මෙවැනි ක්රමවේදයක් යටතේ තෝරාගත් චිත්රපටයක් ශ්රී ලංකාව නියෝජනය කරන පළමු අවස්ථාව මෙය බවද මහදිවුල්වැව මහතා සඳහන් කර ඇත.
අශෝක හඳගම, රවීන්ද්ර ගුරුගේ, අනෝමා රාජකරුණා, විසාකේස චන්ද්රසේකරම්, චිත්රපට විචාරක අරුණ ගුණරත්න, සංගීතඥ ලක්ෂ්මන් ජෝසෆ් ද සරම් සහ සිනමා උළෙල සම්බන්ධීකාරක උදිත ලක්මාල් කහඳවාරච්චි යන සිනමා ක්ෂේත්රයේ ප්රවීණයන්ගෙන් ජාතික ඔස්කාර් තේරීම් කමිටුව සමන්විත විය.
මෙවර චිත්රපට හයක් කමිටුව විසින් සලකා බලා ඇති අතර ඒ අතර සිංහල චිත්රපට පහක් සහ දෙමළ චිත්රපටයක් ඇතුළත් වී තිබිණි. එම චිත්රපට වන්නේ සංජීව පුෂ්පකුමාරගේ ‘Vihanga Premaya (Peacock Lament)’, චත්ර වීරමන්ගේ ‘Ayu’, චමින්ද ජයසූරියගේ ‘Father’, සුකීර්තන් ක්රිස්තුරාජා සහ ජෙනෝසන් රාජේස්වරගේ ‘Anthony’, ලලිත් රත්නායකගේ ‘Riverstone’ සහ දිල්ෂාර ජයමාන්නගේ ‘Cricket Sadu’ යන චිත්රපටයි.
ඇකඩමි නීති යටතේ සුදුසුකම් සපුරා ඇති බවට චිත්රපට හතරක් හඳුනාගෙන ඇති අතර, ඉන් ‘Riverstone’ සහ ‘Father’ අවසන් තරගකරුවන් දෙදෙනා ලෙස තෝරාගෙන තිබුණු බවත් ‘Riverstone’ චිත්රපටය 99 වැනි ඔස්කාර් සම්මාන උළෙල සඳහා ශ්රී ලංකාවේ නිල ඉදිරිපත් කිරීම ලෙස තෝරාගෙන ඇති බවත් ඒ මහතා පවසා තිබිණි.
