යෝජිත 22 වැනි ආණ්ඩුක්රම ව්යවස්ථා සංශෝධන පනත් කෙටුම්පත ආණ්ඩුක්රම ව්යවස්ථාවට පටහැනි බවට තීන්දුවක් ලබාදෙන ලෙස ඉල්ලා ශ්රේෂ්ඨාධිකරණය හමුවේ ශ්රී ලංකා නීතිඥ සංගමයේ භාණ්ඩාගාරික ටී.එම්.එස්. පසිඳු සිල්වා මහතා සහ එහි සහකාර ලේකම්වරයා විසින් මෙම පෙත්සම ගොනු කර ඇත.
යෝජිත පනත් කෙටුම්පත සම්මත කිරීමට නම් පළමුව පාර්ලිමේන්තුවේ මන්ත්රීවරුන්ගෙන් තුනෙන් දෙකක බහුතරයකගේ අනුමැතිය ලබාගත යුතු බවත්, ඉන් අනතුරුව ජනමත විචාරණයකදී ජනතාවගේ අනුමැතිය ලබාගත යුතු බවත් පෙත්සම්කරුවන් ශ්රේෂ්ඨාධිකරණයෙන් ඉල්ලා තිබේ.
යෝජිත සංශෝධනයේ අන්තර්ගත විධිවිධාන අනුව පනත් කෙටුම්පත නීත්යානුකූලව සම්මත කිරීමට පාර්ලිමේන්තු තුනෙන් දෙකක බහුතර අනුමැතියට අමතරව ජනමත විචාරණයක අනුමැතියද අවශ්ය බව පෙත්සම්කරුවන්ගේ තර්කය වී තිබේ. අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාර මහතා විසින් 22 වැනි ආණ්ඩුක්රම ව්යවස්ථා සංශෝධන පනත් කෙටුම්පත සහ අධිකරණ සංවිධාන (සංශෝධන) පනත් කෙටුම්පත අගෝස්තු 18 දින පාර්ලිමේන්තුවට ඉදිරිපත් කර තිබේ.
අදාල යෝජිත 22 වැනි ආණ්ඩුක්රම ව්යවස්ථා සංශෝධන පනත් කෙටුම්පත පසුගිය අගෝස්තු 7 වැනිදා ගැසට් කර තිබිණි. යෝජිත 22 වැනි ආණ්ඩුක්රම ව්යවස්ථා සංශෝධනය සම්මත වුවහොත් ශ්රේෂ්ඨාධිකරණ විනිසුරුවරුන්ගේ විශ්රාම වයස අවුරුදු 65 සිට 67 දක්වාත්, අභියාචනාධිකරණ විනිසුරුවරුන්ගේ විශ්රාම වයස අවුරුදු 63 සිට 65 දක්වාත් දීර්ඝ කිරීමට යෝජනා කර තිබේ.
