කාල්ටන් නිවෙසේදී නාමල්ටත් ආචාර කළ මොහාන් පීරිස් ය. 2011දී මහින්ද රාජපක්‍ෂ, ඩෙප් ශ්‍රේෂ්ඨාධිකරණයට පත් කළේ ඊවා වනසුන්දර (2011* පළමු කාන්තා නීතිපති ලෙස ඉතිහාසගත කිරීමට මිස ඇයගේ කොණ්ඩය දිග නිසා නොවේ. විනිසුරු පි‍්‍රයසාද් ඩෙප් 2011දී ශ්‍රේෂ්ඨාධිකරණයට පත්වුණේ වසර 33ක සේවා කාලයකට පසුවය. නීතිපති දෙපාර්තමේන්තුවේ 125 වෙනි සංවත්සර වර්ෂයේ ඔහුට නීතිපති වීමේ අවස්ථාව අහිමි විය. පද්මිණි රණවකලා ඉවත් කරන්නැයි අගවිනිසුරුට බලපෑම් කරන රාජපක්‍ෂවාදීහූ මේවා දන්නෙහිද? හඬ පට කතාව පාස්කු ප‍්‍රහාරය මෙන් සැලසුම් කළ දේශපාලන කුමන්ත‍්‍රණයකි.

මේ හරහා රාජ්‍ය, අධිකරණ සේවා කොමිෂන් මෙන්ම පොලිසිය කොටු කිරීම අරමුණ වේ. මේ තක්කඩි දේශපාලනය හමුවේ, ඍජු අවංක නිලධාරීන් කළ හැකි පි‍්‍රයසාද් ඩෙප්ලා බොහෝය. ජනාධිපති නීතිඥ ශී‍්‍රනාත් පෙරේරා නීතිපති කිරීමට චන්ද්‍ර‍්‍රිකා බණ්ඩාරනායකට අවශ්‍ය විය. එහිදී ශී‍්‍රනාත් කීවේ තමන්ට වඩා ජ්‍යෙෂ්ඨයන් කිහිප දෙනෙකු සිටින නිසා තමන් ඊට අකමැති බවය. ඔහු ‘හා’ කීවා නම් ශිබ්ලි අසීස් නීතිපති වන්නේ නැත. අධිකරණ ක්‍ෂේත‍්‍රයේ සියල්ලන්ම පද්මිණි රණවකලා නොවෙති. මහාධිකරණ විනිසුරු ලලිත් ඒකනායක විශ‍්‍රාම පූර්ව නිවාඩු ලැබ සිටියි. ඒ විශ‍්‍රාම යාමට වසර දෙකක් තිබියදීය. ශී‍්‍රනාත් සහ ලලිත් හරහා කියන්ට උත්සාහ කළේ හිතට එකග මිනිසුන් රටේ තවත් ජීවත්වන බවය.

සිහිබුද්ධිය ඇති රටට ආදරය ඇති මිනිසුන් රන්ජන්ගේ හඬපට ගැන කල්පනා රටේ පැත්තෙන් කල්පනා කළ යුතුවේ. රාජ්‍ය අධිකරණ පද්ධතීන්ට එක එකා පසුපස යාමට පුරුදු කළේද, රාජ්‍ය භාණ්ඩාගාරයේ මුදලින් මැතිවරණ වාසිය පිණිස සිල් රෙදි ගැනීමට ඡුන්ද දන්සල් පැවැත්වීමට නිලධාරීන්ට බල කළේ රාජපක්‍ෂලාය. හෙල්පින් හම්බන්තොට නඩුවේ විත්තිකාර ලලිත් වීරතුංග සිල් රෙදි නඩුවේදී නිදහසට කීවේ ජනාධිපති මහින්ද රාජපක්‍ෂගේ නියෝගයට තමන් යටත් බවය. ඒ විත්තිවාචකය අධිකරණය ප‍්‍රතික්‍ෂේප කළේය. අංක 48/2 සහ 1979 අගෝස්තු මස 06 වෙනි දින ලේකම් සංග‍්‍රහය නම් අතිවිශේෂ ගැසට් නිවේදනයේ 10වෙනි නියාමනයෙහි දැක්වෙන, ලේකම්වරු රජයේ සියලූම මුදල් රෙගුලාසිවලට ද, අනෙකුත් රෙගුලාසිවලට ද, පටහැනි නොවන තාක් දුරට මෙහි ඉහතින් ඇති විධිවිධානවලට යටත් වන්නෝය යන්න රටේ නීතියකි. සිල් රෙදි නඩුවේ චුදිත අනුෂ පැල්පිට අතිරේක ලේකම් කෙනෙකු ලෙස පත් කිරීමට වජිර අබේවර්ධනට කෝල් කළේ රනිල් ද මහින්දද යන්න සොයා බැලිය යුතු වේ.


