No menu items!
27.5 C
Sri Lanka
18 November,2026

BBC¸ KEA, Zoom ඇතුළු ලොව ප්‍රධාන වෙබ් අඩවි 178කට දැවැන්ත සයිබර් ප්‍රහාරයක්

Must read

මිලියන ගණනකගේ මූල්‍ය දත්ත අවදානමේ

  • තිවංක සපරමාදු

ලොව වැඩිම පිරිසක් පිවිසෙන ප්‍රධාන පෙළේ වෙබ් අඩවි 178කට ආසන්න ප්‍රමාණයකට හැකරුන් විසින් කරන ලද අනිෂ්ට ද්වේෂසසහගත කේත (malicious code) ඇතුළත් කිරීමේ දැවැන්ත සැපයුම් දාම සයිබර් ප්‍රහාරයක් (supply-chain cyber-attack) ගැන වාර්තා වෙයි.

පරිශීලකයින්ගේ ක්‍රෙඩිට් කාඩ්පත් තොරතුරු සහ ක්‍රිප්ටෝ මුදල් සොරකම් කිරීම මෙන්ම Apple උපාංගවලට අනවසරයෙන් ඇතුළු වීම අරමුණු කරගත් මෙම ප්‍රහාරය හරහා පිටු නැරඹුම් (page visits) මිලියන 34ක පමණ ප්‍රමාණයකදී මෙම ද්වේෂසහගත කේතය ක්‍රියාත්මක වී ඇති බව සයිබර් ආරක්ෂණ විශේෂඥයෝ පෙන්වා දෙති.

තොරතුරු ආරක්ෂණ පර්යේෂණ ආයතනයක් වන Report ඹඍහි නිර්මාතෘ ස්කොට් හෙල්ම් විසින් නොවැම්බර් 16දා මෙම ප්‍රහාරය මුලින්ම අනාවරණය කරගෙන තිබේ.

ලොව ප්‍රධාන පෙළේ සමාගම් සිය වෙබ් අඩවිවල පරිශීලක අත්දැකීම් අභිරුචිකරණය (customise) කිරීමට සහ විවිධ වෙබ් අඩවි අනුවාද පරීක්ෂා කිරීමට (A/B testing) භාවිත කරන ඩිජිටල් වේදිකාවක් වන Optimizely හි සේවා මෙවලම් තුළට හැකරුන් විසින් දූෂිත ජාවාස්ක්‍රිප්ට් (JavaScript) කේතයක් ඇතුළත් කිරීමෙන් මෙම ප්‍රහාරය දියත් කර ඇත.
මෙහිදී ආයතන 178කට අයත් Optimizely ව්‍යාපෘති 188කට නොඅඩු සංඛ්‍යාවකට හානි වී ඇති බව පර්යේෂකයින් සොයාගෙන තිබේ.

“මෙය සැපයුම් දාම ප්‍රහාරයකි: එක් විශ්වාසදායක සේවා සපයන්නෙකුගේ පද්ධතියට අනවසරයෙන් ඇතුළු වූ විට, එම කේතය සෑම පාරිභෝගිකයෙකුගේම වෙබ් අඩවියකම එකවර ක්‍රියාත්මක වේ”‍යැයි ස්කොට් හෙල්ම් කියයි. කෙසේ වෙතත්, මෙම ප්‍රහාරය සඳහා කෘත්‍රිම බුද්ධිය යොදාගත් බවට කිසිදු සාක්ෂියක් හමු නොවූ බව ද ඔහු සඳහන් කළේය.

බලපෑමට ලක් වූ ප්‍රධාන ආයතන මෙම සයිබර් ප්‍රහාරයේ ගොදුරු බවට පත් වූ වෙබ් අඩවි අතර ලොව පුරා මිලියන සංඛ්‍යාත ජනතාවක් දෛනිකව භාවිත කරන ආයතන රැසක් ඇතුළත් වේ:

මාධ්‍ය සහ විනෝදාස්වාද:( BBC, CNN, Fox News, Peacock ස්ට්‍රීමිං සේවාව
තාක්ෂණ සහ මෘදුකාංග: Zoom වීඩියෝ සන්නිවේදන වේදිකාව, Salesforce, GitLab
බැංකු සහ මූල්‍ය: එක්සත් අරාබි එමීර් රාජ්‍යයේ HSBC බැංකුව, Equifax ණය වාර්තාකරණ ආයතනය, Ledger ක්‍රිප්ටෝ පසුම්බි නිෂ්පාදක ගුවන් සේවා සහ වෙළෙඳ: Air France-KLM, Alaska Airlines¸ IKEA

මෙම ද්වේෂසසහගත කේතය හරහා පරිශීලකයින්ගේ ගෙවීම් කාඩ්පත් (credit / debit cards) විස්තර සොරකම් කිරීමට, ක්‍රිප්ටෝ මුදල් පසුම්බි ලිපින මාරු කිරීමට, බ්‍රව්සර් කුකීස් (cookies) සහ තිර රූ (screenshots) ලබා ගැනීමට හැකරුන් උත්සාහ කර ඇත. එමෙන්ම, පැරණි iPhone සහ iPad උපාංග අනිෂ්ට මෘදුකාංග කට්ටලයක් (exploit ) වෙත යොමු කර ඒවා තවදුරටත් අවදානමට ලක් කිරීමට ද කටයුතු කර තිබේ.

