අත්අඩංගුවට ගැනීමේ වරෙන්තුවක් නිකුත් කර තිබූ හිටපු අමාත්ය විමල් වීරවංශ මහතා මීට සුළු වේලාවකට පෙර කොළඹ ප්රධාන මහේස්ත්රාත් අධිකරණය හමුවේ පෙනී සිටියේය.
වීරවංශ මහතා වෙනුවෙන් පෙනී සිටි නීතිඥ මංජුල පතිරාජ මහතා අධිකරණයට දැනුම් දුන්නේ සිය සේවාදායකයාට නියමිත වේලාවට අධිකරණය හමුවේ පෙනී සිටීමට නොහැකි වී ඇත්තේ ඔහු ගමන් කළ මෝටර් රථය මඟ නතරවීම හේතුවෙන් බවයි.
ඒ අනුව තම සේවාදායකයාට එරෙහිව නිකුත් කර ඇති අත්අඩංගුවට ගැනීමේ වරෙන්තුව යළි කැඳවන ලෙස නීතිඥවරයා අධිකරණයෙන් ඉල්ලා ඇති අතර එම ඉල්ලීම මෝසමක් මගින් හෙට (22) ඉදිරිපත් කරන ලෙස කොළඹ ප්රධාන මහේස්ත්රාත් අසංග එස්. බෝදරගම මහතා විත්තියට දැනුම් දුන්නේය.