වෛද්‍ය සාෆි, නැවත සේවයෙහි පිහිටුවීමට රාජ්‍ය සේවා කොමිසම තීන්දු කරලාම නැත. වරක් අගමැති වික‍්‍රමසිංහ රාජ්‍ය සේවා කොමිසම තමන් වෙත කැඳවීය. ඒ අවස්ථාවේ රාජ්‍ය සේවා කොමිසම කීවේ කුමක්ද? අගමැති නිසා අප ඔබ හමුවට පැමිණියෙමු. අප කැඳවීමට හෝ් අප නියෝග දීමට ඔබට බලයක් නැත කියාය. ඩලස් අලහප්පෙරුමලා තුනෙන් දෙක ඉල්ලන්නේ ජනතාව වෙනුවෙන් පෙනී සිටින මේ ආයතන අහෝසි කිරීමටද?


ආණ්ඩුක‍්‍රම ව්‍යවස්ථාවේ 4 වෙනි වගන්තිය අනුව (අ* ව්‍යවස්ථාදායක බලය පාර්ලිමේන්තුවටද (ආ* විධායක බලය ජනාධිපතිටද පවරා ඇත. එහි සරල අර්ථය ස්වාධීන කොමිෂන් සභා නම් නීතියට අත තැබීමට ජනාධිපතිට බැරි බවය.

චන්ද්‍රසිරි සෙනවිරත්න

අගවිනිසුරු නිවස ඉදිරිපිට රතිඤ්ඤා පත්තුකර කිරිබත් කෑ හැටි

0

අධිකරණයේ ස්වාධීනත්වය ගැන පරණ උදාහරණ දෙකක්


රන්ජන් රාමනායක මන්ත‍්‍රීවරයා, අධිකරණයේ විනිසුරුවරුන්ට ‘බලපෑම් කිරීම’ ගැන පළමුවරට ආණ්ඩුක‍්‍රම ව්‍යවස්ථාවේ තිබෙන වරදක් යටතේ අත්අඩංගුවට අරගෙන තිබෙනවා. මෙවැනි වරදක් සම්බන්ධයෙන් ක‍්‍රියාකරන්නේ ලංකාවේ ඉතිහාසයේ පළමු වරට බවයි නීතිපති දෙපාර්තමේන්තුව අධිකරණයට කිව්වේ. තමන්ගේ විරුද්ධවාදීන් හඹායෑමට දණ්ඩ නීති සංග‍්‍රහය හෝ වෙනත් සාමානය නීති පමණක් නොව ආණ්ඩුක‍්‍රම ව්‍යවස්ථාව පවා යොදාගන්නට අලූත් ආණ්ඩුව පසුබට නොවන බවයි ඉන් පැහැදිලි වන්නේ.


එහෙත්, උත්ප‍්‍රාසය තමයි, අලූත් ආණ්ඩුවේ අයට නින්දෙන් ඇහැරුණාක් මෙන් අධිකරණය ‘ස්වාධීනව’ පවත්වාගත යුතු බවට මතක්වී තිබීම. ආණ්ඩුවේ කාටවත්, තමන්ගේ පරණ හෙවණැලි ගැනම හාංකවිසියක්වත් නැතිවා වාගෙයි. රන්ජන් රාමනායක වැන්නකුට අධිකරණයට කරන්නට පුළුවන් බලපෑම කොහොම වෙතත්, 2015ට පෙර නම් රටේ අගවිනිසුරුගේ සිට පහළට අධිකරණයට කළ බලපෑම් හා බාධක ගැන ඉතිහාසයක් තිබුණා. හදිසියේ නින්දෙන් අවදිවී සිටිනවුන්ගේ සතුටට බාධා කරන්නට ඒ පරණ අතීතයෙන් උදාහරණ දෙකක් දක්වන්නට පුළුවන්.
එකක්, ආචාර්ය ෂිරාණි බණ්ඩාරනායක අගවිනිසුරුවරිය ධුරයෙන් පන්නා දැමීම. ලංකාවේ ඉතිහාසයේම අධිකරණයට එවැනි පහත් පෙළේ බලහත්කාරකමක් කළ පළමුවැනි අවස්ථාව එයයි. පසුගිය වසරේදී ෂිරාණි බණ්ඩාරනායක හිටපු අගවිනිසුරුවරිය ‘උත්තරීතර’ නමින් පොතක් ලියුවා. එය සම්පූර්ණයෙන්ම වෙන්කර තිබෙන්නේ 43වැනි අගවිනිසුරු ධුරයෙන් තමා ඉවත් කරන්නට රාජපක්‍ෂවරුන් ගත් අවලස්සන උත්සාහය පැහැදිලි කරන්නටයි.


