පාර්ලිමේන්තු මන්ත්රී රවී කරුණානායක මහතාට අල්ලස් හෝ දූෂණ චෝදනා විමර්ශන කොමිෂන් සභාව හමුවේ පෙනී සිටින ලෙස දැනුම් දී තිබියදී එම දැනුම්දීමට අනුව ඔහු කොමිසම හමුවේ පෙනී නොසිටීම හේතුවෙන් කොමිසමේ නිලධාරීන් කණ්ඩායමක් අද (29) ඔහුගේ නිවස වෙත ගොස් ඇත.
කොළඹ, පාර්ලිමේන්තු පාරේ පිහිටි රවී කරුණානායක මහතාගේ නිවස වෙත අල්ලස් කොමිසමේ නිලධාරීන් කණ්ඩායමක් මෙලෙස පැමිණ ඇත.
මන්ත්රීවරයාට අදාළ විමර්ශනයක් සම්බන්ධයෙන් ප්රකාශයක් ලබාගැනීම හෝ අවශ්ය කරුණු විමසීම සඳහා අල්ලස් කොමිසම හමුවේ පෙනී සිටින ලෙස මීට පෙර දැනුම් දී තිබූ බව සඳහන් වේ. කෙසේ වෙතත් එම දැනුම්දීම අනුව රවී කරුණානායක මහතා කොමිසම හමුවේ පෙනී නොසිටීම හේතුවෙන් ඔහු සම්බන්ධයෙන් ඉදිරි පියවරක් ලෙස කොමිසමේ නිලධාරීන් ඔහුගේ නිවසට ගොස් ඇති බව වාර්තා වේ.
