දිට්වා සුළි කුණාටුව හේතුවෙන් සිදුවූ මහජන සේවාවන් බිඳවැටීම යථා තත්වයට පත්කරනුවස් ජනාධිපති අනුර දිසානායක විසින් ප්රකාශයට පත් කරන ලද මහජන හදිසි අවස්ථා තත්ත්වය පස්වන වරටත් තවත් මසකින් දීර්ඝ කර තිබේ .
ජනාධිපතිවරයාගේ නියමය පරිදි ජනාධිපති ලේකම් ආචාර්ය නන්දික සනත් කුමනායක විසින් ඊට අදාළ ගැසට් නිවේදනය අප්රේල් 28 දින නිකුත් කර තිබුණ අතර මෙම මහජන හදිසි අවස්ථාව ප්රකාශයට පත්කරමින් රාජ්ය ආයතන ගණනාවක සේවාවන් අත්යාවශ්ය සේවා බවට පත් කර ඇත.
ඒ අනුව රාජ්ය සංස්ථා, දෙපාර්තමේන්තු, පළාත් පාලන ආයතන මෙන්ම සමූපාකාර සමිති මගින් සපයනු ලබන සේවාවන් ද, විදුලි බලය සැපයීම සම්බන්ධ සියලු සේවාවන්, ඛනිජ තෙල් නිෂ්පාදන, ගෑස් ඇතුළු ඉන්ධන බෙදාහැරීම්, සෞඛ්ය සේවාවට අදාළ සියලු සේවාවන්, පොදු ගමනාගමන සේවා ඇතුළු සේවාවන් රැසක් අත්යවශ්ය සේවා ලෙසින් නම්කර ඇත.
දිට්වා සුළි කුණාටුව සමග ඇති වූ ආපදා තත්ත්වය සැළකිල්ලට ගනිමින් 2025 නොවැම්බර් 28 දින රජය විසින් මහජන හදිසි අවස්ථා තත්ත්වය ප්රකාශයට පත්කළ අතර ඉන් අනතුරුව 2025 දෙසැම්බර් මාසයේද, 2026 වර්ෂයේ ජනවාරි, පෙබරවාරි සහ මාර්තු මාසවලදී අදාල මහජන හදිසි අවස්ථා තත්වය පස්වන වරටත් දීර්ඝ කර ඇත.
අරුණ ලක්ෂ්මන් ප්රනාන්දු