‘රටේ 43 වැනි අග‍්‍රවිනිශ්චයකාරවරිය විදියට මම දිවුරුම් දීපු මොහොතේ ඉඳලා මට නොයෙකුත් ආකාරයේ කරදර බාධකවලට මුහුණ දෙන්ඩ සිද්ධ වුණා’ සිය පොතේ ඇය කියනවා. ඒ 2011 මැයි 19දා.


‘දිවුරුම් දීම අවසාන වුණ හැටියේම ජනාධිපතිතුමාට ඕනෑ වුණා මට කතා කරන්ඩ… ජනාධිපතිතුමා පුටුවක වාඩිවෙලා ඒක ඉදිරියෙන් තිබුණ පුටුවක මට වාඩිවෙන්න ආරාධනා කරනකොටම පස් හය දෙනෙක් ජනාධිපතිතුමා පිටිපස්සෙන් හිටගත්තා. ඒ ජනාධිපතිතුමාගේ ලේකම්ට අමතරව. ජනාධිපතිතුමා මගෙන් ඇහුවේ එකම ප‍්‍රශ්නයයි. ‘අධිකරණ සේවා කොමිසමේ ලේකම් විදියට පත්කරන්නේ කවුද?.’ ඒ ප‍්‍රශ්නය මම විමතියට පත්කළා. …අගවිනිසුරු නිල බලයෙන් පත්වෙන අධිකරණ සේවා කොමිසමේ සභාපති. කොමිසමේ තවත් සාමාජිකයන් දෙන්නෙක් ඉන්නවා. කොමිසමේ තීරණයක් කියන්නේ තුන්දෙනාම එකතු වෙලා සාකච්ඡුා කරලා ගන්න තීරණයක්. එහෙම නැතිව ඒකේ සභාපතිට ඕනෑ විදියට එක එක වෙලාවට තීරණ ගන්ඩ බැහැ.. ජනාධිපතිතුමා උත්තරයක් බලාපොරොත්තුවෙන් මා දිහා බලා ඉන්නවා. මට දෙන්ඩ උත්තරයක් නැහැ. අලූත් තනතුරක දිවුරුම් දුන්න ගමන්ම අනිකුත් පත්වීම් ගැන මම තීරණය කරන්නේ කොහොමද? .. මේ හැම දෙයක් ගැනම හිතලා මම ජනාධිපතිතුමාට කිව්වා,

කොමිසමේ අනික් සාමාජිකයන් දෙන්නත් එක්ක සාකච්ඡුා කරලා මුලින්ම වැඩ බලන පත්වීමක් කරන්ඩ අදහස් කරනවා කියලා. ජනාධිපතිතුමා පුපුරා හැලූණා… මම කවමදාවත් ජනාධිපතිතුමා මේ විදියට කෝපයට පත්වෙලා ඉන්නවා දැකලා නැහැ.. ජනාධිපතිතුමාට එච්චර තදින් කෝපයට පත්වෙන්න හේතුව මොකක්ද කියලා මම කල්පනා කළා. තරහව තියෙන්ඩ ඇත්තේ කොමිසම කරන්ඩ ගිය පත්වීම ගැන නෙමෙයි. තමන් කරපු පත්වීම ගැනයි. තමන් පත්කරපු පුද්ගලයා තමන්ගෙන් කිසිම විමසීමක් නොකර පත්වීම් කරන එක ගැනයි. නමුත් අගවිනිසුරුවරයකුගේ කාර්යභාරය කවුරුවත් සතුටට පත්කරන එක නෙවෙයි. නීතියයි යුක්තියයි නිවැරදි විදියට ක‍්‍රියාත්මක කිරීම. එදා උදේ වරුවේ සිදුවෙච්ච ඒ සිද්ධිදාමයම මහා අප‍්‍රසන්න හැඟීමක් මගේ හිතට ඇතුළු කළා.’


