දූෂණ චෝදනා සම්බන්ධයෙන් රක්ෂිත බන්ධනාගාරගත කර සිටි හිටපු අමාත්ය අකිල විරාජ් කාරියවසම් මහතා සහ ඔහුට අයත් ඉන්ධන පිරවුම්හලේ සේවකයෙකු ඇප මත මුදාහැරීමට කොළඹ මහේස්ත්රාත් අධිකරණය අද (18) නියෝග කර තිබේ.
කොළඹ ප්රධාන මහේස්ත්රාත් අසංග එස්. බෝදරගම මහතා විසින් මෙම නියෝගය ලබාදී ඇත්තේ අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් සහ සැකකරුවන් වෙනුවෙන් පෙනී සිටි නීතිඥවරුන් ඉදිරිපත් කළ කරුණු සලකා බැලීමෙන් අනතුරුවය. ඒ අනුව එක් සැකකරුවෙකුට රුපියල් මිලියන 5 බැගින් වූ පෞද්ගලික ඇපකරුවන් දෙදෙනෙකු මත මුදාහැරීමට අධිකරණය නියෝග කර තිබේ. එමෙන්ම සැකකරුවන් දෙදෙනාටම විදේශගත වීම තහනම් කරමින් සංචාරක තහනමක්ද පනවා තිබේ.
දූෂණ චෝදනා සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් සිදුකරන විමර්ශනයකට අදාළව හිටපු අමාත්ය අකිල විරාජ් කාරියවසම් මහතා සහ ඔහුගේ ඉන්ධන පිරවුම්හලේ සේවකයා රක්ෂිත බන්ධනාගාරගත කර තිබිණි.
