2012 වසරේදී මුතුවැල්ල ධීවර වරාය පෞද්ගලික සමාගමකට බදු දීමෙන් රජයට මූල්ය පාඩුවක් සිදු කළ බවට චෝදනා කරමින් හිටපු ධීවර අමාත්ය රාජිත සේනාරත්න මහතා ඇතුළු විත්තිකරුවන් තිදෙනෙකුට එරෙහිව පවරා ඇති නඩුව අද (14) කොළඹ මහාධිකරණය හමුවේ යළි විභාගයට ගනු ලැබීය.
කොළඹ මහාධිකරණ විනිසුරු මොහොමඩ් මිහායිල් මහතා හමුවේ නඩුව විභාගයට ගත් බව අද දෙරණ වාර්තාකරු සඳහන් කළේය.
එහිදී පැමිණිල්ල විසින් කැඳවන ලද සාක්ෂිකරුවන්ගෙන් සාක්ෂි සටහන් කරගැනීම සිදු වූ අතර අනතුරුව විත්තියේ නීතිඥවරුන් විසින් එම සාක්ෂිකරුවන්ගෙන් හරස් ප්රශ්න විමසන ලදී. වැඩිදුර නඩු විභාගය නොවැම්බර් 17 වැනිදා දක්වා කල් තැබීමට අධිකරණය නියෝග කළේය.