තමා අගවිනිසුරු ධුරයෙන් ඉවත්කිරීමේ සිද්ධි දාමයේ පළමුවැනි අවස්ථාව හැටියට ෂිරාණි බණ්ඩාරනායක මහත්මිය සලකන්නේ, 2011 නොවැම්බරයේදී ශ්‍රේෂ්ඨාධිකරණයට ඉදිරිපත් කරන ලද ‘නගර සහ ග‍්‍රාම සැලසුම්’ සංශෝධන පනත් කෙටුම්පතට ශ්‍රේෂ්ඨාධිකරණ අර්ථ නිරූපණයක් දීම හා බැඳුණු සිද්ධීන්. ෂිරාණි බණ්ඩාරනායක අගවිනිසුරුවරිය ප‍්‍රධානත්වය ඉසිලූ විනිසුරු තුන්කට්ටුව අවසානයේ තීන්දු කළේ, කෙටුම්පතේ තිබෙන විෂය පළාත් සභාවලට අයත් විෂයක් බවටයි. ව්‍යවස්ථාවේ දක්වා තිබෙන ප‍්‍රතිපාදනවලට අනුකූලව කෙටුම්පත ඉදිරිපත් කර නැති බැවින් නගර හා ග‍්‍රාම සැලසුම් සංශෝධන පනත් කෙටුම්පත නීතියක් බවට පත්වීමේ හැකියාවක් නැති බවයි. ඒ පනත් කෙටුම්පත පාර්ලිමේන්තුවේ සම්මත කරගැනීමට රාජපක්ෂ පාලනය දැරූ උත්සාහයට ශ්‍රේෂ්ඨාධිකරණ අර්ථ නිරූපණය නිසා බාධා පැමිණුණා.


2011 අගෝස්තුවේ පැවැති උසස් පෙළ විභාගයේ ප‍්‍රතිඵල අසාධාරණය කියන මූලික අයිතිවාසිකම් පෙත්සම් කිහිපයක් සම්බන්ධයෙන් ද තමා ප‍්‍රමුඛ විනිසුරු මඬුල්ලක් දුන් තීරණ ගැන ආණ්ඩුව අප‍්‍රසාදයෙන් සිටි බව ‘උත්තරීතර’ පොතේ සඳහන් වෙනවා.


‘ඔය වකවානුවේ වරින් වර තමන්ගේ මූලික අයිතිවාසිකම් කඩවුණා කියලා පවරපු පෙත්සම් ගණනාවක්ම මම මූලාසනය දරපු විනිශ්චයාසන ඉස්සරහට ඇවිත් තිබුණා. ඒවාට දීපු තීන්දු තීරණ ගැන බලයේ හිටපු උදවියගේ ප‍්‍රතිචාර යහපත් වුණේ නැහැ.’ ඇය කියනවා.


දිවිනැගුම පළමුවැනි කෙටුම්පත 2012 ජුලි 27 ගැසට් පත‍්‍රයේ පළකර 2012 අගෝස්තු 10 පාර්ලිමේන්තුවේ න්‍යාය පත‍්‍රයට ඇතුළු කළා. ඊට එරෙහිව පෙත්සම් තුනක් ශ්‍රේෂ්ඨාධිකරණයට ඉදිරිපත් වුණා. අධිකරණය තීරණය කළේ, දිවිනැගුම කෙටුම්පත නීතියක් බවට පත්වන්නට නොහැකි බවයි. තීන්දුව ජනාධිපතිටත් කතානායකටත් දන්වා යැවූ ටික දිනකින් දෙවැනි දිවිනැගුම පනත් කෙටුම්පතද අධිකරණයට ඉදිරිපත් වුණා. පළමුවැනි කෙටුම්පත 2012 සැප්තැම්බර් 21 පාර්ලිමේන්තු න්‍යාය පත‍්‍රයෙන් ඉවත් කරගත් අතර, ඔක්තෝබර් 9 වැනිදා දෙවැනි කෙටුම්පත පාර්ලිමේන්තු න්‍යාය පත‍්‍රයට ඇතුළත් කර තිබුණා.


අධිකරණය තීරණය කෙළේ, කෙටුම්පතේ සමහර වගන්ති ආණ්ඩක‍්‍ර‍්‍රම ව්‍යවස්ථාව සමග නොගැළපෙන නිසා තුනෙන් දෙකක විශේෂ බහුතරයකින් සම්මත කරගත යුතු බවයි. තවත් වගන්ති ව්‍යවස්ථාවේ 3 වැනි ව්‍යවස්ථාවට නොගැළපෙන නිසා, ජනමත විචාරණයකට යොමුකොට සම්මත කළ යුතු බවටද නියම කළා.


පනත් කෙටුම්පත පිළිබඳ අර්ථ නිරූපණය, 2012 ඔක්තෝබර් 31 ජනාධිපතිටත් කතානායකටත් යැව්වා. එහෙත්, එදිනට පෙර දින, එනම් 30දා සවස විභාග කළ අනෙක් විනිසුරුවරුන් දෙදෙනාද සමග අගවිනිසුරුවරිය සවස් භාගයේ සිය නිල මැදිරිය තුළ අධිකරණ තීරණයේ අවසන් කෙටුම්පත ගැන කතාකරමින් සිටින අතර, රවුෆ් හකීම් අධිකරණ ඇමතිවරයා පූර්ව දැනුම්දීමක් නැතිවම ඇය හමුවීමට නිල මැදිරියට පැමිණියා. අගවිනිසුරුවරිය සිය කාර්යයෙන් මඳ විරාමයක් ගෙන වෙනත් ශාලාවක රැුඳී සිටි ඔහු හමුවීමට ගියා.


