ශ්රී ලංකා මුස්ලිම් කොංග්රසය නියෝජනය කරන ජාතික ලැයිස්තු පාර්ලිමේන්තු මන්ත්රී එම්.එස්. අබ්දුල් වහීඩ් මහතා අද (14) සිට බලපැවැත්වෙන පරිදි පාර්ලිමේන්තු මන්ත්රී ධුරයෙන් ඉල්ලා අස්වී තිබේ.
ඒ අනුව, අබ්දුල් වහීඩ් මහතා සිය ඉල්ලා අස්වීම පාර්ලිමේන්තුවේ වැඩබලන මහ ලේකම් හංසා අබේරත්න මහත්මිය වෙත නිල වශයෙන් භාරදී ඇත. වැඩබලන මහ ලේකම්වරිය විසින් මැතිවරණ කොමිෂන් සභාවේ සභාපතිවරයා වෙත යොමු කළ ලිපියක් මගින් තහවුරු කර ඇත්තේ එම්.එස්. අබ්දුල් වහීඩ් මහතා සැප්තැම්බර් 14 වැනිදා සිට බලපැවැත්වෙන පරිදි පාර්ලිමේන්තු මන්ත්රී ධුරයෙන් ඉල්ලා අස්වී ඇති බවයි.
ඒ අනුව දසවැනි පාර්ලිමේන්තුවේ ජාතික ලැයිස්තු මන්ත්රී ධුරයක් පුරප්පාඩු වී ඇති බව පාර්ලිමේන්තුවේ වැඩබලන මහ ලේකම්වරිය විසින් මැතිවරණ කොමිෂන් සභාව වෙත නිල වශයෙන් දැනුම් දී තිබේ. 1981 අංක 1 දරන පාර්ලිමේන්තු මැතිවරණ පනතේ 64(5) වගන්තිය යටතේ මෙම දැනුම්දීම සිදුකර ඇත.
අදාළ පුරප්පාඩුව පිරවීම සඳහා නීතියේ ප්රතිපාදන අනුව අවශ්ය ඉදිරි ක්රියාමාර්ග මැතිවරණ කොමිෂන් සභාව විසින් ගැනීමට නියමිතය.
