දැනට ක්රියාත්මක ත්රස්තවාදය වැළැක්වීමේ (තාවකාලික විධිවිධාන) පනත වෙනුවට නව නීතිමය රාමුවක් හඳුන්වාදීම සඳහා වන ‘ත්රස්තවාදයෙන් රාජ්යය ආරක්ෂා කිරීමේ පනත් කෙටුම්පත’ ගැසට් පත්රයේ පළ කර පාර්ලිමේන්තුවට ඉදිරිපත් කිරීමට කැබිනට් මණ්ඩලය අනුමැතිය ලබාදී ඇත.
1979 අංක 48 දරන ත්රස්තවාදය වැළැක්වීමේ (තාවකාලික විධිවිධාන) පනත මගින් දැනට පවතින නීතිමය රාමුව වෙනුවට මෙම නව පනත් කෙටුම්පත හඳුන්වාදීමට යෝජනා කර ඇති අතර පවතින නීතියේ හඳුනාගෙන ඇති අඩුපාඩු සහ ගැටලුද නව නීතිය මගින් විසඳීමට අපේක්ෂා කරන බව කැබිනට් තීරණයේ සඳහන් වේ.
නව නීති සම්පාදනය සඳහා මූලික කෙටුම්පතක් සකස් කිරීමට තාක්ෂණික විශේෂඥ කමිටුවක් පත් කර තිබූ අතර එම කමිටුව විසින් සකස් කළ මූලික කෙටුම්පත පදනම් කරගෙන යෝජිත පනත් කෙටුම්පත සකස් කර තිබේ.
නව නීති සම්පාදනය හඳුන්වාදීම සඳහා ප්රතිපත්තිමය අනුමැතිය 2026 අගෝස්තු 10 වැනිදා පැවති කැබිනට් මණ්ඩල රැස්වීමේදී ලබාදී ඇත.
නීති කෙටුම්පත් සම්පාදකවරයා විසින් සකස් කරන ලද පනත් කෙටුම්පත සඳහා නීතිපතිවරයාගේ අනුමැතියද ලැබී තිබේ.
ඒ අනුව, නව පනත් කෙටුම්පත පාර්ලිමේන්තුවේ සලකා බලා අනුමැතිය ලබාගැනීමට පෙර රජයේ ගැසට් පත්රයේ පළ කිරීමට අධිකරණ සහ ජාතික ඒකාබද්ධතා අමාත්යවරයා විසින් ඉදිරිපත් කළ යෝජනාවට කැබිනට් මණ්ඩලය අනුමැතිය ලබාදී තිබේ.
යෝජිත පනත් කෙටුම්පත ගැසට් කිරීමෙන් අනතුරුව පාර්ලිමේන්තු ක්රියාවලිය ඔස්සේ ඉදිරියට ගෙන යාමට නියමිතය.