‘කිසිම දැනුම්දීමක් නැතිව වෙලාවක් වෙන් කර ගන්නේ නැතිව ආපු එක ගැන කනගාටුව තදබල විදියට ඇමතිතුමා කියාහිටියා. කනගාටුව තිබුණේ වචනවල විතරක් නෙවෙයි. හාව භාව ප‍්‍රකාශනවල කනගාටුව පැහැදිලිවම දෝරේ ගලමින් තිබුණා. මට හිතුණේ ඇමතිතුමා බොහෝම තදට කැළඹුණු මනසකින් හිටියේ කියලා. අහක දාන්න වෙලාවක් නැති බවත්, ඉතාම හදිසි වගේම වැදගත් කාරණයක් තිබෙන බවත් කියපු ඇමතිතුමා මේ දැන්ම ඔහුත් එක්ක ජනාධිපතිතුමා මුණගැහෙන්ඩ යන්ඩ එන්ඩ කියලා මගෙන් ඉල්ලා හිටියා. පහුවෙනිදා, ඔක්තෝබර් 31 වැනිදා උදේ වෙනකොට යවන්න තියෙන වැදගත් අර්ථ නිරූපණයක අවසන් අදියරේ වැඩකටයුතු කරමින් මම ඉන්න බව ඇමතිතුමාට මම කිව්වා. ..අන්තිමට යුක්තියේ නාමයෙන් මට මේ ඉල්ලීමට කැමති වෙන්ඩ බැහැයි කියලත් කිව්වා.


ඇමතිතුමාගේ මූණ එකපාරටම අඳුරු වෙලා සුදුමැලි වුණා. මම දැක්කේ බය බිරාන්ත වුණ පුද්ගලයෙක්. ඇස්වල තිබුණේ එකම එක ප‍්‍රශ්නයක්. ‘ඇයි?’ ’


2012 සැප්තැම්බරය වන විට, කොළඹ දිසා විනිසුරුවරයකු හැටියට වැඩ කළ අරවින්ද පෙරේරා මහතාට එරෙහිව අධිකරණ සේවා කොමිෂන් සභාවට පැමිණිලි විශාල වශයෙන් ලැබී තිබුණා. බැංකු සහ මූල්‍ය ආයතන ගණනාවකින් ගත් ණය මෙන්ම ක්‍රෙඩිට් කාඞ් ගෙවීම් පැහැර හැරීම් නිසා, ඔහුගේ නම ණය තොරතුරු කාර්යාංශ ලේඛනයේ (ක‍්‍රිබ්* ද ඇතුළුව තිබුණා. ඔහු එසේ නොගෙවූ මුදල් මිලියන 20ක් පමණ. මේ පැමිණිලි මත අධිකරණ සේවා කොමිසම විනය පරීක්ෂණයක් පවත්වන්නට තීරණය කළා.


මූලික විනය පරීක්ෂණ වාර්තාව ලැබුණු විට එය සලකා බැලූ කොමිසම විනිසුරුගේ වැඩ තහනම් කළා. පරීක්ෂණයක් පවත්වන්නට තීරණය කළා. සැප්තැම්බර් 11 දා ඒ තීරණය ක‍්‍රියාත්මක කෙරුණා.


ඊට පසුදා ජනාධිපති ලේකම් ලලිත් වීරතුංගගෙන් අගවිනිසුරුවරියට ¥රකථන ඇමතුමක් ලැබුණා. අධිකරණ සේවා කොමිසමේ ඉතිරි සාමාජිකයන් දෙදෙනාත් සමග තමා මුණගැසීමට ජනාධිපති රාජපක්ෂට අවශ්‍ය බව එයින් දන්වනු ලැබුවා. එහෙත් කොමිසම, විධායකයේ ප‍්‍රධානියා සමග රැුස්වීමකට සහභාගි වීම ප‍්‍රතික්ෂෙප කළා.