නොවැම්බර් 16 වැනිදා පැය නවයක් වැනි කෙටි කාලයක් තුළ ප්‍රහාරකයින්ගේ ක්‍රිප්ටෝ මුදල් පසුම්බි වෙත ඇමෙරිකානු ඩොලර් 7,040ක් (සිංගප්පූරු ඩොලර් 9,070ක්) පමණ ලැබී ඇති බව නිරීක්ෂණය කර ඇත. කෙසේ වෙතත්, ක්‍රෙඩිට් කාඩ්පත් අංක කොපමණ ප්‍රමාණයක් සොරකම් කර ඇත්දැයි මෙතෙක් නිශ්චය කර ගැනීමට හැකි වී නොමැත.

ද්වේෂසහගත කේතය පිටු නැරඹුම් මිලියන 6 සිට මිලියන 150 දක්වා පරාසයක (සාමාන්‍යයෙන් මිලියන 34ක පමණ) පූරණය වී තිබුණද, සැබෑ ලෙසම මුදල් හෝ දත්ත අහිමි වූ පිරිස ඊට වඩා බෙහෙවින් අඩු බව හෙල්ම් අවධාරණය කරයි.

“‍මෙහි ඇති වැදගත්ම පණිවිඩය වන්නේ ප්‍රධාන ආයතන 178කට සම්බන්ධ වෙබ් අඩවිවල ද්වේෂසහගත කේතයක් දිස්වීම නොවේ. එක් පොදු තාක්ෂණික සැපයුම්කරුවෙකු තුළ ඇති දුර්වලතාවක් හේතුවෙන්, එකිනෙකට සම්බන්ධයක් නොමැති ව්‍යාපාර සහ කර්මාන්ත හරහා සිටින පුද්ගලයින් ඔවුන් කිසිදා අපේක්ෂා නොකළ හෝ සූදානම් නොවූ ප්‍රතිවිපාකවලට නිරාවරණය විය හැකි බවයි”‍ යැයි ෂඨෑඛහි ප්‍රධාන තාක්ෂණ නිලධාරී ජෝන් වෝල්ෂ් නිව්ස්වීක් සඟරාව වෙත විද්‍යුත් තැපෑලක් යවමින් පැවසීය.

සිදුවීම අනාවරණය වීමත් සමඟ ක්‍රියාත්මක වූ Optimizely සමාගම නිවේදනයක් නිකුත් කරමින් කියා සිටියේ, තම Experimentation වේදිකාවේ තිබූ ආරක්ෂක දුර්වලතාවකින් අනවසර පාර්ශ්වයක් ප්‍රයෝජන ගෙන ඇති බවයි.

“අපි එම අනාරක්ෂිත මාර්ගය අවහිර කර, දුර්වලතාව නිවැරදි කර, බලපෑමට ලක් වූ ව්‍යාපෘතිවලින් ඇතුළත් කර තිබූ ද්වේෂසහගත කේත ඉවත් කළා. එමෙන්ම බලපෑමට ලක් වූ පාරිභෝගිකයින් සෘජුවම සම්බන්ධ කර ගැනීමට ද පියවර ගත්තා.” යැයි එම සමාගම වැඩිදුරටත් සඳහන් කළේය.

මෙම සයිබර් ප්‍රහාරය වාර්තා වූ දිනට පසුදිනම (නොවැම්බර් 17) ඇපල් සමාගමේ අභ්‍යන්තර පද්ධති, ලොව පුරා අලෙවිසැල් මෙහෙයුම් සහ පාරිභෝගිකයින්ගේ සක්‍කදමා සේවාවන් පැය කිහිපයකට බිඳවැටීමකට ලක් විය.

කෙසේ වෙතත්, එම බිඳවැටීම සයිබර් ප්‍රහාරයක ප්‍රතිඵලයක් නොවන බව ඇපල් සමාගම නිල වශයෙන් තහවුරු කර තිබේ. සමාගමේ අභ්‍යන්තර මෘදුකාංග යාවත්කාලීන කිරීමක ඇති වූ තාක්ෂණික දෝෂයක් ඊට හේතු වී ඇති අතර, මේ වන විට එම පද්ධති බොහොමයක් යථා තත්ත්වයට පත් කර ඇත.

(AFP, Newsweek සහ ජාත්‍යන්තර තාක්ෂණික මාධ්‍ය වාර්තා ඇසුරිනි)

 

- Advertisement -spot_img

පුවත්

LEAVE A REPLY

Please enter your comment!
Please enter your name here

- Advertisement -spot_img

අලුත් ලිපි