නීතිවිරෝධී ලෙස උපයාගත් බව කියන රුපියල් මිලියන 57කට ආසන්න මුදලක් බැංකු ගිණුම් තුනක තැන්පත් කිරීම සම්බන්ධයෙන් මුදල් විශුද්ධිකරණය වැළැක්වීමේ පනත යටතේ යෝෂිත රාජපක්ෂ සහ ඩේසි ෆොරස්ට් යන මහත්ම මහත්මීන්ට එරෙහිව පවරා ඇති නඩුව නොවැම්බර් 3 වැනිදා පූර්ව නඩු විභාග සම්මන්ත්රණයක් සඳහා කැඳවීමට කොළඹ මහාධිකරණය අද (28) නියෝග කර ඇත.
නඩුව අද කැඳවූ අවස්ථාවේදී යෝෂිත රාජපක්ෂ මහතා අධිකරණය හමුවේ පෙනී සිට ඇති අතර දෙවැනි විත්තිකාරිය වන ඩේසි ෆොරස්ට් මහත්මිය අද අධිකරණය හමුවේ පෙනී නොසිටි අතර, ඇය වෙනුවෙන් පෙනී සිටි ජනාධිපති නීතිඥ අනිල් සිල්වා මහතා ඇයගේ වෛද්ය වාර්තාවක් අධිකරණයට ඉදිරිපත් කර ඇත.
නීතිවිරෝධී ලෙස උපයාගත් බවට චෝදනා කෙරෙන මුදල් බැංකු ගිණුම් තුනක තැන්පත් කිරීමෙන් මුදල් විශුද්ධිකරණය වැළැක්වීමේ පනත යටතේ වරදක් සිදුකර ඇති බවට විත්තිකරුවන්ට චෝදනා එල්ල වී තිබේ.