25 වැනිදා ලලිත් වීරතුංග නැවතත් ලියුමක් එවමින් තනිව අගවිනිසුරුවරිය හමුවීමට ජනාධිපති රාජපක්‍ෂ බලාපොරොත්තු වන බව සඳහන් කළා. ජනාධිපතිතුමා සමග මේ මොහොතේ රැුස්වීමකට සහභාගි වුවහොත් අධිකරණයේ ස්වාධීනත්වයට හානිකර වන අයුරින් මහජන විශ්වාසය පලූදු වන ආකාරයේ අනවශ්‍ය තත්ත්වයක් උද්ගත විය හැකි නිසා එය සුදුසු නොවන බවට පිළිතුරු සපයා එම ඉල්ලීමද අගවිනිසුරුවරිය ප‍්‍රතික්ෂෙප කළා. ඒ ඔක්තෝබර් 3දා.
2012 නොවැම්බර් 1 වැනිදා උදේ 10.12ට යෙදුණු සුබ නැකතින් කතානායකවරයා වෙත ෂිරාණි බණ්ඩාරනායක අගවිනිසුරුවරියට එරෙහි දෝෂාභියෝග යෝජනාවක් භාරදුන්නා. ඒ අරුන්දික ප‍්‍රනාන්දු, පවිත‍්‍රා වන්නිආරච්චි, ලසන්ත අලගියවන්න, සුදර්ශනී ප‍්‍රනාන්දු පුල්ලේ, ශාන්ත බණ්ඩාර විසින්. පුද්ගලයකු රැුකියාවෙන් ඉවත්කිරීම සඳහා නැකැත් බලා පියවර ගැනීමේ ජඩ සම්ප‍්‍රදායක් රාජපක්ෂ ආණ්ඩුව පවත්වාගෙන ගිය ආකාරය එයින් සංකේතවත් වුණා.


පාර්ලිමේන්තුවට ඉදිරිපත් කරන ලද දෝෂාභියෝග යෝජනාව ප‍්‍රකාර, එහි ඇති චෝදනා 14ක් ගැන විභාග කර, අගවිනිසුරුවරිය ඒවාට වරදකරුදැයි පරීක්ෂා කර වාර්තා කිරීම සඳහා මන්ත‍්‍රීවරුන් 11කගෙන් යුත් විශේෂ කාරක සභාවක් පත්කළා. අනුර ප‍්‍රියදර්ශන යාපා සභාපතිත්වය දැරූ එම කාරක සභාවේ සාමාජිකයන් 7ක් ආණ්ඩු පක්ෂයෙන්. 4ක් විපක්ෂයෙන්. ආර් සම්පන්දන්, ලක්ෂ්මන් කිරිඇල්ල, විජිත හේරත්, ජෝන් අමරතුංග ඒ හතර දෙනායි.
චෝදනා 14කට පිළිතුරු දීමට සුමාන හයක කාලයක් ඇය ඉල්ලූ නමුත්, ලැබුණේ දින 7යි. ඒ කාලය තුළ තමාට එරෙහිව නගා තිබුණු කිසිම පදනමක් නැති චෝදනා 14ට, ශක්තිමත් එහෙත් කෙටි පිළිතුරු යැවීමට ඇයට හැකිවුණා. ඈ කියන කිසිම කරුණක් සලකා බැලීමට ආණ්ඩුවේ 7 දෙනා උනන්දු වුණේ නැහැ. සියලූ විරෝධතා ප‍්‍රතික්ෂේප කළා. නීති විරෝධී ලෙස කාරක සභාව විසින් ලේඛන කැඳෙව්වා. හැම ලේඛනයක්ම කැඳවා ඇත්තේ බණ්ඩාරනායක මහත්මියට අභූත චෝදනා නගා ඇය වැරදිකාරිය කිරීමටයි. ඒ මදිවාට කාරක සභාවේ සිටි ඩිලාන් පෙරේරා, විමල් වීරවංශ වැනි අයගේ අශිෂ්ට පහත් අවලාද කතාවලට මුහුණ දෙන්නටද ඇයට සිදුවුණා. ‘පිස්සු ගෑනි, අපි මේ නෝනව මෙතන තියාගෙන මඩවනවා, බබා-නෑ බාබා හුකුන්, උසාවියේ නාඩගම් නටනවා, මෙයාට ඇඩම්ලා ගොඩක් ඉන්නවා, බබා වගේ හිටියට බබා වගේ වැඩ නෑ.’ ඒ එවැනි අවලාද කතා කිහිපයක්.


කාරක සභාව දිගින් දිගටම පීඩාකාරී ලෙසත්, ඒකපාර්ශ්වික ලෙසත්, නීති විරෝධී ලෙසත් තමා වැරදිකාරිය කිරීමේ තනි වුවමනාවෙන්ම කටයුතු කරන බව පෙනීගිය නිසා එක් අවස්ථාවකදී, කාරක සභාව වර්ජනය කරන්නට ආචාර්ය බණ්ඩාරනායකත් ඇගේ නීතිඥ මණ්ඩලයත් තීරණය කළා. ඒ දෙසැම්බර් 7 වැනිදා පස්වරුවේ.


