අපරාධ පරීක්ෂණ දෙපාර්තමේන්තුවේ නියෝජ්ය පොලිස්පති ශානි අබේසේකර, මහජන ආරක්ෂක අමාත්යාංශයේ ලේකම් රවී සෙනෙවිරත්න සහ පූජ්ය සිරිල් ගාමිණී පියතුමා අධිකරණයට අපහාස කළ බවට චෝදනා කරමින් ගොනුකර තිබූ පෙත්සම් දෙකක් ශ්රේෂ්ඨාධිකරණය විසින් ප්රතික්ෂේප කර තිබේ.
විශ්රාමික ගුවන් හමුදා නිලධාරියෙකු වන ශාන්ත ජයතිලක මහතා විසින් මෙම පෙත්සම් දෙක ගොනුකර තිබිණි. ඉන් එක් පෙත්සමකින් චෝදනා කර තිබුණේ ශානි අබේසේකර සහ රවී සෙනෙවිරත්න යන මහත්වරුන් මීට පෙර ශ්රේෂ්ඨාධිකරණයට ඉදිරිපත් කළ දිවුරුම් ප්රකාශයක් මගින් අධිකරණයට අපහාසයක් සිදුකර ඇති බවයි.
අනෙක් පෙත්සමෙන් පූජ්ය සිරිල් ගාමිණී පියතුමා අපරාධ පරීක්ෂණ දෙපාර්තමේන්තුවට ඉදිරිපත් කළ පැමිණිල්ලේ අන්තර්ගත කරුණු මගින් අධිකරණයට අපහාසයක් සිදුකර ඇති බවට චෝදනා කර තිබිණි. ඒ අනුව එම පෙත්සම් දෙකම විභාගයට නොගෙනම ප්රතික්ෂේප කිරීමට ශ්රේෂ්ඨාධිකරණය නියෝග කර තිබේ.
