ජාතික ජන බලවේගයේ පාර්ලිමේන්තු මන්ත්‍රී චන්දන සූරියආරච්චි මහතා මාර්ග අනතුරක් සම්බන්ධයෙන් අතුරුගිරිය පොලිසිය විසින් අත්අඩංගුවට ගෙන තිබේ.
පොලිසිය සඳහන් කළේ පනාගොඩ, මැදමණ්ඩිය ප්‍රදේශයේදී මන්ත්‍රීවරයා ධාවනය කළ මෝටර් රථය මාර්ගය හරහා ගමන් කරමින් සිටි පදිකයකුගේ ගැටී මෙම අනතුර සිදුව ඇති බවය. අනතුරින් තුවාල ලැබූ 65 හැවිරිදි පදිකයා වැල්ලවාය, හුම්මන්දූව, නිවාල් කන්දුර ප්‍රදේශයේ පදිංචිකරුවකු වන අතර ඔහු ප්‍රතිකාර සඳහා හෝමාගම මූලික රෝහලට ඇතුළත් කර ඇත.
පදිකයකුට තුවාල සිදුවන පරිදි රිය අනතුරක් සිදුකිරීම සම්බන්ධයෙන් සැකපිට 50 හැවිරිදි මන්ත්‍රීවරයා අත්අඩංගුවට ගත් බව පොලිසිය සඳහන් කර ඇති අතර ඔහු කඩුවෙල මහේස්ත්‍රාත් අධිකරණයට ඉදිරිපත් කිරීමට නියමිත බව පොලිසිය වැඩිදුරටත් සඳහන් කළේය.
