හිටපු රාජ්‍ය බුද්ධි සේවා අධ්‍යක්ෂ, විශ්‍රාමික මේජර් ජනරාල් සුරේෂ් සලේ මහතා මාධ්‍යවේදී ප්‍රගීත් එක්නැලිගොඩ පැහැරගෙන යාම හා බලහත්කාරයෙන් අතුරුදන් කිරීම සම්බන්ධ නඩුවේ සාක්ෂි ලබාදීම සඳහා කොළඹ ස්ථිර ත්‍රිපුද්ගල මහාධිකරණ විනිසුරු මඬුල්ල හමුවට ඉදිරිපත් කර තිබේ.
අපරාධ පරීක්ෂණ දෙපාර්තමේන්තුවේ නිලධාරීන් විසින් සුරේෂ් සලේ මහතා අධිකරණයට රැගෙන එනු ලැබූ අතර ප්‍රගීත් එක්නැලිගොඩ මහතා අතුරුදන් කිරීම සම්බන්ධයෙන් විභාග වන නඩුවට අදාළව සාක්ෂි ලබාදීම සඳහා ඔහු මෙලෙස අධිකරණයට ඉදිරිපත් කර තිබේ.