‘අපි සම්පූර්ණයෙන්ම නිර්දෝෂියි. අපි මේ චෝදනා ප‍්‍රතික්ෂේප කරලා තියෙන්නේ. අපට හංගන්ඩ කිසිම දෙයක් නැහැ. සාධාරණ අපක්ෂපාතී නඩු විභාගයක් තිබුණොත් අපි නිදහස් වෙන බවට ඒකාන්ත විස්වාසයක් තියෙනවා. නඩුව පවරලා නඩුව අසන පුද්ගලයෝ නැති අපක්ෂපාති නඩු විභාගයකට ඉදිරිපත් වෙන්ඩ අපි තවමත් කැමැත්තෙන් ඉන්නේ. මේ කාරණා හින්දා සර්, මේ විමර්ශනයට අපට තවදුරටත් සහභාගි වෙන්න බැහැ. ඒ නිසා අපි මේ පාර්ලිමේන්තු විශේෂ කාරක සභාව වර්ජනය කරනවා.’ ඇගේ නීීතිඥ රොමේෂ් ද සිල්වා දැනුම් දුන්නා.


ඇය නැතිව කාරක සභාව විභාගය ඉදිරියට ගෙනගියා. ඒ අතර අගවිනිසුරු නිල නිවස පිහිටා තිබෙන බෞද්ධාලෝක මාවතේ විජේරාම මාවත පටන්ගන්නා තැන, නිල නිවෙසේ තාප්පයට පිටින් පදික වේදිකාවේ ‘මාකි’ ටෙන්ට් එකක් ගසා පිරිසක් එහි සිට මහ හඬින් ගීත වාදනය කරමින් සිත්සේ සතුටු වුණා. ඊට වරින්වර කාරක සභාවේ සභාපති, සාමාජික මන්තී‍්‍රවරුන් මෙන්ම ආණ්ඩුවේ වෙනත් මැති ඇමතිවරුද ආවා ගියා ඊට අඩි දෙකතුනක් එහායින් පොලිස්පතිගේ නිල නිවෙස තිබුණත්, අධි ආරක්ෂිත කලාපයක සිදුවන මේ බාධාකිරීම් හා විගඩම් ගැන කිසිම පියවරක් ගැනුණේ නැහැ.


‘සම්පූර්ණ විමර්ශනයම අතිදක්ෂ විදියට අධිවේගීව අවසන් කරලා. වාර්තාවේ කෙටුම්පත ලියපු කෙනාට කාර්ය සටහන්, ලේඛන, සාක්ෂි ඔක්කෝම කියවලා බලලා ඒක ලියන්ඩ තිබිලා තියෙන්නේ පැය 10කටත් අඩු කාලයක්. මුද්‍රණය කරපු වාර්තාවේ පිටු 1575ක් තිබුණා. ඒක වෙළුම් දෙකක් විදියට තිබුණේ. කාරක සභාවේ වාර්තාව පිටු 31යි. දෙසැම්බර් 8 වැනිදා කාරක සභාවේ සභාපති, කමිටුවේ කාර්යභාරය අවසන් කළා..’


2013 ජනවාරි 12 වැනිදා තමා අගවිනිසුරු ධුරයෙන් වහාම ක‍්‍රියාත්මක වන පරිදි ඉවත් කරන ලෙසට නියෝග කරන ජනාධිපති මහින්ද රාජපක්ෂ මහතාගේ ලිපිය ෂිරාණි බණ්ඩාරනායක මහත්මියට ලැබුණා.


ඒ විස්තරය, තමන් අකමැති තීන්දු දුන් අගවිනිසුරුවරියක් තනතුරෙන් පන්නා දැමීමට ඒ කාලයේ ප‍්‍රසිද්ධියේම පාර්ලිමේන්තුව තුළදී පියවර ගත් හැටියි.


අනෙක් කතාව ඊවා වනසුරන්දර මහත්මියගේ. ඇය ප‍්‍රංශයේ සහ යුනෙස්කෝවේ ශ‍්‍රී ලංකා තානාපති හැටියට යවන්නට ජනාධිපති ගෝඨාභය රාජපක්‍ෂ තීරණය කර තිබෙනවා. මෛත‍්‍රීපාල සිරිසේන ජනාධිපතිවරයා දුන් පත්වීම් මත විවිධ රටවල තානාපති නිලධාරීන් හැටියට කටයුතු කළ පිරිසක් අලූත් ආණ්ඩුව විසින් නැවත කැඳවා ඇති බව ‘දේශපාලන පත්වීම් ලැබුණු තානාපතිවරුන් කැඳවයි’ යනුවෙන් පොල්ගෙඩි අකුරෙන් පළකළ සිංහල පත්තර, මේ අලූත් දේශපාලන පත්වීම් ගැන දැන් කිසිවක් ලියන්නේ නැහැ. ඊවා වනසුන්දර මහත්මියගේ තානාපති පත්වීම දේශපාලන පත්වීමක් පමණක් නෙවෙයි, නීතිපති තනතුරේ සිටියදී ශ්‍රේෂ්ඨාධිකරණ විනිසුරුවරියක හැටියට ඇය පත්කිරීමත් මහින්ද රාජපක්‍ෂ ජනාධිපතිගේ සමීප හිතවත්කම මත වුණු දෙයක්.


