ලංකා කම්කරු කොංග්‍රසයට ජයග්‍රහණය ලැබී ඇතත් බලය පිහිටුවීමට බහුතරය නොමැති නුවරඑළිය දිස්ත්‍රික්කයේ පළාත් පාලන ආයතන කිහිපයක බලය ලබාගැනීම සඳහා පාර්ලිමේන්තු මන්ත්‍රී ජීවන් තොන්ඩමාන්, පාර්ලිමේන්තු මන්ත්‍රී පලනි දිගම්බරම් සමඟ සාකච්ඡා කරමින් සිටින බව වාර්තාවේ.
එම පළාත් පාලන ආයතන සඳහා පලනි දිගම්බරම් මහතාට අයත් පක්ෂයේ සාමාජිකයින් සමගි ජන බලවේගය යටතේ තරග කර ඇත. ඔවුන් එම පළාත් පාලන ආයතන සඳහා තේරී පත්වී තිබේ.
නගරාධිපති හා සභාපති තනතුරු එම පක්ෂ දෙකේ සාමාජිකයින් අතර බෙදා ගැනීම සම්බන්ධයෙන්ද මෙම සාකච්ඡාවලදී කතාකර තිබේ.
මේ ආකාරයට සාකච්ඡා පවත්වන්නේ නෝර්වුඩ්, ආගරපතන, කොටගල, මස්කෙළිය, නුවරඑළිය යන ප්‍රාදේශීය සභා සභ හැටන් දික්ඔය නගර සභාව සඳහා බව වාර්තාවේ.
ඒ අතරින් නෝර්වුඩ් හා කොටගල යන ප්‍රාදේශීය සභාවල වැඩිම ඡන්ද ලබාගෙන ජයග්‍රහණය කර ඇත්තේ ලංකා කම්කරු කොංග්‍රසයයි. එම සභාවල ලැබී ඇති සභික ධුර සංඛ්‍යාවෙන් ලංකා කම්කරු කොංග්‍රසය හා ජාතික ජන බලවේගය සමව සිටී. එම සභා දෙකේ ඊලඟ වැඩිම සභික ධුර හිමිවී ඇත්තේ සමගි ජන බලවේගයටයි.
එමෙන්ම ආගරපතන ප්‍රාදේශීය සභාවේ ජාතික ජන බලවේගය, ලංකා කම්කරු කොංග්‍රසය හා සමගි ජන බලවේගය සම සභික ධුර සංඛ්‍යාවක් දිනා තිබේ. නුවරඑළිය ප්‍රාදේශීය සභාව ජාතික ජන බලවේගය සභිකයින් 7ක් සමගින් ජයග්‍රහණය කළද, ලංකා කම්කරු කොංග්‍රසයට සභිකයින් 6ක් හා සමගි ජන බලවේගයට සභිකයින් 5ක් ලැබී තිබේ. හැටන් දික්ඔය නගර සභාවේ ජාතික ජන බලවේගයට වඩා සමගි ජන බලවේගයට හා ලංකා කම්කරු කොංග්‍රසයට ලැබී ඇති සභික ධුර සංඛ්‍යාවේ එකතුව වැඩිවේ.
අනිද්දා වට්සැප් සමුහයට එක්වීමට පහත යොමු භාවිතා කරන්න
Group 01- https://chat.whatsapp.com/FW9ZAqXBotT5vFHZoDCIg1
Group 02 – https://chat.whatsapp.com/KLYP9OhQfhlHubxPspW3J3
Group 03 – https://chat.whatsapp.com/L9NV2gK1MfO6lUCpCyUVTZ
අනිද්දා වට්සැප් චැනලයට එක්වීමට පහත යොමුව භාවිතා කරන්න
https://whatsapp.com/channel/0029Vb7PJ8nDeON9UrGsSx0C
අනිද්දා ෆේස්බුක් චැනලයට එක්වීමට පහත යොමුව භාවිතා කරන්න
https://www.messenger.com/channel/AniddaNews
