එයාර්බස් ගුවන් යානා මිලදී ගැනීමේදී ශ්රී ලංකන් ගුවන් සේවයට අදාළව ඇමෙරිකානු ඩොලර් මිලියන 2ක අල්ලසක් ගෙවූ බව කියන සිද්ධිය සම්බන්ධයෙන් සැකකාර කපිල චන්ද්රසේන මහතාගේ බිරිඳට ඇපකරුවන් ලෙස ඉදිරිපත් වූ හිටපු ශ්රී ලංකා ක්රිකට් ක්රීඩක අරවින්ද ද සිල්වා මහතා සහ ඔහුගේ බිරිඳට එරෙහිව සැප්තැම්බර් 16 දින නිකුත් කළ අත්අඩංගුවට ගැනීමේ වරෙන්තු අද (17) යළි කැඳවීමට කොළඹ කොටුව මහේස්ත්රාත් පසන් අමරසේන මහතා නියෝග කළේය.
අරවින්ද ද සිල්වා මහතා සහ ඔහුගේ බිරිඳ වෙනුවෙන් පෙනී සිටි නීතිඥවරුන් අද මෝසමක් මගින් අධිකරණයට කරුණු ඉදිරිපත් කර තිබුණු අතර එහිදී ඔවුන් සඳහන් කර ඇත්තේ අරවින්ද ද සිල්වා මහතාගේ මවගේ අවමංගල්ය කටයුතු හේතුවෙන් ඊයේ අධිකරණය හමුවේ පෙනී සිටීමට නොහැකි වූ බවයි.
එම කරුණු සලකා බැලූ කොළඹ කොටුව මහේස්ත්රාත්වරයා අරවින්ද ද සිල්වා මහතාට සහ ඔහුගේ බිරිඳට එරෙහිව ඊයේ නිකුත් කළ අත්අඩංගුවට ගැනීමේ වරෙන්තු යළි කැඳවීමට නියෝග කර තිබිණි.