2014 ජූලි මස 6 වැනිදා ‘දේශය’ පුවත්පතට වනසුන්දර මහත්මිය දුන් සම්මුඛ සාකච්ඡුාවකදී මහත් අභිරුචියෙන් පැහැදිලි කර තිබුණේ ඇය සහ හිටපු ජනාධිපති රාජපක්‍ෂ අතර පැවැති හා තවමත් පවතින සමීප මිත‍්‍ර සම්බන්ධය ගැනයි. නීතිපති දෙපාර්තමේන්තුවේ සිට ‘ගෙදර යන ගමන්’ අරලියගහ මන්දිරයට ගිය විට හිටපු ජනාධිපතිවරයා තමන්ට ඉතාම මිත‍්‍රශීලීව ශ්‍රේෂ්ඨාධිකරණ විනිසුරු ධුරයක් ප‍්‍රදානය කළ ආකාරය ඇය එම සාකච්ඡුාවේදී පැහැදිලි කර තිබුණා. එසේ ශ්‍රේෂ්ඨාධිකරණ විනිසුරු පදවිය ලත් ඇය, මහින්ද රාජපක්‍ෂ ජනාධිපතිගේ මල්ලී ගෝඨාභය රාජපක්‍ෂ මහතාගේ මූලික අයිතිවාසිකම් පෙත්සමක් විභාග කර ඔහු අත්අඩංගුවට ගැනීමෙන් වැළැක්වීමේ නියෝගයක් පොලිසියට දුන්නා.


එම විනිසුරු මණ්ඩලයට නම්කර තිබුණු තිදෙනා සරත් ආබෲ, බුවනෙක අලූවිහාරේ හා ඊවා වනසුන්දර යන මහත්ම මහත්මීන්. පෙත්සම සලකා බැලීම ආරම්භ කළ වහාම බුවනෙක අලූවිහාරේ විනිසුරුවරයා, පෞද්ගලික හේතු මත එම නඩුවෙන් ඉවත්වන බව කීවා. වනසුන්දර මහත්මියද කළ යුතුව තිබුණේ එයයි. තමාගේ සමීපතම මිත‍්‍රයකු වූද, තමන්ට ශ්‍රේෂ්ඨාධිකරණ විනිසුරු ධුරයක් ප‍්‍රදානය කළා වූද ජනාධිපති රාජපක්‍ෂගේ සහෝදරයාගේ නඩුව ඇසීමෙන් ඉවත්වීම ඇය ගත යුතුව තිබූ තීරණයයි. එහෙත් එසේ නොකළ ඇය, සරත් ආබෲ විනිසුරු සමග එකතුවී පෙත්සම විමසා ගෝඨාභය අත්අඩංගුවට ගත නොහැකි බවට අතුරු තහනමක් පැනවූවා. සාමාන්‍යයෙන් නඩුවක කිසියම් පාර්ශ්වයක් සමග තමාගේ හිතමිතුරු හෝ පසමිතුරු සම්බන්ධයක් පවතින විට විනිසුරුවරුන් අනුගමනය කරන්නේ එම නඩුව ඇසීමට සහභාගි නොවීමේ පිළිවෙතයි. එහෙත් ඊවා වනසුන්දර මහත්මිය ඒ පිළිවෙත කඩකළා.


දැන් ඇයට ගෝඨාභය රාජපක්‍ෂ මහතා විසින්ම ප‍්‍රංශයේ තානාපති ධුරය ප‍්‍රදානය කර තිබෙනවා.
රන්ජන් රාමනායක වැනි පුද්ගලයකු අධිකරණයට බලපෑම් කළායැයි කියමින් අධිකරණයේ ස්වාධීනත්වයට එරෙහි බොරු ප‍්‍රවාද අද පතුරන මේ ආණ්ඩුවේ අය, අතීතයෙන් ඇහෙන මේ කතා දෙක මතක් කරගන්නවා නම් හොඳයි නේද?

හරිප‍්‍රිය අමරසේකර